اسلام آباد: وفاقی وزیرپانی وبجلی خواجہ آصف نے کے الیکٹرک معاہدے سے متعلق سپریم کورٹ جانے کا اعلان کردیا ہے، اُن کا کہنا ہے کہ کراچی کے قبرستانوں میں چائنہ کٹنگ کی وجہ سے گنجائش کم ہوگئی ہے۔
وفاقی وزیرِپانی و بجلی خواجہ آصف نے ایوان سے مخاطب ہو کر کہا کراچی میں ہونے والی اموات بڑا سانحہ ہیں، کے الیکٹرک کا معاملہ سپریم کورٹ لے جارہے ہیں۔
وفاقی وزیرنے کہا کہ اگلا الیکشن بھی بجلی کے نام پر ہوگا، انھوں نے کہا کراچی میں قبرستانوں پر بھی چائنہ کٹنگ کی گئی۔
خواجہ آصف نے کہا کہ وفاقی حکومت اپنی ذمہ داری پوری کرے گی لیکن سندھ حکومت بھی اپنے فرائض ادا کرے۔