اسلام آباد : فوجی عدالتوں میں آرمی ایکٹ کے تحت عام شہریوں کے مقدمات چلانے کے خلاف سپریم کورٹ میں دائر درخواستوں پر سماعت کے حوالے سے اضافی دستاویزات جمع کرادیئے گئے۔
تفصیلات کے مطابق سپریم کورٹ میں ملٹری کورٹس میں شہریوں کے ٹرائل کیخلاف درخواست سے متعلق درخواست گزار اعتزاز احسن نے اضافی دستاویزات جمع کروا دیں۔
اس حوالے سے ذرائع کا کہنا ہے کہ اضافی دستاویزات متفرق درخواست کے ذریعے جمع کروائی گئیں، اضافی دستاویزات میں ملٹری کورٹس قوانین، فوجی عدالتوں میں کارروائی کے طریقہ کار سے متعلق آرٹیکلز شامل ہیں۔
درخواست گزار کا مؤقف ہے کہ سپریم کورٹ میں ملٹری کورٹس میں عام شہریوں کے ٹرائل کا کیس 26جون کو سماعت کیلئے مقرر ہے، زیر سماعت کیس کو جلد نمٹانے کیلئے مذکورہ دستاویزات اہمیت کی حامل ہیں، لہٰذا استدعا ہے کہ انصاف کے تقاضوں کو مدنظر رکھتے ہوئے دستاویزات کو ریکارڈ کا حصہ بنایا جائے۔
لاہور : پیپلز پارٹی کے رہنما بیرسٹر اعتزاز احسن نے کہا ہے کہ تین سو وکلا نے ڈیڑھ لاکھ کی برادری کو بدنام کردیا، وکلاء کی جانب سے ایسے رویے کا اندازہ بالکل نہیں تھا۔
ان خیالات کا اظہار انہوں نے اے آر وائی نیوز کے پروگرام الیونتھ آور میں خصوصی گفتگو کرتے ہوئے کیا, اعتزاز احسن نے کہا کہ واقعے میں زیادہ تر وہ وکلاء ملوث ہوں گے جو آئندہ بار الیکشنزمیں امیدوار ہونگے، بارالیکشن کیلئے ایشو کو استعمال کرناغلط بات ہے۔
آج لگ بھگ تین سو وکلا نے ڈیڑھ لاکھ کی برادری کو بدنام کردیا، آج ملوث کوئی وکیل بارالیکشن میں امیدوار ہے تو اسے ووٹ نہ دیا جائے، امید ہے وکلا آئندہ الیکشن میں اپنے ووٹ کادرست استعمال کریں گے۔
ان کا کہنا تھا کہ لاہور میں ہوتا تو پی آئی سی فوری طور پر پہنچ جاتا اور وکلا کوروکتا، بار کو جب بھی ضرورت پڑی میں ان کے لیےنکلا ہوں، جنگ میں بھی اسپتال پر حملےنہیں کیے جاتے، اندازہ نہیں تھا کہ وکلا3سے4کلومیٹر پیدل چل کراسپتال پر حملہ کریں گے۔
انہوں نے کہا کہ مریضوں پر پتھراؤ اور اسپتال کے شیشےتوڑے گئے، تیمارداروں پرتشدد اور گاڑیاں جلائی گئیں ایسا نہیں ہوناچاہیے تھا، اس کی جتنی مذمت کی جائے کم ہے۔
پی پی رہنما نے کہا کہ وکلا کے رویے سے ڈاکٹرز بھی اسپتال چھوڑ کر چلے گئے، کالے کوٹ کی لوگ عزت کرتے ہیں،آج اس کی رسوائی کرائی گئی، بطور وکیل آج بہت شرمندگی ہورہی ہے دکھ محسوس کررہا ہوں۔
بار بینچ کی وجہ سے وکلا گردی مصلحت کا شکارہوجاتی ہے، ماتحت عدلیہ میں وکلا کادباؤ پڑجاتا ہے یہ درست ہے، اعلیٰ عدلیہ میں ایسانہیں ہونا چاہیے نہ ہوتا ہے، بار ایسوسی ایشنز نے ہڑتال کا وطیرہ بنا رکھا ہے، ہربات پر فوری عدلیہ کی ہڑتال کی جاتی ہے ایسا نہیں ہونا چاہیے۔
اعتزاز احسن نے کہا کہ پنجاب بارکو ہڑتال کی کال نہیں دینی چاہیے تھی ہوسکتا ہے بہت سے وکلاہڑتال کی کال پر عمل نہ کریں۔
حکومتی رٹ سے متعلق ان کا کہنا تھا کہ آج کے واقعے کی ذمہ داری حکومت پر بھی عائد ہوتی ہے، وکلا پیدل چل کرنعرے لگاتے ہوئے آئےتھے، حکومت کو چاہیے تھا کہ فوری طور پر ان کو روکتے۔
اسپتال پر حملہ ہورہا تھا تو فوری طور پر اقدامات کیے جاتے، آج کے واقعےمیں ہمارا بھی قصورہے، ہمیں بہتری جانب جانا چاہیے۔
کراچی: پاکستان پیپلز پارٹی کے مرکزی رہنما نبیل گبول نے کہا ہے کہ صبح تک اپوزیشن کی جانب سے صدارتی امیدوار کے لیے اعتزاز احسن کے نام کا اعلان ہوسکتا ہے، کافی حد تک بات چیت ہوچکی ہے۔
ان خیالات کا اظہار انہوں نے اے آر وائی نیوز کے پروگرام الیونتھ آور میں گفتگو کرتے ہوئے کیا، نبیل گبول کا کہنا تھا کہ میری اطلاع کے مطابق اعتزاز احسن اپوزیشن کے مشترکہ امیدوار ہوں گے۔
انہوں نے کہا کہ کنفرم نہیں کہہ سکتا مگر اطلاع کے مطابق بات چیت طے ہوگئی ہے۔
علاوہ ازیں یوم شہدا کے حوالے سے نیبل گبول نے خصوصی پیغام بھی دیا، ان کا کہنا تھا کہ سب کو اپنے اپنے علاقوں میں شہدا کو خراج عقیدت پیش کرنا چاہیے، آج پاکستان ہے تو شہدا کی قربانیوں کی بدولت ہے۔
قبل ازیں پی پی رہنما راجا پرویز اشرف نے صدارتی امیدوار سے متعلق گفتگو کے لیے مولانا فضل الرحمان سے ملاقات بھی کی، بعد ازاں میڈیا سے گفتگو کرتے ہوئے انہوں نے کہا تھا کہ کوشش کی جارہی ہے، متفقہ صدارتی امیدوار کے معاملے کا کوئی درمیانی راستہ نکل آئے۔
اس موقع پر مولانا فضل الرحمان نے کہا تھا کہ آصف زرداری اور اعتزاز احسن سے ذاتی تعلقات ہیں، خواہش ہے صدارتی انتخاب کے لئے اپوزیشن کا متفقہ امیدوار ہو۔
یاد رہے کہ آج آصف زرداری کی زیرصدارت پیپلزپارٹی کا مشاورتی اجلاس ہوا تھا، جس میں تمام ارکان کی جانب سے اعتزازاحسن کا نام واپس لینے کی مخالفت کی گئی۔
کراچی: پاکستان پیپلز پارٹی کے مرکزی رہنما اعتزاز احسن نے کہا ہے کہ اگر چوہدری نثار پارٹی چھوڑ گئے تو مسلم لیگ (ن) کو بہت بڑا نقصان ہوگا، وہ جو فیصلہ کرنا چاہتے ہیں خود کریں، میں کوئی مشورہ نہیں دینا چاہتا۔
ان خیالات کا اظہار انہوں نے میڈیا سے بات چیت کرتے ہوئے کیا، اعتزاز احسن کا کہنا تھا کہ میرے متعلق یہ کہا جارہا ہے کہ میں پییپلز پارٹی چھوڑ کر دوسری پارٹی میں شمولیت اختیار کرنے جارہا ہوں، ایسے لوگوں کو واضح کر دینا چاہتا ہوں کہ پارٹی نہیں چھوڑ رہا، افواہیں پھیلائی جارہی ہیں۔
انہوں نے کہا کہ پیپلز پارٹی میرا خاندان ہے اسے کیوں چھوڑ کر جاؤں گا؟ اعتزاز احسن کا ازراہ مذاق کہنا تھا کہ میری عمر میں پارٹیاں چھوڑنے کا کام اچھا نہیں لگتا، اپنی جماعت سے مخلص ہوں، اور پارٹی چھوڑنے کا کوئی ارادہ نہیں ہے۔
ان کا مزید کہنا تھا کہ میرا کوئی ٹوئٹر اکاؤنٹ بھی نہیں ہے، میرے نام سے جعلی ٹوئٹر اکاؤنٹس سے غلط فہمیاں پھیلائی جاتی ہیں، تاہم میں بھی ٹوئٹر کا اکاؤنٹ بنانا چاہتا ہوں جس کا اعلان بھی جلد کروں گا۔
خیال رہے کہ مسلم لیگ ن کے ناراض رہنما چوہدری نثار نے تنازعات کے باعث پارٹی سے کنارہ کشی اختیار کر رکھی ہے، جس کے باعث یہ قیاس آرائیاں کی جارہی ہیں کہ وہ پاکستان تحریک انصاف میں شمولیت اختیار کر لیں گے تاہم اب تک ان کی جانب سے کوئی تصدیق یا تردید نہیں کی گئی۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
کراچی: پاکستان پیپلز پارٹی کے سینیٹر اعتزاز احسن نے کہا ہے کہ سینیٹ الیکشن میں پیپلز پارٹی نے اپنے حصے کی سیٹیں جیتیں، لیکن انتخابات میں مختلف جماعتوں نے بدترین ہارس ٹریڈنگ بھی کی۔
ان خیالات کا ا اظہار انہوں نے میڈیا سے بات جیت کرتے ہوئے کیا، اعتزاز احسن کا کہنا تھا کہ شفاف طریقے سے کامیاب ہونے والے امیدواروں کو میں مبارک باد پیش کرتا ہوں، ہماری جماعت نے اپنے حصے کی سیٹیں جیت لی ہیں۔
رہنماء پی ٹی آئی چوہدری سرور پر تنقید کرتے ہوئے انہوں نے کہا کہ چوہدری سرور مسلم لیگ (ن) کے گورنر رہ چکے ہیں، انہوں نے اپنے دور میں ایم پی ایز کو بہت نوازا، وہ انگلینڈ آنے والے لوگوں کو خوب سیر وتفریح بھی کراتے تھے۔
اعتزاز احسن کا کہنا تھا کہ چوہدری سرور کی جانب سے نوازے جانے پر ایم پی ایز نے بھی خوب دوستی نبھائی، یہ بھی ہارس ٹریڈنگ ہی کہلائے گی، ہمارے امید واروں نے سینیت انتخابات میں شفاف طریقوں سے سیٹیں حاصل کیں۔
ایم کیو ایم سے متعلق تبصرہ کرتے ہوئے سینیٹر اعتزاز احسن نے کہا کہ کراچی کے لاڈلوں نے شہر کا برا حال کر رکھا ہے، ایم کیو ایم ایک دوسرے سے لڑتی رہی جس کا فائدہ پیپلز پارٹی کو ہوا۔
خیال رہے سینیٹ انتخابات میں سینیٹ کے 52 نشستوں پر غیر حتمی اور غیر سرکاری نتائج کے مطابق پیپلز پارٹی کے سندھ سے دس اور خیبر پختونخواہ سے دو امیدوار کامیاب قرار پائے ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانےکے لیے سوشل میڈیا پر شیئر کریں۔
کراچی: پیپلز پارٹی کے سینیٹر اعتزاز احسن نے کہا ہے کہ مسلم لیگ (ن) اپنے منظور نظر افسران ان کا ساتھ دے رہے ہیں، پنجاب بیورو کریسی شریف بردران کی ذاتی ملازم ہے۔
ان خیالات کا اظہار انہوں نے اے آر وائی کے پروگرام ’اعتراض یہ ہے‘ میں انٹرویو دیتے ہوئے کیا، قومی احتساب بیورو لاہور کی جانب سے سابق ڈی جی ایل ڈی اے احد چیمہ کی گرفتاری سے متعلق اعتزاز احسن کا کہنا تھا کہ افسران ملک سے غداری اور شریفوں سے وفاداری کر رہے ہیں۔
انہوں نے کہا کہ شریف خاندان احد چیمہ کی گرفتاری پر چلا رہے ہیں، مجھے کسی نے بتایا کہ یہ طوطے کی طرح بولے گا، احد چیمہ نجی کمپنی کے ایم ڈی بھی رہ چکے ہیں، شاہد خاقان عباسی تالا بند کرنے والے افسران کے خلاف کچھ نہیں کریں گے۔
ان کا کہنا تھا کہ اقامہ منی لانڈ رنگ سے زیادہ سنگین جرم ہے، تنخواہ آپ لیں نہ لیں لیکن غیر ملکی کمپنی کا ملازم ہونا ہی جرم ہے، نواز شریف کو صرف نااہل کیا گیا ہے میں تو کہتا ہوں آرٹیکل 6 لگانا چاہیے تھا، شاہد خاقان عباسی کہتے ہیں میں نہیں نواز شریف وزیر اعظم ہیں۔
اعتزاز احسن نے کہا کہ طلال چوہدری، دانیال عزیز کو پکڑنے سے کچھ حاصل نہیں ہوگا، نواز شریف قانون کے بند کمرے میں قید ہیں، جسٹس بشیر کے پاس سزا دینے کے علاوہ کوئی اور آپشن موجود نہیں، کیلیبری فونٹ سے متعلق گواہ کے بیان کا انہیں فائدہ ہوسکتا ہے، لیکن پیسہ کہاں سے آیا؟ منی ٹریل جو کہ اصل مسئلہ ہے جس پر انہوں نے ابھی تک کچھ پیش نہیں کیا۔
سینیٹر اعتزاز احسن کا کہنا تھا کہ ن لیگی امید واروں کو آزاد قرار دینا چیلنج ہوسکتا ہے جس سے وہ اپنے آپ کو مظلوم ثابت کر رہے ہیں، سینیٹ الیکشن کے لیے اوپن بیلٹ سسٹم کر دینا چاہیے تاکہ ہارس ٹریڈنگ نہ ہو۔
ان کا مزید کہنا تھا کہ جب بی بی کی شہادت ہوئی تو پورے ملک میں آگ لگی ہوئی تھی لیکن اس وقت بھی آصف زرداری نے پاکستانی کھپے کا نعرہ لگایا۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں
کراچی: پیپلز پارٹی کے سینیٹر اعتزاز احسن نے کہا ہے کہ نواز شریف چاہتے ہیں کوئی دھماکا ہو اور یہ سسٹم گر جائے، انہوں نے قانونی وآئینی اعتبار سے خود کش جیکٹ پہن لی ہے۔
ان خیالات کا اظہار انہوں نے اے آر وائی کے پروگرام آف دی ریکارڈ میں انٹرویو دیتے ہوئے کیا، اعتزاز احسن کا کہنا تھا کہ عدالتیں آج بھی نواز شریف پر نرم ہاتھ رکھے ہوئے ہیں اور میاں صاحب ان نرم رویوں کا فائدہ اٹھا رہے ہیں۔
انہوں نے کہا کہ نواز شریف عدالتوں کے خلاف جارحانہ اپوزیشن کا کردار ادا کررہے ہیں، اقامہ منی لانڈرنگ سے زیادہ سنگین جرم ہے، سوال یہ ہے کیا مجرم پارٹی سربراہ بن سکتا ہے؟
رہنماء پی پی پی اعتزاز احسن کا کہنا تھا کہ نواز شریف کا جی ٹی روڈ پر جلوس ناکام ہوا، انہیں جی ٹی روڈ کی تقریر پر ہی عدالت بلوا لینا چاہیے، انہیں تھوڑی ڈھیل ملی ہے اسی لیے وہ ہوا کے گھوڑے پر سوار ہوگئے ہیں۔
ان کا مزید کہنا تھا کہ وزیر اعظم سمیت وزراء کا اقامہ رکھنا پاناما سے زیادہ بڑا جرم ہے، عدالت نے چور ڈاکو سے متعلق سوال عمومی طور پر پوچھا، جسے مریم نواز برا مان گئیں۔
خیال رہے آج سابق وزیر اعظم نواز شریف، ان کی دختر مریم نواز اور داماد کیپٹن ریٹائرڈ صفدر احتساب عدالت پہنچے تھے جہاں کیس میں 4 گواہوں کے بیانات قلمبند کر لیے گئے جبکہ احتساب عدالت نے نواز شریف کی حاضری سے استثنیٰ کی درخواست خارج کردی۔
دوسری جانب احتساب عدالت میں پیشی کے بعد میڈیا سے گفتگو کرتے ہوئے نواز شریف کا کہنا تھا کہ اعلیٰ جج صاحبان کی زبان ان کے منصب کی توہین ہے۔ ڈان، سسیلین مافیا اور گاڈ فادر جیسے الفاظ استعمال کیے گئے، اب چور ڈاکوؤں جیسے الفاظ کا استعمال کیا جارہا ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
اسلام آباد : پیپلزپارٹی کے رہنما اعتزازاحسن نے کہا ہے کہ نااہل شخص کو پارٹی کی صدارت کا حق نہیں ملنا چاہیے، نوازشریف اب پیپلزپارٹی سے مدد کی ہرگز امید نہ رکھیں، پی پی نے ماضی میں نوازشریف کو بچایا، انہوں نے جو کیا سب کے سامنے ہے۔
ان خیالات کا اظہار انہوں نے اے آر وائی نیوز کے پروگرام پاور پلے میں میزبان ارشد شریف سے خصوصی گفتگو کرتے ہوئے کیا۔
اعتزاز احسن کا کہنا تھا کہ ماضی میں نوازشریف نے پی پی سے اچھا سلوک نہیں کیا، ن لیگ نے یوسف رضا گیلانی کےخلاف بھرپور مہم چلائی، نوازشریف کو لے کر ہمارا تجربہ بہت تلخ رہا ہے۔
ایک سوال کے جواب میں ان کا کہنا تھا کہ نواز شریف نے آصف زرداری سے ملاقات کی خواہش کا اظہار کیا تھا، خورشید شاہ کے ذریعے پی پی سے رابطوں کے دروازے کھلےہیں، خورشید شاہ اصولوں پر سمجھوتا نہیں کریں گے۔
اعتزاز احسن نے واضح کیا کہ رابطوں کانتیجہ یہ ہی نکلےگا کہ ہم پارٹی پالیسی کےمطابق چلیں گے، حلقہ بندیوں کی ترمیم کی حمایت کا مطلب نوازشریف کی مدد نہیں، اس معاملے پر حکومت کے ساتھ اتفاق ہوسکتا ہے، نوازشریف کاخود کونظریہ کہنا محض پاگل پن ہے۔
اعتزازاحسن نے کہا کہ نوازشریف اور مریم نواز سمجھ چکے ہیں کہ اب عدالت سے کچھ حاصل نہیں ہوگا، ان کو پتہ ہے کہ عدالت سے صرف سزا ہی ملےگی، خدشہ ہے کہ نوازشریف اشارہ ملنے پرپھرسب کچھ چھوڑچھاڑکربیرون ملک بھاگ جائیں گے، اسی لئے عدالت کے خلاف نوازشریف اور مریم سے زیادہ سخت زبان اور کوئی استعمال نہیں کرتا۔
ان کا کہنا تھا کہ دھوکہ دہی کے بغیر شریف خاندان چل ہی نہیں سکتا، نوازشریف کا نظریہ ہے کہ جتنی ہوسکے دولت بناؤ، ان کا نظریہ کمزور کو دبانا اور طاقتور سے دبنا ہے۔
پی پی رہنما کا کہنا تھا کہ نااہل شخص کو پارٹی صدارت کا حق نہیں ہوناچاہیے، نئے قانون کے بعد تو چور،ڈاکو بھی پارٹی کا صدر بن سکتا ہے، ایساشخص پارلیمنٹ سے باہر بیٹھ کر ممبران کو کنٹرول کرسکتا ہے۔
انہوں نے مزید کہا کہ شریف خاندان کا ایون فیلڈ ریفرنس میں بریت کاامکان بہت کم ہے، لندن فلیٹس کی خریداری کیلےمنی ٹریل دینے کیلئے موقع پرموقع دیا گیا لیکن شریف خاندان مشکوک قطری شہزادے کاخط اورجعلی کیلبری فونٹ دستاویزات ہی پیش کر پایا۔
لاہور : پیپلزپارٹی کے سینیٹر چوہدری اعتزاز احسن نے کہا ہے کہ قطری شہزادہ نہ آیا تو نقصان شریف فیملی کا ہوگا، حسین نواز کی جے آئی ٹی والی تصویر بھی حکومت نے لیک کرائی۔
ان خیالات کا اظہار انہوں نے لاہور میں میڈیا سے گفتگو کرتے ہوئے کیا، اعتزاز احسن نے کہا کہ حسین نواز کی جے آئی ٹی والی تصویر بھی حکومت نے لیک کرائی تاکہ حسین نواز کو مظلوم ثابت کرسکے۔
انہوں نے کہا کہ جوڈیشک ایکیڈمی صرف وزارت داخلہ کی دسترس میں ہے، ایسا کام صرف سپریم کورٹ اور جے آئی ٹی کو دباؤمیں لینے کیلئے کیا گیا ہے۔
حکومت سپریم کورٹ بینچ اور رجسٹرار کو متنازعہ بنانے کیلئےکوششیں کررہی ہے، اس سے قبل جب آل پارٹیز کانفرنس جو کشمیر میں منعقد کی گئی تھی اس کی ساری کارروائی بھی اسی طرح چلائی گئی تھی۔ اس کا اعتراف خود گورنر سندھ محمد زبیر نے ایک ٹی وی پروگرام میں بھی کیا تھا۔
پیپلزپارٹی کے سینیٹر کا قطری خط کے حوالے سے کہنا تھا کہ خط کے جواب میں خط لکھنا مکھی پرمکھی مارنے کے
مترادف ہے، انہوں نے کہا کہ ن لیگ اداروں سے ٹکراؤ کر کے سیاسی شہید ہونا چاہتی ہے مگران کی یہ خواہش پوری نہیں ہوگی۔
انہوں نے کہا کہ اس میں کوئی شک نہیں کہ قطری اور سازشیں حکمرانوں کو احتساب سے بچا نہیں سکتیں بلکہ حکمرانوں کو چاہئیے وہ بونگیاں مارنے کی بجائے احتساب کا سامنا کریں اور اگر ان کا دامن صاف ہے تو اپنی بے گناہی ثابت کریں۔
اسلام آباد : سینیٹ میں قائد حزب اختلاف چودھری اعتزاز احسن نے کہا ہے کہ ممکن ہے کہ حکمران جماعت عددی برتری کی بنیاد پر فوجی عدالتوں میں توسیع کی پارلیمنٹ سے منظور ی حاصل کرلے مگر پیپلز پارٹی کو فوجی عدالتوں پر تحفظات ہیں۔
ان خیالات کا اظہار انہوں نے گورنمنٹ کالج یونیورسٹی میں ادبی کانفرنس سے خطاب کے بعد میڈیا کے نمائندون سے خصوصی گفتگو کرتے ہوئے کیا۔ چودھری اعتزاز احسن نے کہا کہ پیپلز پارٹی کے فوجی عدالتوں پر تحفظات موجود ہیں، جس کا اظہار پارلیمنٹ کے اجلاس میں کریں گے۔
انہوں نے کہا کہ حکومت پارلیمنٹ سے فوجی عدالتوں کو عددی برتری سے منظور کرواسکتی ہے مگرہم اپنا موقف ضرور پیش کریں گے۔ ان کا کہنا تھا کہ ضیاءالحق کے مارشل لاء کے دوران ترقی پسندوں پر عذاب اترے اور مذہبی انتہا پسندی نے فروغ پایا ۔
کانفرنس سے خطاب میں پیپلز پارٹی شہید بھٹو کے رہنما ڈاکٹر مبشر حسن نے کہا کہ قوم میں اب اپنے مؤقف پر ڈٹ جانے والے ختم ہوتے جارہے ہیں۔ اس موقع پر ترقی پسند مصنفین میں ایوارڈز بھی تقسیم کئے گئے۔
