Tag: Ahsan Iqbal

ہائی پاورانکوائری کمیشن کو احسن اقبال کے خلاف پہلا کیس موصول

اسلام آباد : مسلم لیگ ن کے رہنما احسن اقبال سے نیب نے ناروال اسپورٹس سٹی منصوبے میں تفتیش کی، سوال نامہ بھی دے دیا، دوسری جانب وزیراعظم انکوائری کمیشن کو بھی احسن اقبال کے خلاف پہلا کیس موصول ہوگیا۔

تفصیلات کے مطابق قومی احتساب بیورو تفتیشی ٹیم نے نارووال سپورٹس سٹی منصوبے میں مبینہ کرپشن پر ڈیڑھ گھنٹہ تک ن لیگ کے رہنما احسن اقبال سے تفتیش کی ، مفصل اور با ضابطہ تحریری جواب کے لیے سوالنامہ احسن اقبال کے حوالے کر دیا گیا۔

نیب ذرائع کے مطابق نیب کی مشترکہ تحقیقاتی ٹیم کے روبرو سابق وزیر داخلہ احسن اقبال کا بیان ریکارڈ کرایا۔احسن اقبال پر حلقے میں اربوں روپے کےسپورٹس سٹی تعمیر کرکے قومی خزانے کو نقصان پہنچانے کا الزام ہے۔

ذرائع کا کہنا ہے کہ احسن اقبال نے خلافِ قانون 3 ارب روپےکامنصوبہ نارووال میں شروع کیا،نارووال میں سپورٹس سٹی کی تعمیر میں پاکستان اسپورٹس بورڈ نے بھی اختیارات سے تجاوزکیا۔

دوسری جانب وزیراعظم کےقائم انکوائری کمیشن کواحسن اقبال کےخلاف پہلاکیس بھی موصول ہوگیا۔دستاویز کےمطابق احسن اقبال نےقومی خزانےکوسترارب کانقصان پہنچایا۔

احسن اقبال کے خلاف مبینہ کرپشن کاکیس وفاقی وزیر مواصلات مرادسعیدکی جانب سےبھیجاگیا ہے ، کیس سےمتعلق اہم شواہداوردستاویزی ثبوت بھی انکوائری کمیشن کوموصول ہوگئے ہیں۔

دستاویزات کے مطابق احسن اقبال نےقومی خزانےکو مبینہ طور پر50سے70ارب کانقصان پہنچایا،2015میں بولی کےبعدٹھیکےسےپہلےہی کمپنی سے2013میں ایم اویوکیاگیا۔

ذرائع کا کہنا ہے کہ انکوائری کمیشن نےدستاویزکاجائزہ لیناشروع کردیا ہے اور ضرورت پڑنےپرہائی پاورکمیشن احسن اقبال کوطلب کرسکتاہے۔

دوسری جانب احسن اقبال نے اس پیش رفت پر موقف دیتے ہوئے کہا ہے کہ نیب کی جانب سےسوال نامہ دیاہےجس کاجواب دوں گا۔اسپورٹس سٹی میں کھیلوں کی تنظیموں کولےجائیں اوررائےلیں۔

ان کا کہنا تھا کہ ہم میں سےہرکوئی گرفتاری کےلیےتیارہے،گرفتاریوں کوتمغےکی طرح سینےسےلگائیں گے۔ انہوں نے مزید کہا کہ بلاول بھٹوبھی کہہ چکےاےپی سی کےفیصلوں کے ساتھ ہیں۔حکومت ہم سےزیادہ جلدی میں ہے، آبیل مجھےمارجیساحال ہے۔

جولائی 3, 2019
نارووال اسپورٹس سٹی منصوبےمیں مبینہ کرپشن، احسن اقبال کی کل نیب میں طلبی

اسلام آباد: نیب راولپنڈی نے نارووال اسپورٹس سٹی منصوبے میں مبینہ کرپشن کیس میں مسلم لیگ ن کے سینئر رہنما احسن اقبال کو کل طلب کرلیا، نیب نے کہا اربوں روپے کےاسپورٹس سٹی تعمیر کرکے قومی خزانے کو نقصان پہنچایاگیا۔

تفصیلات کے مطابق قومی احتساب بیورو (نیب ) کی جانب سے نارووال اسپورٹس سٹی منصوبے میں مبینہ کرپشن پر تحقیقات جاری ہے ، نیب راولپنڈی نے مسلم لیگ ن کے سینئر رہنما احسن اقبال کو طلب کرلیا، نیب نوٹس میں کہا گیا سابق وزیر داخلہ احسن اقبال کل نیب راولپنڈی کے دفتر میں پیش ہوں۔

ذرائع نیب کا کہنا ہے کہ اربوں روپے کے اسپورٹس سٹی تعمیر کرکے قومی خزانے کو نقصان پہنچایا گیا، احسن اقبال نے خلاف قانون 3 ارب روپے کا منصوبہ نارووال میں شروع کیا جبکہ اسپورٹس سٹی کی تعمیر میں پاکستان اسپورٹس بورڈ نے بھی اختیارات سے تجاوز کیا۔

یاد رہے مارچ میں یاد رہے وزیرمواصلات مراد سعید نے سابق وزیرمواصلات احسن اقبال کے خلاف این ایچ اے کے منصوبہ میں70 ارب روپے کی مبینہ کرپشن کے دستاویزی ثبوت سامنے لے آئے تھے۔

مزید پڑھیں : مراد سعید نے احسن اقبال کی اربوں کی کرپشن بے نقاب کردی

مراد سعید نے احسن اقبال اور مبینہ فرنٹ مین جاویدصادق سے متعلق اہم انکشافات کرتے ہوئے کہا تھا احسن اقبال بتائیں ملتان سکھرموٹروے کی ڈیل کرانے والا کون تھا۔ کیاجاوید صادق غیرملکی کمپنی کاایجنٹ اور آپ کافرنٹ مین نہیں تھا؟ کیا جاوید صادق احسن اقبال کو غیرملکی کمپنی میں نہیں لے کر گئے۔

خیال رہے این ایچ اے کے منصوبہ میں غیرملکی کمپنی کی مدد سے ستر ارب روپے کی مبینہ کرپشن کی گئی ، معاہدے پر سابق وزیرمواصلات نے دستخط بھی کیے ، حالانکہ اس سے قبل وہ اس کو منظور کرنے سے انکار کرچکے تھے۔

جولائی 2, 2019
احسن اقبال کی پاکستان پوسٹ میں بہتر کارکردگی کاکریڈٹ لینےکی کوشش، مراد سعیدکا جوابی وار

اسلام آباد : مسلم لیگ ن کے رہنما احسن اقبال کی پاکستان پوسٹ میں بہترکارکردگی کاکریڈٹ لینےکی کوشش میں مرادسعید نے جوابی وار کرتے ہوئے پوسٹل سروسزمیں حالیہ اقدامات کی رپورٹ جاری کردی۔

تفصیلات کے مطابق مسلم لیگ ن کے رہنما احسن اقبال نے چند ماہ میں شروع منصوبوں کو لیگی حکومت کاایجنڈاقرار دے دیا اور پاکستان پوسٹ میں بہترکارکردگی کاکریڈٹ لینےکی کوشش کی۔

جس پر وزیر مواصلات مراد سعید نے جواب دیتے ہوئے پاکستان پوسٹ میں ترقی کیلئے حالیہ انقلابی اقدامات کی رپورٹ جاری کردی ، جس میں بتایا گیا پوسٹل کے فرسودہ نظام کوجدیدٹیکنالوجی میں بدلنےکافیصلہ کیاتھا، لیگی دور میں پوسٹ کا سالانہ خسارہ 12 ارب سے تجاوز کر چکا تھا۔

رپورٹ میں کہا گیا موجودہ حکومت نے خسارے کے بجائے 624 کروڑ کا ریونیو بڑھایا، پاکستان پوسٹ میں ای کامرس کا آغاز صرف3 ماہ پہلے ہوا، مفت ترسیلات زر بھیجنے کی سہولت 2 ہفتے پہلے شروع ہوئی۔

جاری رپورٹ کے مطابق ون ڈے ڈیلیوری اور الیکٹرانک منی آرڈر کی سہولت شروع کی گئی، موبائل ایپ کاآغازمرادسعیدکی وزارت کےدوسرےماہ میں ہوا، پاکستان پوسٹ کےتمام ریسٹ ہاؤسزکھولنےکافیصلہ بھی گزشتہ ماہ ہوا۔

مرادسعید کا کہنا تھا بیرون ملک پارسل کی سہولت لیگی دورحکومت میں کیوں نہ دی گئی، حالیہ شروع منصوبوں کا لیگی حکومت کے ایجنڈے سے تعلق نہیں، منصوبوں کا آغاز، سوچ اور بنیاد موجودہ حکومت نے ڈالی۔

مزید پڑھیں : احسن اقبال سے کہتا ہوں آپ کے گھبرانے کا وقت آچکا ہے، مراد سعید

یاد رہے چند روز قبل وزیر برائے مواصلات مراد سعید نے پریس کانفرنس کرتے ہوئے کہا تھا کہ ملک کا بچہ بچہ کہہ رہا ہے پاکستان کو لوٹنے والوں کا احتساب کیا جائے، احسن اقبال سے کہتا ہوں آپ کے گھبرانے کا وقت آچکا ہے، کرپشن کے خاتمے تک ترقی کی منازل طے نہیں کی جا سکتی۔

ان کا کہنا تھا عمران خان کی قیادت میں کرپشن کا خاتمہ کریں گے، جس جس نے ملک لوٹا اس سے پیسہ واپس نکالیں گے، احسن اقبال کے کیس سے آغاز کر دیا ہے۔ احسن اقبال وزیر منصوبہ بندی ہو کر وزیر مواصلات کی جگہ دستخط کرتے رہے۔

وفاقی وزیر کا کہنا تھا کہ ملک لوٹنے اور معاشی بدحالی کا شکار کرنے والوں کا حساب ہونا چاہیئے، صرف پکڑ دھکڑ نہیں ہوگی بلکہ وصولی بھی کریں گے۔

جون 17, 2019
حکومت کو پتا ہی نہیں کہ پاکستان کو کس سمت لے کر جانا ہے: احسن اقبال

لاہور: ن لیگ کا کہنا ہے کہ نیب کے چھاپے نے چادر اور چاردیواری کےتقدس کوپامال کیا.

ان خیالات کا اظہار احسن اقبال اور مریم اورنگزیب نے شہبازشریف کےگھرچھاپے پر ردعمل دیتے ہوئے کیا.

[bs-quote quote=”نیب کے چھاپے نے چادراورچاردیواری کےتقدس کوپامال کیا
” style=”style-8″ align=”left” author_name=”احسن اقبال”][/bs-quote]

احسن اقبال کا کہنا تھا کہ حکومت کو پتا ہی نہیں کہ پاکستان کو کس سمت لے کر جانا ہے، یہ کہتے تھے کہ ہمارے آتے ہی حالات اچھے ہو جائیں گے، اب ان کے وعدے اور دعوے کہاں گئے.

مسلم لیگ کے سینئر رہنما نے کہا کہ اگلے3 سال ریکوری اورگروتھ کا کوئی امکان نہیں، یہ ہمیں 5.8 فی صد گروتھ سے3 فیصد پر لے آئے ہیں، غریب آدمی کی چیخیں نکل گئی ہیں، اپوزیشن کی ریاستی دہشت گردی کے ذریعے آواز کو دبانا چاہتے ہیں.

حکومت نےآتے ساتھ ہی اپنے انتقامی ایجنڈےپرعمل کیا، شہبازشریف کو گرفتارکیا گیا، جو نیب میں پیش ہو رہے تھے، دوران تفتیش شہبازشریف کو گرفتارکیا گیا، کیس کوعدالت نے ردی کی ٹوکری میں پھینک دیا تھا.

مزید پڑھیں: قوم چاہتی ہے کہ طاقتوروں کا احتساب ہو: ندیم افضل چن

احسن اقبال نے کہا کہ عمران خان شہبازشریف کودیکھ کر نروس ہوجاتے ہیں، یہ ملک عمران خان کی جاگیرنہیں ہے.

یاد رہے کہ نیب نے اپوزیشن لیڈر پنجاب اسمبلی حمزہ شہباز کی گرفتاری کے لئے ماڈل ٹاؤن 96 ایچ رہائش گاہ پر چھاپہ مارا تھا، مزاحمت کے پیش نظر حمزہ شہبازکی گرفتاری نہیں ہوسکی اور ٹیم حمزہ شہباز شریف کی رہائش گاہ سے واپس روانہ ہوگئی.

اپریل 5, 2019
ن لیگی رہنما احسن اقبال نےوفاقی وزیرمراد سعیدکو قانونی نوٹس بجھوادیا

لاہور : ن لیگی رہنما احسن اقبال نے وفاقی وزیر مراد سعید کو لیگل نوٹس بجھوا دیا، جس میں کہا گیا مراد سعید بے بنیاد الزام لگانے پر غیر مشروط معافی مانگیں، معافی نہ مانگنے پر مراد سعید کے خلاف دس ارب ہرجانے کا دعوای دائر کیا جائے گا۔

تفصیلات کے مطابق مسلم لیگ ن کے رہنما احسن اقبال نے ملتان سے سکھر موٹر وے منصوبے میں رشوت کے الزامات پر وفاقی وزیر مراد سعید کو لیگل نوٹس بجھوا دیا ، احسن اقبال نے اپنے وکیل اعظم نذیر تارڑ کے توسط سے مراد سعید کو نوٹس بھجوایا۔

جس میں کہا گیا مراد سعید نے احسن اقبال پر فرنٹ مین کے ذریعے 70 بلین کی رشوت لینے کا الزام لگایا ،بے بنیاد اور من گھڑت الزامات سے ساکھ متاثر کرنے کی کوشش کی گئی ہے۔

لیگل نوٹس میں مطالبہ کیا مراد سعید بے بنیاد الزام لگانے پر غیر مشروط معافی مانگیں، دنوں میں معافی نہ مانگنے پر قانونی چارہ جوئی کی جائے گی ، معافی نہ مانگنے پر مراد سعید کے خلاف دس ارب ہرجانے کا دعوای دائر کیا جائے گا۔.

مزید پڑھیں : مراد سعید نے احسن اقبال کی اربوں کی کرپشن بے نقاب کردی

یاد رہے وزیرمواصلات مراد سعید نے سابق وزیرمواصلات احسن اقبال کے خلاف این ایچ اے کے منصوبہ میں70 ارب روپے کی مبینہ کرپشن کے دستاویزی ثبوت سامنے لے آئے تھے۔۔

مراد سعید نے احسن اقبال اور مبینہ فرنٹ مین جاویدصادق سے متعلق اہم انکشافات کرتے ہوئے کہا تھا احسن اقبال بتائیں ملتان سکھرموٹروے کی ڈیل کرانے والا کون تھا۔ کیاجاوید صادق غیرملکی کمپنی کاایجنٹ اور آپ کافرنٹ مین نہیں تھا؟ کیا جاوید صادق احسن اقبال کو غیرملکی کمپنی میں نہیں لے کر گئے۔

وزیرمواصلات نے مزید کہا تھا جس معاہدے سےانکارکیاگیا، اس پراحسن اقبال کےدستخط کیوں؟ احسن اقبال نے معاہدے پر وزیر مواصلات بن کر دستخط کیوں کیے؟ 259 ارب کا پی سی ون 300 ارب میں کیسے بدلاگیا؟ اور پی سی ون کی منظوری میں کابینہ اورلاڈیپارٹمنٹ کو کیوں لا علم رکھاگیا؟

مرادسعید کا کہنا تھا سابقہ حکومت کہتی ہے کہ یہ منصوبہ سی پیک کے لئے شروع کیا جانا تھا، جب ڈیل کی گئی اس وقت سی پیک منصوبہ شروع ہی نہیں ہوا تھا۔

مزید پڑھیں :ملتان سکھر موٹروے میں ن لیگ کے بڑے گھپلوں کےثبوت موجود ہیں، مرادسعید

اس سے قبل وزیرمواصلات مرادسعید نے میڈیا بریفنگ میں ملتان سکھرموٹروے منصوبے میں ن لیگ کی کرپش کو بے نقاب کرتے ہوئے کہا تھا کہ نواز شریف، احسن اقبال،جاویدصادق نےکمپنی سےمعاہدہ کیا، ن لیگ نے بڑے منصوبےکمیشن کےحصول کیلئےشروع کئے اور حکومت کی بدانتظامی کی وجہ سےمنصوبےکی لاگت بڑھی۔

مراد سعید نے کہا تھا کہ ن لیگ حکومت نے ملتان سکھر موٹروے میں قومی خزانے کو کم از کم ساٹھ سے ستر ارب روپے کا نقصان پہنچایا، بڑے گھپلے کے ثبوت موجود ہیں، گھپلے کے مرکزی کردار احسن اقبال اور جاوید صادق ہیں، ن لیگ نے جاوید صادق کو فرنٹ مین کی حیثیت سے رکھا، پاکستان کے پیسے کو بے دردی سے لوٹاگیا، نیب کے پاس جانے والے مقدمات کی تفصیلات جانناچاہتے ہیں۔

مارچ 26, 2019
ڈیم کی تعمیر سے متعلق متنازع بیان: احسن اقبال کے خلاف توہین عدالت کی درخواست دائر

لاہور : سابق وفاقی وزیر داخلہ حسن اقبال کے خلاف توہین عدالت کی ایک اور درخواست دائر کر دی گئی، جس میں کہا گیا ہے کہ احسن اقبال نے سابق چیف جسٹس میاں ثاقب نثار سے اشتہارات کی مد میں خرچ ہونے والی رقم کی واپسی کا بیان دیا، جو توہین عدالت کے مترادف ہے۔

تفصیلات کے مطابق لاہور ہائی کورٹ میں سابق وفاقی وزیر داخلہ حسن اقبال کے خلاف توہین عدالت کی درخواست دائر کر دی گئی، دائر درخواست میں مؤقف اختیار کیا گیا ہے کہ ہائی کورٹ سے معافی ملنے کے باوجود احسن اقبال کی عدلیہ مخالف بیان بازی کی روش پر قائم ہے، انھوں نے سپریم کورٹ کی جانب سے ڈیم کی تعمیر کے بارے میں متنازع بیان دیا ہے۔

درخواست میں کہا گیا احسن اقبال نے سابق چیف جسٹس میاں ثاقب نثار سے اشتہارات کی مد میں خرچ ہونے والی رقم کی واپسی کا بیان دیا، جو توہین عدالت کے مترادف ہے۔

درخواست گزار کا مؤقف ہے کہ ڈیم کی تعمیر کیلئے اشتہار چیف جسٹس پاکستان نے نہیں بلکہ سپریم کورٹ نے دیئے، تمام اشتہارات پیمرا رولز کے تحت مفاد عامہ میں مفت نشر کیے گئے۔ ڈیم فنڈز کے متعلق بلاجواز تنقید کی گئی۔

دائر درخواست میں کہا گیا ڈیم فنڈز سے متعلق 13 ارب کے اشتہارات نہیں بلکہ پبلک سروس مسیج کے تحت چلائے گئے، عدلیہ مخالف بیان دینا سنگین جرم ہے اور توہین عدالت کے زمرے میں آتا ہے۔

درخواست میں استدعا کی گئی کہ عدلیہ مخالف بیان بازی پر احسن اقبال کے خلاف توہین عدالت کی کارروائی کی جائے۔

فروری 25, 2019
بجٹ میں مالی خسارہ کم نہیں کیا، نوید قمر، ریونیو کا ذکر نہیں، احسن اقبال

اسلام آباد : نون لیگ کے رہنما احسن اقبال نے کہا ہے کہ منی بجٹ تقریر کی کسی تجویز میں ریونیو کا ذکر نہیں، جبکہ پی پی کے نوید قمر نے کہا کہ بجٹ میں مالی خسارہ کم کرنے کے لئے کوئی اقدمات نہیں کیے گئے۔

تفصیلات کے مطابق حکومت کی جانب سے منی بجٹ پیش کرنے پر اپوزیشن رہنماؤں نے اپنے خیالات کا اظہار کرتے ہوئے بجٹ کو مجموعی طور پر حکومت کی ناکامی قرار دیا ہے۔

اس حوالے سے اے آر وائی نیوز سے گفتگو کرتے ہوئے نون لیگ کے رہنما احسن اقبال نے کہا کہ آج ملکی بجٹ اور پارلیمان کی تاریخ میں نیا ریکارڈ قائم کیا گیا ہے، موجودہ حکومت کو اقتصادی صورتحال کا ادراک نہیں، حکومت کی کسی تجویز میں ریونیو کا ذکر تک نہیں۔

ہمیں اس بات کا ڈر ہے کہ حکومت جلد مزید منی بجٹ کے اقدامات کرے گی، احسن اقبال کا مزید کہنا تھا کہ اپنا گھر اسکیم کے لئے صرف 5ارب روپے مختص کئے گئے ہیں۔

اپوزیشن قومی اسمبلی میں منی بجٹ پر اپنی رائے کا اظہار کرے گی، موجودہ حکومت نے گروتھ ریٹ کو تبادہ کردیا ہے، ڈالر کی قدر میں1روپے اضافے سے کھربوں روپے قرضہ چڑھ گیا۔

دوسری جانب پیپلز پارٹی کے ممبر قومی اسمبلی نوید قمر نے کہا کہ ملک کے معاشی حالات درست نہیں ہیں، آمدنی اور اخراجات کا فرق سے افراط زر پیدا ہوتا ہے اور بجٹ کا مقصد اس فرق کو ختم کرنا ہوتا ہے لیکن بجٹ میں مالی خسارہ کم کرنے کے لئے حکومت کی جانب سے کوئی اقدمات نہیں گئے۔

نوید قمر کا مزید کہنا تھا کہ ایسا لگتا ہے کہ حکومت کا اگلا قدم آئی ایم ایف کی طرف جانا ہوگا اگر ادھار پر معیشت چلانی ہے تو ماضی میں سابقہ حکومتوں پر تنقید کیوں ہوتی تھی۔

انہوں نے کہا کہ اب حکومت قلیل مدتی قرضے لے رہی ہے، حکمرانوں کو عوام سے سچ بولنا چاہئے تھا، اپوزیشن چاہتی ہے کہ ملک میں استحکام رہے اورحکومت قائم رہے لیکن اگر حکومت اپنے بوجھ سے خود ہی گرجائے تو ہم کیا کرسکتے ہیں۔

جنوری 23, 2019
نئے چیف جسٹس کی آبزرویشنز تازہ ہوا کا جھونکا ہیں، احسن اقبال کا ٹوئٹ

اسلام آباد : مسلم لیگ ن کے رہنما احسن اقبال کا کہنا ہے کہ نئے چیف جسٹس کی آبزرویشنزتازہ ہوا کا جھونکا ہیں، مقدمات میں تاخیرکیخلاف ڈٰیم اور سول بالادستی کے کمنٹس خوش آئندہیں۔

تفصیلات کے مطابق مسلم لیگ ن کے رہنما احسن اقبال نے سماجی رابطے کی ویہب سائٹ ٹوئٹر پر اپنے بیان میں کہا نئے چیف جسٹس کی آبزرویشنزتازہ ہوا کا جھونکا ہیں، عدلیہ کسی بھی معاشرے میں انصاف کی بنیاد ہوتی ہے، مقدمات میں تاخیر کیخلاف ڈٰیم اور سول بالادستی کے کمنٹس خوش آئند ہیں۔

The observations made by incoming CJ Khosa are a breath of fresh air after ex CJ Saqib Nisar’s era of “dam” justice. Judiciary is bedrock of justice in any society. His commitment to build dams against delays in cases & frivolous litigation and set civil supremacy are welcome.

— Ahsan Iqbal (@betterpakistan) January 19, 2019

یاد رہے فل کورٹ ریفرنس سے خطاب میں جسٹس آصف سعید کھوسہ نے کہا تھا کہ زیر التوامقدمات کا قرض اتاروں گا، فوج اورحساس اداروں کاسویلین معاملات میں دخل نہیں ہوناچاہیئے، ملٹری کورٹس میں سویلین کاٹرائل ساری دنیا میں غلط سمجھا جاتاہے، کوشش کریں گےسول عدالتوں میں بھی جلد فیصلے ہوں۔

مزید پڑھیں : جعلی مقدمات اور جھوٹےگواہوں کیخلاف ڈیم بناؤں گا ، جسٹس آصف سعید کھوسہ

ان کا مزید کہنا تھا کہ عدلیہ نےکہاں دوسرے اداروں کے اختیارات میں مداخلت کی؟ مقننہ کاکام بھی صرف قانون سازی ہے ترقیاتی فنڈزدینانہیں، مقننہ کاکام ٹرانسفرپوسٹنگ بھی نہیں، فوج اورحساس اداروں کاسویلین معاملات میں دخل نہیں ہونا چاہیے، ہائی کورٹ کو اپنے اختیارات حدود کے اندر رہ کر استعمال کرنے چاہئیں۔

جسٹس آصف سعید کھوسہ کا کہنا تھا کہ بطور چیف جسٹس انصاف کی فراہمی میں تعطل دور کرنے کی کوشش کروں گا، جعلی مقدمات اور جھوٹےگواہوں کیخلاف ڈیم بناؤں گا۔

خیال رہے گذشتہ روز جسٹس آصف سعید خان کھوسہ نے ملک کے 26 ویں چیف جسٹس کے عہدے کا حلف اٹھایا تھا ، صدر مملکت ڈاکٹرعارف علوی نے جسٹس آصف سعید کھوسہ سے چیف جسٹس آف پاکستان کے عہدے کا حلف لیا۔

جنوری 19, 2019
سابق وزیر احسن اقبال پر فائرنگ کرنے والے مجرم کو 27 سال قید کی سزا سنا دی گئی

گوجرانوالہ: سابق وزیر اور مسلم لیگ ن کے رہنما احسن اقبال پر فائرنگ کرنے والے مجرم عابد حسین کو 27 سال قید کی سزا سنا دی گئی۔ مجرم کو ایک لاکھ 30 ہزار روپے جرمانے کی ادائیگی کا حکم بھی دیا گیا ہے۔

تفصیلات کے مطابق گوجرانوالہ کی خصوصی عدالت نے احسن اقبال پر فائرنگ کے مقدمے کا فیصلہ سنا دیا۔ خصوصی عدالت نے مجرم عابد حسین کو 27 سال قید کی سزا دی ہے۔

عدالت نے مجرم عابد کو احسن اقبال کو 60 ہزار روپے معاوضہ ادا کرنے کا حکم بھی دیا ہے۔

مجرم کو غیر قانونی اسلحہ رکھنے اور استعمال کرنے پر 3 سال قید کی سزا کا حکم بھی شامل ہے جبکہ مجرم کو ایک لاکھ 30 ہزار روپے جرمانہ ادا کرنے کا حکم بھی دیا گیا ہے۔

خیال رہے کہ سابق وزیر داخلہ احسن اقبال پر فائرنگ کا واقعہ رواں برس 6 مئی کو پیش آیا تھا۔ احسن اقبال نارووال میں کرسچن کمیونٹی کی کارنر میٹنگ سے خطاب کر کے نکلے تو مسلح شخص نے ان پر فائرنگ کردی۔

واقعے میں گولی احسن اقبال کے سیدھے بازو کو چھوتی ہوئی پیٹ کے نچلے حصے میں لگی۔ انہیں فوری طور پر اسپتال منتقل کیا گیا جہاں بروقت علاج کر کے ان کی جان بچا لی گئی۔

ان پر حملہ کرنے والے مجرم عابد نے اعتراف جرم کرتے ہوئے کہا تھا کہ احسن اقبال نے ختم نبوت کے حوالے سے بیانات دیے تھے جس پر رنج تھا، اس وجہ سے احسن اقبال پر حملہ کیا۔

مجرم کے مطابق اس نے احسن اقبال پر حملہ مکمل منصوبہ بندی کے تحت کیا۔ عینی شاہدین کے مطابق ملزم دھوکہ دینے کے لیے میٹنگ کے دوران ن لیگ کے حق میں نعرے لگاتا رہا اور پھر اچانک حملہ کر دیا۔

اکتوبر 27, 2018
پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں، احسن اقبال

گوجرانوالہ: سابق وزیر داخلہ چوہدری احسن اقبال کا کہنا ہے کہ موجودہ حکومت کو سودن تک فری ہینڈ دینے کا فیصلہ کیا گیا ہے ،پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں۔

تفصیلات کے مطابق انسداددہشت گردی کی خصوصی عدالت میں سابق وزیر داخلہ چوہدری احسن اقبال پر قاتلہ حملے کے کیس کی سماعت کی گئی، جس میں سابق وزیر داخلہ کے بیانات قلمبند کیے گئے۔

عدالت کے باہر میڈیا سے گفتگو کرتے ہوئے سابق وزیر داخلہ چوہدری احسن اقبال نے کہا کہ موجودہ حکومت کو سودن تک فری ہینڈ دینے کا فیصلہ کیا گیا ہے ،پاکستان کو جنت بنانے کا دعویٰ کرنے والے پاکستان کو دوزخ بنا رہے ہیں۔

احسن اقبال کا کہنا تھا کہ تیس دنوں میں حکومت نے مہنگائی کا طوفان کھڑا کر دیا جس سے عوام کی مشکلات میں اضافہ ہو گیا ہے، عمران خان کے جتنے دوستوں کو کلیدی عہدوں پر لگایا گیا ہے اس کی مثال نہیں ملتی۔

سی پیک کے حوالے سے گفتگو کرتے ہوئے سابق وفاقی وزیر نے کہا کہ پاکستان کی ترقی سی پیک منصوبے سے منسلک ہے اورکچھ لوگ اپنے مفادات کی خاطر سی پیک کو متنازعہ بنانا چاہتے ہیں۔

ان کا کہنا تھاکہ سی پیک دو حکومتوں کا نہیں دو ریاستوں کا منصوبہ ہے اوراس کے منصوبے انتہائی شفافیت سے لگے ہیں جن پر بلاوجہ کے اعتراضات اٹھائے جا رہے ہیں۔

چوہدری احسن اقبال نے کہا کہ میاں نواز شریف کی رہائی کوئی ڈیل نہیں ان کی سیاست کھولی کتا ب ہے وہ پاکستان کی عوام کی خاطر اپنی بیٹی سمیت جیل گئے ہائی کورٹ کی سماعت سے سب کو پتہ چل گیا کہ نیب کے پاس کوئی کیس نہیں ہے ہائی کورٹ متعدد دن پوچھتا رہا کہ کرپشن کے ثبوت لے کر آؤ لیکن نیب پیش کرنے سے قاصر رہا۔

ن لیگی رہنما کا کہنا تھا کہ دیامیر بھاشا ڈیم پر ہماری حکومت نے کام شروع کیا ہماری حکومت نے دیامیر بھاشا ڈیم کے لیے 122ارب روپے سے زیادہ رقم کی ہم نے 14000ایکڑ سے ذیادہ زمین خریدی اور اس سال بھی ہم نے چوبیس ارب روپے نجٹ میں ڈیم کے لیے مختص کیے تھے، بغیر پاور سیکٹر کے دیا میر بھاشا ڈیم کی لاگت 850ارب روپے بنتی ہے جب تک یہ رقم جمع نہیں ہوتے ہم ایسے شروع نہیں کر سکتے۔

وزیر اعظم آزاد کشمیر پر بھارتی فوج کی فائرنگ پر بات کرتے ہوئے سابق وفاقی وزیر نے کہا کہ وزیر اعظم آزاد کشمیر پر بھارتی فوج کی فائرنگ کی بھرپور مذمت کرتے ہیں بھارت اپنے تمام ریاسی جبر کے باوجود کشمیریوں کی آواز نہیں دبا سکا۔

ان کا مزید کہنا تھا کہ بھارت پاکستان کی طرف میلی نگاہ اٹھائے گا تو اس کو بھرپور جواب ملے گا۔

اکتوبر 1, 2018