Tag: air strike

اسرائیل کا شام پر فضائی حملہ، تین فوجی زخمی

دمشق/تل ابیب : اسرائیلی حکام حملے کی تصدیق کرتے ہوئے دعویٰ کیاکہ صیہونی طیارے پر فائرنگ کے بعد شام کے طیارہ شکن توپخانے کو نشانہ بنایا گیا۔

تفصیلات کے مطابق شام کے سرکاری ذرائع ابلاغ کے مطابق اسرائیل کی طرف سے القنیطرہ کے نواحی علاقے خان ارنبہ میں کیے گئے میزائل حملے میں ایک سرکاری فوجی کے ہلاک ہونے کی اطلاعات موصول ہوئی ہےجبکہ تین اہلکار زخمی ہوئے ہیں۔

شامی عسکری ذرائع کے مطابق مقامی وقت کے مطابق رات نو بج کر 10 منٹ پر اسرائیل نے مشرقی خان ارنبہ میں ایک فوجی کیمپ کو نشانہ بنایا۔ میزائل حملے میں ایک فوجی کے ہلاک اور متعددکے زخمی ہوئے ہیں۔

غیر ملکی خبر رساں اداے کا کہنا تھا کہ ادھر اسرائیلی فوج کی طرف سے دعویٰ کیا گیا ہے کہ اس نے سوموار کے روز اسرائیل کے ایک طیارے پر فائرنگ کے بعد طیارہ شکن توپخانے کو نشانہ بنایا۔

خبر رساں ادارے سانا کے مطابق اسرائیل نے القنیطرہ گورنری میں ایک فوجی کیمپ پر میزائل حملہ کیا جس کے نتیجے میں کم سے کم ایک فوجی ہلاک اور متعدد زخمی ہو گئے۔

درایں اثناءاسرائیلی وزیراعظم بنجمن نیتن یاھو نے ایک وضاحتی بیان میں کہا ہے کہ شامی فوج نے اسرائیل کے ایک طیارے پر حملے کی ناکام کوشش کی تھی جس کے جواب میں القنیطرہ میں شامی فوج کے ایک کیمپ کو تباہ کر دیا گیا ہے۔

مئی 28, 2019
عرب اتحادی فوج کی حوثیوں کی عسکری کمک اور گاڑیوں پر بمباری، 43 جنگجو ہلاک

صنعاء : عرب اتحادی فورسز کے جنگی طیاروں نے الذمار ڈاریکٹوریٹ کے نواحی علاقے ضوران اور آنس میں حوثیوں پر بمباری کی ہے جس کے نتیجے میں 43 جنگجوؤں جاں بحق جبکہ متعدد ٹھکانے تباہ ہوگئے۔

تفصیلات کے مطابق یمن میں آئینی حکومت کی ملک میں عمل داری کی بحالی کے لیے سرگرم عرب اتحاد کے طیاروں نے وسطی گورنری الضالع میں ذمار کے مقام پر ایران نواز حوثی ملیشیا کے ٹھکانوں اور ان کی عسکری کمک پر متعدد فضائی حملے کیے۔

غیر ملکی میڈیا کا کہنا تھا کہ بمباری کے نتیجے میں حوثیوں کو بے پناہ جانی اور مالی نقصان پہنچا اور 29 جنگجوﺅں کے ہلاک ہونے کی اطلاعات ہیں، اتحادی طیاروں نے حوثیوں کی جنگجوﺅں کو منتقل کرنے والی گاڑیوں پر بھی بمباری کی جس کے نتیجے میں 14 جنگجو ہلاک ہو گئے۔

عرب ٹی وی کے مطابق اتحادی طیاروں نے الذمار ڈاریکٹوریٹ کے نواحی علاقے ضوران، آنس میں حوثی ملیشیا کے متعدد ٹھکانے تباہ کردئیے۔

مزید پڑھیں : عرب اتحادی فوج کی حوثی باغیوں کے ٹھکانوں پر بمباری، 45 جنگجو ہلاک

یاد رہے کہ گزشتہ ماہ عرب اتحادی فوج نے حوثی باغیوں کے ٹھکانوں پر بمباری کی جس کے نتیجے میں 45 جنگجو ہلاک ہوگئے۔

غیرملکی خبررساں ادارے کے مطابق عرب اتحادی فوج کی جانب سے حوثی باغیوں کے ٹھکانوں پر بمباری کی گئی جس کے نتیجے میں 45 جنگجو ہلاک ہوگئے، عرب اتحاد نے شمالی الضالع میں مریس کے محاذ پر جبل نصی میں باغیوں کے متعدد ٹھکانے تباہ کردئیے۔

عرب اتحاد نے الضالع گورنری کے شمال مغربی علاقے العود میں حوثی باغیوں کے ٹھکانوں پر بمباری کی جس کے نتیجے میں 19 باغی ہلاک، 55 زخمی ہوگئے۔

اپریل 28, 2019
غزہ : اسرائیلی فضائیہ کی حماس کے ٹھکانوں پر بمباری

غزہ : اسرائیلی فضائیہ کی جانب سے گزشتہ شب مقبوضہ غزہ میں اسلامی مزاحمتی تنظیم حماس کے ٹھکانوں پر شدید بمباری کی گئی ہے۔

تفصیلات کے مطابق غاصب صیہونی ریاست اسرائیل کے ظالم فوجیوں کی جانب سے اتوار اور پیر کی درمیانی شب مقبوضہ فلسطین کے شہر غزہ کی پٹی میں واقع اسلامی مزاحمتی تنظیم حماس کے متعدد ٹھکانوں پر فضائی بمباری کی گئی ہے تاہم اسرائیل کی فضائی کارروائی کے دوران کوئی جانی نقصان نہیں ہوا۔

اسرائیلی فورسز کے ترجمان کا کہنا ہے کہ گزشتہ شب کی جانے والی کارروائی فلسطینیوں کی جانب سے اسرائیلی سرحد پر کیے جانے والے احتجاجی مظاہرے کے نتیجے میں کی گئی تھی۔

دوسری جانب فلسطینی وزارت صحت کا کہنا تھا کہ اسرائیلی بمباری میں کوئی جانی نقصان نہیں ہوا تاہم جمعے کے روز احتجاجی مطاہرے کے دوران اسرائیلی فوجیوں کی فائرنگ سے زخمی ہونے والا نوجوان زخموں کی تاب نہ لاتے ہوئے زخمی ہوگیا۔

اسرائیلی فورسز نے بیان میں کہا ہے کہ احتجاج کے دوران فلسطینیوں شہریوں کی جانب سے سرحدی باڑ پر دھماکا خیز مواد پھینکا گیا تھا۔

ان کا کہنا تھا کہ فلسطینیوں نے متعدد دھماکا خیز ڈیوائسز سرحدی باڑ پر پھینکی تھی جس کے جواب میں اسرائیلی فورسز نے غزہ کے شمالی حصّے میں حماس کے ٹھکانوں پر فضائی کارروائی کی ہے۔

مزید پڑھیں : مقبوضہ غزہ میں اسرائیلی فورسز کی بے دریغ‌ فائرنگ، 2 فلسطینی نوجوان شہید

یاد رہے کہ اسرائیلی فورسز نے صیہونی ریاست کے ظلم و بربریت کے خلاف احتجاج کرنے والوں پر فائرنگ کرکے دو فلسطینی نوجوانوں کو شہید جبکہ درجنوں کو زخمی کردیا۔

مزید پڑھیں : اسرائیلی فورسز کی نہتے فلسطینیوں پر فائرنگ، دو نوجوان شہید

غاضب صیہونی ریاست کے خلاف ہر جمعے فلسطینی غزہ بارڈر پر احتجاجی مظاہرہ کرتے ہیں، یہ سلسلہ گذشتہ سال 30 مارچ سے چلا آرہا ہے۔

ایک محتاط اندازے کے مطابق ہفتہ وار احتجاجی مظاہروں کے دوران اب تک اسرائیلی فوج 300 سے زائد فلسطینیوں کو شہید کرچکی ہے، جبکہ ہزاروں زخمی بھی ہوئے۔

خیال رہے کہ گذشتہ سال نو فروری کو صیہونی فوج کی فائرنگ سے 14 سالہ حسن ایاد شلبی سینے میں گولی لگنے کے باعث موقع پر ہی شہید ہوگیا تھا جبکہ 17 سالا حمزہ محمد اشتوی کو شدید زخمی حالت میں اسپتال منتقل کیا گیا جہاں وہ زخموں کی تاب نہ لاتے ہوئے شہید تھا۔

مارچ 25, 2019
افغان فورسز کی فضائی کارروائی، 36 دہشت گرد ہلاک

کابل : افغانستان کے صوبے قندھار فورسز کی فضائی کارروائی کے نتیجے میں 36 جنگجوؤں ہلاک جبکہ 6 زخمی ہوگئے۔

تفصیلات کے مطابق پڑوسی ملک افغانستان کے صوبے قندھار کے علاقے شاہ ولی کوٹ میں سیکیورٹی فورسز نے دہشت گردوں کے ٹھکانوں پر فضائی حملہ کردیا۔

افغان وزارت دفاع کا کہنا ہے کہ سیکیورٹی فورسز کی فضائی کارروائی نتیجے میں 26 دہشت گرد ہلاک ہوگئے۔

مقامی خبر رساں ادارے کا کہنا ہے کہ افغانستان فورسز نے گزشتہ روز صوبے ہلمند کے مغربے حصّے میں دہشت گردوں کے خلاف فضائی کارروائی کے دوران طالبان انٹیلی جنس چیف کو دو ساتھیوں کے ہمراہ ہلاک کیا تھا۔

افغان فورسز کا کہنا تھا کہ طالبان کمانڈر ملّا احمد صوبے میں ہونے والے دہشت گردانہ حملوں اور ان کی منصوبہ بندی کا ذمہ دار تھا۔

مقامی میڈیا کے مطابق سیکیورٹی فورسز نے طالبان کمانڈر کی گاڑی کو نشانہ بنایا تھا جس نتیجے میں کمانڈر سمیت دو ساتھی بھی ہلاک ہوئے تھے۔

افغان میڈیا رپورٹس کے مطابق فروری میں اب تک سیکیورٹی فورسز کی کارروائیوں کے دوران 19 طالبان دہشت گرد صوبہ ہلمند میں ہلاک ہوچکے ہیں تاہم طالبان کی جانب سے ہلاکتوں ککی تصدیق نہیں کی گئی ہے۔

مزید پڑھیں : افغانستان: اتحادی افواج کا فضائی حملہ، داعش کا ترجمان ہلاک

یاد رہے کہ گزشتہ برس دسمبر میں اتحادی افواج کی جانب سے افغانستان کے مشرقی صوبے ننگرہار میں فضائی حملہ کیا گیا جس کے نتیجے میں عالمی دہشت گرد تنظیم داعش کا ترجمان صل عزیز اعظم ہلاک ہوا تھا۔

غیر ملکی خبر رساں ادارے کا کہنا ہے کہ صل عزیز عراق اور شام میں بحیثیت داعش کا ترجمان کام کرتا تھا، اس دہشت گرد گروہ میں اسے مرکزی رہنماؤں کی حیثیت بھی حاصل تھی۔

فروری 9, 2019
صومالیہ: امریکی فوج کا فضائی حملہ، 60 شدت پسند ہلاک

موغادیشو: صومالیہ میں امریکی فوج کے فضائی حملے کے نتیجے میں 60 شدت پسند ہلاک ہوگئے۔

تفصیلات کے مطابق امریکی فوج کی جانب سے دعویٰ کیا گیا ہے کہ صومالیہ کے مرکز میں واقع علاقہ ہرارڈیر میں موجود عسکریت پسندوں کے ٹھکانوں پر کیے جانے والے فضائی حملے کے باعث ساٹھ جنگجوں ہلاک ہوئے۔

غیر ملکی خبر رساں ادارے کے مطابق صومالیہ میں شدت پسند تنظیم ’الشباب‘ کے 60 جنگجوں امریکی فضائی حملے میں ہلاک ہوئے، حملہ گذشتہ ہفتے کیا گیا تھا۔

اس سے قبل نومبر 2017ء میں صومالییہ میں ایک امریکی فضائی حملے میں الشباب کے 100 سے زائد عسکریت پسند مارے گئے تھے۔

امریکی فوجی حکام کے مطابق اس حملے میں صومالیہ کی فوج نے بھی مدد فراہم کی، اور یہ 2017 کے بعد سب سے بڑی کارروائی ہے۔

حکام کی جانب سے جاری کردہ بیان میں کہنا تھا کہ الشباب دہشت گرد گروہ خطے کے لیے ایک بڑا چیلج اور خطرہ ہے، جس کے خلاف بھرپور کارروائی جاری رہے گی۔

امریکی فضائیہ رواں سال دو درجن سے فضائی حملے صومالیہ میں کرچکی ہے، جس میں ڈرون اٹیک بھی شامل ہے۔

امریکا نے اس بات کا عندیہ دیا ہے کہ شدت پسندوں کو خطے میں کمزور کردیا ہے، الشباب کے روابط دہشت گروہ القاعدہ سے بھی ہیں۔

خیال رہے کہ اس سے قبل کیے جانے والے امریکی فضائی حملے میں متعدد عام شہری بھی مارے گئے تھے جس کے بعد انسانی حقوق کی تنظیموں نے حملوں کے خلاف آواز بلند کی تھی۔

اکتوبر 17, 2018
عرب اتحاد کی یمن میں کارروائی، 26 افراد ہلاک، حوثیوں کو دعویٰ

ریاض : سعودی عرب کی سربراہی میں لڑنے والے عرب اتحاد کی یمن کے پناہ گزین کیمپ پر فضائی بمباری میں 22 بچوں سمیت 26 افراد ہلاک ہوگئے۔

تفصیلات کے مطابق یمن میں برسر پیکار حوثی جنگجوؤں کی جانب سے سامنے آیا ہے کہ سعودی عرب کی سربراہی میں لڑنے والے عرب اتحاد نے ایک روز قبل یمن کے ایک پناہ گزین کیمپ پر فضائی حملہ کیا تھا جس کے نتیجے میں درجنوں بچے اور عورتیں ہلاک ہوئے تھے۔

غیر ملکی خبر رساں ادارے کا کہنا تھا کہ حوثی جنگجوؤں کے خلاف جنگ لڑنے والے عرب اتحاد کی جانب سے الحدیدہ بندر گاہ کے قریبی علاقے الدرہیمی میں واقع ایک پناہ گزین کیمپ پر کیا گیا تھا۔

برطانوی خبر رساں ادارے کے مطابق عرب اتحاد کے فضائی حملے میں 22 یمنی بچے جبکہ 4 عورتیں لقمہ اجل بنے تھے۔

یاد رہے کہ دو ہفتے قبل سعودی عرب کی سربراہی میں یمن میں لڑنے والی عرب اتحادی فورسز کی جانب سے ایک اسکول بس کو نشانہ بنایا گیا تھا جس کے نتیجے میں طالب علموں و سمیت 50 افراد ہلاک ہوئے تھے۔

غیر ملکی میڈیا کا کہنا تھا کہ اسکول بس پر بمباری پر اقوام متحدہ کے سیکریٹری جنرل انتونیو گوتیریس نے عرب اتحاد کی کارروائی پر تحقیقات کا مطالبہ کیا تھا۔

واضح رہے کہ 18 اگست کو سعودی فضائیہ نے یمن میں برسرپیکار حوثیوں کی جانب سے سعودی عرب کے سرحدی علاقے جازان پر داغا گیا بیلسٹک میزائل فضا میں ہی تباہ کردیا تھا۔

اگست 25, 2018
افغان فورسز کا فضائی حملہ، 14 افراد ہلاک، متعدد زخمی

کابل: افغانستان میں ملکی فورسز کے فضائی حملے کے نتیجے میں بچوں اور خواتین سمیت 14 افراد ہلاک اور متعدد زخمی ہوگئے۔

تفصیلات کے مطابق افغان فورسز کی جانب سے یہ فضائی کارروائی افغانستان کے شہر قندوز میں کی گئی جس کے باعث 14 عام شہریوں کی ہلاکتیں ہوئیں۔

افغان میڈیا کے مطابق قندوز شہر میں افغان فوج کا شدت پسندوں کے خلاف آپریشن جاری ہے جس کے لیے فضائی حملے کی مدد لی گئی تاہم حملے میں چودہ عام شہریوں کی اموات ہوئیں اور کئی زخمی ہوئے۔

افغان حکام کی جانب سے جاری کردہ بیان میں کہا گیا ہے کہ یہ حملہ شہر قندوز کے علاقے چار درہ میں کیا گیا جبکہ اس علاقے میں طالبان اور فورسز کے درمیان جھڑپیں بھی جاری تھیں۔

حکام کا کہنا تھا کہ اس حملے میں تین گھر مکمل طور پر تباہ ہوئے جبکہ علاقے میں طالبان کے اثر وسوخ کو ختم کرنے کے لیے فورسز سے مقابلے جاری ہیں۔

افغانستان: طالبان کا سیکورٹی چیک پوسٹ پر حملہ، 7 اہل کار ہلاک

قبل ازیں افغان فورسز نے رواں سال مارچ میں قندوز کے علاقے دست ارچی میں قائم ایک مدرسے میں فضائی کارروائی کی تھی جس کے نتیجے میں 50 افراد ہلاک ہوئے تھے۔

خیال رہے کہ اقوام متحدہ کی ایک حالیہ رپورٹ میں بتایا گیا تھا کہ رواں برس جنوری سے جون تک کے عرصے میں افغانستان میں ہونے والے فضائی حملوں میں عام شہری کی ہلاکتیں ریکارڈ حد تک زیادہ ہوئی ہیں۔

واضح رہے کہ رواں ہفتے جاری کردہ اس رپورٹ میں کہا گیا تھا کہ فضائی حملوں میں ہونے والی عام شہریوں کی ہلاکتوں میں حالیہ کچھ عرصے میں نمایاں اضافے کا رجحان ہے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جولائی 21, 2018
روس کا شام میں زمینی فوج اتارنے کاکوئی ارادہ نہیں، پیوٹن

ماسکو: روسی صر ولادی میر پیوٹن نے کہا ہے کہ روس شام میں زمینی فوج تعینات نہیں کرے گا لیکن داعش کے خاتمے تک فضائی حملوں کا سلسلہ جاری رہے گا۔

روسی ٹیلیویژن پرنشر ہونے والے انٹرویو میں ان کا کہناتھا کہ ہمارہ شام میں زمینی فوج تعینات کرنے کا کوئی ارادہ نہیں ہے اورہمارے شامی دوست اس بات سے واقف ہیں۔

روسی میڈیا کی جاری کردہ فوٹیج میں دیکھا جاسکتا ہے کہ روسی جنگی طیارے شام کےشہر لاطاکیہ کے ائیر بیس پر اتررہے ہیں جہاں تیکنیکی عملہ ان طیاروں کے معائنے بعد ان کی کلئرینس دے رہا ہے۔

روس نےایک بارپھر دو ٹوک موقف اختیار کیا ہے کہ شام میں داعش کے خاتمے تک فضائی حملے جاری رہیں گے۔

صدر پیوٹن کا مزید کہناتھا کہ شام میں گزشتہ چارسال سے جاری جنگی بحران کےخاتمے کیلئے شامی صدربشارالاسدکی حکومت کا ہر ممکن ساتھ دیا جائے گا۔

اکتوبر 11, 2015
شمالی وزیرستان میں فضائی کاروائی، 14 دہشتگرد ہلاک

راولپنڈی:شمالی وزیرستان میں پاک فضائیہ کی جانب سے کی جانے والی فضائی کاروائی میں اہم کمانڈرز سمیت 14 شدت پسند ہلاک ہوگئے۔

تفصیلات کے مطابق فضائیہ کے جیٹ طیاروں نے شمالی وزیرستان کے علاقے الواڑہ میں شدت پسندوں کے ٹھکانے کو نشانہ بنایا۔

حملے میں اہم کمانڈرز سمیت کل 14 شدت پسند جاں بحق ہوئے جبکہ متعدد زخمی ہوئے جبکہ دیگر دہشت گرد چند ساتھیوں کی لاشوں سمیت فرارہوگئے۔

شدت پسندوں کے خلاف کی گئی کاروائی میں گولہ بارود کے ذخائر کو بھی نشانہ بنایاگیاہے۔

پاک فوج کی جانب سے دہشت گردوں کے خلاف آپریشنِ ضرب عضب کامیابی سے جاری ہے جبکہ شوال میں بھی فوج نے اپنی کاروائیوں کا آغاز کردیا ہے۔

جولائی 14, 2015
شوال: جیٹ طیاروں کی بمباری،12دہشت گرد ہلاک،6زخمی

شمالی وزیرستان: شوال کے علاقے گربزاورڈبوری میں جیٹ طیاروں کی کارروائی میں بارہ دہشت گرد ہلاک اورچھ زخمی ہوگئے۔

پاک فوج کی دہشت گردوں کے خلاف کاروائیاں کامیابی سے جاری ہیں زمینی اور فضائی دونوں جانب سے ان پر حملے کئے جارہے ہیں۔

شوال کے علاقے گربزاورڈبوری میں جیٹ طیاروں سے کارروائی کی گئی جس کے نتیجے میں بارہ دہشت گرد ہلاک اورچھ زخمی ہوگئے۔

پاک فوج نے دہشتگردوں کے خلاف گھیرا تنگ کررکھا ہے۔ آپریشن میں سینکڑوں دہشتگرد ہلاک ہوچکے ہیں جبکہ بچ جانے والے دہشت گرد بھاگتے پھررہے ہیں۔

جون 28, 2015