کراچی (26 اگست 2025): گوگل نے پاکستانی صارفین کے لیے انگریزی زبان میں اپنا سب سے طاقتور سرچ انجن اے آئی موڈ متعارف کرا دیا۔
گوگل نے پاکستان میں انگریزی زبان میں AI موڈ متعارف کرا دیا ہے، جس کے ذریعے اس کا AI کی طاقت سے چلنے والا سب سے طاقتور سرچ انجن مقامی صارفین کو بھی دستیاب ہو گیا ہے۔ یہ AI موڈ پیچیدہ سوالات کے تیز تر اور جامع جوابات فراہم کرتا ہے۔
گوگل نے اس اے آئی موڈ کو سال رواں کے اوائل میں سب سے پہلے امریکا میں متعارف کرایا تھا اور اب دنیا بھر میں پھیل رہا ہے۔ اس کی مقبولیت ان افراد میں بڑھ رہی ہے، جو اس کی رفتار، معیار اور تازہ ترین جوابات کو سراہتے ہیں۔
AI موڈ اب پاکستان میں انگریزی زبان میں گوگل ایپ (اینڈرائیڈ اور iOS) پر، اور موبائل و ڈیسک ٹاپ ویب دونوں پر دستیاب ہے۔
GEMINI 2.5 کا کسٹم ورژن کا اے آئی موڈ صارفین کو لمبے اور زیادہ پیچیدہ سوالات پوچھنے کی سہولت دیتا ہے جو اس سے قبل متعدد سرچز کے ذریعے ہی ممکن تھے۔ یہ ایک ہی وقت میں کئی سوالات کے تفصیلی جوابات دیتا ہے اور مزید تحقیق کے لیے کارآمد لنکس بھی فراہم کرتا ہے۔
ابتدائی ٹیسٹرز نے ثابت کیا ہے کہ اس موڈمیں کئے گئے سوالات روایتی سرچ کے مقابلے میں پہلے ہی 2 سے 3 گنا زیادہ طویل ہیں اور اس بات کا ثبوت ہیں کہ یہ خاص طور پر تحقیقی کاموں جیسا کہ پروڈکٹس کا موازنہ کرنے، سفر کی منصوبہ بندی کرنے یا پیچیدہ HOW-TOSسمجھنے کے لیے بے حد مددگار ہے۔
پاکستانی صارفین مختلف مواقع جیسا کہ سفر کی منصوبہ بندی، نظر ثانی، بچوں کی تعلیم میں مدد کے لیے اے آئی موڈ کو استعمال کر سکتے ہیں۔
AI موڈ ایک query fan-out تکنیک استعمال کرتا ہے، جو آپ کے سوال کو ذیلی موضوعات میں تقسیم کر کے آپ کی جانب سے متعدد سرچز جاری کرتا ہے۔ اس طریقے سے سرچ پہلے سے کہیں زیادہ گہرائی میں ویب کو کھنگالتا ہے اور آپ کو شاندار اور انتہائی متعلقہ مواد تلاش کرنے میں مدد دیتا ہے۔
اس تجربے کو منفرد بنانے والی بات یہ ہے کہ یہ جدید ماڈل کی صلاحیتوں کو گوگل کے بہترین معلوماتی نظام کے ساتھ یکجا کرتا ہے، اور یہ براہِ راست سرچ میں شامل ہے۔ صارفین نہ صرف اعلیٰ معیار کا ویب مواد حاصل کر سکتے ہیں بلکہ تازہ اور فی الفور ذرائع جیسا کہ نالج گراف اور اربوں مصنوعات کے شاپنگ ڈیٹا سے بھی استفادہ کر سکتے ہیں۔