ARYNews.tv | Urdu – Har Lamha Bakhabar

Tag: ajay devgan

  • اجے دیوگن نے ’پھول اور کانٹے‘ کے سیکوئل کا اشارہ دے دیا؟

    ممبئی: بالی ووڈ کے معروف اداکار اجے دیوگن نے 1991 میں ریلیز ہونے والی اپنی پہلی فلم ’پھول اور کانٹے‘ کا سیکوئل کا بنانے کا اشارہ دے دیا؟

    بھارتی میڈیا رپورٹس کے مطابق سال 2022 میں اجے دیوگن کی تین فلمیں ’رن وے 34’۔ تھینک گوڈ‘ دریشم ٹو۔ ریلیز ہوئیں، ان میں دریشم ٹو باکس آفس پر بلاک بسٹر ثابت ہوئی.


    ایکشن ہیرو کی آئندہ سال مزید فلمیں ریلیز ہوں گی جن میں فلم ’بھولا‘ شامل ہے جسے 30 مارچ 2023 کو ریلیز کیا جائے گا۔

    اداکار نے گزشتہ دنوں ’بھولا‘ کی جھلک جاری کرتے ہوئے لکھا کہ ’اس کل یگ میں آرہا ہے بھولا۔‘ کون ہے وہ جس کو پتا ہے وہ خود لاپتا ہے۔‘

    اجے نے انسٹاگرام پر انٹرویو کی ویڈیو شیئر کی جس میں ان سے پوچھا گیا کہ ’آپ پھول اور کانٹے کے گانے ’پریمی عاشق آوارہ‘ میں موٹرسائیکل کا سین اب بھی کرلو گے۔‘

    اجے دیوگن نے جواب دیتے ہوئے کہا کہ ’مجھے تھوڑی پریکٹس کی ضرورت ہوگی لیکن مہینہ ڈیڑھ مہینے میں یہ سین کرلوں گا۔‘ میزبان نے حیرانی کا اظہار کیا تو ’اداکار نے کہا کہ ’کوشش کرنی پڑے گی۔‘

    واضح رہے کہ ’پھول اور کانٹے‘ کی ہدایت کاری کے فرائض کوکو کوہلی نے انجام دیے جبکہ فلم میں اجے دیوگن، مدھو، امریش پوری، رضا مراد، ارونا ایرانی، جگدیپ نے اداکاری کے جوہر دکھائے اور اجے کو ڈیبیو میں شاندار اداکاری پر فلم فیئر ایوارڈ بھی دیا گیا تھا۔

  • ’شاطر دماغ ہے یہ بہت بڑی گڑ بڑ ہے‘ سی آئی ڈی کی وجے سالگاؤنکر سے تفتیش

    ’شاطر دماغ ہے یہ بہت بڑی گڑ بڑ ہے‘ سی آئی ڈی کی وجے سالگاؤنکر سے تفتیش

    بالی ووڈ کے معروف اداکار اجے دیوگن تبو، شریا سرن، اکشے کھنہ کی فلم دریشم ٹو 18 نومبر کو سنیما گھروں کی زینت بنے گی جبکہ اس کے ٹریلر نے ریلیز ہوتے ہی دھوم مچادی تھی۔

    دریشم میں اجے دیوگن، تبو، شریا سارن نے مرکزی کردار ادا کیا تھا کہ جس میں اجے کو ان پڑھ دکھایا گیا ہے اور پولیس افسر (تبو) کا بیٹا، وجے سالگاؤنکر (اجے) کی بیٹی کو زیادتی کا نشانہ بناتا ہے جس کا بدلہ لیتے ہوئے وہ ان کے بیٹے کو قتل کردیتے ہیں اور لاش کو ٹھکانے لگادیتے ہیں۔

    پولیس اجے اور ان کے اہلخانہ کو تفتیش کے لیے تھانے منتقل کرتی ہے لیکن ہر طرح کے تشدد کے باوجود سب ہی ایک بیان دیتے ہیں اور آخر میں یہ دکھایا گیا کہ اجے کو رہا کردیا جاتا ہے۔

    سات سال بعد بھی پولیس نے وجے سالگاؤنگر کی فیملی کا پیچھا نہیں چھوڑا ہے اور کیس کی تفتیش پولیس افسر اکشے کھنہ کررہے ہیں۔

    وہ کہتے ہیں کہ ’کیس پڑھنے سے پہلے میں انسان کو پڑھتا ہوں وجے سالگاؤنکر ایک اسمارٹ شخص ہے۔‘

    وجے سالگاؤنکر سے سی آئی ڈی اسکواڈ بھی تحقیقات کررہا ہے جس میں ایس ای پی پردھیمان  ودیگر شامل ہیں۔ وہ ان سے تفتیش کرتے ہوئے پوچھتے ہیں کہ ’وجے سالگاؤنکر اپنا نام بتاؤں گے۔

    اجے دیوگن انتہائی اطمینان کے ساتھ کہتے ہیں کہ ’جی وجے سالگاؤنکر۔‘ اس پر ’دیا‘ کہتے ہیں کہ ’بہت چالاک ہے سب رٹ کر آیا ہے۔‘

    وجے سالگاؤنگر سے پہلے پارٹ سے متعلق سوالات کیے جاتے ہیں جس کا وہ تسلی سے جواب دیتے ہیں، ایس ای پی پردھیمان کہتے ہیں کہ ’بہت چالاک ہے یہ، شاطر دماغ ہے، گڑ بڑ ہے بہت بڑی گڑ بڑ ہے۔

    دریشم ٹو کی ہدایت کاری کے فرائض ابھیشک پاٹھک نے انجام دیے ہیں، کیا اے سی پی اسکواڈ اس کیس کو حل کرپائے گا یہ تو فلم دیکھ کر ہی پتا چلے گا؟

    بھارتی میڈیا رپورٹس کے مطابق فلم کی ایڈوانس بکنگ جاری ہے اور ریلیز کے دن کے 33 ہزار ٹکٹس فروخت ہوچکے ہیں جبکہ فلمی ناقدین کی جانب سے بھی اسے فائیو اسٹار ریٹنگ دی گئی ہے۔

  • پاکستانی فنکار دہشت گرد نہیں، اجے دیوگن

    پاکستانی فنکار دہشت گرد نہیں، اجے دیوگن

    ممبئی: معروف بھارتی اداکار اجے دیوگن نے کہا ہے کہ پاکستانی فنکار دہشت گرد نہیں کیونکہ ہم نے کئی بار اُن کے ساتھ مل کر کام کیا اور انہیں اچھی طرح سے جانتے بھی ہیں۔

    ان خیالات کا اظہار انہوں نے میڈیا سے گفتگو کرتے ہوئے کیا۔ اجے دیوگن کا کہنا تھا کہ اگر کسی فلم میں پاکستانی اداکار نے کام کیا تو اس کی ریلیز کے لیےپیسوں کا تقاضہ کرنا غلط ہے، آپ کسی پرڈیوسر کو مجبور نہیں کرسکتے کہ وہ 5 کروڑ روپے آرمی فنڈ میں جمع کروائے۔

    پڑھیں: پاکستانی فنکاروں کو دھمکیاں، قابل مذمت ہیں، نصیر الدین شاہ

    انہوں نے کہا کہ ’’فلم انڈسٹری کے تمام لوگ پاکستانی فنکاروں کے حوالے سے اچھی طرح سے واقف ہیں کہ وہ کسی دہشت گرد تحریک کا حصہ نہیں تاہم انڈیا کے فنکار بھی اس چیز سے کافی دور ہیں‘‘۔

    اجے دیوگن کا کہنا تھا کہ ’’پاکستانی فنکاروں پر پابندی لگانا دہشت گردی کا حل نہیں ہے کیونکہ کسی بھی ملک کا فنکار اس کو سپورٹ نہیں کرتا، ہم پاکستانی فنکاروں کے ساتھ کام کرتے ہیں مگر اپنے وطن  کی بقاء کو بھی مدنظر رکھتے ہیں‘‘۔

    مزید پڑھیں: فلم اے دل ہے مشکل کی ریلیز، بھارتی انتہا پسندوں نے 5 کروڑ مانگ لیے

    یاد رہے ہندو انتہاء پسند تنظیم کے سربراہ اور مہارشٹرا کے وزیر اعلیٰ نے فلم اے دل ہے مشکل کے پروڈیوسر کرن جوہر سے ملاقات کی اور ریلیز کے لیے مشروط اجازت دیتے ہوئے 5 کروڑ روپے آرمی ریلیف فنڈ میں جمع کروانے کا مطالبہ کیا تھا۔
  • شاہ رخ خان، کاجول اور اجے دیوگن ایک ساتھ جلوہ گر ہوں گے

    شاہ رخ خان، کاجول اور اجے دیوگن ایک ساتھ جلوہ گر ہوں گے

    ممبئی : بالی ووڈ کی تاریخ میں پہلی بار شاہ رخ خان، کاجول اور اجے دیوگن ایک ساتھ جلوہ گر ہوں گے۔

    معتبر ذرائع کے مطابق اجے دیوگن روہت شیٹی کی آنے والی نئی فلم ’دل والے‘ میں خصوصی کردار ادا کریں گے ذرائع کے مطابق روہت شیٹی اور اجے دیوگن بہت قریبی دوست ہیں۔جس کی وجہ سے انہیں اجے کے نخرے اٹھانے کی ضرورت نہیں پڑی۔

    روہت شیٹی کی آنے والی نئی فلم میں بالی ووڈ کی مشہور اور کامیاب جوڑی شاہ رخ خان اور کاجول ایک بار پھر ایک ساتھ جلوہ گر ہونگے۔ذرائع کے مطابق فلم میں اداکارہ کاجول کے شوہر اجے دیوگن بھی فلم میں چند کردار نبھائیں گے۔

    واضح رہے کہ بالی ووڈ کی تاریخ میں پہلی بار شاہ رخ خان، کاجول اور اجے دیوگن ایک ساتھ جلوہ گر ہوں گے۔

    روہت شیٹھی کی نئی فلم ‘دل والے’ میں شاہ رخ خان اور کاجول کی مشہور جوڑی کے ساتھ ساتھ ورون دھاوان، کریتی سنون، ونود کھنا، کبیر بیدی، جونی لیور اور ورون شرما شامل ہیں، اس طرح کئی سپر ہٹ فلموں میں ایک ساتھ نظر آنے والی شاہ رُخ اور کاجول کی جوڑی کافی عرصے بعد دوبارہ سے بڑی اسکرین پر نظر آئے گی، فلم کی شوٹنگ کا آغاز رواں ماہ 20 مارچ سے ہوگا۔فلم کرسمس کے موقع پر ریلیز کی جائے گی۔

    روت شیٹھی کی گزشتہ دو فلموں ‘چنائے ایکسپریس’ اور ‘سنھگم ریٹرنز’ نے بھی باکس آفس پر کامیابی حاصل کی تھی، شاہ رخ اور کاجول کی جوڑی بولی وڈ کی مشہور ترین جوڑیوں میں شمار ہوتی ہے، جسے عروج پر پہنچانے میں ’دل والے دلہنیا لے جائیں گے‘ نے اہم کردار ادا کیا۔

    سنہ 1995 میں ریلیز ہونے والی شاہ رخ خان اور کاجول کی مشہور زمانہ فلم ‘دل والے دلہنيا لے جائیں گے’ ، گزشتہ 20 برسوں سے مسلسل ممبئی کے مراٹھا مندر سنیما گھر میں لگی ہوئی ہے، گزشتہ مہینوں کے دوران اسے سینما سے ہٹانے کا اعلان کیا گیا تاہم شائقین کے پر زور اصرار پر یہ فیصلہ واپس لے لیا گیا۔