اسلام آباد: پاک فضائیہ نے 50 ویں سی ون تھرٹی طیارے کی اوورہالنگ مکمل کرلی ہے‘ اس حوالے سے منعقدہ تقریب سے خطاب کرتے ہوئےایئرچیف مارشل سہیل امان کاکہنا تھا کہ پاک فضائیہ کے جوان محنت اور لگن سے تکینیکی مسائل سمیت ہر چیلنج پر کامیابی سے قابو پارہے ہیں.
تفصیلات کے مطابق پی اے ایف بیس نورخان میں سی 130 طیارے کی رول آؤٹ تقریب کا انعقاد کیا گیا، تقریب کےمہمان خصوصی ایئرچیف مارشل سہیل امان تھے، تقریب میں دوست ممالک کے ڈیفنس اتاشی نے بھی خصوصی شرکت کی.
پاک فضائیہ کےانجینئرزنے کا شاندار کارنامہ کا مظاہرہ کرتے ہوئے 50ویں سی 130 طیارے کی اوور ہالنگ مکمل کرلی ہے، 50 واں سی 130 طیارہ کامیاب اوور ہالنگ کے بعد پاک فضائیہ فورس بھی بہترین طیارہ سازی کے عمل میں شامل ہوگی ہے.
ایئر چیف مارشل کا خطاب
اس موقع پر تقریب کے مہمان خصوصی ایئرچیف مارشل سہیل امان نے خطاب کرتے ہوئے کہا کہ سی130طیاروں کی اوورہالنگ سے پاک فضائیہ کی کارکردگی بہترہوگی، پاک فضائیہ ملک میں امن کے لئےبھرپورصلاحیتوں کامظاہرہ کررہی ہے ، پاکستان ائیر فورس خطے میں طاقت کا توازن برقرار رکھے ہوئے ہے.
پاک فضائیہ نے اپنی کارکردگی کے لحاظ سے قوم کے لئے باعث فخر ہے، ہم دوست ممالک کو بھی تکنیکی تعاون فراہم کررہے ہیں، پاک فضائیہ کےتعلیمی ادارے بہترین پیشہ ورانہ تربیت دے رہے ہیں.
