کراچی: نجی شعبے میں آپریٹ ہونے والی ایئر سیال نے سعودی عرب کے لیے اپنی پروازوں میں مزید اضافہ کر دیا۔
تفصیلات کے مطابق کراچی سے جدہ کے لیے اب ایئر سیال کی ہفتہ وار 5 پروازیں آپریٹ ہوں گی، ملتان سے جدہ کے لیے پروازوں میں بھی اضافہ کیا گیا ہے اور ہفتہ وار 5 پروازیں آپریٹ ہوں گی، سیالکوٹ سے بھی جدہ کے لیے ہفتہ وار 2 پروازیں آپریٹ کی جا رہی ہیں۔
سی ای او طارق امین نے کہا کہ سعودی عرب کے لیے پروازو ں میں اضافے کا مقصد ہم وطنوں کو سفری سہولت فراہم کرنا ہے، کراچی اورملتا ن سے ہفتہ وار پروازوں میں اضافے سے عمرہ زائرین سمیت مسافروں کو سفری سہولت میسر آئے گی اور ساتھ تجارتی سرگرمیوں کو بھی فروغ حاصل ہوگا۔
انھوں نے کہا سعودی عرب کے لیے مجموعی طور پر کراچی، لاہور، اسلام آباد، ملتان اور سیالکوٹ سے 24 پروازیں آپریٹ کی جا رہی ہیں، ایک ماہ میں سعودی عرب کے لیے آمد و روانگی کی 96 پروازیں آپریٹ ہو رہی ہیں۔
سی ای او کے مطابق تجارتی سرگرمیوں سے ملک میں زرمبادلہ میں بھی اضافہ ہوگا۔
