شاہد آفریدی بھی فلسطینیوں کی حمایت میں سامنےآگئے،بوم بوم آفریدی نے بیٹی کے ہمراہ فلسطین کے جھنڈے بلند کرنے کی تصاویرشیئر کیں۔
تفصیلات کے مطابق اپنے گھر کےباغ اور اپنی بیٹی کے ہمراہ دوران سفر فلسطینی جھنڈا لہراتی تصاویر کو آفریدی نے سماجی رابطے کی ویب سائٹ ٹوئٹر پر شیئر کیا اور لکھا کہ
یہ پیغام ارض فلسطین کے بچو تمہارے لئے ہے
یہاں دور بہت دور ہیں ہم
مگر یہ دل ہمارے دھڑکتے ہیں تمہارے ساتھ
اسی طرح جس طرح سے ہمارے آبا اور ان کے آبا کے دل
تمہارے اجداد کے ساتھ دھڑکتے تھے
دکھ، اندیشہ، خوف اور فکر کی تمام گرہیں عارضی ہیں
غم کی تمام راہیں عارضی ہیں!
اپنے پیغام میں آفریدی نے آزاد_فلسطین_ہو کا ہیش ٹیگ بھی استعمال کیا۔
https://twitter.com/SAfridiOfficial/status/1395080408426033153?s=20
گذشتہ روز قومی کرکٹ ٹیم کے سابق کپتان اور صدر کراچی کنگز وسیم اکرم نے اسرائیلی فورسز کی وحشیانہ بمباری کے شکار فلسطینی عوام سے اظہار یک جہتی کیا تھا۔
سماجی رابطے کی ویب سائٹ ٹوئٹر پر جاری اپنے پیغام میں وسیم اکرم نے فلسطین پر اسرائیلی جارحیت سے متعلق کہا کہ کھیل میں آپ جس ٹیم کو بھی سپورٹ کریں، لیکن یہ کھیل نہیں بلکہ جنگ ہے اور جنگ میں کسی کی جیت نہیں ہوتی۔
یہ بھی پڑھیں: فٹبالر پول پوگبا نے اولڈ ٹریفورڈ اسٹیڈیم میں فلسطین کا جھنڈا لہرا دیا
وسیم اکرم نے اپنے ٹوئٹ میں کہا کہ جنگ ہوتی ہے تو صرف نقصان ہوتا ہے اور ہر کوئی ہارتا ہے۔
قومی کرکٹ ٹیم کے سابق کپتان وسیم اکرم نے کہا ہے کہ وہ قابض اسرائیلی فورسز کی وحشیانہ بمباری کے شکار فلسطینی عوام کے ساتھ ہیں، میں انسانیت کے ساتھ ہوں۔
