Tag: Aiman khan

  • ایمن خان اور منیب بٹ کے ہاں تیسرے بچے کی پیدائش، نام بھی بتادیا

    ایمن خان اور منیب بٹ کے ہاں تیسرے بچے کی پیدائش، نام بھی بتادیا

    کراچی(27 اگست 2025): پاکستان شوبز انڈسٹری کی معرود اداکارہ ایمن خان اور منیب بٹ کے ہاں تیسرے بچے کی پیدائش ہوئی ہے۔

    پاکستانی اداکارہ منال خان نے فوٹو اینڈ شیئرنگ ایپ انسٹاگرام پر یہ خوشی کی خبر شیئر کی ہے جس میں انہوں نے بتایا کہ منیب اور ایمن تیسری بار بیٹی کے والدین بن گئے ہیں۔

    اداکارہ نے پوسٹ میں بتایا کہ معروف جوڑے کے ہاں 26 اگست کو بیٹی کی ولادت ہوئی ہے جس کا نام ‘نیمل منیب’ رکھا ہے، جبکہ منال خان بھی نیمل کی آمد پر بہت خوش ہیں۔

     

    دوسری جانبسوشل میڈیا پر منیب بٹ کی انسٹا اسٹوری کا اسکرین شاٹ وائرل ہے انہوں نے اپنی ننھی پری کی پیدائش کا اعلان کیا ہے، جس پر مداحوں سمیت شوبز شخصیات کی جانب سے مبارکبادیں دی جارہی ہیں۔

    واضح رہے کہ ایمن اور منیب کہ ہاں پہلی بیٹی امل کی پیدائش 2019 میں جب کہ دوسری بیٹی مرال کی پیدائش 2023 میں ہوئی تھی، انہوں نے 2016 میں منیب بٹ سے شادی کی تھی اور 2019 میں ان کے ہاں پہلی بیٹی کی پیدائش ہوئی تھی۔

  • ایمن خان کی بیٹی کے ساتھ پیار بھرے لمحات کی ویڈیو وائرل

    ایمن خان کی بیٹی کے ساتھ پیار بھرے لمحات کی ویڈیو وائرل

    معروف اداکارہ ایمن خان کی اپنی بیٹی کے ساتھ پیار بھرے لمحات کی ویڈیو وائرل ہوگئی، مداحوں نےدونوں کے لیے نیک تمناؤں کا اظہار کیا۔

    تفصیلات کے مطابق معروف اداکارہ ایمن خان شمالی علاقہ جات میں سیر و تفریح کر رہی ہیں، اس موقع پر انہوں نے اپنی 2 سالہ بیٹی امل کے ساتھ دلچسپ ویڈیو شیئر کی۔

     

    View this post on Instagram

     

    A post shared by Aiman Muneeb (@aimankhan.official)

    ویڈیو میں وہ کھڑکی کے پاس اپنی بیٹی کو گود میں اٹھائے کھڑی ہیں اور اسے پیار کر رہی ہیں۔

    مداحوں نے خوبصورت لمحات کی ان ویڈیو کو بے حد پسند کیا اور دونوں کے لیے نیک تمناؤں کا اظہار کیا۔

     

    View this post on Instagram

     

    A post shared by Aiman Muneeb (@aimankhan.official)

    خیال رہے کہ ایمن خان سنہ 2018 میں اداکار منیب خان کے ساتھ رشتہ ازدواج میں منسلک ہوئی تھیں، دونوں کی دو سالہ بیٹی بھی ہے جس کا نام امل منیب ہے۔

  • ایمن خان کا بہن اور بہنوئی کے لیے جذباتی پیغام

    ایمن خان کا بہن اور بہنوئی کے لیے جذباتی پیغام

    معروف اداکارہ ایمن خان نے اپنی بہن منال خان کے منگیتر احسن محسن اکرام کو کہا ہے کہ میری بہن کا خیال رکھنا۔

    شوبز انڈسٹری کی معروف جوڑی منال خان اور احسن محسن نے اپنی بات پکی ہونے کا اعلان چند روز قبل کیا تھا اور دونوں نے سماجی رابطے کی ویب سائٹ انسٹاگرام پر منگنی کی تصاویر بھی شیئر کی تھیں۔

     

    View this post on Instagram

     

    A post shared by Minal Khan (@minalkhan.official)

    اس دوران ایمن خان نے اپنی انسٹاگرام اسٹوری پر احسن کو اپنے خاندان میں شامل ہونے پر خوش آمدید بھی کہا تھا۔

    اب انہوں نے انسٹاگرام پر بہن اور اس کے منگیتر کے ساتھ تصویر شیئر کر کے دونوں کو مبارکباد دی اور ساتھ میں لکھا کہ میری بہن کا خیال رکھنا۔

     

    View this post on Instagram

     

    A post shared by AIMAN MUNEEB (@aimankhan.official)

    یاد رہے کہ ایمن خان سنہ 2018 میں منیب بٹ کے ساتھ رشتہ ازدواج میں منسلک ہوئی تھیں۔

  • سجل علی اور ایمن خان کے لیے اہم اعزاز

    سجل علی اور ایمن خان کے لیے اہم اعزاز

    پاکستان کے معروف اداکار بلال عباس خان، سجل علی، ایمن خان اور گلوکار دانیال ظفر کو اہم اعزاز حاصل ہوگیا، ان فنکاروں کو گلوبل ایشین اسٹارز کی فہرست میں شامل کیا گیا ہے۔

    برطانوی اخبار ایسٹرن آئی نے سال 2021 میں 30 انڈر 30 گلوبل ایشین اسٹارز کی فہرست جاری کی ہے، فہرست میں ان باصلاحیت فنکاروں کو شامل کیا گیا ہے جو بہت کم عمری میں دنیا بھر میں مقبول ہو رہے ہیں۔

    اس فہرست میں اداکار بلال عباس خان، سجل علی، ایمن خان اور گلوکار دانیال ظفر بھی شامل ہیں۔

    گزشتہ مہینے ایسٹرن آئی نے بلال عباس کو ایشیا کی 50 مقبول شخصیات میں شامل کیا تھا اور اب انہیں اس فہرست میں بھی شامل کیا ہے۔

    ایسٹرن آئی نے لکھا کہ 27 سالہ بلال عباس خود کو پاکستان میں فلم اور ٹی وی کے مستقبل کی پوزیشن پر لائے ہیں اور وہ مزید ہائی پروفائل ٹی وی اور فلم پروجیکٹس کرنے جارہے ہیں۔

    فہرست میں شامل پاکستانی اداکارہ ایمن خان 22 سال کی عمر میں انسٹاگرام پر سب سے زیادہ فالو کی جانے والی پاکستانی اداکارہ ہیں۔ ایمن خان لگ بھگ ایک دہائی سے پاکستان ڈراموں میں اداکاری کر رہی ہیں اور اب کافی مقبول ہیں۔

    ایسٹرن آئی کی فہرست میں شامل 27 سالہ سجل علی بھی ایک دہائی سے زائد پاکستانی ٹی وی پر اپنی اداکاری کے جلوے دکھا رہی ہیں اور ملک کی صف اول کی اداکاراؤں میں شامل ہیں۔

    وہ اب عالمی سطح کے پروجیکٹس میں بھی کام کر رہی ہیں۔

    فہرست میں ایک اور نام 24 سالہ گلوکار و موسیقار دانیال ظفر کا ہے جو اس فہرست میں تیسرے نمبر پر ہیں، وہ پاکستان کے معروف اداکار و گلوکار علی ظفر کے چھوٹے بھائی ہیں۔

    اس فہرست میں کئی ہالی ووڈ و بالی ووڈ اداکار و گلوکار بھی شامل ہیں جن میں ایمان ویلانی، عالیہ بھٹ اور زین ملک وغیرہ شامل ہیں۔

  • ایمن خان اور منیب بٹ کی انسٹاگرام پوسٹ کے چرچے

    ایمن خان اور منیب بٹ کی انسٹاگرام پوسٹ کے چرچے

    کراچی: پاکستانی شوبز انڈسٹری کے معروف اداکارہ ایمن خان اور اداکار منیب بٹ کی نئی تصاویر سوشل میڈیا پر وائرل ہوگئیں۔

    تفصیلات کے مطابق اداکارہ ایمن خان نے سماجی رابطے کی ویب سائٹ انسٹاگرام پر اپنی نئی تصویریں شیئر کی ہیں جن میں وہ شوہر منیب بٹ کے ہمراہ ترکی کے شہر استنبول میں موجود ہیں۔

    ایمن خان نے جینز اور شرٹ کے ساتھ کوٹ زیب تن کیا ہوا ہے، اداکارہ نے تصویر پوسٹ کرتے ہوئے لکھا کہ ’واقعی میں استنبول ایک خاص شہر ہے۔‘

    اداکارہ نے اپنے شوہر و اداکار منیب بٹ کے ساتھ بھی تصاویر شیئر کیں، جن میں وہ ترکی کے حسین مناظر سے لطف اندوز ہورہی ہیں۔

    ایمن نے اپنی اس پوسٹ میں لکھا کہ ’ہر لمحے سے محبت کریں۔‘

    دوسری جانب منیب بٹ نے بھی اپنے انسٹاگرام اکاؤںٹ پر اہلیہ کے ہمراہ تصاویر شیئر کیں جنہیں مداحوں کی جانب سے خوب سراہا جارہا ہے۔

    منیب بٹ نے ایمن خان کے ساتھ تصویریں پوسٹ کرتے ہوئے ترکی کو ایک خوبصورت ملک قرار دیا، انہوں نے تصاویر کے ساتھ کیپشن لکھا کہ ’مرحبا ترکی۔‘

    واضح رہے کہ پاکستان شوبز انڈسٹری کی مقبول جوڑی ایمن اور منیب گزشتہ دنوں چھٹیاں گزارنے کے لیے ترکی روانہ ہوئے تھے، اس سے قبل عدنان صدیقی، کنزہ ہاشمی، ایمان علی، سعدیہ خان نے بھی ترکی کا رخ کیا تھا۔

  • کیا منال کی شادی ہورہی ہے؟ ایمن خان کی پوسٹ کئی سوال چھوڑ گئی

    کیا منال کی شادی ہورہی ہے؟ ایمن خان کی پوسٹ کئی سوال چھوڑ گئی

    کراچی: پاکستانی شوبز انڈسٹری کی معروف اداکارہ ایمن خان کی جانب سے سوشل میڈیا پر شیئر کی جانے والی تصویر مداحوں کے لیے کئی سوال چھوڑ گئی۔

    تفصیلات کے مطابق پاکستانی شوبز انڈسٹری سے وابستہ جڑواں بہنیں اداکارہ ایمن خان اور منال خان کے مداحوں کی تعداد سوشل میڈیا پر لاکھوں میں ہے اور مداحوں کی جانب سے ان دونوں اداکاراؤں کی شیئر کردہ تصاویر اور ویڈیوز کو خوب سراہا جاتا ہے۔

    سماجی رابطے کی ویب سائٹ انسٹاگرام پر ایمن خان نے ایک تصویر شیئر کی جس ایمن اور منال اپنی والدہ کے ہمراہ خوشگوار موڈ میں دکھائی دے رہی ہیں۔

    ایمن، منال اور اُن کی والدہ تینوں کے چہرے پر اُبٹن لگا ہوا ہے جبکہ ایمن خان کی جانب سے شیئر کی گئی یہ بلاعنوان تصویر پر صرف ایک ہیش ٹیگ کا استعمال کیا گیا ہے، ایمن خان نے تصویر شیئر کرتے ہوئے لکھا کہ ’ویڈنگ بیلز۔‘

     

    View this post on Instagram

     

    #weddingbells♥️♥️

    A post shared by AIMAN MUNEEB (@aimankhan.official) on

    اداکارہ کی شیئر کردہ تصویر کو ہزاروں کی تعداد میں مداحوں نے پسند کیا اور تبصرہ کرتے ہوئے سوال کرنے لگے کہ اداکارہ کی بہن منال خان کی مہندی کی رسم ہوسکتی ہے۔

    ایک صارف نے لکھا کہ ’کیا اب منال کی شادی ہورہی ہے؟ ایک اور مداح نے مسکراتی ہوئی ایموجی شیئر کرتے ہوئے لکھا کہ منال کی شادی۔‘

    واضح رہے کہ دونوں اداکاراؤں کی جانب سے اس پوسٹ پر مزید کوئی تبصرہ نہیں کیا گیا، آیا یہ منال کی مہندی کی رسم کی تصویر ہے یا وہ کسی قریبی عزیز کی شادی میں شرکت کے لیے موجود ہیں۔

    چند انسٹا صارفین کی جانب سے کہا جا رہا کہ منال خان کی شادی ہو رہی جبکہ چند سوشل میڈیا صارفین تذبذب کا شکار ہیں اور ایمن سے پوچھ رہے ہیں کہ یہ کس کی شادی ہو رہی ہے۔

    View this post on Instagram

    🍊🦋

    A post shared by AIMAN MUNEEB (@aimankhan.official) on