لاہور: سابق وفاقی وزیر داخلہ احسن اقبال نے کہا ہے کہ ہمیں سابق میاں بیوی کے معاملے میں نامناسب طور پر گھسیٹا جارہا ہے، میں ان کے خلاف قانونی کارروائی نہیں کروں گا۔

ان خیالات کا اظہار انھوں نے لاہور میں میڈیا سے گفتگو کرتے ہوئے کیا، ان کا کہنا تھا کہ سابق میاں بیوی کے خلاف قانونی کارروائی کرنے سے زیادہ اہم مسائل موجود ہیں۔

سابق وزیر داخلہ نے کہا کہ ہر غیر ضروری بات پر نوٹس لے کر اسے ہائی لائٹ کرنے کی ضرورت نہیں ہے، عمران اور ریحام نے مجھ سے پوچھ کر تو شادی نہیں کی تھی۔

احسن اقبال کا کہنا تھا کہ عمران خان اور ریحام خان کا معاملہ سابق میاں بیوی والا ہے، ہم ریحام سے ملاقات یا رابطے کی تردید کر چکے ہیں، ہمیں الیکشن جیتنے کے لیے کسی اسکینڈل کی ضرورت نہیں۔

عمران خان کا اناڑی پن ہی انھیں الیکشن میں شکست دینے کے لیے کافی ہے، اس وقت پشاور شہر کھنڈر اور کراچی گندگی کا ڈھیر بن چکا ہے، الیکشن میں کے پی، سندھ اور بلوچستان کے لوگ ن لیگ کو ووٹ دیں گے۔

ریحام خان نے کتاب میں شہرت اور پیسے کیلئےالزامات لگائے، وسیم اکرم

ن لیگ کے رہنما احسن اقبال نے کہا کہ اگلا الیکشن کارکردگی کا ہوگا نعروں کا نہیں، ہم نے ملک سے اندھیروں اور دہشت گردی کا خاتمہ کیا، عمران ثابت کرچکے ہیں کہ وہ ملکی قیادت کے لیے اہل نہیں۔

سابق وزیر داخلہ کا کہنا تھا کہ مسلم ن لیگ کی حکمرانی میں پورے پنجاب میں ترقی ہوئی ہے، ہمارے جانے کے بعد کوئی تبدیلی ہوئی تو اربوں ڈالر کے پروجیکٹ کا حشر 1999 جیسا ہوگا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

لاہور: وفاقی وزیر داخلہ احسن اقبال نے کہا ہے کہ اگر وژن پاکستان دیکھا جائے تو 100 دن کا پروگرام اس کا چربہ لگتا ہے۔

ان خیالات کا اظہار انھوں نے میڈیا سے گفتگو کرتے ہوئے کیا، ان کا کہنا تھا کہ اس وقت دو جماعتوں میں مقابلہ ہے، ایک پریزنٹیشن پارٹی ہے دوسری پرفارمنس پارٹی۔

احسن اقبال نے کہا کہ ہماری سیاست میں شعبدہ بازی کی کمی نہیں ہے، ایک بہت ہی بڑے شعبدہ باز نے 100 دن کا پروگرام پیش کیا، نقل مارنے کے لیے بھی عقل کی ضرورت ہوتی ہے۔ پریزنٹیشن سے نہیں پرفارمنس سے الیکشن جیتا جاسکتا ہے، مزید کہا کہ عمران خان ’نیٹو‘ ہے جس کا مطلب ہے  ’نو ایکشن ٹاک اونلی‘۔

ان کا کہنا تھا کہ مسئلہ 100 دن کا نہیں آئندہ 1825 دن کا ہے، قوم دیکھے کہ جو وعدے کیے جا رہے ہیں انہیں کون پوراکرے گا، پشاور میں ایک میٹرو کی تعمیر کے باعث پورا شہر کھنڈر بنا ہوا ہے۔

پاکستان کےعوام کی عدالت میں تین جماعتیں موجود ہیں، ایک دن کراچی، ایک دن پشاوراور ایک دن لاہور میں گزار کر دیکھیں، فرق معلوم ہوجائے گا۔

احسن اقبال نے کہا کہ ہم نےگزشتہ پانچ سال میں دس ہزار میگاواٹ بجلی پیدا کی، پانچ سال کی ترقی کی رفتار کوعالمی ادارے بھی تسلیم کرتے ہیں، ترقی کی اوسط شرح کوتین فی صد سے پانچ فی صد پر لے آئے۔

تحریک انصاف نے پہلے سو روزہ ایجنڈے کا اعلان کردیا

انھوں نے کہا کہ ہماری حکومت نے دہشت گردی کا خاتمہ کیا، کراچی جیسے شہر میں امن واپس آچکا ہے، بلوچستان میں قومی جھنڈا لہرانا جرم بن چکا تھا آج وہاں لہرا رہا ہے۔

ان کا کہنا تھا کہ عمران خان جب حکومت میں آئیں گے تو پھر پروگرام رکھیں گے، 2013 میں پیش کیا گیا ان کا پروگرام عملی طور پر نظرنہیں آیا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔