Tag: AIMA BAIG

پاکستان کی معروف گلوکارہ آئمہ بیگ نے کچھ وقت کے لیے پاکستان سے باہر رہنے کا اعلان کیا ہے۔

پاکستان کی نامور گلوکارہ آئمہ بیگ نے فوٹو اینڈ شیئرنگ ایپ انسٹاگرام پر چند اسٹوریز شیئر کی جس میں انہوں نے بتایا کہ وہ عمرہ کی ادائیگی کے لیے روانہ ہورہی ہیں ساتھ ہی کچھ وقت تک وہ پاکستان سے باہر رہیں گی۔

گلوکارہ کی جانب سے شیئر کردہ ایک اسٹوری میں انہیں جہاز میں دیکھا جاسکتا ہے جبکہ ایک اور تصویر انہیں دبئی ایئرپورٹ پر دیکھا جاسکتا ہے۔

آئمہ بیگ نے اپنی پہلی اسٹوری میں لکھا ہے ’’اللہ عمرہ قبول کرے اور اپنے حفظ و امان میں رکھے، بائے بائے پاکستان، میں اپنے ملک کو بہت یاد کروں گی، میں معمول سے ہٹ کر ایک دو ہفتے یا مہینوں سے زائد عرصے کے لیے باہر جا رہی ہوں‘‘۔

انہوں نے لکھا کہ ’’میں خوش نہیں ہوں مگر مجھے یقین ہے ہم جس حالت سے گزر رہے ہیں اللہ سب ٹھیک کر دے گا ‘‘، ایک اور اسٹوری میں گلوکارہ نے لکھا ہے کہ ’میں پاکستان کو یاد کروں گی‘۔

آئمہ بیگ نے اپنی اسٹوریز میں جہاز کی کھڑکی کی تصویر شیئر کرتے ہوئے مزید لکھا ہے کہ ’ بادل بھی رو رہے ہیں کہ میں  لمبے عرصے کے لیے جا رہی ہوں، بہت تیز بارش ہے، امید کرتی ہوں کہ یہ میرا آخری عمرہ نہیں ہوگا ‘۔

ایک اور اسٹوری میں آئمہ بیگ نے اپنی مکمل تصویر شیئر کرتے ہوئے مداحوں کو اپنا لباس دیکھایا اور لکھا کہ ’’پاکستان چھوڑنے سے پہلے یہ میرا آخری لباس‘،  اور میں اُن لوگوں سے معذرت خواہ ہوں جن سے میں پاکستان چھوڑنے سے قبل مل نہیں سکی۔

آئمہ بیگ نے اسٹوری پر ایک ویڈیو شیئر کی جس میں ان کا کہنا تھا کہ سب مجھ سے پاکستان چھوڑنے سے متعلق سوال کر رہے ہیں، بے فکر رہیں، میں کہیں نہیں جا رہی، میں آپ لوگوں کی اتنی آسانی سے جان نہیں چھوڑنے والی، میں واپس آؤں گی، رہی بات میوزک کی تو مجھے میوزک سے پیار ہے، ابھی تو میوزک بنانا میں نے شروع کیا ہے۔

ایک اسٹوری میں گلوکارہ کا کہنا ہے کہ میں معمول سے ہٹ کر لمبے عرصے کے لیے پاکستان سے باہر ضرور جا رہی ہوں مگر یہ سارا سفر میرے پیشے اور کام سے متعلق ہوگا، میرا پہلا البم 18 اگست کو آئے گا۔

آئمہ نے مزید کہا کہ ہر آرٹسٹ کو کام کے سلسلے میں ایک سے دوسرے ملک جانا پڑتا ہے، ہر آرٹسٹ بہت سفر کرتا ہے، مگر میں اس بار کچھ زیادہ طویل عرصے کے لیے ملک سے باہر جا رہی ہوں۔

 

View this post on Instagram

 

A post shared by Jeddah Season – Community & Asian Cultural Concerts (@jeddah_season)

 

View this post on Instagram

 

A post shared by Galaxy Lollywood (@galaxylollywood)

شوبز انڈسٹری کی معروف گلوکارہ آئمہ بیگ نے سُر میں گانا گانے کی عجیب و غریب منطق پیش کر دی جس کی ویڈیو وائرل ہوگئی۔

معروف گلوکارہ آئمہ بیگ نے پاکستان میں ہٹ گانوں سے شہرت حاصل کی، انہوں نے فوٹو اور ویڈیو شیئرنگ پلیٹ فارم انسٹاگرام پر بڑے پیمانے پر توجہ حاصل کی۔

 

View this post on Instagram

 

A post shared by Galaxy Lollywood (@galaxylollywood)

آئمہ بیگ کی دلچسپ اور مزاحیہ ویڈیو سوشمل میڈیا پرگردش کررہی ہے جس میں انہیں کار میں بیٹھے گول گپوں کا مزہ لیتے دیکھا جاسکتا ہے۔

اپنے کنسرٹ سے پہلے انہوں نے ایک عجیب مشورہ دیا، آئمہ نے بتایا کہ اگر آپ سُر میں گانا چاہتے ہیں تو گانے سے پہلے گول گپے کھٹے پانی کے ساتھ کھائیں۔

ویڈیو میں گلوکارہ کو گول گپے کھانے کا طریقہ بتاتے ہوئے دیکھا جاسکتا ہے،گلوکارہ کا سحر انگیز گلوکاری سے قبل کھٹے پانی کے ساتھ گول گپے کھانے کے مشورے پر صارفین کی جانب سے دلچسپ تبصرے بھی کیے جا رہے ہیں۔

گلوکارہ آئمہ بیگ کو اپنی منفرد اور خوبصورت آواز کی وجہ سے پاکستان کا اُبھرتا ہوا ٹیلنٹ سمجھا جاتا ہے جنہوں نے کوک اسٹوڈیو کے علاوہ متعدد ڈراموں کے ٹائٹل گیت کے ساتھ ساتھ فلموں میں بھی گلوکاری کی ہے۔