کابل: افغانستان میں امریکی ڈرون حملے کے نتیجے میں مشرقی صوبے ننگر ہار میں میں 12 دہشت گرد ہلاک ہوگئے ہیں۔
غیر ملکی خبر رساں ادارے کے مطابق پاک افغان سرحد سے متصل افغانستان کے مشرقی صوبے ننگر ہار میں امریکی ڈرون حملے کے نتیجے میں 12 دہشت گرد ہلاک ہوگئے۔
افغان صوبے ننگر ہار کے گورنر کے ترجمان نے تصدیق کرتے ہوئے کہا کہ ڈرون حملہ صوبے ننگر ہار کے ضلع خوگیانی میں کیاگیا جس میں 3 افغان سمیت 9 غیر ملکی دہشت گرد مارے گئے ہیں۔
ان کا یہ بھی کہنا تھا کہ مارے جانے والے دہشت گرد کئی مہینوں سے اس علاقے میں اپنی سرگرمیاں جاری رکھے ہوئے تھے۔
