اسلام آباد : افغانستان سے اغوا کئے گئے پاکستانی انجینئر ملک فیض احمد کی تشدد زدہ ویڈیوز بھیج کر اغوا کاروں نے ورثاء سے تاوان کا مطالبہ شروع کر دیا ہے ۔
تفصیلات کے مطابق پاکستانی انجینئر ملک فیض احمد جسے اغوا کاروں نے رواں برس 21 اگست کو طور خم جلال آباد روڈ کی کنسٹرکشن سائیٹ سے اغوا کیا تھا، اغوا کاروں نے پہلے ٹیلی فون کے زریعے اور بعد ازاں ملک فیض احمد پر تشدد کی ویڈیوز اہل خانہ کا بھیج کر دو کروڑ روپے تاوان ادا کرنے کا مطالبہ شروع کر دیا ہے ۔
اغوا کاروں کا مطالبہ ہے کہ کنسٹرکشن کمپنی ان کے ساتھ تاوان کامعاملہ طے کرے۔
کنسٹرکشن کمپنی سمیت دفتر خارجہ اور پاکستانی اداروں کو اہل خانہ کی جانب سے متعدد درخواستیں دی گئی مگر کسی بھی قسم کی شنوائی نہیں ہوئی۔
اغوا کاروں کی جانب سے مطالبہ پورا نہ ہونے پر انجینئر ملک فیض احمد کے اعضاءکاٹ کر ویڈیو جاری کرنے کی دھمکی دے دی گئی ہے۔
اہلخانہ کا کہنا ہے کہ ملک فیض احمد راولپنڈی کا رہائشی ہے اور وہ رواں سال اپریل میں افغانستان گیا تھا۔
ملک فیض کے بیٹے فرحان احمد نےنے وزیراعظم ، آرمی چیف سے مطالبہ کیا کہ اس کے والد کی جان بچائی جائے۔
https://youtu.be/zd1_F9zML7A
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیسبک وال پر شیئر کریں۔
اسلام آباد : افغانستان میں امن کیسے ہو؟چارفریقی اجلاس آج مسقط میں ہوگا، افغان امن،معاشی استحکام اورطالبان سے مذاکرات اجلاس کے ایجنڈے میں شامل ہیں۔
تفصیلات کے مطابق افغانستان سے متعلق چار فریقی اجلاس آج مسقط میں ہوگا ، افغان امن،معاشی استحکام اورطالبان سے مذاکرات اجلاس کے ایجنڈے میں شامل ہیں جبکہ چارفریقی اجلاس میں افغانستان میں امن،معاشی استحکام اور طالبان سے مذاکرات پر بھی بات ہوگی۔
پاکستان، افغانستان، امریکا اور چین کے نمائندے اجلاس میں شرکت کررہے ہیں۔
پاکستانی وفد کی قیادت سیکرٹری خارجہ تہمینہ جنجوعہ کریں گی، وفدمسقط پہنچ گیا جبکہ دفتر خارجہ اور اعلی عسکری حکام بھی وفد میں شامل ہیں۔
دوسری جانب افغانستان میں امن کیلئے اہم فریق طالبان نے مسقط میں چار فریقی مذاکرات میں شرکت سے انکار کردیا۔
واضح رہے کہ اافغانستان میں امن کے قیام اور طالبان کو مذاکرات پر آمادہ کرنے کے لیے اس چار فریقی گروپ کا پہلا اجلاس جنوری 2016 میں ہوا تھا، جس کے بعد اس گروپ کے پانچ اجلاس ہوچکے ہیں، چار فریقی گروپ کا آخری اجلاس اٹھارہ مئی 2016 کو ہوا تھا، اجلاس کے تین روز بعد ملااختر منصورڈرون حملےمیں مارے گئے تھے، جس کے نتیجے میں مذاکرات کا سلسلہ تعطل کا شکار ہوگیا تھا۔
خیال رہے کہ امریکی صدر ڈونلڈ ٹرمپ کی افغانستان اور خطے سے متعلق پالیسی کے اعلان کے بعد یہ پہلا اجلاس ہوریا ہے۔
یاد رہے اس سے قبل دفتر خارجہ کے ترجمان نفیس زکریا کا کہنا تھا کہ افغانستان میں بھارت کا وسیع کردار خطے کے مفاد میں نہیں، بھارت، افغان سرزمین کے استعمال سے دہشت گردی کا مؤجب ہے۔ افغانستان میں دیرپا امن و استحکام کے خواہاں ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کابل: افغانستان کے شمال مشرقی صوبے بدخشاں میں نیٹوفورسز کے ڈرون حملے میں 8 طالبان جنگجو ہلاک جبکہ 15 زخمی ہوگئے۔
تفصیلات کے مطابق افغان میڈیا کا کہنا ہے کہ نیٹو فورسز نے افغان صوبے بدخشاں کے ضلع راغستان میں ڈرون حملہ کیا ہے جس کے نتیجے میں 8 طالبان جنگجو ہلاک جبکہ 15 زخمی ہوگئے۔
افغان میڈیا کے مطابق ڈرون حملے میں طالبان کے ٹھکانوں کو نشانہ بنایا گیا جس کے باعث ان کے اسلحے اور گولہ بارود کا ذخیرہ بھی تباہ ہوا ہے۔
خیال رہے کہ اس وقت افغان صوبے بدخشاں کے دو اضلاع پر طالبان کا کنٹرول ہے جبکہ دیگر علاقوں میں فورسز اور طالبان کے درمیان جھڑپیں جاری ہیں۔
یاد رہے کہ گزشتہ ماہ 27 ستمبر کو دہشت گردی کے مختلف واقعات میں افغان پولیس کے پانچ افسران جاں بحق ہوگئے تھے جبکہ افغان اتحادی افواج کی جانب سے ڈرون حملوں میں 8 طالبان جنگجو ہلاک ہوگئے تھے۔
واضح رہے کہ تین روز قبل افغانستان کے سابق صدر حامد کرزئی کا کہنا تھا کہ امریکہ افغانستان میں داعش کو اسلحہ فراہم کرتا ہے اور امریکی فوجی اڈوں سے داعش کو مدد دی جاتی ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
واشنگٹن : امریکی وزیر دفاع جیمز میٹس کا کہنا ہے کہ امریکا نے کہا ہے کہ دہشتگردوں کے خلاف پاکستان سے ملکرکام کرنے کی حکمت عملی کامیاب نہیں ہوئی تو ہراقدام کریں گے، صدرٹرمپ ہرضروری اقدام کےلئےتیارہیں۔
تفصیلات کے مطابق امریکی وزیر دفاع جیمز میٹس نے امریکی سینیٹ کی دفاعی کمیٹی کو پاک افغان پالیسی پر بریفنگ دیتے ہوئے کہا کہ پاکستان کے خلاف انتہائی اقدام کے لئے تیار ہیں، کوئی بھی قدم اٹھانے سے پہلے پاکستان سے بات کریں گے، دہشتگردوں کی مبینہ معاونت پرپاکستان سے بات چیت کامیاب نہ ہوئی تو صدرٹرمپ ہرضروری اقدام کرنے کے لئے تیار ہیں۔
امریکہ نے ایک بار پھر نیا مطالبہ کرتے ہوئے کہا کہ اسلام آباد کو نیٹو کی ضروریات،مطالبات پر غور کرنا چاہئے، خطے اور افغانستان میں پاکستان کے کردار کا بغور جائزہ لے رہے ہیں ، امریکہ افغانستان میں امریکہ کو محفوظ بنانے کیلئے موجود ہے۔
جیمز میٹس نے کہا کہ طالبان کےشدت پسندپالیسی رد کرنے سے ہی وہاں سیاسی عمل کامیاب ہوگا، اس امر کو یقینی بنانا ہو گا کہ جنوبی ایشیا کی سرزمین امریکہ کیخلاف استعمال نہ ہو۔
امریکی وزیر دفاع کا کہنا تھا کہ امریکہ کو ایک بار پھر میں نئی حکمت عملی کے ساتھ اسلام آباد کے ساتھ کام کرنے کے لیے کوشش کرنی ہوگی، اگر ہماری کوششیں بے سود گئیں تو امریکی صدر جو ضروری سمجھیں اس حوالے سے فیصلہ کر سکتے ہیں۔
جیمز میٹس نے کہا کہ امریکا کوایران سے جوہری معاہدہ برقراررکھنا چاہئیے، صدرٹرمپ نے ایران جوہری معاہدے کوشدید تنقید کا نشانہ بنایا تھا۔
انہوں کا کہنا تھا کہ جنوبی ایشیا کی سرزمین اتحادیوں کیخلاف بھی استعمال نہیں ہونے دینگے، اس وقت خطےمیں دہشتگردگروہوں پرقابوپانےکی ضرورت ہے، ٹرمپ کی افغان،جنوبی ایشیا کی پالیسی کا39ممالک نےخیرمقدم کیا ہے۔
اس سے قبل اپنے دورہ افغانستان کے دوران امریکی وزیر دفاع جیمس میٹس کا کہنا تھا کہ اتحادیوں کے ساتھ مل کر افغانستان کو محفوظ بنانے کیلیے کوشش کرینگے ،افغان سرزمیں پر دہشت گردوں کی محفوظ پناہ گاہوں سے متعلق پاکستان کے خدشات پر اسلام آباد سے بات کریں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
اسلام آباد : افغانستان کے صوبے پکتیکا میں کالعدم تحریک طالبان کی جانب سے پاکستانی قبائلیوں کی ٹارگٹ کلنگ کرنے کا انکشاف ہوا ہے۔
تفصیلات کے مطابق کالعدم تحریک طالبان کا افغان صوبے پکتیکا میں پاکستانی قبائلیوں کونشانہ بنانے کا انکشاف ہوا ہے، ذرائع کا کہنا ہے کالعدم تحریک طالبان پاکستان دشمن خفیہ ایجنیسیوں کی معاونت سے پاکستانی قبائلیوں کو نشانہ بنارہے ہیں۔
اس انکشاف کے بعد پاکستان نے افغان حکومت سے اعلی سطح پر رابطہ کیا اور افغان حکومت پاکستانی شہریوں کو عالمی قوانین کے مطابق تحفظ فراہم کرنے کا مطالبہ کردیا جبکہ پاکستان نے نقل مکانی کرنے والے قبائلیوں کی جلد واپسی کے انتظامات کرنے کا مطالبہ بھی کیا ہے۔
زرائع کے مطابق مختلف وجوہات کے باعث افغانستان جانے والے قبائلیوں کونشانہ بنانے کا مقصد ان کی پاکستان واپسی کی حوصلہ شکنی کرنا ہے۔
یاد رہے چند روز قبل بھارتی اخبار میں انکشاف کیا گیا تھا بھارتی خفیہ ایجنسی” را” اور کالعدم تحریک طالبان پاکستان کے آپس میں گہرے تعلقات ہیں، جس کے ذریعے شدت پسند پاکستان اور افغانستان میں دہشت گردی کررہے ہیں۔
پورٹ میں کہا گیا ہے کہ بھارت عالمی دنیا کی مخالفتوں کے باوجود کالعدم دہشت گرد تنظیموں سے اپنے تعلقات ختم نہیں کررہا، جو مستقبل میں اُس کے لیے نقصان دہ ہوگا۔
جس کے بعد امریکا نے بھی شدید تحفظات کا اظہار کیا تھا، امریکی وزیر دفاع جیمس میٹس کا کہنا تھا کہ طالبان کا میل جول اشارہ کرتا ہے کہ بھارت ٹی ٹی پی کو پاکستان میں دہشتگردی کے لئے استعمال کرتا ہے، بھارتی خفیہ ایجنسی را کے ساتھ گٹھ جوڑ کے بارے میں احسان اللہ احسان کے انکشافات نے بھارت کو مشکل میں ڈال دیا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
برسلز : افغانستان میں امریکہ اور اس کی اتحادی افواج کی سرگرمیاں خطے کے امن کیلئے باعث تشویش ہیں، بھارت کی جانب سے افغانستان میں امریکی فوجی کارروائیوں میں حصہ نہ لینا اور بھارتی افواج کو افغانستان نہ بھیجنے کا فیصلہ خوش آئند اقدام ہے۔
ان خیالات کا اظہار یورپی یونین میں عالمی مصالحتکار فیصل محمد نے اے آر وائی نیوز سے خصوصی گفتگو میں کیا، انہوں نے کہا کہ ٹرمپ انتظامیہ کی حالیہ افغان پالیسی کے تناظر میں امریکی ڈیفنس سیکریٹری جم میٹس اور نیٹو سیکریٹری جنرل کا دورہ کابل انتہائی اہمیت کا حامل ہے۔
انہوں نے کہا کہ امریکہ اس بار پاکستان میں نام نہاد دہشت گرد ٹھکانوں کے خاتمے کے حوالے سے ایک بار پھر افغاانستان میں غیرملکی افواج کی تعداد بڑھارہا ہے۔
اس صورتحال پر روس اور چین کو اپنا مؤثر کردار ادا کرنا ہوگا بصورت دیگر یہ اقدامات خطے میں دہشت گردی کو مزید فروغ دینے کاباعث بنیں گے۔
عالمی مصالحت کار کے مطابق امریکی وزیر دفاع کا یہ کہنا کہ پاکستان میں دہشت گردوں کی محفوظ پناہ گاہیں موجود ہیں کسی طور بھی درست نہیں، افغانستان میں ہونے والی دہشت گرد کارروائیوں میں مقامی طالبان ملوث ہیں جو افغانستان میں غیر ملکی افواج کی موجودگی پر مسلح مزاحمت کررہے ہیں۔
راولپنڈی: آرمی چیف جنرل قمر جاوید باجوہ رواں ہفتے افغانستان اور روس کا دورہ کریں گے۔ آرمی چیف دونوں ممالک کی سول و فوجی قیادت سے ملاقاتیں کریں گے۔
تفصیلات کے مطابق آرمی چیف جنرل قمر جاوید باجوہ رواں ہفتے افغانستان اور روس کا دورہ کریں گے۔ پہلے مرحلے میں آرمی چیف کابل جائیں گے، جہاں ان کی افغان صدر سمیت فوجی قیادت سے ملاقاتیں ہوں گی۔
ملاقاتوں میں دونوں ممالک کے روابط بہتر بنانے اور کشیدگی کے خاتمے کے لیے اقدامات پر گفتگو کی جائے گی۔
بعد ازاں آرمی چیف جنرل قمر جاوید باجوہ دورہ روس کے دوران روسی سول و فوجی قیادت سے ملاقات کریں گے۔
ملاقاتوں میں علاقائی سلامتی کی صورتحال بھی زیر بحث آئے گی جبکہ افغانستان میں امن کے لیے روس کے کردار پر بھی بات ہوگی۔
اس دوران آرمی چیف پاک روس مشترکہ فوجی مشقوں کا معائنہ بھی کریں گے جبکہ دورے میں روس سے دفاعی و فوجی تعاون بڑھانے پر بھی بات چیت ہوگی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
نئی دہلی : امریکی وزیر دفاع جیمزمیٹس کا کہنا ہے کہ میراپہلادورہ بھارت ہے، دیکھنا چاہتا ہوں وہ کیا چاہتے ہیں، بھارت افغانستان میں کروڑوں ڈالرزکےمنصوبوں پرکام کررہا ہے۔
تفصیلات کے مطابق امریکی وزیر دفاع جیمزمیٹس نے اپنے بیان میں کہا کہ بھارت کے ساتھ تعلقات ہمیں دیگرملکوں سے علیحدہ نہیں کررہے، نئی پاک افغان پالیسی خطے کے چیلنجز کو مدنظر رکھ کر بنائی گئی، نئی افغان پالیسی اصل میں پوری جنوبی ایشیا کی پالیسی ہے۔
جیمزمیٹس کا کہنا تھا کہ خطے میں مشترکہ انسداددہشت گردی مہم شروع کرنے کی ضرورت ہے، بھارت افغانستان میں انسداددہشت گردی اقدامات میں تعاون کررہاہے، بھارت افغانستان میں کروڑوں ڈالرزکے منصوبوں پر کام کررہا ہے۔
امریکی وزیردفاع نے کہا کہ میرا پہلادورہ بھارت ہے، دیکھنا چاہتا ہوں وہ کیا چاہتےہیں، پاکستان نے کہا ہے کہ وہ دہشت گردوں کےخلاف لڑرہا ہے،طالبان اب تک لڑرہےہیں لیکن کوئی بڑی کامیابی حاصل نہیں کرسکے۔
یاد رہے اس سے قبل جیمس میٹس نے بھارتی خفیہ ایجنسی را اور کالعدم تحریک طالبان پاکستان کے گٹھ جوڑ کا بھانڈا پھوڑا تھا اور کہا تھا کہ را اور طالبان کا میل جول اشارہ کرتا ہے کہ بھارت ٹی ٹی پی کو پاکستان میں دہشتگردی کے لئے استعمال کرتا ہے۔
امریکی وزیردفاع کا کہنا تھا کہ بھارتی خفیہ ایجنسی را کے ساتھ گٹھ جوڑ کے بارے میں احسان اللہ احسان کے انکشافات نے بھارت کو مشکل میں ڈال دیا ہے۔
انھوں نے دہشتگردی کےخلاف جنگ میں پاکستان کے کردار کی بھی تعریف کی، جیمس میٹس نے کہا کہ پاکستان میں ملٹری آپریشنز سے افغانستان میں طالبان گھٹنے ٹیکنے پر مجبور ہوئے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
جیسے جیسے زمانہ آگے کی جانب بڑھ رہا ہے، ویسے ویسے پرانے ادوار کے خیالات و عقائد اور تصورات میں بھی تبدیلی آتی جارہی ہے۔
ایک وقت تھا کہ گھروں سے باہر نکل کر کام کرنے والی خواتین کو حیرت کی نگاہ سے دیکھا جاتا تھا۔ تاہم اب وقت بدل گیا ہے۔ اب خواتین ہر شعبہ زندگی میں مردوں کے شانہ بشانہ کھڑی ہو کر ملک و قوم کی ترقی میں اپنا کردار ادا کر رہی ہیں۔
ایسا ہی کچھ حال سیاست کا بھی ہے۔
اگر آپ پرانے ادوار میں چلنے والی سیاسی تحریکوں کی تصاویر دیکھیں تو ان میں خال ہی کوئی خاتون نظر آئے گی، تاہم خواتین اب سیاست میں بھی فعال کردار ادا کر رہی ہیں اور فی الحال دنیا کے کئی ممالک کی سربراہی خاتون صدر یا وزیر اعظم کے ہاتھ میں ہی ہے۔
سیاست میں خواتین کے اسی کردار کی جانچ کے لیے عالمی اقتصادی فورم نے ایک فہرست مرتب کی جس میں جائزہ لیا گیا ہے کہ کس ملک کی پارلیمنٹ میں خواتین کی کتنی تعداد موجود ہے۔
فہرست میں حیرت انگیز طور پر امریکا، برطانیہ یا کسی دوسرے یورپی ملک کے مقابلے میں افریقی ممالک کے ایوانوں میں خواتین نمائندگان کی زیادہ تعداد دیکھنے میں آئی۔
اس فہرست میں افریقی ملک روانڈا سرفہرست رہا جس کی پارلیمنٹ میں خواتین ارکان اسمبلی کی شرح 63.8 فیصد ہے۔
بدقسمتی سے عالمی اقتصادی فورم کی مذکورہ فہرست میں صف اول کے 10 ممالک میں کوئی ایشیائی ملک شامل نہیں۔
اس بارے میں دنیا بھر کی پارلیمان اور ایوانوں کا ریکارڈ مرتب کرنے والے ادارے انٹر پارلیمنٹری یونینکی ویب سائٹ کا جائزہ لیا گیا تو پارلیمنٹ میں خواتین کی تعداد کے حوالے سے موجود فہرست میں پاکستان 89 ویں نمبر پر نظر آیا۔
مذکورہ فہرست کے مطابق پاکستانی پارلیمنٹ میں خواتین کی نمائندگی صرف 20.6 فیصد ہے۔ یعنی 342 نشستوں پر مشتمل پارلیمان میں صرف 70 خواتین موجود ہیں جو ملک بھر کی 10 کروڑ 13 لاکھ سے زائد (مردم شماری کے غیر سرکاری نتائج کے مطابق) خواتین کی نمائندگی کر رہی ہیں۔
اس معاملے میں افغانستان جیسا قدامت پسند ملک بھی ہم سے آگے ہے جو 27.7 فیصد خواتین اراکین پارلیمان کے ساتھ 53 ویں نمبر پر موجود ہے۔
افغان پارلیمان
فہرست میں پڑوسی ملک بھارت 147 ویں نمبر پر موجود ہے جس کی 542 نشستوں پر مشتمل لوک سبھا میں صرف 64 خواتین موجود ہیں۔
صنفی ماہرین کا کہنا ہے کہ پالیسی سازی کے عمل اور قومی اداروں میں خواتین کی شمولیت اس لیے ضروری ہے تاکہ وہ ملک کی ان خواتین کی نمائندگی کرسکیں جو کمزور اور بے سہارا ہیں۔
کسی ملک میں خواتین کو کیا مسائل درپیش ہیں، اور ان سے کیسے نمٹنا ہے، یہ ایک ایسی خاتون سے بہتر کون جانتا ہوگا جو نہ صرف اپنی انتخابی مہم کے دوران ان خواتین سے جا کر ملی ہو اور ان کے مسائل سنے ہوں، بلکہ خود بھی اسی معاشرے کی پروردہ اور انہی مسائل کا شکار ہو۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
کراچی : کراچی سینٹرل جیل سے لشکر جھنگوی سے تعلق رکھنے والے خطرناک دہشتگرد قانون کے رکھوالوں کی گرفت میں نہ آسکے لیکن اب فرار دہشتگردوں کے افغانستان پہنچنے کا انکشاف ہوا ہے۔
سی ٹی ڈی ذرائع کے مطابق کراچی سینٹرل جیل سے فرار لشکر جھنگوی سے تعلق رکھنے والے دو خطرناک دہشتگرد محمد ممتاز عرف فرعون اور محمد احمد عرف منا ممکنہ طور پر خضدار، وڈھ اور پھرافغانستان پہنچ گئے ہیں۔
زرائع کا کہنا ہے کہ ملزمان کو فرار کرانے کی سازش سینٹرل جیل میں کی گئی، سہولت کار قیدیوں سمیت 4 افراد کو گرفتار کرنے کا فیصلہ کیا گیا ہے جبکہ ملزمان کو فرار کرانے میں وکیل نے بھی کردار ادا کیا، سہولت کاری میں ملوث وکیل کو بھی گرفتار کرنے کا فیصلہ کیا ہے۔
سی ٹی ڈی ذرائع کے مطابق سہولت کاری کے الزام میں قاسم رشید،سجاد،سرمد صدیقی کی گرفتاری کا فیصلہ کیا ہے، جیل عملےسےتاحال تحقیقات مکمل نہ ہوسکیں، ایس ایچ اونیوٹاؤن کی غلط ایف آئی آرسےمشکلات کاسامنارہا۔
یاد رہے کہ سینٹرل جیل سے ہائی پروفائل قیدیوں کے فرار ہونے کے معاملے پر قانون نافذ کرنے والے اداروں نے حیرت انگیز انکشافات پر مبنی رپورٹ تیار کی تھی، ابتدائی تفتیش کے مطابق قیدی جیل حکام کی مل بھگت سے فرار ہوئے۔
واضح رہے کہ رواں سال 13 جون کو سینٹرل جیل سے کالعدم جماعت کے 2 خطرناک قیدی فرار ہوگئے تھے ، جیل حکام نے غفلت برتنے پر 12 اہلکاروں ، سپرٹنڈنٹ ار جیل سپرٹنڈنٹ کو معطل کردیا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
