Tag: Aisam Ul haq

لاہور : سابق ٹیسٹ کرکٹر مشتاق احمد نے فلاحی تنظیم کی تقریب میں کورونا متاثرین کیلئے اپنی ٹی شرٹ اور ٹینس اسٹار اعصام الحق نےدس لاکھ روپے عطیہ کردیئے۔

تفصیلات کے مطابق لاہور پریس کلب میں ایک فلاحی تنظیم کی تقریب میں سابق ٹیسٹ کرکٹر مشتاق احمد اور ٹینس اسٹار اعصام الحق نے شرکت کی مشتاق احمد نے اپنی شرٹ عطیہ میں دی جبکہ اعصام الحق نے دس لاکھ روپے عطیہ دیا۔

لاہور پریس کلب میں میڈیا سے گفتگو کرتے ہوئے اعصام الحق کا کہنا تھا کہ کھلاڑی میچ جیت کر خوش ہوتے ہیں، جبکہ حقیقت یہ ہے کہ انسانیت کی خدمت سے بڑی کوئی خوشی نہیں، کورنا وائرس سے پیدا ہونے والے مسائل کے حل کیلیے ٹیم ورک کی ضرورت ہے،اسی مقصد کو پیش نظر رکھتے ہوئے فلاحی تمظیم کا ساتھ دینے کا فیصلہ کیا۔

اعصام الحق کا کہنا تھا کہ کورونا متاثرین کی مدد کیلیے راجر فیڈرر، رافیل نڈال، جوکووک اور ثانیہ مرزا کو بھی خطوط لکھے ہیں، اسٹار ٹینس پلیئرز نے اپنی شرٹس اور دیگر اشیاء نیلامی کیلیے پیش کی ہیں، وسیم اکرم، راشد لطیف، شعیب اختر، جہانگیر خان اور دیگر اسٹارز نے بھی اپنی یادگار اشیا نیلامی کیلیے پیش کی ہیں۔

اس موقع پر سابق ٹیسٹ کرکٹر مشتاق احمد کا کہنا تھا کہ میں اپنی 1999 کے ورلڈ کپ کی شرٹ ڈونیشن کر رہا ہوں۔ جتنا لطف کسی ضرورت مند کی مدد کرنے میں آتا ہے اتنا ورلڈ کپ جیتنے سے بھی نہیں آتا۔

انہون نے کہا کہ آج بھی مجھے وہ وقت یاد ہے کہ جب لوگوں نے مجھے سپورٹ کیا تھا ، مشتاق احمد کا کہنا تھا کہ راشن کا سلسلہ شروع کیا تو سفید پوش لوگوں کو دیا وہ واقعی بہت ضرورت مند تھے۔ اللّٰہ پاک نے مجھے موقع دیا کہ میں لوگوں کی مدد کر سکوں۔

انہون نے کہا کہ شاہد آفریدی ، اعصام الحق اور دیگر کھلاڑی فلاحی کاموں حصہ لے رہے ہیں ۔ کرونا وائرس نے پوری دنیا کو تبدیل کر دیا ہے، مشتاق احمد کا کہنا تھا کہ ہمارے جتنے بھی کولیک ہیں میں سب سے درخواستکرتا ہوں وہ آگے بڑھ اپنا اپنا حصہ ڈالیں۔