ARYNews.tv | Urdu – Har Lamha Bakhabar

Tag: ahmad shehzad

  • کرکٹر احمد شہزاد نے شکایات کے انبار لگادیے

    کرکٹر احمد شہزاد نے شکایات کے انبار لگادیے

    لاہور : پاکستان قومی ٹیم کے کھلاڑی احمد شہزاد نے پاکستان کرکٹ ٹیم کو ایک خط ارسال ہے جس میں انہوں نے ڈومیسٹک کرکٹ میں اپنی ٹیم کے کوچنگ پینل کے حوالے سے شکایات کی ہیں۔

    اس حوالے سے ذرائع کا کہنا ہے کہ احمد شہزاد کی جانب سے لکھے گئے خط میں انہوں نے قائد اعظم ٹرافی میں شرکت نہ کرنے کی وجوہات سے پی سی بی کو بھی اگاہ کیا ہے۔

    ذرائع کے مطابق خط کے متن میں احمد شہزاد نے سینٹرل پنجاب کے کوچنگ پینل کے خلاف شکایت کی ہے۔ یاد رہے کہ احمد شہزاد رواں سیزن کے لیے سینٹرل پنجاب کی جانب سے قائد اعظم ٹرافی کھیلنے کے لیے منتخب ہوئے ہیں۔

    ذرائع کا کہنا ہے کہ کوچنگ پینل سے شکایت کے باعث احمد شہزاد نے قائدِ اعظم ٹرافی کے لیے سینٹرل پنجاب کی ٹیم کو جوائن نہیں کیا۔

    ذرائع کے مطابق خط میں احمد شہزاد نے سینٹرل پنجاب کے کوچ کی جانب سے غیر پیشہ ورانہ سلوک کے حوالے سے آگاہ کیا ہے۔

    ذرائع کا کہنا ہے کہ پی سی بی کی جانب سے تاحال احمد شہزاد کو خط کا جواب نہیں دیا گیا تاہم سینٹرل پنجاب کے کوچنگ پینل میں سابق ٹیسٹ کرکٹر عبدالرزاق اور پال فرینکس شامل ہیں۔

  • ہوم کراؤڈ کے سامنے کرکٹ کھیلنا پہلی مرتبہ گرین شرٹ زیب تن کرنے کے مترادف ہے، احمد شہزاد

    ہوم کراؤڈ کے سامنے کرکٹ کھیلنا پہلی مرتبہ گرین شرٹ زیب تن کرنے کے مترادف ہے، احمد شہزاد

    لاہور:سری لنکا کے خلاف 3 میچوں کے لیے قومی ٹی 20 کرکٹ ٹیم میں جگہ بنانے والے احمد شہزاد ایک سال بعد قومی ٹیم کا حصہ بنے ہیں، ان کا کہنا ہے کہ ہوم کراؤڈ کےسامنے کھیلنا پہلی بار گرین شرٹ پہننے جیسا تجربہ ثابت ہوگا۔

    پاکستان اور سری لنکا کے درمیان 3ٹی20میچوں پرمشتمل سیریز 5سے 9اکتوبر تک قذافی اسٹیڈیم لاہور میں کھیلی جائے گی۔ پاکستان کی جانب سے ٹی 20 کرکٹ میں واحد سنچری اسکور کرنے والے احمد شہزاد نے آخری بار 13 جون 2018 کوز سکاٹ لینڈ کے خلاف قومی ٹی20کرکٹ ٹیم میں ملک کی نمائندگی کی تھی۔

    اوپنر نے 57 ٹی20 میچوں میں 1454 رنز بنارکھے ہیں۔26.43 کی اوسط سے اسکور کرنے والے احمد شہزاد کے کیرئیر میں 1 سنچری اور 7 نصف سنچریاں شامل ہیں۔ورلڈ ٹی20 2014 میں بنگلہ دیش میں ڈھاکا کے خلاف 111 رنز کی ناقابل شکست اننگز کھیلنے والے قومی کرکٹر اس طرز کی کرکٹ میں زمباوے کے خلاف ناقابل شکست 98 رنز بھی بنا چکے ہیں۔ علاوہ ازیں 2سال قبل قذافی اسٹیڈیم میں آئی سی سی ورلڈ الیون کے خلاف کھیلے جانے والے ٹی20 میچ میں بھی احمد شہزاد نے 55 گیندوں پر 89 رنز کی شاندار اننگز کھیلی تھی۔

    اس موقع پر 27 سالہ قومی کرکٹر کا کہنا ہے کہ ٹیم میں کم بیک کرنے پر وہ بہت خوش ہیں۔ ٹیم میں کم بیک کرنا کبھی آسان نہیں ہوتا۔احمد شہزاد نے کہاکہ ٹیم میں واپسی کے لیے اعصابی مضبوطی درکار ہوتی ہے۔ انہوں نے کہا کہ ہر دن ایک نیا دن ہوتا ہے،ٹیم سے دور رہ کر اپنی خامیوں پر قابو پانے کا موقع ملا۔

    لاہور سے تعلق رکھنے والے اوپنر نے کہاکہ ہوم کراؤڈ کے سامنے کھیلنا پہلی مرتبہ گرین شرٹ زیب تن کرنے کے مترادف ہے۔ انہوں نے کہا کہ میرا قذافی اسٹیڈیم کیساتھ بڑا گہرا تعلق ہےاور یہاں کھیلنے کا ہمیشہ لطف آتا ہے۔احمد شہزاد نے کہاکہ پاکستانی قوم کرکٹ سے بہت پیار کرتی ہے، اپنے ہم وطنوں کے سامنے کرکٹ کھیلنے کے لیے بہت پرجوش ہوں۔

    انہوں نے کہاکہ بطور کرکٹر ہمیں میدان میں حوصلہ افزائی درکار ہوتی اور یہ پاکستان سے زیادہ ہمیں کہیں نہیں مل سکتی۔احمد شہزاد نے کہاکہ سری لنکا کے خلاف ایک روزہ سیریز میں قومی کرکٹ ٹیم نے بہترین کارکردگی کا مظاہرہ کیا ہے۔ امید ہے ٹی20 سیریز میں بھی کھلاڑی شاندار کارکردگی کا مظاہرہ کریں گے۔

    انہوں نےکہاکہ یہ سیریز ورلڈکپ کے لیے ٹیم کا بہترین توازن بنانے میں اہم کردار ادا کرے گی۔قومی کرکٹر کاکہنا ہے کہ ٹی20 کرکٹ میں سنچری سمیت بہترین ریکارڈ کے باوجود سری لنکا کے خلاف سیریز میں شمولیت ان کے لیے ایک نیا آغاز ہے۔انہوں نے کہاکہ میں اپنی فٹنس اور فارم کی بدولت بہترین کارکردگی کا مظاہرہ کرکے ٹیم میں نمایاں مقام حاصل کرنے کی کوشش کروں گا۔

  • پاکستان نے ویسٹ انڈیز کو ہرا کرٹی ٹوئنٹی سیریز تین ایک سے جیت لی

    پاکستان نے ویسٹ انڈیز کو ہرا کرٹی ٹوئنٹی سیریز تین ایک سے جیت لی

    پورٹ آف اسپین : پاکستان نے سات وکٹوں سے فتح کا جھنڈا گاڑھ کر ویسٹ انڈیز کیخلاف چار میچوں کی ٹی ٹوینٹی سیریز تین ایک سے جیت لی، حسن علی مین آف دی میچ قرار پائے۔

    تفصیلات کے مطابق پورٹ آف سپین کے میدان میں کھیلے جانے والے چوتھے اور آخری ٹی ٹوئنٹی میچ میں پاکستان نے ویسٹ انڈیز کو سات وکٹوں سے شکست دے کر سیریز اپنے نام کر لی ہے۔

    سرفرازاحمد کیلئے مشن ٹی ٹوئٹی سیریز کامیابی سے ہمکنار ہوگئی۔ پاکستان نے 125 رنز کا ہدف 19 اوورز میں تین وکٹوں کے نقصان پر حاصل کیا۔ احمد شہزاد 53 رنزکی اننگز کھیل کر ٹاپ اسکورر رہے۔

    بابر اعظم نے پاکستان کی جانب سے عمدہ بلے بازی کرتے ہوئے 38 رنز کے ساتھ دوسری وکٹ کی شراکت میں اہم 70 رنز بنائے۔

    کامران اکمل 20 رنز بنانے میں کامیاب ہو سکے، اس سے قبل ویسٹ انڈیز نے پہلے بیٹنگ کرتے ہوئے مقررہ 20 اوورز میں آٹھ وکٹوں کے نقصان پر 124 رنز بنائے تھے۔

     قومی ٹیم کے بالر حسن علی نے بارہ رنز دے کر دو وکٹیں حاصل کیں، اس شاندار کارکردگی پر انہیں مین آف دی میچ قرار دیا گیا۔

  • کرکٹر احمد شہزاد امجد صابری کے گھرپہینچ گئے، اظہار تعزیت

    کرکٹر احمد شہزاد امجد صابری کے گھرپہینچ گئے، اظہار تعزیت

    کراچی : قومی ٹیم کے کرکٹر احمد شہزاد نے مقتول امجد صابری کے گھر جا کر اہل خانہ سے اظہار تعزیت کیا ہے، احمد شہزاد نے بچوں کے ساتھ سیلفیاں بنوائیں اورامجد صابری کے بیٹے محب علی کو اپنی ٹی شرٹ بھی دی۔

    ahmed-post-1

    تفصیلات کے مطابق قومی ٹیم کے کرکٹر احمد شہزاد نے لیاقت آباد میں مقتول امجد صابری کے گھر جا کر ان کے اہل خانہ سے تعزیت کی اور ان کے چھوٹے بیٹے کے ساتھ کرکٹ کھیلنے کے علاوہ اسے اپنی گرین شرٹ کا تحفہ بھی دیا۔

    ahmed-post-2

    اس موقع پر فاتحہ خوانی کے بعد گفتگو کرتے ہوئے احمد شہزاد نے کہا کہ امجد صابری پاکستان کا بہت بڑا نام تھے، میں خصوصی طور پر امجد صابری کے چھوٹے بیٹے سے ملنے آیا ہوں۔ اس کو جب پہلی بار ٹی وی پر دیکھا تو بڑا دکھ ہوا۔

    ahmed-post-3

    انہوں نے کہا کہ اگر میرے آنے سے امجد صابری کے بچوں کو تھوڑی سی بھی خوشی ہوئی تو آتا رہوں گا۔ واپسی پر احمد شہزاد نے امجد صابری کے چھوٹے بیٹے کے ساتھ گلی میں کرکٹ کھیلی اور اس کی حوصلہ افزائی بھی کی۔

     

  • مجھےکرکٹ کھیلنےسے کوئی نہیں روک سکتا، احمد شہزاد

    مجھےکرکٹ کھیلنےسے کوئی نہیں روک سکتا، احمد شہزاد

    کراچی : قومی کرکٹ ٹیم کے بلے باز احمد شہزاد نے کہا ہے کہ مجھےکرکٹ کھیلنےسے کوئی نہیں روک سکتا۔ رنزبھی بنارہاہوں اورفٹنس بھی بہترین ہے۔ سیلفی لینا نہیں چھوڑوں گا۔

    ان خیالات کا اظہارانہوں نے کراچی میں تھلیسیما سے متاثرہ بچوں کے مرکزکے دورہ کے موقع پرمیڈیا سے بات چیت کرتے ہوئے کیا۔

    احمد شہزاد کا کہنا تھا کہ کیرئیرمیں اتار چڑھاؤ آتے رہتے ہیں ڈراپ ہونے پردکھ ہوتا ہے۔ میری کوشش ہے کہ مخالفین کو زبان سے نہیں پرفارمنس سے جواب دوں۔ دورہ انگلینڈ کیلئے پرامید ہوں۔ مجھےکرکٹ کھیلنےسے کوئی نہیں روک سکتا۔

    ڈسپلن کی خلاف ورزی پرڈراپ ہونے والےاحمد شہزاد نے کہا کہ ڈسپلن سے زیادہ ضروری رنز کرناہے جو میں کررہاہوں۔

    انہوں نے بتایا کہ ڈسپلن پر کرکٹ بورڈ نے آج تک کوئی نوٹس نہیں دیا۔ سیلفی بوائے نے کہا کہ میرے سیلفی لینےسے کئی چہروں پر مسکراہٹ آجاتی ہے،اس لئے سیلفی لینا نہیں چھوڑوں گا۔

    اس موقع پر انہوں نے تھلیسیما سے متاثرہ بچوں میں تحائف تقسیم کئے۔ احمد شہزاد کچھ دیر بچوں کے ساتھ رہے اور کیک بھی کاٹا ،ان کا کہنا تھا کہ سب کو باقاعدگی سے خون کا عطیہ کرناچاہیئے۔

    یاد رہے کہ سیلفی بوائےکانام بھی ریکارڈزمیں کم اورتنازعات میں زیادہ لیاجاتا ہے۔ احمد شہزاد کابلا کم اور زبان زیادہ چلتی ہے۔

    دلشان سےمذہبی تنازعہ ہو یا ساتھی کرکٹر ویاب ریاض سےلڑائی یا پھرڈریسنگ روم کا شیشہ توڑنا، آئےروز نت نئے تنازعات میں رہنےوالے پی سی بی کے بگڑے بچےاب گڈبکس سے ہی نہیں ٹیم سے بھی نکل گئے ہیں۔

  • دورہ انگلینڈ : شاہد آفریدی، احمد شہزاد اورعمراکمل ٹیم سےڈراپ کردیا گیا

    دورہ انگلینڈ : شاہد آفریدی، احمد شہزاد اورعمراکمل ٹیم سےڈراپ کردیا گیا

    لاہور : قومی ٹیم کے چیف سلیکٹر انضمام الحق نےشاہد آفریدی، احمد شہزاد اورعمراکمل کودورہ انگلینڈ کے لئے ابتدائی ٹیم سےڈراپ کردیا ہے۔ انضمام الحق کا کہنا ہے کہ ڈسپلن پر اب کوئی سمجھوتہ نہیں ہوگا۔

    تفصیلات کے مطابق بگڑے بچےعمراکمل اوراحمد شہزاد کوباربارڈسپلن کی خلاف ورزی کرنا مہنگاپڑگیا۔ پانی سرسےگزراتو نئےچیف سلیکٹرنےاینگری بوائے اورسیلفی بوائے پربجلی گرادی۔

    چیف سلیکٹر انضمام الحق نے سابق ٹی 20 کپتان شاہد آفریدی، احمد شہزاد اورعمراکمل کو دورہ انگلینڈ سے نکال دیا، لاہورمیں پریس کانفرنس سے خطاب کرتے ہوئے قومی ٹیم کے چیف سلیکٹر انضمام الحق نے واضح طور پر کہہ دیا کہ ڈسپلن پر کوئی سمجھوتانہیں کیا جائے گا۔

    انضمام نے واضح کیا کہ بورڈ نے ان دونوں کے خلاف کارروائی کی۔ عمر اکمل اور احمد شہزاد دونوں کا ماضی میں ریکارڈ خراب رہا ہے اورسابق کوچ نے بھی ان کی شکایات کیں۔

    پریس کانفرنس سے خطاب کرتے ہوئے شاہد آفریدی کے حوالے انضمام الحق کا کہنا تھا کہ اگلے 14 مہینے یا رواں سال ہم نے 4 ٹورز کرنے ہیں اور اس دوران 6 ٹی 20 میچز کھیلنے ہیں اس لئے میرا ماننا ہے کہ نئے لڑکوں کوسامنے لے کر آیا جائے اگر شاہد آفریدی اچھی پرفارمنس دے گا تو اسے ضرور آگے لے کر آئیں گے۔

    ان کا کہنا تھا کہ دورہ انگلینڈ کے لئے تربیتی کیمپ 14 مئی سے 4 جون تک ایبٹ آباد میں لگے گا جس میں کھلاڑیوں کی فٹنس پر بھرپور توجہ دی جائے گی لیکن ڈسپلن کی خلاف ورزی پر کوئی رعایت نہیں ہوگی۔

    یاد رہے کہ عمر اکمل کا حیدرآباد میں ڈانس پارٹی اسکینڈل، ٹریفک وارڈن سے جھگڑا اورفیصل آباد میں پنجابی اسٹیج شوکے دوران تنازعہ زیادہ پرانی بات نہیں۔ پھر عمران خان سے سابق کوچ کی شکایت بھی خلاف ورزی شمارہوئی۔

    سیلفی بوائےکانام بھی ریکارڈزمیں کم اورتنازعات میں زیادہ لیاجاتا ہے۔ احمدشہزاد کابلاکم اور زبان زیادہ چلتی ہے۔

    دلشان سےمذہبی تنازعہ، ساتھی کرکٹرویاب ریاض سےلڑائی اورڈریسنگ روم کا شیشہ توڑنا، آئےروزتنازعات میں ان رہنےوالےپی سی بی کے بگڑےبچےاب گڈبکس سے ہی نہیں ٹیم سے بھی نکل گئے۔

     

  • ڈریسنگ روم کا شیشہ جان بوجھ کر نہیں توڑا، کرکٹراحمد شہزاد

    ڈریسنگ روم کا شیشہ جان بوجھ کر نہیں توڑا، کرکٹراحمد شہزاد

    فیصل آباد : قومی ٹیسٹ ٹیم کے کھلاڑی احمد شہزاد نے ڈریسنگ روم کا شیشہ جان بوجھ کر توڑنے کی خبروں کی تردید کردی۔

    ان کا کہنا ہے کہ یہ بات غلط ہے کہ میں نے بلا مار کر ڈریسنگ روم کا شیشہ توڑدیا، یہ بات انہوں نے اے آر وائی نیوز سے خصوصی گفتگو کرتے ہوئے کہی۔

    احمد شہزاد نے کہا کہ لوگ انہیں پیار کرتے ہیں اسی لئے چھوٹی باتوں کو بھی نوٹ کرلیتے ہیں۔ ڈریسنگ روم میں میرا بیگ شیشے کے ساتھ رکھا ہوا تھا، میں نے بلا اپنے بیگ میں پھینکا تھا اور ہوسکتا ہے کہ میرا بیٹ لگنے کی وجہ سے شیشہ کریک ہوگیا ہو۔

    انہوں نے کہا کہ ہر بات اور الزام کا جواب ٹی وی پر آکر دینا ضروری نہیں ہوتا ۔ چونکہ میں خیبر پختونخوا کی ٹیم کا کپتان ہوں اس لیے نوجوان کھلاڑیوں کو اچھا پیغام دینے کیلئے ٹی وی پر آکر اس بات کی صفائی بیان کرنا ضروری خیال کیا۔

    ذرائع کے مطابق ڈریسنگ روم کے شیشے پر دراڑ پڑنے کا نوٹس پی سی بی نے لے لیا ہے۔ اب احمد شہزاد کو میچ فیس سے ایک نیا شیشہ لگوانا پڑے گا۔

    یاد رہے کہ احمد شہزاد پر الزام ہے کہ پاکستان کپ میں بلوچستان کیخلاف سنچری نہ بنانے پر احمد شہزاد غصے میں آگئے تھے۔

    اناسی رنز پر آؤٹ ہونے کے بعد ڈرسینگ روم پہنچے اور طیش میں آکر بلا پھینکا جو شیشہ پر لگ گیا۔ اے آر وائی نیوز سے گفتگو کرتے ہوئے احمد شہزاد نے جان بوجھ کر شیشہ توڑنے کی خبروں کو مسترد کردیا ہے۔

     

  • احمد شہزاد اورعمراکمل اپنا ٹیلنٹ عقلمندی سے استعمال نہیں کرتے، گرانٹ فلاور

    احمد شہزاد اورعمراکمل اپنا ٹیلنٹ عقلمندی سے استعمال نہیں کرتے، گرانٹ فلاور

    لاہور : قومی کرکٹ ٹیم کے بیٹنگ کوچ گرانٹ فلاور نے بلے بازوں کےروّیےپرکڑی تنقید کرتے ہوئے کہا ہے کہ پاکستانی بیٹسمین پریکٹس میں محنت نہیں کرتے۔ احمد شہزاد اور عمر اکمل نے اپناٹیلنٹ عقلمندی سے استعمال نہیں کیا۔

    لاہور میں صحافیوں سے گفتگو کرتے ہوئے بیٹنگ کوچ بلےبازوں پربرس پڑے۔ گرانٹ فلاورنےعمراکمل اوراحمد شہزاد کوآڑے ہاتھوں لیا۔

    ان کا کہنا تھا کہ دونوں بیٹسمین اپنا ٹیلنٹ عقل مندی سے استعمال نہیں کرتے۔ احمد شہزاد کو جب سےسرپرگیند لگی تب سے وہ اپنا اعتماد کھوچکے ہیں۔ ان میں اب کوئی دم خم نہیں رہا۔

    گرانٹ فلاورنے کہا کہ پاکستانی بلے بازوں کے ساتھ کام کرنابہت مشکل ہے۔ کھلاڑی مستقل مزاجی سے پریکٹس میں جان نہیں مارتے۔ دنیا کےبڑے بلےبازوں کی طرح محنت نہیں کرتے۔

    ایک سوال کے جواب میں انہوں نے کہا کہ بلے بازوں کی کارکردگی خراب کیوں ہورہی ہے اس کا جواب میرے پاس بھی نہیں۔ خواہش ہے پاکستانی کھلاڑی اے بی ڈی ویلیئرزاورویرات کوہلی سے ہی کچھ سیکھیں۔

    گرانٹ فلاورنےکہا کہ سرفرازاحمد بہترین بیٹسمین ہیں،انہیں اوپربھیجنا میرے بس میں نہیں تھا۔ سرفرازنے پیڈزپہنےہوتے تھےلیکن آفریدی ان کی جگہ کسی اورکو بھیج دیتے تھے۔

    گرانٹ فلاورنے کہا کہ ٹیسٹ ٹیم کے ساتھ کام کرنے میں مزہ آیا۔ اور اس کا بھی رزلٹ اچھا رہا۔ انہوں نے ٹیسٹ ٹیم کی تعریف کرتے ہوئے کہا کہ مصباح الحق بہت اچھے کپتان ہیں لیکن ون ڈے اورٹی ٹوئنٹی میں ٹیم اورپلیئرزکاگراف نیچے کی جانب جارہاہے۔

     

  • تنقید کرنے والوں کو اپنے بلے سے جواب دوں گا، احمد شہزاد

    تنقید کرنے والوں کو اپنے بلے سے جواب دوں گا، احمد شہزاد

    لاہور: قومی کرکٹر احمد شہزاد نے کہا ہے کہ اپنے اوپر تنقید کرنے والوں کو بہت برداشت کررہا ہوں اگر میڈیا اور ٹی وی پر آکر کچھہ کہا تو پا کستان اور کرکٹ کی بدنامی ہو گی۔

    سانحہ گلشن اقبال پارک کے زخمیوں کی عیادت کے بعد میڈیا سے گفتگو کرتے ہوئے احمد شہزاد کا کہنا تھا کہ بہت برداشت کرچکا اور ابھی بھی کر رہا ہوں ، اگر میڈیا اورٹی وی پر بولا تو ملک اور کر کٹ کی بد نامی ہو گی میں خاموشی سے اپنے بلے سے جواب دوں گا ۔

    اپنے اوپر تنقید کرنے والوں کو دھمکی دیتے ہو ئے احمد شہزاد نے کہا میری برداشت کا امتحان نہ لیا جائے، ایک سوال پر ان کا کہنا تھا کہ پاکستان کر کٹ بورڈ کو سپورٹ کرنا چاہیے۔

  • ورلڈ ٹی ٹوئنٹی : خرم منظورکی جگہ احمد شہزاد ٹیم میں شامل

    ورلڈ ٹی ٹوئنٹی : خرم منظورکی جگہ احمد شہزاد ٹیم میں شامل

    چئیرمین پی سی بی شہریار خان نے ورلڈ ٹی ٹوئنٹی کے لئے پندرہ رکنی ٹیم کی منظوری دے دی۔ خرم منظور کی جگہ احمد شہزاد کو اسکواڈ میں شامل کرلیا گیا۔

    بورڈ نے حتمی نام آئی سی سی کو بھجوادیئے۔ تفصیلات کے مطابق ورلڈ ٹی ٹوئنٹی کیلئے چلے ہوئے کارتوس پھر آزمانے کا فیصلہ کر لیا گیا۔

    چئیرمین پی سی بی شہریار خان نے قذافی اسٹیڈیم میں کوچ وقار یونس سے مشاورت کے بعد حتمی اسکواڈ کی منظوری دے دی۔ ایشیا کپ کیلئے ڈراپ ہونے والے احمد شہزاد پر سلیکٹرز پھر مہربان ہوگئے۔

    قذافی اسٹیڈیم میں ہونے والے اجلاس میں کئی اہم معاملات پرغور کیا گیا۔ اجلاس میں ہیڈکوچ وقار یونس نے ایشیا کپ ٹی ٹوئنٹی میں خراب کارکردگی کے اسباب بتائے۔ اس موقع پر ورلڈ ٹی ٹوئنٹی میں زیادہ تبدیلیاں نہ کرنے پر بھی اتفاق کیا گیا۔

    ورلڈ ٹی ٹوئنٹی کے لئے احمد شہزاد کو خرم منظور کی جگہ پاکستانی اسکواڈ میں شامل کرنے کا گرین سگنل دیدیا گیا۔

    اس موقع پرکرکٹر سلمان بٹ کی پاکستانی ٹیم میں واپسی پر غور بھی ہوا۔ ہیڈ کوچ وقار یونس نے سلمان بٹ کو اسکواڈ کا حصہ بننے کا مشورہ دیا، جس کی سلیکشن کمیٹی اور کپتان شاہد آفریدی نے سختی سے مخالفت کردی۔

    شاہد آٖفریدی نے دوٹوک الفاظ میں کہہ دیا کہ سلمان بٹ ٹیم میں آئے تو وہ نہیں کھیلیں گے۔

    اجلاس کے دوران ہیڈکوچ وقار یونس نے کپتان آفریدی کی ٹیم میٹنگ میں عدم دلچسپی سے بھی چیئرمین پی سی بی کو آگاہ کیا۔

    وقار یونس نے اس موقع پر میڈیا سے بات کرنے سے گریز کیا۔ ان کا کہنا تھا کہ بات کرنے کیلئے کوئی موضوع نہیں ہے۔

    آئی سی سی کو بھجوائے گئے دیگر ناموں میں شاہد آفریدی کپتان، سرفراز احمد، محمد حفیظ، عمر اکمل، شعیب ملک، محمد عامر، وہاب ریاض، انور علی، محمد عرفان، محمد نواز، شرجیل خان، عماد وسیم اور محمد سمیع شامل ہیں۔