اسلام آباد : وزیراعظم کی معاون خصوصی اطلاعات و نشریات ڈاکٹرفردوس عاشق اعوان نے کہا ہے کہ احساس پروگرام کےتحت اہل اور حقدار طلبا کو 50ہزار اسکالر شپ دی جائیں گی ، اطلاق تقریباً 152 سرکاری یونیورسٹیوں پر ہوگا۔
تفصیلات کے مطابق وزیراعظم کی معاون خصوصی اطلاعات و نشریات ڈاکٹر فردوس عاشق اعوان نے سماجی رابطے کی ویب سائٹ ٹوئٹر پر اپنے بیان میں کہا ملک میں یکساں اورمعیاری تعلیم کافروغ عمران خان کامشن ہے، احساس پروگرام کےتحت اہل اورحقدارطلباکو50ہزاراسکالرشپ دی جائیں گی، وظائف 45ہزار سے کم آمدن رکھنے والے خاندان کے طلبا کو دیے جائیں گے۔
ملک میں یکساں اور معیاری تعلیم کا فروغ عمران خان کا مشن ہے۔غریبوں اور محروموں کے حقوق کے ضامن احساس پروگرام کے تحت اہل اور حقدار طلباء کو 50 ہزار سکالرشپس دیے جائیں گے۔یہ وظائف ان خاندانوں کے طلباء میں تقسیم کئے جائیں گے جن کی آمدن 45000 روپے سے کم ہے۔
— Firdous Ashiq Awan (@Dr_FirdousPTI) October 30, 2019
فردوس عاشق اعوان کا کہنا تھا کہ پروگرام کے تحت50فیصدکوٹہ خواتین، 2 فیصد معذور طلبا کے لیے ہوگا، وظائف میں کتابوں کی فراہمی، ٹرانسپورٹ، رہائش اور دیگرضروریات شامل ہیں ، اطلاق تقریباً 152 سرکاری یونیورسٹیوں پر ہوگا۔
کم آمدن والے افراد کی سماجی بہبود کے پروگرام کے تحت 50 فیصد کوٹہ خواتین جبکہ دو فیصد کوٹہ معذور طلباء کیلئے مختص ہو گا۔ان وظائف میں کتابوں کی فراہمی، ٹرانسپورٹ، رہائش اوردیگر ضروریات شامل ہوں گی۔اس کا اطلاق تقریباً 152 تمام سرکاری یونیورسٹیوں پر ہوگا۔
— Firdous Ashiq Awan (@Dr_FirdousPTI) October 30, 2019