Tag: Afghanistan

کابل: افغانستان میں امریکی جاسوس طیارے  نے گاڑی پر میزائل داغے جس کے نتیجے میں تین طالبان ہلاک ہوگئے۔

تفصیلات کے مطابق پاک افغان سرحد پر واقع افغان صوبہ پکتیکا میں امریکی جاسوس طیارے کے ایک گاڑی پر میزائل حملے میں تین طالبان ہلاک اور تین زخمی ہوگئے۔

غیر ملکی خبر رساں ادارے کا کہنا ہے کہ جاسوس طیارے کے حملے میں گاڑی مکمل طور پر تباہ ہوگئی تاہم طالبان نے واقعہ پر کسی قسم کے ردعمل کا اظہار نہیں کیا ہے اور نہ ہی اس بارے میں فوری طورپر کوئی بیان جاری کیا ہے۔

امریکی ڈرون نے اتوار کے روز مقامی وقت کے مطابق دن دن گیارہ بجے کے قریب افغان صوبہ پکتیکا کے ضلع برمل کے علاقہ باقر خیل میں ایک گاڑی پر ایک میزائل داغا جس کے نتیجے میں گاڑی میں سوار مبینہ طورپر طالبان کے تین جنگجوہلاک اور تین دیگر زخمی ہوگئے۔

ذرائع کا کہنا ہے کہ فوری طور پر ہلاک افراد کی شناخت کے بارے میں معلوم نہیں ہوسکا تاہم طالبان نے واقعہ پر کسی قسم کے ردعمل کا اظہار نہیں کیا ہے۔

یاد رہے کہ رواں ماہ کے آغاز میں افغانستان کے شمالی صوبے بغلان کے شہر پل خمری میں طالبان نے پولیس ہیڈ کوارٹر پر بارود سے بھری گاڑی کے ساتھ حملہ کیا تھا، جس میں 13 سیکورٹی اہل کار ہلاک ہوئے تھے۔

بغلان: طالبان کا بارود سے بھری گاڑی سے پولیس ہیڈکوارٹر پر حملہ، 13 ہلاک

دوسری جانب امریکا اور طالبان رہنماؤں کے درمیان مذاکرات کا سلسلہ بھی جاری ہے۔

کابل: افغان سیکیورٹی فورسز نے افغان صوبے فراہ میں آپریشن کرتے ہوئے 16 طالبان جنگجوؤں کا ہلاک کردیا۔

تفصیلات کے مطابق طالبان کی جانب سے فراہ میں قائم سیکیورٹی چیک پوسٹ پر حملہ کیا گیا، ردعمل عمل میں افغان فورسز نے علاقے میں آپریشن کرتے ہوئے سولہ شدت پسندوں کا ہلاک کردیا۔

غیر ملکی خبر رساں ادارے کا کہنا ہے کہ اس آپریشن کے دوران ایک افغان فوجی بھی ہلاک ہوا، جبکہ علاقے کا مکمل طور پر کنٹرول سنبھال لیا گیا ہے۔

البتہ طالبان کی جانب سے چیک پوسٹ پر حملے کی ذمہ داری قبول نہیں کی گئی، جبکہ افغان فوج کے ہاتھوں 16 جنگجوؤں کی ہلاکت کو بھی مسترد کردیا۔

یہ حملہ ایک ایسے وقت میں کیا گیا ہے کہ جب امریکا اور افغان طالبان کے درمیان مذاکرات کا سلسلہ بھی جاری ہے۔

غیر ملکی میڈیا نے دعویٰ کیا ہے کہ فراہ طالبان کے لیے ایک اہم علاقہ ہے کیونکہ اسے سمگلر افیون کی سمگلنگ کے لیے استعمال کرتے ہیں، طالبان نے مذکورہ صوبہ پر قبضہ گذشتہ سال مئی میں کیا۔

بغلان: طالبان کا بارود سے بھری گاڑی سے پولیس ہیڈکوارٹر پر حملہ، 13 ہلاک

خیال رہے کہ رواں ماہ کے آغاز میں افغانستان کے شمالی صوبے بغلان کے شہر پل خمری میں طالبان نے پولیس ہیڈ کوارٹر پر بارود سے بھری گاڑی کے ساتھ حملہ کیا تھا، جس میں 13 سیکورٹی اہل کار ہلاک ہو گئے تھے۔

کابل: افغانستان میں مسلح افراد کی فائرنگ کے نتیجے میں افغان ٹیلی ویژن کی معروف خاتون صحافی مینہ مینگل ہلاک ہوگئیں۔

تفصیلات کے مطابق فائرنگ کا واقعہ افغان دارالحکومت کابل میں پیش آیا جہاں وہ سڑک پر کھڑی اپنی گاڑی کے آنے کا انتظار کررہی تھیں۔

غیر ملکی خبر رساں ادارے کا کہنا ہے کہ انہوں نے طویل عرصے تک ملکی میڈیا کے لیے اپنی خدمات انجام دیں بعد ازاں انہوں نے پیشہ صحافت سے کنارہ کشی اختیار کرلی تھی، وہ بحیثیت اینکر بھی ٹی پی پر کام کرچکی ہیں۔

موٹر سائیکل سوار دو مسلح افراد نے مینہ مینگل پر اندھادھن فائرنگ شروع کردی جس کے باعث وہ موقع پر ہی ہلاک ہوگئیں، بعد ازاں انہیں اسپتال منتقل کیا گیا۔

مینہ مینگل افغانستان میں خواتین کے حقوق کے لیے آواز بلند کرتی تھیں، بالخصوص لڑکیوں کی تعلیم اور سماجی خدمات سے متعلق بھی آگاہی فراہم کرتی تھیں۔

وہ ایک نجی ٹیلی ویژن میں پریزنٹر کے طور پر ایک عشرے سے زائد عرصے تک وابستہ رہ چکی تھیں، جس کا طلوع پشتو زبان کی نجی ٹیلی ویژن چینل، ’لمر‘ اور نجی قومی ٹیلی ویژن براڈکاسٹر، ’شمشاد ٹی وی‘ سے تعلق ہے۔

قطر: امریکا اور طالبان کے درمیان مذاکرات کا چھٹا مرحلہ اختتام پذیر

غیر ملکی میڈیا نے دعویٰ کیا ہے کہ اس حملے میں طالبان ملوث ہوسکتے ہیں، اس سے قبل بھی ایسے واقعے کے پیچھے ہمیشہ افغان طالبان رہے ہیں، البتہ طالبان رہنماؤں کی جانب سے ذمہ داری قبول نہیں کی گئی۔