Tag: Afghanistan

کابل: افغانستان میں طالبان کے دہشت گرد حملے کے نتیجے میں پولیس اہلکاروں سمیت 20 سے زائد فوجی اہلکا ہلاک ہوگئے۔

تفصیلات کے مطابق افغان صوبے بادغیس میں قائم فوجی اڈے پر طالبان نے حملہ کردیا جس کے باعث پولیس اہلکاروں سمیت بیس سے زائد فوجی مارے گئے۔

غیر ملکی خبر رساں ادارے کا کہنا ہے کہ حکام نے ہلاکتوں میں اضافے کا خدشہ ظاہر کیا ہے، جس وقت حملہ کیا گیا اس وقت تقریباً 600 کے قریب سیکیورٹی اہلکار اڈے میں موجود تھے۔

افغان طالبان کی جانب سے حملے کی ذمہ داری قبول کرلی گئی جبکہ اس حملے کو فوجی چھاؤنی پر ایک بڑا حملہ تصور کیا جارہا ہے اور ہلاکتوں میں اضافے کا خدشہ ہے۔

یہ حملہ ایسی صورت حال میں کیا گیا ہے کہ جب طالبان اور امریکی نمائندے زلمے خلیل زاد کے درمیان مذاکراتی دور جاری ہے اور فریقین کی جانب سے مثبت تاثرات سامنے آرہے ہیں۔

حال ہی میں امریکی نمائندہ خصوصی برائے افغان امن عمل زلمے خلیل زاد نے افغانستان کا دورہ کیا تھا اس دوران اہم ملاقاتیں عمل میں آئی تھیں۔

خیال رہے کہ گذشتہ روز افغانستان میں امریکی ڈرون حملے میں داعش خراسان کا اہم رہنما مولوی سلیمان چار ساتھیوں کے ہمراہ مارا گیا تھا۔ جبکہ طالبان کا حملہ جوابی کارروائی ہوسکتی ہے۔

افغانستان میں امریکی ڈرون حملہ، داعش کے اہم رہنما سمیت 4 جنگجو ہلاک

یاد رہے کہ گذشتہ دنوں افغانستان میں طالبان جنگجوؤں کے حملے میں 8 پولیس اہلکار ہلاک جبکہ 4 زخمی ہوگئے تھے۔

کابل: افغانستان میں طالبان کے مختلف چیک پوسٹوں پر دہشت گرد حملوں کے نتیجے میں 28 سیکیورٹی اہلکار ہلاک ہوگئے۔

تفصیلات کے مطابق عسکریت پسندوں نے افغان صوبے قندھار، ہلمند اور فریاب میں سیکیورٹی چیک پوسٹوں کو نشانہ بنایا جس کے باعث درجنوں اہلکار مارے گئے۔

غیر ملکی خبر رساں ادارے کا کہنا ہے کہ کئی علاقوں میں سیکیورٹی اہکاروں نے جوابی کارروائی کی جس کے باعث متعدد جنگجوؤں کی بھی ہلاکتیں ہوئیں۔

حکام کی جانب سے جاری کردہ بیان میں کہا گیا ہے کہ سب سے زیادہ ہلاکتیں افغان صوبے فریاب میں ہوئیں، سیکیورٹی تنصیب پر حملےمیں 22 اہلکار مارئے گئے، جبکہ چار اہلکاروں کو طالبان نے اغوا بھی کرلیا۔

دوسری جانب صوبہ قندھار میں چار سیکیورٹی اہلکار مارے گئے، جبکہ ہلمند میں طالبان نے دو اہلکاروں کو نشانہ بنایا، حکام نے تمام ہلاکتوں کی تصدیق کرتے ہوئے علاقوں کو کلیئر قرار دیا ہے۔

خیال رہے کہ ایک جانب طالبان اور امریکا مذاکرات کی میز پر ہیں تو دوسری جانب شدت پسند کارروائیاں بھی جاری ہیں، حالیہ مذاکراتی دور کے دوران ہی درجنوں افراد مارے جاچکے ہیں۔

امریکا اور طالبان کا 2 اہم نکات پر اتفاق، افغانستان سے افواج کی واپسی زیرغور

حال ہی میں امریکی حکام نے اپنے ایک بیان میں کہا تھا کہ طالبان سے مذاکرات میں پیش رفت ہورہی ہے، دو اہم نکات پر اتفاق بھی ہوگیا ہے جس میں فوجی انخلا شامل ہے۔ اس عمل کو طے کرنے کے لیے ڈرافت تیار کی جارہی ہے۔