Tag: aizaz chaudhry

واشنگٹن : امریکہ میں پاکستان کے سفیراعزاز چودھری نے کہا ہے کہ پاکستان میں تعینات سفیروں کی عزت اورقدر کرتے ہیں اور چاہتے ہیں کہ پاکستان کے سفیروں کے ساتھ بھی اچھا برتاؤ کیا جائے۔

تفصیلات کے مطابق امریکا میں پاکستان کے سفیراعزازچوہدری نے میڈیا سے گفتگو میں کہا کہ پاکستان میں سفارتکاروں کی عزت کرتے ہیں، چاہتےہیں پاکستان سے باہر بھی سفارتکاروں کی عزت کی جائے، پاکستان کی حکومت امریکی سفارتکاروں پر جوابی پابندیاں لگارہی ہے۔

اعزاز چوہدری نے امریکہ کی جانب سے پاکستانی سفارتکاروں پر پابندیوں پراظہار افسوس کرتے ہوئے کہنا تھا کہ امید ہے امریکا فیصلے پر نظر ثانی کریگا اور خواہش ہے کہ معاملات سلجھاؤ کی طرف آئیں گے۔

پاکستانی سفیر نے کہا کہ پاکستان،امریکا سفارتکاروں کے مسائل کے حل کیلئے کوششیں کریں، پاکستان نے سفارت کاروں کے مسائل کے حل کیلئے میکنزم بنایا ہے، جو 24گھنٹے کام کرے گا۔

ان کا مزید کہنا تھا کہ اس مکینزم سے کسی بھی واقعہ کی فوری اطلاع مل سکے گی ، اس نظام کو ہاٹ لائن کی طرح رکھنا چاہتے ہیں۔

دوسری جانب امریکی ڈیموکریٹک رکن کانگریس ڈونلڈ نورکراس نے اے آروائی نیوزسے گفتگو میں کہا پاکستانی سفارتکاروں پرپابندیاں کوئی بہترفیصلہ نہیں پاک امریکہ تعلقات دونوں ممالک کے مفاد میں ہیں،پاکستان اور امریکہ تمام معاملات بات چیت کےذریعے حل کر سکتے ہیں۔

ڈونلڈ نورکراس نے کہا کہ پرامید ہوں کہ پاک امریکہ تعلقات جلدمعمول پر آجائیں گے،دہشتگردی خطے کیلئے چیلنج ہے مل کر ہی نمٹ سکتے ہیں

یاد رہے کہ امریکا میں پاکستانی سفارتکاروں کی نقل و حرکت پر پابندی عائد کردی گئی تھی، سفارتکار بغیراجازت 40کلومیٹر سے زیادہ سفر نہیں کرسکیں گے لمبے سفر کے لئے امریکی حکومت سے اجازت لینی ہوگی۔

امریکا میں پاکستان کے سفارتکاروں کی نقل و حرکت محدود کرنے پر پاکستان نے امریکا کو کرارا جواب دیتے ہوئے پاکستان میں تعینات امریکی سفارتکاروں پر پابندیاں عائد اور بعض سہولیات واپس لے لی گئیں۔

مزید پڑھیں : پاکستان نے بھی امریکی سفارت کاروں پرجوابی پابندیاں عائد کردیں

وزارت خارجہ نے نوٹیفیکشن جاری کردیا، جس کے مطابق امریکی سفارتکاروں کو محدودنقل وحرکت کی اجازت ہوگی، ایئرپورٹس پر کارگو سے متعلق کوئی استثنیٰ نہیں دیا جائے گا جبکہ امریکیوں کو کارگو اسکیننگ کے بغیر نہیں جانے دیا جائےگا۔

نوٹی فکیشن کے مطابق امریکی سفارت کار ایک سے زائد پاسپورٹ نہیں رکھ سکیں گے اور ان کا قیام جاری ہونے والے ویزے کی مدت کے مطابق ہوگا۔

امریکی سفارتکاروں کی گاڑیوں پر کالے شیشے ممنوع ہونگے، نان ڈپلومیٹک نمبر پلٹ لگانے پر پابندی ہوگی جبکہ کرائے کی گاڑیوں پر ڈپلومیٹک نمبر پلیٹ استعمال نہیں ہوگی۔

سم نکلوانے کے لئے بائیومیٹرک تصدیق کرانا ضروری ہوگی، رہائشگاہوں پر ریڈیو کمیو نیکیشن کی تنصیب این اوسی کے بغیر نہیں ہوگی، این او سی کے بغیر کرائے پر کوئی بھی جگہ نہیں لی جاسکے گی۔

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

شکاگو: امریکہ میں تعینات پاکستانی سفیراعزاز چوہدری کا کہنا ہے کہ امریکہ اور پاکستان کو مسائل کا حل مل کر نکالنا ہوگا۔

تفصیلات کے مطابق شکاگو یونیورسٹی میں پاک امریکہ تعلقات پرپاکستانی سفیراعزاز چوہدری کا کہنا تھا کہ پاکستان اور امریکہ کےدرمیان تعلقات اہم ہیں، دونوں ممالک کومل کرمسائل کاحل نکالنا ہوگا۔

پاکستانی سفیرکا کہنا تھا کہ پاک امریکہ شراکت داری سے مثبت نتائج برآمد ہوئےہیں، افغانستان میں امن کےمشترکہ مقصد کے حصول کے لیے مل کرکام کرنا ہوگا جبکہ غلط فہمیاں دورکرنے کے لیے مذاکرات جاری رکھنے ہوں گے۔

پاکستان پرامن افغانستان دیکھنے کا خواہاں ہے‘ اعزاز چوہدری

خیال رہے کہ گزشتہ ماہ 17 مارچ کو امریکہ میں پاکستانی سفیر اعزاز چوہدری کا کہنا تھا کہ پاکستان مستحکم اور پرامن افغانستان دیکھنا چاہتا ہے اور یہ پاکستان اور امریکہ کا مشترکہ مقصد ہے۔

یاد رہے کہ 14 فروری 2018 کو پاکستانی سفیراعزازچوہدری یونیورسٹی آف کیلفورنیا میں پاک امریکہ تعلقات پرگفتگو کرتے ہوئے کہا تھا کہ پاک امریکہ تعلقات میں گزشتہ 70سال میں کئی اتارچڑھاؤ آئے۔

اعزازچوہدری کا کہنا تھا کہ افغانستان میں دوسروں کی ناکامیوں کے ذمہ دارنہیں ہیں، پاک امریکہ تعلقا ت کوافغان صورت حال کی بھینٹ نہیں چڑھانا چاہیے۔

اب امریکی دباؤ قبول نہیں کیا جائے گا: اعزاز چوہدری

واضح رہے کہ رواں سال 5 جنوری کو امریکہ میں پاکستان کے سفیر اعزاز چوہدری کا کہنا تھا کہ پاکستان نے امریکہ پر واضح کردیا کہ ہم کسی دباؤ میں نہیں آئیں گے، پاکستان کو کوئی طاقت دنیا میں تنہا نہیں کرسکتی۔

خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔