کراچی : ائیر چیف مارشل مجاہد انور خان نے آپریشنل بیس کا دورہ کیا، انہوں نے ایکسرسائز ٹریننگ مشن میں حصہ لے کر فائٹر طیارہ بھی اڑایا۔
تفصیلات کے مطابق پاک فضائیہ کے سربراہ ائیر چیف مارشل مجاہد انور خان نے ایک آپریشنل بیس کا دورہ کیا۔ اس موقع پر انہوں نے فائٹر طیارہ اڑا کر ایکسرسائز ٹریننگ مشن میں حصہ لیا۔
بعد ازاں ائیرچیف نے کومبیٹ کریو سے ملاقات کی اور ان کے جذبے اور پیشہ وا رانہ صلاحیتوں کو سراہا۔ انہوں نے پاک فضائیہ کی آپریشنل تیاریوں پر اطمینان کا اظہار بھی کیا۔
عمان : پاک فضائیہ کے سربراہ ائیرچیف مارشل مجاہد انور خان نے عمان کے وزیر برائے دفاعی امور محترم سید بدر بن سعود بن حرب البوسیدی سے بیت الفلاج (عمان) میں ملاقات کی۔
دونوں معزز شخصیات کچھ دیر ساتھ رہیں اور باہمی و پیشہ ورانہ امور پر تبادلہ خیال کیا، عمان کے وزیر دفاع نے دونوں ممالک کے درمیان موجود برادرانہ تعلقات اور باہمی تعاون کی صورتحال پر اطمینان کا اظہار کیا۔
ائیر چیف مارشل مجاہد انور خان نے کہا کہ پاکستان اور عمان کے درمیان بہترین دوستانہ اور برادرانہ تعلقات موجود ہیں اور انہوں نے دونوں ممالک کے سیکیورٹی اور دفاعی تعاون کو مزید فروغ دینے کے عزم کا اعادہ کیا۔ قبل ازیں ائیر چیف نے کمانڈر عمان بحریہ، رئیر ایڈمرل عبداللہ بن خمیس الرئیسائی سے بھی ملاقات کی۔
مزید پڑھیں: پاک فضائیہ کے سربراہ کا رائل عمان فضائیہ ہیڈ کوارٹرز کا دورہ
اس سے قبل گزشتہ روز پاک فضائیہ کے سربراہ ائیرچیف مارشل مجاہد انور خان نے اپنے عمان کے دورے کے دوران مسقط میں رائل عمان فضائیہ کے ہیڈکوارٹرز کا دورہ کیا تھا۔
ان کی ہیڈ کوارٹرز آمد پر رائل عمان فضائیہ کے کمانڈ ر ائیر وائس مارشل متار علی متار العبیدنی نے پاک فضائیہ کے سربراہ کا استقبال کیا، رائل عمان فضائیہ کے ایک چاق و چوبند دستے نے انہیں سلامی پیش کی۔
سرگودھا: پاک فضائیہ کے سربراہ ایئر چیف مارشل مجاہد انور خان نے کہا ہے کہ وطن کے لیے جینے اور وطن پر نثار ہونے کے عہد کی پاسداری ہمارا اولین فرض ہے۔
ان خیالات کا اظہار انہوں نے ایئر پاور سینٹر آف ایکسیلنس سرگودھا میں کمبیٹ کمانڈرز اسکول کے 50ویں فضائیہ کمانڈر کورس کی گریجویشن تقریب سے خطاب کرتے ہوئے کیا، پاک فضایہ کے سربراہ اس تقریب کے مہمان خصوصی تھے۔
ایئر چیف مارشل مجاہد انور خان نے کہا کہ برسوں کے تجربات سے ثابت ہوچکا ہے کہ بہترین تربیت یافتہ اور عزم و ہمت کی مالک فوج افرادی قوت اور ہتھیاروں کی کمی جیسے عوامل پر بھی قابو پالیتی ہے۔
انہوں نے اس بات پر اطمینان کا اظہار کیا کہ کمبیٹ کمانڈرز اسکول پاک فضائیہ کی عسکری قیادت کی بے مثال عملی تربیت میں کلیدی کردار ادا کررہا ہے، حب الوطنی کے جذبے پر زور دیتے ہوئے انہوں نے اس عزم کا اعادہ کیا کہ پاک فضائیہ پاکستانی کی فضائی سرحدوں کی حفاظت میں بھرپور کردار ادا کرتی رہے گی۔
اس موقع پر گریجویٹنگ آفیسرز میں سرٹیفکیٹ اور اعلیٰ کارکردگی کا مظاہرہ کرنے والوں میں ٹرافیاں تقسیم کی گئیں، بہترین کمبیٹ کمانڈر کی چیف آف دی ایئر اسٹاف ٹرافی ونگ کمانڈر فہد ساجد پیرزادہ نے حاصل کی جبکہ بہترین کمبیٹ کنٹرولر کی ایئر آفیسر کمانڈنگ ایئر ڈیفنس کمانڈ ٹرافی اسکواڈرن لیڈر طیب سعید قریشی نے حاصل کی۔
تقریب میں پرنسپل اسٹاف آفیسرز کے علاوہ پاک فضائیہ کے فیلڈ کمانڈرز نے بھی شرکت کی۔
اسلام آباد : پاک فضائیہ کے سربراہ ائیرچیف مارشل مجاہد انور خان سے ترکی کے چیف آف جنرل اسٹاف جنرل ہولوسی آکار نے ملاقات کی، ملاقات میں پیشہ ورارنہ امور اور مختلف شعبوں میں دو طرفہ بحری اشتراک پر تبادلہ خیال کیا گیا۔
تفصیلات کے مطابق ترکی کے چیف آف دی جنرل اسٹاف جنرل ہولوسی آکار نے ائیر ہیڈ کوارٹرز اسلام آباد کا دورہ کیا، ایئر ہیڈ کوارٹرز اسلام آباد آمد پر پاک فضائیہ کے سربراہ ائیرچیف مارشل مجاہد انور خان نے معزز مہمان کا استقبال کیا۔
پاک فضائیہ کے چاق و چوبند دستے نے انہیں سلامی پیش کی، بعد ازاں جنرل ہولوسی آکار نے ائیرچیف مارشل مجاہد انور خان سے ان کے دفتر میں ملاقات کی اوردونوں سربراہان نے پیشہ ورانہ دلچسپی کے امور پر تبادلہ خیال کیا۔
ترجمان پاک بحریہ کے مطابق جنرل ہولوسی آکار نے پاک فضائیہ کے افراد کی پیشہ وارانہ مہارت کی تعریف کی، انہوں نے دہشت گردی کے خلاف جنگ میں پاک فضائیہ کے کلیدی کردار کو سراہا اور پاک فضائیہ کے تجربات سے سیکھنے کی خواہش کا اظہار کیا۔
پاک فضائیہ کے سربراہ نے کہا کہ پاکستان اور ترکی کے درمیان دوستانہ اور برادرانہ تعلقات ہیں اور انہوں نے اس عزم کا اعادہ کیا کہ دونوں برادر ممالک کے مابین موجودہ تعاون کو مزید وسعت دی جائے گی، ائیر چیف نے ترک فضائیہ کو ایوی ایشن کے شعبے اور فوجی تربیت میں بھر پور مدد اور تعاون کی پیشکش کی۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔
اسلام آباد: پاک فضائیہ کے سربراہ ائیر چیف مارشل مجاہد انور خان نے یومِ پاکستان پریڈ کے موقع پر فلائی پاسٹ کی قیادت کی اور پرجوش حاضرین کے دلوں کو گرمایا۔
تفصیلات کے مطابق ائیر چیف جنہوں نے 19 مارچ 2018 کو پاک فضائیہ کی کمان سنبھالی جو اپنی پیشہ وارانہ فراست اور شوقِ پرواز کی وجہ سے مشہور ہیں، اپنے پیشروؤں کی روایت کو مدِنظر رکھتے ہوئے انہوں نے F-16 بلاک 52 طیارے میں محو پرواز ہوکر پریڈ اسکوائر کے اوپر ایک شاندار ورٹیکل رول کا مظاہرہ کیا۔
جہاز سے ریڈیو کمیونیکیشن کے ذریعے پا کستانی قوم کے عزم کو خراج تحسین پیش کرتے ہوئے ان کا کہنا تھا کہ ” میں پاکستان کی عظیم قوم کو سلام پیش کرتا ہوں، پاکستان زندہ باد”۔
محو حیرت اور پر جوش حاضرین ائیر چیف مارشل مجاہد انور خان کے جہاز کو آسمان کی بلندیوں میں غائب ہوتا دیکھتے رہ گئے اور انہوں نے بھر پور تالیاں بجا کر اپنی خوشی کا اظہار کیا۔
قبل ازیں پاک فضائیہ کے سربراہ یوم پاکستان پریڈ میں شریک پاک فضائیہ کی فارمیشن کی قیادت کے لیے پی اے ایف بیس مصحف پہنچے، انہوں نے بیس پر موجود فضائی اور زمینی عملے سے ملاقات کی اور ان کے غیر معمولی عزم اورجذبے کو سراہا۔
ائیر چیف کے بعد، ائیر وائس مارشل عامر مسعود، ائیر آفیسر کمانڈنگ، سنٹرل ائیر کمانڈ کی زیرِکمان، F-16 طیاروں کی فور شپ باکس فارمیشن سلامی کے چبوترے کے پاس سے گزری، F-1st کے فوراٗ بعد، F-17 ٹھنڈر طیاروں کی فارمیشن گزری جس کی کمان ونگ کمانڈر اسد کے پاس تھی جو قومی پرچم کے رنگوں میں رنگے ہوئے JF-17 ٹھنڈر طیارے میں محوِ پرواز تھے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
ریاض: پاک فضائیہ کے سربراہ ایئر چیف مارشل سہیل امان کو سعودی عرب کی جانب سے ’’کنگ عبد العزیز میڈل آف ایکسی لینس‘‘ ایوارڈ سے نوازا گیا۔
تفصیلات کے مطابق سربراہ پاک فضائیہ سہیل امان کو سعودی عرب کی جانب سے ’’کنگ عبد العزیز میڈل آف ایکسی لینس ایوارڈ‘‘ سے نوازا گیا۔
ایوارڈ جنرل عبد الرحمٰن، چیف آف جنرل اسٹاف رائل سعودی آرمڈ فورسز نے دیا۔ ایئر چیف کو ایوارڈ رائل سعودی فضائیہ کو مختلف شعبہ جات میں بھرپور تعاون پر دیا گیا۔
ترجمان کےمطابق ایئر چیف نے افواج میں دوستانہ تعلقات کے لیے شاندار خدمات انجام دیں۔ ایئر چیف کی چیف آف جنرل اسٹاف رائل سعودی آرمڈ فورسز سے بھی ملاقات ہوئی۔
ملاقات میں ایئر چیف نے انسداد دہشت گردی آپریشنز میں پاک فضائیہ کے کردار پر روشنی ڈالی۔
دوسری جانب جنرل عبدالرحمٰن نے دفاعی تعلقات کے فروغ میں ایئر چیف کی خدمات کو سراہا۔ جنرل عبد الرحمٰن نے آپریشن ضرب عضب میں پاک فضائیہ کے کردار کی تعریف بھی کی۔ انہوں نے اسے دنیا کی دوسری فضائی افواج کے لیے رول ماڈل قرار دیا۔
بعد ازاں ایئر چیف مارشل سہیل امان نے رائل سعودی ایئر آپریشنز سینٹر ریاض کا بھی دورہ کیا۔ ایئر چیف مارشل نے میجر جنرل محمد بن صالح العطیبی سے ملاقات کی۔
ملاقات میں دونوں فضائی افواج میں بے مثال باہمی تعلقات پر اطمینان کا اظہار کیا گیا۔ ایئر چیف نے رائل سعودی فضائیہ کو ملٹری اور ہوا بازی تربیت میں تعاون کی پیشکش کی۔
ایئر چیف نے سعودی عرب کی وزارت دفاع کا دورہ بھی کیا جہاں انہوں نے سعودی نائب وزیر دفاع محمد عبداللہ العیش سے ملاقات کی۔ نائب وزیر دفاع نے رائل سعودی فضائیہ سے پاک فضائیہ کے تعاون کو سراہا۔
ملاقات میں باہمی دلچسپی اور دو طرفہ دفاعی امور پر بھی گفتگو کی گئی۔ دونوں برادر ممالک میں دفاعی تعلقات کو مزید بہتر بنانے کے عزم کا اعادہ کیا گیا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
کراچی : ایئر چیف مارشل سہیل امان نے کہا ہے کہ پاکستان نظریاتی ریاست ہے کوئی بری نظر ڈالنے کی جرأت نہیں کرسکتا، ہمارے دشمن ہمیشہ اپنی کوششوں میں ناکام رہیں گے۔
ان خیالات کا اظہار انہوں نے کراچی میں عرب اسرائیل جنگ کے ہیرو ایئر کموڈور ستارعلوی (ریٹائرڈ ) کے اعزازمیں تقریب سے خطاب کرتے ہوئے کیا، تقریب کے مہمان خصوصی گورنرسندھ محمد زبیر تھے۔
سال 1974 میں ائیر کموڈور(ر) ستار علوی نے شامی فضائیہ کی طرف سے جنگ میں حصہ لیتے ہوئے اسرائیلی فضائیہ کے میراج طیارے کو مار گرا یا تھا۔ اس تقریب میں ستار علوی نے مار ے جانے والے اسرئیلی پائلٹ کیپٹن لٹز کے فلائنگ کوور آل(سوٹ) کو میوزیم میں رکھنے کے لئے پیش کیا۔
ایئر چیف مارشل سہیل امان نے ایئرکموڈور ستارعلوی کو خراج تحسین پیش کرتے ہوئے کہا کہ ہمارے عظیم پائلٹ کے کارنامے قوم کیلئے قابل فخر ہیں۔
انہوں نے کہا کہ ہمارے دشمن یکجا ہوکر سازشیں کررہے ہیں، لیکن وہ ہمیشہ اپنی کوششوں میں ناکام رہیں گے، پاکستان ایک نظریاتی ریاست ہے اس پر پاک سر زمین پر کوئی بری نظر ڈالنےکی جرأت بھی نہیں کرسکتا۔
پاک فوج قوم کے شانہ بشانہ دشمنوں کے عزائم کو خاک میں ملادے گی، پاک فضائیہ مادر وطن کی سرحدوں کا تحفظ ہرصورت یقینی بنائے گی۔
قبل ازیں مہمانِ خصوصی گورنر سندھ محمد زبیر کی آمد پر پاک فضائیہ کے سربراہ ائیرچیف مارشل سہیل امان نے ان کا استقبال کیا۔
تقریب میں مہمان خصوصی نے ایوی ایشن پینٹنگز کی نمائش کا بھی افتتاح کیا جس کا موضوع ” پاک فضائیہ۔ فضائی سرحدوں کے محافظ ” تھا ۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر ضرور شیئر کریں۔
اسلام آباد : سعودی عرب کے نائب وزیر دفاع محمد بن عبداللہ نے ایئرہیڈ کوارٹرز اسلام آباد کا دورہ کیا، پاک فضائیہ کے سربراہ ایئرچیف مارشل سہیل امان نے استقبال کیا۔
ترجمان پاک فضائیہ کے مطابق سعودی نائب وزیر دفاع محمد بن عبداللہ جب ایئرہیڈ کوارٹرز اسلام آباد پہنچے تو ان کا شاندار استقبال کیا گیا، پاک فضائیہ کےچاق وچوبند دستے نے انہیں سلامی پیش کی۔
اس موقع پر سعودی نائب وزیردفاع نے ایئرچیف مارشل سہیل امان سے خصوصی ملاقات کی، ملاقات میں پیشہ ورانہ دلچسپی کے امورپر تبادلہ خیال کیا گیا۔
ترجمان پاک فضائیہ کے مطابق سعودی نائب وزیردفاع نے دہشتگردی کے خلاف جنگ میں پاک فضائیہ کے کردارکو سراہا، انہوں نے مشکل کی گھڑی میں پاکستان کے شانہ بشانہ کھڑے ہونےکے عزم کا اعادہ بھی کیا۔
ایئرچیف مارشل نے اس موقع پر کہا کہ پاکستان اورسعودی عرب کے درمیان پرانے، دوستانہ اور برادرانہ تعلقات ہیں ،ایوی ایشن کے شعبے اور فوجی تربیت میں تعاون جاری رکھیں گے۔
سعودی وفد کو پاک فضائیہ کے تنظیمی ڈھانچے، پیشہ ورانہ کردارپر بریفنگ بھی دی گئی۔
نئی دہلی: بھارتی فضائیہ کے ائیر چیف مارشل اروپ راہا نے پاکستان کو دو لخت کرنے اور بنگلہ دیش بنانے میں بھارتی منصوبہ بے نقاب کردیا ہے۔
تفصیلات کے مطابق نئی دہلی میں ایراسپیس سمینار سے خطاب کرتے ہوئے بھارتی ائیر چیف مارشل اروپ راہا نے کہا کہ ’’1965 کی جنگ میں بھارت نے پوری طرح فضائیہ کا استعمال نہیں کیا جس کی وجہ سے ملک کو نقصان بھاری نقصان اٹھانا پڑا۔ پاکستانی جنگی طیاروں نے مشرقی پاکستان (بنگلہ دیش) میں بمباری کر کے بھارتی ایئریسز، انفرااسٹرکچر اور ائیر کرافٹ کو نشانہ بنا کر فضائیہ کو شدید نقصان پہنچایا۔
ائیرچیف مارشل کا کہنا تھا کہ ’’بھارت نے 1965 کا بدلہ لینے کے لیے پہلی بار 1971 میں بھارتی فضائیہ کا بھرپور استعمال کیا اور ساتھ ہی بری اور بحری فوجوں کو بھی متحرک کیا جس کی بعد انہوں نے بنگلہ دیش بنانے میں اپنا اہم کردار ادا کیا‘‘۔
کشمیر کے حوالے سے اروپ راہا نے کہا کہ ’’1947میں بھارت نے کشمیر میں بھارتی فوج کو مسلح کرنے کے لیے فضائی حملے کی منصوبہ بندی کی تھی تاکہ بھارتی افواج مقبوضہ وادی میں کامیابی سے پہنچ سکے تاہم اُس وقت کی حکومت نے معاملے کو فوج کے ذریعے حل کرنے کے بجائے اقوام متحدہ کے ذریعے حل کرنے کی کوشش کی جب ہی یہ مسئلہ آج تک حل نہیں ہو سکا اور آزاد کشمیر اب تک ہمارے گلے میں ہڈی کی طرح پھنسا ہوا ہے۔
اُن کا مزید کہنا تھا کہ ’’بھارتی فضائیہ ملک طاقت کا استعمال کرنے کے لیے ہر لمحے تیار ہے ملک کو محفوط بنانے کے لیے ہمارا ادارہ ہر گھڑی تیار ہے تاہم سازگار ماحول بنانے کے لیے فوج کے کردار کو بھی نظر انداز نہیں کیا جاسکتا۔