کراچی: سول ایوی ایشن اتھارٹی کا اہم شعبہ ایئر ٹریفک کنٹرولر ایڈہاک پر چل رہا ہے، جسے ترقیوں سے محروم رکھا گیا ہے۔
ذرائع کے مطابق سی اے اے کے اہم شعبے میں افسران ایڈہاک پر اپنے فرائض انجام دے رہے ہیں، اور ایکٹنگ چارج پر کام لیا جا رہا ہے جو ایوی ایشن قوانین کی خلاف ورزی ہے۔
ذرائع کا کہنا ہے کہ ایئر ٹریفک کنٹرولر 3 سال سے ترقیوں سے محروم ہے، تین سال گزرنے کے باوجود ایئر ٹریفک کنٹرولر کی ترقیاں نہیں ہو سکیں، اور شعبے کے 26 افسران ایڈہاک پر ڈیوٹی کرنے پر مجبور ہیں۔
ڈائریکٹر آپریشن بھی ایڈہاک پر تعینات ہے، مستقل ڈائریکٹر تعینات نہیں ہو سکا، ایئر ٹریفک کنٹرولر کے 6 چیف آپریشن آفیسر بھی ایڈہاک پر کام کر رہے ہیں۔
ایئر ٹریفک کنٹرولر ایسوسی ایشن نے سی اے اے انتظامیہ سے مطالبہ کیا ہے کہ شعبے میں افسران کی ترقیوں کا عمل فوری طور پر مکمل کیا جائے۔
