دبئی : عرب کے صحرا میں دبئی ایئر شو کا افتتاح ہوگیا، مختلف ممالک کےایک سو ساٹھ طیارے نمائش کے لیے رکھے گئے ہیں، ایئر شو میں پاکستان کے لڑاکا طیارے جے ایف17اور مشاق طیارے کرتب دکھائیں گے۔
تفصیلات کے مطابق دبئی میں ایئر شو کا افتتاح ہوگیا، متحدہ عرب امارات کے وزیراعظم و حاکم دبئی شیخ محمد بن راشد المکتوم نے سولہویں ایئر شو کا افتتاح کیا۔
ایئر شو میں پاکستان سمیت دنیا بھر کے پائلٹس فضائی کرتب دکھائیں گے، پاکستانی لڑاکا طیاروں میں جے ایف17اور دیگر مشاق طیارے شامل ہیں، پاکستان کی نمائندگی دفاعی پیداوار کے وزیر رانا تنویر نے کی۔
مزید پڑھیں: پی آئی اے کا وفد بھی ائیر شو میں شرکت کیلئے روانہ
اس کے علاوہ پی آئی اے کی جانب سے انتظامی افسران کا آٹھ رکنی وفد ائر لائن کے سی ای او مشرف رسول کی قیادت میں دبئی ایئر شو میں شرکت کیلئے روانہ ہوگیا ہے۔
مزید پڑھیں: پاک فضائیہ کا پاکستان کی تاریخ کا سب سےبڑا ایئرشو
پاک چین اشتراک سے بننے والے طیارے بھی نمائش کا حصہ ہیں، ائیرشو میں دنیا بھر سے ستر ہزار افراد شرکت کر رہے ہیں۔
مزید پڑھیں: پیرس ائیرشو، جے ایف 17تھنڈرطیاروں کی پرواز کا شاندارمظاہرہ
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔