کراچی : ایم کیو ایم پاکستان کے رکن صوبائی اسمبلی دلاور قریشی نے خدشہ ظاہر کیا ہے کہ کراچی سے برآمد ہونے والی گدھے کی کھالیں برآمد ہونے بعد اس کے سری پائے یہاں فروخت کیے جا رہے ہیں۔
تفصیلات کے مطابق تفصیلات کے مطابق اسپیکرآغاسراج درانی کی زیر صدارت سندھ اسمبلی کااجلاس منعقد ہوا، سندھ اسمبلی میں ٹائیگر مچھر۔ گدھے کے سری پائے، دوسری شادی اورمچھلی کی دعوت کی گونج سنائی دی۔
حکومت سندھ نے انکشاف کیا ہے کہ کراچی میں تین ماہ کے دوران تیرسٹھ ہزار چکن گونیا وائرس کے متاثرہ مریض رپورٹ ہوئے ہیں۔ سندھ اسمبلی کے اجلاس میں صوبائی وزیر صحت ڈاکٹر سکندر میندھرو نے ایوان کو بتایا کہ اب تک کی تحقیق کے مطابق چکن گونیا وائرس ٹائیگر نامی مچھر کے کاٹنے سے پھیلتا ہے۔ اس مچھر کی افزائش صرف گرمیوں کے موسم میں ہوتی ہے۔
سندھ اسمبلی میں گدھے کی کھال کے چر چے بھی ہوئے، ایم کیو ایم کے رکن دلاورقریشی نے تحریک پیش کرتے ہوئے شہر قائد میں گدھوں کے سری پائے فروخت ہونے کا خدشہ ظاہر کیا، گدھوں کی کھالیں برآمد ہونے پر ایم کیو ایم کے دلاورقریشی نے تحریک پیش کرتے ہوئے کہا کہ گلستان جوہرسے پانچ ہزار سے زائد گدھے کی کھالیں برآمد ہوئیں، اس کا گوشت کہاں گیا؟
دلاورقریشی نے کہا کہ ایک گدھے کی قیمت ایک لاکھ روپے ہے، خچرہو تو قیمت2سے ڈھائی لاکھ تک ہوتی ہے، انہوں نے سوال کیا کہ گدھے کا گوشت، سری پائے اوردیگر چیزیں کہاں بک گئیں، نثار کھوڑو نے کہا کہ گدھوں کی کھالیں بلوچستان اور وہاں سے بیرون ملک لےجائی جاتی ہیں۔
علاوہ ازیں اپنی بیگم کی صحتیابی کیلئے دعا کروانا پیپلزپارٹی کے رکن کو مہنگی پڑگیا۔ نعیم کھرل کہتے ہیں کہ ان کی بیگم نے شک ظاہر کیا ہے کہ میں دوسری شادی کرناچاہتا ہوں۔
اسپیکر آغا سراج درانی نے صوبائی وزیر برائے فشریز سے مچھلی کھلانے کی فرمائش کی جس پر محمدعلی ملکانی نے انہیں مشروط دعوت کی پیش کردی۔
ایوان میں آج جملے بازی کا مقابلہ رہا، جبکہ گورنر سندھ کی جانب سے منظور کردہ سندھ ڈیولپمنٹ اور مینٹیننس آف انفراسٹرکچر سیس ٹیکس بل دوہزار سترہ کی بھی ایوان کو آگاہی دی گئی۔
یونس خان کے دس ہزار رنز پر مبارکباد کی قرارداد منظور
اس کے علاوہ سندھ اسمبلی میں ایک قرارداد منظور کی گئی ہے جس میں یونس خان کے ٹیسٹ کرکٹ میں دس ہزار رنز مکمل کرنے والے کارنامے کو سراہا گیا ہے۔
اجلاس میں یونس خان کو دس ہزار رنز کا سنگ میل عبور کرنے پر خصوصی مبارکباد دی گئی اور ان کے اس کارنامے کو سراہتے ہوئے یہ قرارداد منظور کی گئی۔
پاکستان پیپلز پارٹی کے رہنما نثار کھوڑو نے کے بارے اپنے خیالات کا اظہار کرتے ہوئے کہا کہ یونس خان نے وہ کارنامہ سرانجام دیا ہے جو اس سے پہلے کوئی اورپاکستانی بیٹسمین نہ کرسکا۔
پاکستان تحریک انصاف کے خرم شیر زمان نے کہا کہ یونس خان نے اپنے بہترین کھیل سے یہ مقام حاصل کیا جس پر پوری سندھ اسمبلی ان کو مبارکباد پیش کرتی ہے۔
