Tag: Ahsan Iqbal

وزیر داخلہ احسن اقبال کا کہنا ہے کہ کہا جا رہا ہے الیکشن سے پہلے نواز شریف کو سزا دی جائے، یہ ن لیگ کے خلاف انتخابات سے پہلے دھاندلی ہوگی۔ نہال ہاشمی کو جیسے جیل میں ڈالا گیا مشرف کو بھی ڈالا جائے۔

تفصیلات کے مطابق وفاقی وزیر داخلہ احسن اقبال کا کہنا ہے کہ ماضی کی حکومتوں نے بجلی کے مسائل پر توجہ نہیں دی۔ نیٹو سپلائی کی وجہ سے ہماری سڑکیں تباہ ہوگئی تھیں۔ حکومت سنبھالی تو ہم نے 3 چیزوں پر بہت توجہ دی ہم نے معیشت، توانائی اور دہشت گردی کے خاتمے پر توجہ دی۔

احسن اقبال کا کہنا تھا کہ سی پیک کی وجہ سے پورے ملک میں اربوں ڈالر کی سرمایہ کاری آئی۔ پورے ملک میں موٹر ویز کا جال بچھایا گیا، اہم سپلائی روٹ بنائے۔ سنہ 2020 تک کراچی سے پشاور تک موٹر وے تعمیر ہوگی۔ کراچی سے پشاور تک موٹر وے اہم سپلائی لائن کا کردار ادا کرے گی۔

انہوں نے کہا کہ حکومت نے 4 سالوں میں 11 ہزار میگا واٹ کے منصوبے مکمل کیے۔ بجلی آنے سے کارخانوں کی پیداوار میں بے پناہ اضافہ ہوا ہے۔ رائزنگ پاکستان کے لیے ہمیں ملک میں انتشار کو روکنا ہے۔ سی پیک منصوبے ہدف سے بھی تیزی سے مکمل ہو رہے ہیں۔

احسن اقبال نے کہا کہ ہم بھی دنیا کی دیگر قوموں کی طرح تیز منصوبے مکمل کر سکتے ہیں۔ ضروری ہے کہ ہم پالیسیوں کا تسلسل رکھیں۔ ’نواز شریف کی نااہلی کے فیصلے پر پوری دنیا نے تحفظات کا اظہار کیا۔ فیصلے پر تحفظات سے توہین عدالت ہوتی ہے تو یہ غلط ہے‘۔

انہوں نے کہا کہ اس وقت توہین عدالت کے سب سے بڑے مرتکب مشرف ہیں۔ سب سے پہلےعدلیہ پرویز مشرف کے جرائم کی سزا دے۔ ’سپریم کورٹ پولیس کو کہے کہ مشرف کو جیل میں ڈالو تو پھر عدلیہ کو آزاد سمجھوں گا۔

ان کا مزید کہنا تھا کہ سپریم کورٹ متنازع ہوجائے تو یہ بھی ہمارا ہی نقصان ہے۔ معاشرے انصاف کے اداروں پر عدم اعتماد پر انتشار میں چلے جاتے ہیں۔ ’انصاف کے اداروں کا احترام لوگوں میں قائم رہنا چاہیئے‘۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وفاقی وزیر داخلہ احسن اقبال کا کہنا ہے کہ 20 کروڑ عوام کی گاڑی کو کوئی اناڑی کیسے منزل مقصود تک پہنچا سکتا ہے۔ اگر پاناما کا ڈرامہ نہ ہوتا تو جی ڈی پی کی شرح 6 اعشاریہ 2 سے 6 اعشاریہ 5 تک جا سکتی تھی۔

تفصیلات کے مطابق لاہور چیمبر میں صنعتکاروں اور تاجروں سے خطاب کرتے ہوئے وفاقی وزیر داخلہ احسن اقبال کا کہنا تھا کہ پاکستان جس جگہ پر کھڑا ہے اور اسے جہاں تک لے جانا ہے، اس کے لیے سب کو مل کر کام کرنا ہوگا۔

انہوں نے کہا کہ 20 کروڑ عوام کی گاڑی کو کوئی اناڑی کیسے منزل مقصود تک پہنچا سکتا ہے۔

احسن اقبال کا کہنا تھا کہ ملک کو بدترین بحرانوں کا سامنا رہا۔ 18 سے 20 گھنٹے کی لوڈ شیڈنگ تھی اور لوگ موم بتی جلانے پر مجبور تھے۔ توانائی پر سول وار کا خطرہ رہا، کراچی میں امن و امان کی حالت انتہائی تشویشناک تھی، بلوچستان میں قومی ترانہ پڑھنا اور قومی پرچم لہرانا ایک جرم ہو گیا تھا، لیکن اب دہشت گردی کے واقعات میں کمی آئی ہے۔

انہوں نے کہا کہ جو بزنس مین کراچی چھوڑنا چاہتے تھے، رک گئے ہیں۔ اب 192 کارخانے کھل گئے ہیں۔ وہ پاکستان جہاں کوئی 10 ڈالر لگانے کے لیے تیار نہیں تھا، اب اربوں روپے کی سرمایہ کاری ہو رہی ہے۔

احسن اقبال نے مزید کہا کہ جی ڈی پی کی شرح 5 کے بجائے 6 فیصد حاصل کریں گے، اگر پاناما کا ڈرامہ نہ ہوتا تو جی ڈی پی کی شرح 6 اعشاریہ 2 سے 6 اعشاریہ 5 تک جا سکتی تھی۔

انہوں نے کہا کہ حکومت نے 4 سالوں میں 11 ہزار میگا واٹ توانائی پیدا کی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔