ARYNews.tv | Urdu – Har Lamha Bakhabar

Tag: airplane

  • امریکی کمپنیاں چین کو مصنوعات فروخت نہ کریں، ٹرمپ انتظامیہ کا حکم

    امریکی کمپنیاں چین کو مصنوعات فروخت نہ کریں، ٹرمپ انتظامیہ کا حکم

    امریکا میں ٹرمپ انتظامیہ نے کچھ امریکی کمپنیوں کو چین کو مصنوعات فروخت کرنے سے روک دیا۔

    غیر ملکی ذرائع ابلاغ کے مطابق ترجمان امریکی محکمہ تجارت کا کہنا ہے کہ ٹرمپ انتظامیہ نے کچھ امریکی کمپنیوں کوچین کومصنوعات فروخت کرنے سے روکا ہے۔

    برطانوی اخبار فنانشل ٹائمزکا کہنا ہے ٹرمپ انتظامیہ نے چین کو سیمی کنڈکٹر ڈیزائن کرنے والے سافٹ ویئر کی فروخت پر مؤثر طور پر پابندی عائد کردی ہے۔

    نیویارک ٹائمز کی رپورٹس کے مطابق چین کو جیٹ انجن ٹیکنالوجی اور کچھ مخصوص کیمیکلز کی فروخت بھی روک دی گئی ہے۔

    ترجمان امریکی محکمہ تجارت کا کہنا ہے چین کو اسٹریٹجک اہمیت کی برآمدات کا جائزہ لے رہے ہیں، کچھ کمپنیوں کے ایکسپورٹ لائسنس میں اضافی شرائط شامل کی ہیں۔

    اس سے قبل امریکی محکمہ خزانہ کی جانب سے ایران امریکا مذاکرات کے دوران دباؤ بڑھانے کے لئے بعض ایرانی تیل کی شپنگ کمپنیوں، آئل ٹینکرز پر پابندیاں لگائی گئی تھیں۔

    امریکی محکمہ خزانہ کا اس حوالے سے کہنا تھا کہ امریکا کی نئی پابندیوں میں چائنہ میں کام کرنے والی آزاد چھوٹی آئل ریفائنریز شامل ہیں۔

    امریکی محکمہ خزانہ کے بیان کے مطابق چائنہ میں کام کرنے والی آئل ریفائنریز 1 ارب ڈالر سے زائد کے ایرانی خام تیل کی خریداری میں شامل ہیں۔

    چین نے 4 ممالک کے لیے ویزا فری انٹری کی اجازت دے دی

    خبرایجنسی کے مطابق چین ایرانی تیل کا سب سے بڑا درآمد کنندہ ہے، چائنہ ایران پر امریکی پابندیوں کو تسلیم نہیں کرتا، چین اور ایران کے درمیان تجارت زیادہ تر ڈالر کے بجائے چینی کرنسی میں کی جاتی ہے۔ دونوں ممالک دو طرفہ تجارت درمیانی افراد کے نیٹ ورک کے ذریعے کرتے ہیں۔

  • طیارے میں کھانسنے والے شخص کے جراثیم کہاں تک پھیل سکتے ہیں؟

    طیارے میں کھانسنے والے شخص کے جراثیم کہاں تک پھیل سکتے ہیں؟

    کرونا وائرس کے خلاف احتیاطی تدابیر میں سماجی فاصلے کو کلیدی اہمیت حاصل ہے، حال ہی میں ایک ویڈیو میں دکھایا گیا ہے کہ ایک بند طیارے میں جہاں لوگ ایک دوسرے کے قریب بیٹھے ہوتے ہیں، کس طرح وائرس ایک سے دوسرے شخص میں منتقل ہوسکتا ہے۔

    امریکی ریاست انڈیانا کی ایک یونیورسٹی کی جانب سے تیار کردہ اس جی آئی ایف میں دیکھا جاسکتا ہے کہ کھانسی کے ذریعے جراثیم کس طرح توقعات سے زیادہ دور تک پھیل سکتے ہیں۔

    اس جی آئی ایف میں دیکھا جاسکتا ہے کہ کھانسی میں نکلنے والے تھوک کے قطروں سے جراثیم ہوا کے ذریعے پورے طیارے میں پھیل سکتے ہیں۔

    کھانسنے والے شخص کے قریب بیٹھے کم از کم 10 افراد زیادہ خطرے میں ہوتے ہیں تاہم یہ جراثیم طیارے کے کیبن کے آخری سرے تک پہنچ سکتے ہیں۔

    اس سے قبل جنوبی کوریا میں امریکی ماہرین کی جانب سے کی جانے والی ایک تحقیق میں بتایا گیا تھا کہ ایک دفتر میں کھانسنے والا شخص اپنے 43 فیصد ساتھیوں کو جراثیم سے آلودہ کرسکتا ہے جس میں کرونا سمیت دیگر کئی وائرس ہوسکتے ہیں۔

    خیال رہے کہ دنیا بھر میں کرونا وائرس سے اب تک 32 لاکھ سے زائد افراد متاثر ہوچکے ہیں جبکہ ہلاکتوں کی تعداد 2 لاکھ 28 سے تجاوز کرچکی ہے۔

  • دوران پرواز مسافروں سے بھرے طیارے کا دروازہ کھولنے کا برا انجام

    دوران پرواز مسافروں سے بھرے طیارے کا دروازہ کھولنے کا برا انجام

    واشنگٹن: پرواز کے دوران مسافروں سے بھرے طیارے کا دروازہ کھولنے کی کوشش کرنے والے شہری کو عملے نے دبوچ لیا، اس صورت حال کے نتیجے میں جہاز کو ایمرجنسی لینڈنگ کرنا پڑی۔

    غیرملکی خبررساں ادارے کی رپورٹ کے مطابق امریکی ایئرلائن کا طیارہ امریکی ریاست شکاگو سے ڈیلاز جارہا تھا کہ اچانک ایک احمق مسافر نے جہاز کا ایمرجنسی دورازہ کھولنے کی کوشش کی جس پر عملے نے اسے فوراً پکڑ لیا۔

    اس واقعے کے دوران ہر طرف افرا تفری مچ گئی جس کے باعث طیارے کی ایمرجنسی لینڈنگ امریکی شہر لوئس میں کرائی گئی، گرفتار مسافر نے 30 ہزار فٹ کی بلندی پر یہ احمقامہ حرکت کرنے کی کوشش کی۔

    عملے کے روکنے پر مسافر نے ہاتھا پائی بھی کی تاہم انتظامیہ نے فوری طور پر ملزم کو قابو کرلیا۔

    غیرملکی میڈیا کا کہنا ہے کہ ایمرجنسی لینڈنگ کے بعد ملزم کو پولیس نے حراست میں لے لیا، تاہم مذکورہ مسافر کی شناخت تاحال سامنے نہیں لائی گئی۔

  • ہوائی جہازوں کے قبرستان کی سیر کرنا چاہیں گے؟

    ہوائی جہازوں کے قبرستان کی سیر کرنا چاہیں گے؟

    کیا آپ نے جہازوں کے قبرستان کے بارے میں سنا ہے؟ یہ وہ جگہ ہوتی ہے جہاں اپنی مدت پوری کرنے والے یا ناکارہ ہوجانے والے ہوائی جہاز پارک کردیے جاتے ہیں۔

    ہوائی جہاز کی جسامت ایسی نہیں ہوتی کہ ناکارہ ہونے پر اسے ایئرپورٹ کے کسی عقبی کونے میں کھڑا کردیا جائے، اس کے لیے اسے باقاعدہ ایک وسیع جگہ کی ضرورت ہوتی ہے۔ ایسی جگہوں کو، جہاں ناکارہ جہاز کھڑے کردیے جائیں بون یارڈ یا جہازوں کا قبرستان کہا جاتا ہے۔

    بون یارڈ میں رکھے جانے والے جہاز عسکری اور تجارتی بنیادوں پر استعمال شدہ جہاز ہوتے ہیں۔

    امریکی ریاست ایریزونا میں واقع ڈیوس مونتھن فورس بیس سب سے بڑا بون یارڈ ہے۔ جنگ عظیم دوئم کے بعد قائم کیے جانے والے اس قبرستان میں 4 ہزار 400 ناکارہ جہاز کھڑے ہیں۔

    ان میں امریکی خلائی ادارے ناسا کے استعمال شدہ جہاز بھی شامل ہیں۔

    زیادہ تر بون یارڈز عوام کے لیے بند ہوتے ہیں تاہم ایریزونا کا یہ بون یارڈ عام لوگوں کے لیے کھلا ہے اور جہازوں میں دلچسپی رکھنے والے افراد اور سیاح بس میں بیٹھ کر اس پورے میدان کا چکر لگا سکتے ہیں۔

    کیا آپ اس قبرستان کی سیر کرنا چاہیں گے؟

  • خوفناک حادثہ، 208 مسافروں سے بھرے طیارے کا انجن پھٹ گیا

    خوفناک حادثہ، 208 مسافروں سے بھرے طیارے کا انجن پھٹ گیا

    ماسکو: روس میں خوف ناک حادثہ پیش آیا جہاں 208 مسافروں سے بھرے طیارے کا انجن اچانک پھٹ گیا۔

    تفصیلات کے مطابق مسافر طیارہ روسی شہر نووسیبریکس سے ویتنام جارہا تھا۔ ایئرپورٹ سے ٹیک آف سے قبل ہی جہاز کا انجن پھٹ گیا، خوش قسمتی سے اس واقعے میں کوئی جانی نقصان نہیں ہوا۔

    غیرملکی خبررساں ادارے کے مطابق یہ خوفناک حادثہ ٹولماشیو نامی ایئرپورٹ پر پیش آیا، جہاز میں 27 بچوں سمیت 208 مسافر سوار تھے۔ برطانوی ایئرلائن کے طیارے کو ویتنامی شہر کیم رینچ پہنچنا تھا۔

    ایئرلائن ترجمان کا کہنا ہے کہ واقعے کے فوری بعد عملے نے آگ پر قابو پایا، بعد ازاں مرمتی کام کے لیے طیارے کو واپس ٹرمینل پر پہنچایا گیا۔ جبکہ مسافروں کو متبادل جہاز سے ویتنام بھیجا گیا۔

    مقامی میڈیا سے گفتگو کرتے ہوئے مذکورہ جہاز کے مسافروں کا کہنا تھا کہ جہاز کے اڑان بھرنے سے قبل ایسا لگا کہ کسی گاڑی کو زبردستی چلانے کی کوشش کی جارہی ہے، اور پھر اچانک زوردار آواز آئی۔

    دیگر نے کہا کہ میں جہاز کی کھڑکی کی طرف بیٹھا تھا جہاں سے آگ کے شعلے بلند ہوتے دکھائی دے رہے تھے، اس دوران ہرطرف خاموشی چھا چکی تھی اور مائیک پر کوئی اناؤنسمنٹ بھی نہیں کی گئی۔

  • روسی سرحد کے قریب امریکی جاسوس طیارے کی پرواز

    روسی سرحد کے قریب امریکی جاسوس طیارے کی پرواز

    ماسکو: امریکا کے جاسوس طیارے نے روسی سرحد کے قریب پرواز کی ہے، امریکی جاسوس طیارے لاکہیڈ ای پی تھری ای اورین نے یونانی جزیرہ کرٹ سے اڑان بھری تھی۔

    تفصیلات کے مطابق امریکا اور اس کے اتحادی ممالک کے جاسوس طیارے روسی وزارت دفاع کے انتباہ کے باوجود روس کی سرحد کے قریب جاسوسی میں مشغول ہیں، امریکا کے جاسوس طیارے لاکہیڈ ای پی تھری ای اورین نے کریمیا میں روسی سرحد کے قریب پرواز کی۔

    غیر ملکی خبر رساں ادارے کا کہنا تھا کہ امریکی جاسوس طیارے نے یونانی جزیرہ کرٹ سے اڑان بھری تھی۔

    واضح رہے کہ ان دنوں امریکہ اور روس کے مابین کشیدگی بڑھ گئی ہے اور امریکا نے سرد جنگ کے زمانے میں روس سے کیے گئے ہتھیاروں کی بندش کے معاہدے سے دست برداری کا اعلان کر دیا جس کے بعد خطے میں جدید اور خطرناک اسلحے کی نئی دوڑ کے آغاز کے امکانات قوی ہوگئے۔

    امریکا کی جانب سے روس کے ساتھ 1987میں کیے گئے معاہدے انٹرمیڈیٹ نیوکلئیر فورسز ٹریٹی(آئی این ایف)سے دست برداری کا باضابطہ طور پر اعلان کردیا گیا ہے، چھ ماہ قبل امریکا نے اس معاہدے کو معطل کرکے معاہدے سے مکمل طور پر انخلا ءکے لیے اقدامات کا آغاز کر دیا تھا۔

  • کیلی فورنیا میں پانچ نشستوں والے جدید طیارے کی نمائش

    کیلی فورنیا میں پانچ نشستوں والے جدید طیارے کی نمائش

    سکرامنٹو: امریکی ریاست کیلی فورنیا میں پانچ نشستوں والے جدید طیارہ نمائش کے لیے پیش کردیا گیا۔

    تفصیلات کے مطابق اس طیارے کو ماہرین نے جدید طرز پر تیار کیا ہے، اسکائی نامی ایئر کرافٹ میں پانچ نشستیں ہیں جبکہ ایک منی وین جتنی گنجائش ہے۔

    غیر ملکی خبر رساں ادارے کا کہنا ہے کہ امریکی کمپنی نے ہا ئیڈروجن سے چلنے والا اپنی نوعیت کا پہلا ائرکرافٹ تیار کرلیا ہے۔

    میڈیا رپورٹس کے مطابق کیلی فورنیا میں نجی کمپنی نے ہائیڈروجن ایئر کرافٹ کے ماڈل کی نمائش کی، اسکائی نامی ایئر کرافٹ میں پانچ نشستیں جبکہ اس میں ایک منی وین جتنی گنجائش ہے۔

    چھ ہائیڈروجن فیول سیل بیٹریز سے لیس یہ منفرد ایئر کرافٹ قریبی شہروں کے سفر میں مددگار رہے گا۔ فیڈرل ایوی ایشن ایڈمنسٹریشن کی جانب سے سرٹیفکٹ ملنے کے بعد ایئر کرافٹ 2021 میں فروخت کیلئے دستیاب ہوگا۔

    قبل ازیں رواں سال اپریل میں دنیا کے سب سے چھوٹے جہاز نے پولینڈ کی فضاؤں میں پہلی اڑان بھرکر سب کو حیران کردیا تھا۔

    دنیا کے سب سے چھوٹے جہاز کی پہلی اڑان

    خیال رہے کہ پانچ سیٹوں پر مشتمل مذکورہ جہاز کو جنوب مشرقی پولینڈ میں قائم زائی لوناگورا نامی ایئرپورٹ پر اڑایا گیا تھا جسے دیکھنے والے دنگ رہ گئے تھے، جہاز کا وزن 700 کلو گرام تھا۔

  • بغیر سیٹوں والے جہاز میں سستا فضائی سفر

    بغیر سیٹوں والے جہاز میں سستا فضائی سفر

    فضائی سفر ایک مہنگا مگر پرتعیش ذریعہ سفر ہے اور یہی اس کے مہنگے ہونے کی وجہ بھی ہے، تاہم ایک کمپنی فضائی سفر کو سستا بنانے کے لیے بغیر سیٹوں والا ہوائی جہاز بنانے پر غور کر رہی ہے جس میں مسافر کھڑے ہو کر سفر کر سکیں گے۔

    جنوبی امریکی ملک کولمبیا کی ایک ایئر لائن متوسط طبقے کو بھی فضائی سفری سہولیات فراہم کرنے کے لیے بغیر سیٹوں والا جہاز بنانے پر غور کر رہی ہے۔

    گو کہ ابھی اس بات پر سائنسی تحقیق کی جارہی ہے کہ آیا کھڑے ہو کر فضائی سفر کرنا ممکن بھی ہے یا نہیں، تاہم ایئر لائن انتظامیہ کا خیال ہے کہ اس تحقیق کا بہت جلد مثبت نتیجہ سامنے آئے گا۔

    ان کا کہنا ہے کہ اگر کوئی فضائی سفر ایک گھنٹے کا ہے تو اس سے کوئی فرق نہیں پڑتا کہ جہاز میں کوئی انٹرٹینمنٹ سسٹم ہے یا آپ کو کھانا مل رہا ہے یا نہیں۔

    بغیر سیٹوں کے ہوائی جہاز پر سیٹ بیلٹ نہ ہونے کو بھی وجہ اعتراض بنایا جارہا ہے۔

    مزید پڑھیں: فضائی حادثے کی صورت میں ان اقدامات سے جان بچانا ممکن؟

    اس بارے میں ایئر لائن انتظامیہ کا کہنا ہے کہ جب کوئی فضائی حادثہ ہوتا ہے تو کیا سیٹ بیلٹس مسافروں کی زندگیاں بچا سکتے ہیں؟ ’آپ کو ان ٹرینوں میں بھی سیٹ بیلٹ کی ضرورت نہیں پڑتی جو 120 میل فی گھنٹہ کی رفتار سے چل رہی ہوں‘۔

    فی الحال سول ایوی ایشن اتھارٹی اس آئیڈیے سے متفق نظر نہیں آتی اور تاحال کسی بھی ملک میں بغیر سیٹوں والے طیارے بنانے کی منظوری نہیں دی گئی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی میں طیارے پھرلیزرلائٹ کی زد پر

    کراچی میں طیارے پھرلیزرلائٹ کی زد پر

    کراچی: طیاروں کو لیزر لائٹ مارنے کا سلسلہ ایک بار پھر شروع ہوگیا جس سے جہازوں کی سیفٹی کو خطرات لاحق ہوگئے‘ گزشتہ سال بھی اس نوعیت کے واقعات پیش آئے تھے۔

    ذرائع کے مطابق اندرون و بیرون ملک سے رات کے اوقات میں آنے والی پروازوں پر لیزر لائٹ پڑنے سے کپتانوں کو لینڈنگ کے وقت پریشانی کا سامناکرنا پڑ رہا ہے۔

    بوئنگ 777کے کپتان نے اے آروائی نیوز کو بتایا کہ نارتھ سے آنیوالی پروازیں کراچی ایئرپورٹ پر لینڈنگ کے لیے اپروچ کرنے کے لیے طیارہ 10مائل پر آتا ہے تو انھیں لیزر لائٹوں کا سامنا کرنا پڑ رہا ہے جو کہ جہاز اور مسافروں کے لیے انتہائی خطرناک ہے۔

    ایئرپورٹ ذرائع کے مطابق زیادہ تر واقعات سپر ہائی وے سے رن وے 25پر لینڈنگ کے وقت پیش آرہے ہیں۔سول ایوی ایشن کے مطابق سپر ہائی وے پرواقع ریسٹورنٹس پر لیزر لائٹ لگائی ہوئی ہیں جس کی وجہ سے طیاروں کو مشکلات کا سامنا ہے۔

     سول ایوی ایشن نے سندھ پولیس کو خط لکھ دیا*

    اس سلسلے میں ضلعی انتظامیہ اور پولیس کو لیزر لائٹوں کے خلاف آپریشن کیلئے متعدد خط لکھے ہیں تاہم اس کے خلاف کوئی کارروائی عمل میں نہیں لائی گئی۔

    ماہرین ایوی ایشن کا کہنا ہے کہ جہازوں پر لیزر لائٹ کا پڑنا انتہائی خطرناک ہے‘ اس کا سنجیدگی سے نوٹس لینا چاہئے۔

    یاد رہے کہ گزشتہ سال نومبر ہی کےمہینے میں طیاروں پر لیز لائٹ مارنے کا معاملے پر سول ایوی ایشن نے ملزمان کی گرفتاری کے لئے سندھ پولیس کو خط لکھا تھا اور پولیس نے ائیر پورٹ کے قریبی علاقوں سے طیاروں پر لیز لائٹ مارنے والوں کو گرفتار کرنے کے لیے ٹیم تشکیل تھی۔

    حکام کے مطابق ایوی ایش قوانین کے مطابق طیارے پر لیزر مارنا یا پرواز میں کسی قسم کا خلل ڈالنا سنگین جرم ہے، پولیس ان واقعات کی روک تھام کے اقدامات کرتے ہوئے انہیں گرفتار کرے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہوائی،بحری جہازوں اورکشتیوں کی درآمدات میں اضافہ

    ہوائی،بحری جہازوں اورکشتیوں کی درآمدات میں اضافہ

    اسلام آباد: ہوائی جہازوں ،بحری جہازوں اور کشتیوں کی ملکی درآمدات میں 2 کروڑ چون لاکھ ڈالر کا اضافہ، تفصیلات کے مطابق رواں مالی سال 2014-15ءمیں دوسرے ماہ اگست 2014ءکے دوران ہوائی جہازوں ، بحری جہازوں اور کشتیوں کی ملکی درآمدات میں 2کروڑ 54 لاکھ ڈالر کا نمایاں اضافہ ریکارڈ کیا گیا۔

    ادارہ برائے شماریات کے اعدادو شمار کے مطابق گزشتہ مالی سال میں اگست 2013ءکے دوران 8 کروڑ 26 لاکھ ڈالر کے ہوائی جہاز ، بحری جہاز اور سمندری کشتیاں درآمد کی گئیں جبکہ رواں مالی سال میں اگست 2014ءکے دوران ملکی درآمدات کا حجم 10 کروڑ 80 لاکھ ڈالر تک بڑھ گیا۔