Tag: Aitzaz Ahsan

نواز شریف بچوں سے کیوں نہیں پوچھتے کہ پیسے کہاں سے آئے، اعتزاز احسن

اسلام آباد: پیپلزپارٹی کے رہنما اعتزاز احسن نے کہا ہے کہ نواز شریف اپنے بچوں سے کیوں نہیں پوچھتے کہ پیسے کہاں سے آئے، ہمارے گھر میں نئی سائیکل آئے تو ماں باپ پوچھتے تھے کہ یہ نئی سائیکل کہاں سے آئی۔

ان خیالات کا اظہار انہوں نے اے آر وائی نیوز کے پروگرام ‘آف دی ریکارڈ‘ میں گفتگو کرتے ہوئے کیا، اعتزاز احسن نے کہا کہ 3 اپریل 2016 کے بعد دیکھ لیں نواز شریف کتنی بار اس گھر میں رہے ہیں، نواز شریف اپنے بچوں سے کیوں نہیں پوچھتے یہ قیمتی فلیٹ کہاں سے آئے۔

انہوں نے کہا کہ نواز شریف کے مقدمات دیکھیں ان کو کتنے مواقع دئیے گئے ہیں، شریف ریفرنسز میں صرف واجد ضیا سے 20 سے 22 دن جرح کی گئی، شریف فیملی کو دو سال سے دفاع کا موقع مل رہا ہے مگر بتاتے نہیں، وہ بیٹوں کو بتادیں ان کے فلیٹ کے باعث باپ، بہن عدالتوں کے چکر کاٹ رہے ہیں۔

پیپلزپارٹی رہنما نے کہا کہ شریف فیملی منی ٹریل چھپا کر بیٹھے ہیں، بیٹے اور سمدھی کو بھگایا ہوا ہے، یہاں باپ میڈیا کے سامنے ان مفروروں کے گھر جاتے ہیں، کس ملزم کو یہ رعایت ملتی ہے کہ مفرور بیٹوں کے ساتھ عید منائی جائے۔

اعتزاز احسن نے کہا کہ میاں صاحب نے اپنے وکیل کو دستبردار ہونے کا خود کہا، انہوں نے وکیل کو دستبردار کراکر یہ پوری کہانی بنائی ہے تاہم میاں صاحب کے وکیل کو جرح کا اتنا موقع ملا جتنا پہلے کبھی کسی کو نہیں ملا۔

انہوں نے کہا کہ ٹرائل کے دوران کسی عام شہری کو وکیل تبدیل کرنے کی اجازت نہیں دی جاتی، عدالتیں شریف فیملی پر بہت نرم ہاتھ رکھتی ہیں، کوئی اور خاندان ہوتا تو عدالتیں کبھی اتنا نرم ہاتھ نہ رکھتیں۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

جون 11, 2018
لگتا ہے، کوئی سسٹم انتخابات کو التوا میں ڈال رہا ہے: اعتراز احسن

کراچی: پیپلزپارٹی کے سینئر رہنما اعتراز احسن نے کہا ہے کہ ایسا لگتا ہے، کوئی سسٹم انتخابات کو التوا میں ڈال رہا ہے.

ان خیالات کا اظہار انھوں نے پیپلزپارٹی کے رہنماؤں کے ساتھ پریس کانفرس کرتے ہوئے کیا، ان کا کہنا تھا کہ فاٹا انضمام کی وجہ سے الیکشن ایک سال کے لیے ملتوی ہوسکتے ہیں.

[bs-quote quote=” پیپلزپارٹی الیکشن کے تاخیر کے حق میں نہیں ہے، آصف زرداری اوربلاول چاہتے ہیں انتخابات وقت پر ہوں ” style=”style-2″ align=”left” author_name=”اعتراز احسن”][/bs-quote]

اعتراز احسن کا کہنا تھا کہ اسلام آباد ہائی کورٹ نے 12 اضلاع کی حلقہ بندیاں روک دیں، حلقہ بندیاں دوبارہ ہوئیں تو دوبارہ اعتراضات کی گنجائش ہوگی، نئی حلقہ بندیاں ہوئیں، تو لوگوں کو ان پر بھی اعتراض ہوسکتا ہے.

ان کا کہنا تھا کہ کوئی سسٹم انتخابات کو التوا میں ڈال رہا ہے، عام انتخابات مقررہ تاریخ پر ہونے چاہییں، کل سے فارم وصول نہ کئے گئے، تو نئے فارم چھپیں گے، فارم چھپنےمیں جو وقت درکار ہے، ممکنہ طور پر الیکشن میں تاخیرہوسکتی ہے .

اعتزاز احسن نے کہا کہ پیپلزپارٹی الیکشن میں تاخیر کے حق میں نہیں، آصف زرداری اوربلاول چاہتے ہیں کہ انتخابات وقت پرہوں، خواہش ہے کہ انتخابات 25جولائی 2018 ہی کو ہوں.

انھوں‌ نے کہا کہ کاغذات نامزدگی فارم کے مسترد ہونے پرتشویش ہے، کاغذات نامزدگی سے متعلق فیصلہ ہمارے پاس نہیں آیا، نئے کاغذات نامزدگی فارم کی منظوری پارلیمنٹ نے دی ہے، ہم نہیں سمجھتے کہ عدالت کے حکم سےفارم کو تبدیل کیا جا سکتا ہے۔

اعتراز احسن کا کہنا تھا کہ بلوچستان اسمبلی نے عجلت میں الیکشن کے التواکی قرارداد منظور کی، عجلت میں منظورقرارداد میں حج ، گرمی، مون سون کو وجہ بنایا گیا، پرویزخٹک نے خط لکھا ہے کہ فاٹا انضمام سے کے پی الیکشن کا توازن بگڑ سکتا ہے۔

الیکشن میں ایک دن تو دُور، ایک گھنٹے کی بھی تاخیر نہیں ہونی چاہیے: نواز شریف

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

جون 1, 2018
نواز شریف نے مشرف کے ساتھ ڈیل اور معاہدہ کیا، اعتزاز احسن

اسلام آباد: پاکستان پیپلزپارٹی کے مرکزی رہنما اعتزاز احسن نے کہا ہے کہ نواز شریف نے مشرف کے ساتھ ڈیل اور معاہدہ کیا، مشرف سے این آر او کرکے اپنی خواہش پر جیل سے سعودی عرب منتقل ہوئے۔

ان خیالات کا اظہار انہوں نے اے آر وائی نیوز کے پروگرام ’پاور پلے‘ میں گفتگو کرتے ہوئے کیا، اعتزاز احسن نے کہا کہ پاناما لیکس آنے سے پہلے حسین نواز کا انٹرویو کرایا گیا تھا، نواز شریف نے لاعلمی کا موقف اختیار کیا اب وہ گواہ نہیں لاسکتے ہیں، بچوں کے نام پر فلیٹس کی ملکیت ایک مذاق ہے کہ پیسہ کہاں سے آیا۔

انہوں نے کہا کہ نواز شریف منی ٹریل پیش نہیں کررہے اور لاتعلقی کا اظہار کررہے ہیں، صفائی پیش نہ کرنے پر کیس ایک ہفتے میں ختم ہوجانا چاہئے، اعتزاز احسن کے مطابق نواز شریف لندن میں ہی عید کریں گے ان کو کوئی روکنے والا نہیں ہے، ان کا نام ای سی ایل میں نہیں ڈالا جائے گا۔

اعتزاز احسن کے مطابق میاں صاحب کو نکالا نہیں گیا اب بھی وہ پارٹی کی صدارت کرتے ہیں، میاں صاحب ایک طرف شہباز شریف اور دوسری طرف وزیر اعظم بیٹھا ہوتا ہے، نواز شریف اس وقت خوش تھے جب نگراں بینچ نے یوسف رضا گیلانی کو سزا سنائی تھی، وہ اس وقت گیلانی کو کہتے تھے پہلے گھر جاؤ پھر اپیل کرو، ان کے کیس میں تو صرف سپریم کورٹ نگرانی کررہا ہے۔

انہوں نے کہا کہ مریم نواز کے لیے سوالات کچھ مختلف ہوں گے، ان سے کیلبری فونٹ والا سوال براہ راست ہوگا، جس فونٹ سے اور جس تاریخ کو ٹرسٹ ڈیڈ بنی وہ فونٹ اس وقت دستیاب نہیں تھا، مریم نواز نے ایک پروگرام میں کہا تھا میری کوئی جائیداد نہیں وہ سوال بھی ہوگا، مریم نواز سے یہ سوال ہوسکتا ہے جو بھی آمدن ہے اس پر ٹیکس کتنا دیا ہے۔

اعتزاز احسن نے کہا کہ ہمارا ووٹر نہیں چاہتا تھا کہ ہم ن لیگ کو پارلیمنٹ میں سپورٹ کریں، بلاول بھٹو کے سیاست میں آنے سے کارکنان پرعزم ہیں، الیکشن وقت پر ہوتے نظر آرہے ہیں۔

انہوں نے کہا کہ پی ٹی آئی کے چند تیر پی پی کے لوگوں کو لگے مگر زیادہ نقصان ن لیگ کو ہورہا ہے جبکہ شہباز شریف کی حکومت نے کارکنوں سے روزگار کے مواقع چھین لئے ہیں۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مئی 23, 2018
خطے کی ہیئت تبدیل کرنے کی سازش ہورہی ہے، پاکستانی ایٹمی پروگرام نشانہ ہے: اعتراز احسن

اسلام آباد: پیپلزپارٹی کے سینئر رہنما اعتراز احسن نے کہا ہے کہ نوازشریف کے بیانیے پر بھارت میں ڈھول بج رہے ہیں.

ان خیالات کا اظہار انھوں نے اے آر وائی کے پروگرام پاور پلے میں‌ گفتگو کرتے ہوئے کیا. ان کا کہنا تھا کہ نوازشریف کا بیانیہ بڑا واضح ہے، جس پر بھارت میں‌ جشن بپا ہے، پاکستان کے لئے ہمدردی رکھنے والے بھارتی سیاست دانوں کے گرد گھیرا تنگ ہورہا ہے.

[bs-quote quote=”شہبازشریف کہتے ہیں کہ میرا بھائی ایسی کوئی بات کر ہی نہیں سکتا، نوازشریف کہتے ہیں کہ میں نے جو کہا وہ درست کہا اس پر کمیشن بنایا جائے، نوازشریف مسئلے کو مزید الجھانے کی کوشش کر رہے ہیں” style=”style-14″ align=”right” author_name=”اعتراز احسن” author_avatar=”https://arynewsudweb.wpengine.com/wp-content/uploads/2018/05/Aitezaz-60×60.jpg”][/bs-quote]

اعتزاز احسن کا کہنا تھا کہ نوازشریف کا متنازع بیان ایک سنگین الزام ہے، نوازشریف کو عدالت سے سزا ہونے جارہی ہے، کیوں‌ کہ یہ اپنا دفاع نہیں کرسکے.

انھوں نے کہا کہ نوازشریف نے بیان حلفا دیا، تو اس پر جرح ہوگی، مریم نواز سے بھی ان کے بیانات پر جرح ہوگی، نوازشریف نے اسمبلی میں جو مؤقف رکھا، اسے ثابت کرنا ہوگا.

پیپلزپارٹی کے سینئر رہنما کا کہنا تھا کہ نوازشریف اور مریم نواز کو منی ٹریل دینا پڑے گی، نوازشریف کی سزاؤں میں جائیدادیں بھی ضبط ہوں گی۔

ان کا کہنا تھا کہ ایک سیاست پاکستان کی سطح پر کھیلی جارہی ہے، دوسری ہائر لیول پر عالمی سطح‌ پر ہورہی ہے، امریکا، برطانیہ، چین، مودی بھی اس سیاست میں شامل ہیں، لگتا ہے کہ نوازشریف کو بھی اس سیاست میں ان کے مؤقف پر شامل کیاگیا ہے.

اعتراز احسن نے کہا کہ نوازشریف جس خلائی مخلوق کی بات کرتے ہیں، وہ پاکستان نہیں کہیں باہرہے، خطےکی ہیئت تبدیل کرنے کی سیاست اوپرسے ہورہی ہے، باہرکی خلائی طاقت کی پاکستان کے ایٹمی پروگرام پرنظرہے۔

انھوں نے کہا کہ پاکستان کے خلاف سخت اقدام سے پہلے رائےعامہ ہموارکی جارہی ہے، فنانشل ایکشن ٹاسک فورس کااجلاس ہونے والا ہے، فنانشل ایکشن ٹاسک فورس نے پاکستان کو دہشت گردی کا سہولت کار قرار دیا تو پوری دنیا کے لئے مشکلات پیدا ہوجائیں گی۔

ان کا کہنا تھا کہ شہبازشریف کہتے ہیں کہ میرا بھائی ایسی کوئی بات کر ہی نہیں سکتا، نوازشریف کہتے ہیں کہ میں نے جو کہا وہ درست کہا اس پر کمیشن بنایا جائے، نوازشریف مسئلے کو مزید الجھانے کی کوشش کر رہے ہیں.

اعتراز احسن نے کہا کہ نوازشریف گریز کے بجائے مزید سخت بیانات دیتے جارہے ہیں، وہ کہتے ہیں‌ کہ سرل المیڈا نے جو لکھا ہے وہ درست ہے.



نوازشریف متنازع بیان: اسلام آباد ہائیکورٹ میں درخواست قابل سماعت قرار

خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

مئی 15, 2018
مسلم لیگ ن سپریم کورٹ پر حملہ کرنے والی جماعت ہے: اعتزاز احسن

کراچی: پاکستان پیپلز پارٹی کے مرکزی رہنما اعتزاز احسن نے کہا ہے کہ شریف خاندان کی کوئی بھی تقریر توہین عدالت سے کم نہیں، مسلم لیگ (ن) سپریم کورٹ پر حملہ کرنے والی جماعت بن چکی ہے۔

ان خیالات کا اظہار انہوں نے اے آر وائی کے پروگرام ’الیونتھ آوور‘ میں انٹرویو دیتے ہوئے کیا، اعتزاز احسن کا کہنا تھا کہ مسلم لیگ (ن) کو بہت رعایت دی جاتی ہے، توہین عدالت ہے تو صرف پابندی نہیں مقدمہ چلنا چاہیے۔

انہوں نے کہا کہ عدلیہ مخالف تقریر کا معاملہ توہین عدالت کا ہے اور شریف خاندان عدالت کے باہر کھڑے ہو کر توہین عدالت کرتے ہیں، جبکہ پیمرا کو کیسے علم ہوگا کہ کون سی بات پر پابندی لگنی چاہیے، ن لیگ گلو بٹ کی پارٹی ہے۔

نیب نے پنجاب کا رخ کیا تو دونوں بھائیوں کی چیخیں نکل گئیں، اعتزاز احسن

گذشتہ دونوں جسٹس اعجاز الاحسن کے گھر پر فائرنگ سے متعلق رہنما پی پی کا کہنا تھا کہ میرے پاس فائرنگ کی تحقیقات میں پیش رفت کی اطلاع نہیں، واقعے کے بعد نہ کہیں چھاپہ مارا گیا اور نہ ہی کسی کو گرفتار کیا گیا، مسلم لیگ (ن) کی حکومت کے ہوتے ہوئے پیش رفت نہیں ہوگی۔

اعتزاز احسن کا کہنا تھا کہ جسٹس اعجاز الاحسن کا گھر ہائی سکیورٹی زون میں تھا اس کے باجود یہ واقعہ پیش آیا، البتہ جب تک نواز شریف کی حکومت ہے اس سے متعلق کوئی پیش رفت نہیں ہوگی۔

وزیراعظم کی چیف جسٹس سے ملاقات ٹرائل کورٹ کو دباؤ میں لانے کی کوشش ہے: اعتزاز احسن

پوچھے گئے ایک سوال پر ان کا کہنا تھا کہ بانی ایم کیو ایم ملک سے باہر بیٹھے ہیں توہین عدالت کا مقدمہ کیسے چل سکتا ہے؟ وہ پاکستان آنا بھی نہیں چاہتے۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

اپریل 17, 2018
مریم نواز تصادم کی طرف جارہی ہیں، انھیں سات یا دس سال کی سزا ہوگی: اعتراز احسن

لاہور: پیپلزپارٹی کے مرکزی رہنما اعتراز احسن نے کہا ہے کہ مریم نوازپارٹی کوتصادم کی طرف لےجارہی ہیں، انھیں سات یادس سال کی سزاہوگی.

ان خیالات کا اظہار انھوں نے اے آر وائی کے پروگرام آف دی ریکارڈ میں‌ گفتگو کرتے ہوئے کیا. ان کا کہنا تھا کہ نوازلیگ کے سارے ووٹ اب مریم کے ووٹ ہیں، اب مریم نواز لیگی امیدواروں کو ٹکٹ دیں گی.

انھوں نے ن لیگ پر تنقید کرتے ہوئے ہوا کہا کہ یہ کبھی بالادست طاقتیں، کبھی ان دیکھےہاتھ کہتےہیں، یہ سراسر منافقت ہے، یہ نام یوں نہیں لیتے کہ انھیں‌ ڈر ہے.

اعتراز احسن نے کہا کہ صادق سنجرانی کوسیکرٹ بیلٹ سےووٹ ملے، مولانا نہیں، ن لیگ کےاپنے بندے ٹوٹے، راجا ظفرالحق ن لیگ کےاوپننگ امیدوارنہیں تھے. نواز شریف کے مقابلے میں آصف زرداری کا دل بہت بڑاہے، میں نے بغاوت کی، پھربھی مجھے سینیٹر بنایا گیا۔

انھوں نے رضا ربانی سے متعلق کہا کہ انھیں چیئرمین بننا چاہیے تھا، مگر ہم نوازشریف کے ساتھ مل کر چیئرمین نہیں بنانا چاہتے تھے، یہ سیاسی فیصلہ تھا، رضاربانی نےفیصلہ خوش دلی سے اسے قبول کیا، نوازشریف اگرپہلےاعلان نہ کرتے تو رضاربانی چیئرمین بن جاتے. فرحت اللہ بابر کے بیانیےسےاتفاق کرتاہوں، انھوں نے کافی پہلے استعفیٰ دیا تھا، انھیں کسی وجہ سے نہیں ہٹایا.

اقامہ منی لانڈرنگ سے بڑا جرم ہے، نواز شریف پرآرٹیکل 6 لگنا چاہیے: اعترازاحسن

اعتزاز احسن کا کہنا تھا کہ نوازشریف، مریم نوازنے اب انتہا کردی، مریم نوازکاجلسےمیں ترازولانا عدلیہ پرحملہ ہے، ترازومیں جو پلڑا جھکا ہوا تھا، اس میں نوازشریف بیٹھا ہے، عدالتیں نوازشریف کےساتھ نرمی برت رہی ہیں، میاں صاحب نے خودکش جیکٹ پہنی ہوئی ہے، نوازشریف نےعدالتوں کومتنازع کردیاہے، ججز پر دباؤ ہے۔

شہبازشریف کےخوف سےنوازشریف بھی سعودیہ چلےگئے‘ اعترازاحسن

انھوں نے کہا کہ شہبازشریف، چوہدری نثارسمیت موٹروےکا مشورہ دینے والے آؤٹ آف دی گیم ہیں، ووٹ مریم نواز کا ہے، مگر وہ تصادم کی طرف جارہی ہیں۔ مریم نوازکو 7 یا 10 سال کی سزا ہوگی، مریم نوازکو ہتھکڑی نہیں لگے گی، یہ اپیل کرکے10 دن میں باہرآجائیں گے، ان کی خواہش ہے کہ 60 سے 70 ہزارافراداڈیالہ جیل کے باہر ان کااستقبال کریں.



خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

مارچ 14, 2018
عدلیہ کی شاعری کا مطلب ہے کہ ججز خوفزدہ ہیں، اعتزاز احسن

اسلام آباد: پاکستان پیپلزپارٹی کے سینیٹر اعتزاز احسن نے کہا ہے کہ ججز قلم سے زیادہ زبان سے فیصلے دینے لگیں تو میری نظر میں دائرے کار سے تجاوز ہے، عدلیہ کی شاعری کا مطلب یہ ہے کہ ججز اپنے فیصلوں کے حوالے سے خوفزدہ ہیں۔

ان خیالات کا اظہار سینیٹر اعتزاز احسن نے سینیٹ میں اپنے الوداعی خطاب میں کیا، انہوں نے کہا کہ فرحت اللہ بابر کی تقریر سے 100 فیصد متفق ہوں کہ عدلیہ کو اپنے دائرے میں رہنا چاہئے۔

انہوں نے کہا کہ فرحت اللہ بابر نے درست کہا فوج اور عدلیہ کو حدود میں رہنا چاہئے، عدلیہ شاعری کرنے لگے تو مطلب ہے یہ خوفزدہ ہیں، اداروں کا احترام کرتا ہوں مگر پہلے ہمیں اپنی کارکردگی بڑھانی ہے، ہم بڑے سفاک دشمن کا سامنا کررہے ہیں۔



انہوں نے کہا کہ سیاسی اعتبار سے جب گرفتار کیا گیا تب میں ایک سال کا تھا، 1964 سے آمروں کے خلاف جدوجہد کرتا آرہا ہوں، 1964 میں یونیورسٹی آرڈیننس کے خلاف جلوس نکالا تو حوالات میں بند ہوا۔

پیپلزپارٹی رہنما کا کہنا تھا کہ 1977 سے 1988 تک پاکستان پر مارشل لا کا ایک گھناؤنا سایہ رہا، کوڑے پڑتے تھے، فوجی عدالتیں لگتی تھیں، کئی بار جیل گیا، کبھی لمبی جیل ہوتی تھی کبھی دو سے تین دن بعد چھوڑ دیتے تھے، کبھی جلوس میں جاتا تو گرفتاریاں ہوتی تھیں، جہاں جاتا تو بغاوت کا جھنڈا اٹھا کر میری بیوی جلوس جاری رکھتی تھی۔

انہوں نے کہا کہ مشرف نے لالچ بھی دی، تین بار لائرز موومنٹ چھوڑنے کی پیشکش کی، مشرف نے کہا لائرز موومنٹ چھوڑ دو اور وزیر اعظم بن جاؤ، میں نے انکار کردیا، چار ڈکٹیٹر آئے چاروں کے خلاف میں نے عملی احتجاج کیا۔

ن لیگ کی عدلیہ پر تنقید کے حوالے سے سینیٹر اعتزاز احسن نے کہا کہ عدلیہ پر تنقید کرتے ہیں کہ پاناما سے اقامہ پر کیوں نااہل کردیا، آپ یوسف رضا گیلانی کو کہتے ہیں کہ سپریم کورٹ کا فیصلہ مانو، کہتے ہیں فیصلے کا احترام کرتے ہیں پھر بھی فیصلہ نامنظور کے نعرے لگوائے۔

نہال ہاشمی کے بارے میں گفتگو کرتے ہوئے انہوں نے کہا کہ نہال ہاشمی ہمارا ساتھی تھا سمجھ نہیں آیا اسے ہوا کیا، انہوں نے جو زبان استعمال کی وہ بیان نہیں کرسکتا، جس قسم کی گالی دی وہ بولی بھی نہیں جاسکتی، نہال ہاشمی ہم میں سے تھے، ہم ایسی زبان استعمال کریں گے تو کیا ہوگا۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

مارچ 8, 2018
اقامہ منی لانڈرنگ سے بڑا جرم ہے، نواز شریف پرآرٹیکل 6 لگنا چاہیے: اعترازاحسن

لاہور: پیپلزپارٹی کے مرکزی رہنما اعتراز احسن نے کہا ہے کہ اقامہ منی لانڈرنگ سے بڑا جرم ہے، نواز شریف پرآرٹیکل 6 لگنا چاہیے.

ان خیالات کا اظہار انھوں‌ نے موچی گیٹ پر پیپلز پارٹی کے جلسے کے انتظامات کا جائزہ لیتے ہوئے کیا. ان کا کہنا تھا کہ نواز شریف پر آرٹیکل چھ کا مقدمہ قائم ہونا چاہیے، اگر ٹرمپ کسی سعودی کمپنی کا ملازم ثابت ہوجائے، تو اسے جیل بھیج دیا جائے گا۔

اعتزاز احسن نے کہا کہ عدلیہ کے بگڑے نواز شریف اب عدلیہ کو آنکھیں دکھا رہے ہیں، کہتے ہیں کہ مجھے پاناما کے بجائے اقامہ پر نکالا ۔ نواز شریف نے عدلیہ کے خلاف جنگ چھیڑ رکھی ہے، مگر فوج کا نام لینے سے ڈرتے ہیں۔

پیپلزپارٹی کے رہنما نے کہا کہ شریف برادرز صرف لاڈلے بچے نہیں، بلکہ بگڑے ہوئے بچے ہیں، پیپلز پارٹی کے وزیر اعظم یوسف رضا گیلانی کو سزا، ذوالفقارعلی بھٹو کو پھانسی ہوئی، مگر اب بگڑی اولاد عدلیہ کو گالیاں دے رہی ہے، لیکن سب چپ ہیں۔

شہبازشریف کےخوف سےنوازشریف بھی سعودیہ چلےگئے‘ اعترازاحسن

پیپلز پارٹی کے مرکزی رہنما نے کہا کہ نواز شریف قابل اعتبار شخص نہیں، نواز شریف سے بہادر تو وہ بچہ ہے، جو تشدد کرنے والے کا نام بتادیتا ہے۔ نواز شریف کو مضبوط کرنے کا مطلب جمہوریت کو کمزور کرنا ہے.

انھوں نے کہا کہ پیپلز پارٹی پانچ فروری کو تاریخی جلسہ کرے گی، کارکنوں کی محنت دیکھ کر دل خوش ہو رہا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

فروری 3, 2018
حدیبیہ کیس نہ کھولنے سے متعلق بہت حیرانی ہوئی، اعتزازاحسن

اسلام آباد : پیپلز پارٹی کے رہنما اور سینیٹ میں قائد حزب اختلاف اعتزاز احسن نے کہا ہے کہ حدیبیہ کیس نہ کھولنے سے متعلق بہت حیرانی ہوئی، جہانگیر ترین کو گھر بھیجنے کا جواز نہیں بنتا تھا، نظرثانی کی اپیل کی گئی توعمران خان پھنس سکتےہیں۔

ان خیالات کا اظہار انہوں نے اے آر وائی نیوز کے پروگرام آف دی ریکارڈ میں میزبان کاشف عباسی سے خصوصی گفتگو کرتے ہوئے کیا۔

انہوں نے کہا کہ حدیبیہ کیس نہ کھولنے سے متعلق عدالتی فیصلے پر بہت حیرانگی ہوئی جبکہ سپریم کورٹ نے خود نیب کو اپیل دائرکرنے کی ہدایت کی تھی، حدیبیہ بینچ کو پراسیکیوٹر نے پاناما کیس سے متعلق حوالہ دیا۔

بینچ نے کہا کہ آپ اس کیس کو دوبارہ ریفر نہیں کریں گے۔ ججز نے فیصلے میرٹ دیکھ کر کرنا ہوتے ہیں، نیب20بار بھی تفتیش کرنا چاہے تو اسےنہیں روکا جاسکتا۔

اعتزاز احسن نے کہا کہ جہانگیر ترین کا کیس نواز شریف سے بہتر تھا، انہوں نے مکمل منی ٹریل پیش کی تھی جبکہ نوازشریف نے تو ایک کاغذ بھی پیش نہیں کیا، وہ سپریم کورٹ یا جےآئی ٹی میں ایک دستاویز پیش کردیتے۔

نواز شریف ایک اکاؤنٹ نہیں بتاسکے جہاں سے پیسے گئے، ان کے پاس بچت کاراستہ ہی نہیں تھا، میرا خیال ہے کہ جہانگیر ترین کو گھر بھیجنے کا جواز نہیں بنتا تھا۔

انہوں نے کہا کہ ریویوپٹیشن میں جہانگیر ترین کے بچنےکے امکانات ہیں، نظرثانی اپیل کی گئی توعمران خان پھنس سکتےہیں، سپریم کورٹ نے فیصلےسیدھے سیدھے کئےہیں۔

ایک سوال کے جواب میں سینیٹر اعتزاز احسن کا کہنا تھا کہ نوازشریف اور مریم نواز پےدرپے عدالتوں پر تنقید کررہے ہیں وہ بند کمرے سے نکلناچاہتےہیں جبکہ مریم نواز دیوار توڑ کر راستہ بنانا چاہتی ہیں۔

مریم نواز کے گالم گلوچ بریگیڈ میں وکلا شامل نہیں ہوں گے، نوازشریف ہرسازش میں آگے آگے رہے، انہوں نے یوسف رضا گیلانی اور دیگر کیخلاف بھی سازش کی۔

دسمبر 20, 2017
مسلم لیگ ن کا وطیرہ بن گیا ہے ان دیکھے ہاتھوں پر الزام عائد کرنا: اعتزاز احسن

لاہور: پیپلز پارٹی کے رہنما اور سنیئر قانون دان اعتزاز احسن نے کہا ہے کہ اسپیکر قومی اسمبلی نے اسمبلیوں کی مدت کے بارے میں لچھے دار بات کی، ن لیگ نام بھی نہیں بتاتی کہ ان کے خلاف سازش کون کر رہا ہے۔

تفصیلات کے مطابق لاہور ہائیکورٹ میں میڈیا سے گفتگو کرتے ہوئے پیپلز پارٹی کے رہنما اور سنیئر قانون دان اعتزاز احسن کا کہنا تھا کہ ملتان کا واقعہ کالے کوٹ کے وقار کے خلاف اور شرمناک ہے۔

انہوں نے کہا کہ اسپیکر سردار ایاز صادق نے لچھے دار بات کی، وہ کہتے ہیں کہ اسمبلی چلتی نظر بھی نہیں آتی اور وہ چلائیں گے بھی۔ ن لیگ کا وطیرہ بن گیا ہے کہ ان دیکھے ہاتھوں پر الزام عائد کرتے ہیں۔ لیگی رہنما رونا ڈال کر بیٹھے ہیں کہ انہیں کیوں نکالا۔

مزید پڑھیں: ہوسکتا ہے اسمبلی مدت پوری نہ کرے، ایاز صادق

اعتزاز احسن نے کہا کہ ن لیگ نام بھی نہیں بتاتی کہ ان کے خلاف سازش کون کر رہا ہے۔ ن لیگ حکومت میں بھی ہے اور اپوزیشن میں بھی ہے۔

انہوں نے کہا کہ عدلیہ سے اب بھی مسلم لیگ ن کو ریلیف مل رہا ہے۔ فوج ن لیگ کے خلاف سازش نہیں کر رہی۔ نواز شریف اپنے پاؤں پر کلہاڑی مار کر روتے ہیں کہ انہیں کیوں نکالا۔

اعتزاز احسن نے کہا کہ ایک ملک کا وزیر اعظم ہو کر غیر ملکی کمپنی کی ملازمت کر رہا ہے۔ اس لیے انہیں نکالا گیا، مسلم لیگ ن کے ارد گرد اقامہ ایک گھنٹی بن چکا ہے جو ٹن ٹن بج رہا ہے۔ اقامہ صرف حکومت سے نکالنے کے لیے ہی نہیں بلکہ سزا کے لیے بھی کافی ہے۔

انہوں نے امید ظاہر کی کہ انتخابات وقت پر ہوں گے اور جلد مسائل کا حل نکل آئے گا۔

واضح رہے کہ گزشتہ روز اسپیکر قومی اسمبلی ایاز صادق نے تشویش کا اظہار کرتے ہوئے کہا کہ مجھے نہیں لگتا کہ اسمبلی اپنی مدت پوری کرے۔

اسپیکر قومی اسمبلی نے بیرونی خطرات کا ذکر کرتے ہوئے کہا کہ موجودہ صورت حال بہت غیر یقینی کی ہے، ہمیں الیکشن کے عمل سے گزرنے کے لیے وقت درکار ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

دسمبر 14, 2017