اجمیر شریف : بھارت میں چوری کی انوکھی واردات میں خاندان اپنی زندگی بھر کی جمع پونجی سے محروم ہوگیا، گھر والے گھر کی حالت دیکھ کر سکتے میں آگئے۔
بھارت کے شہر اجمیر شریف میں ایک خالی مکان میں چوری کا واقعہ سامنے آیا ہے۔ چوروں نے یہاں سے 6 لاکھ35 ہزار روپے کے چاندی کے زیورات چوری کر لئے۔ بھارتی میڈیا کے مطابق اہل خانہ شادی کے پروگرام میں شرکت کے لئے جے پور گئے تھے جب وہ واپس آئے تو انہیں واقعہ کا علم ہوا۔
گھر کے سربراہ کپل ماتھر نے تھانے میں مقدمہ درج کراتے ہوئے بتایا کہ کہ 26 جنوری کو وہ شادی کے پروگرام میں شرکت کے لئے پورے خاندان کے ساتھ جے پور گئے تھے۔
انہوں نے بتایا کہ 29 جنوری کو شام چھ بجے گھر واپس پہنچے تو دروازہ کھولنے کے لئے چابی نکالی تو معلوم ہوا کہ کوئی تالا نہیں اور دروازہ بھی اندر سے بند تھا۔اس کے بعد سائیڈ والی گیلری کا ایک دروازہ کھلا پایا جس سے اندر داخل ہوا تو دیکھا کہ کمرے میں الماری کھلی ہوئی اور سارا سامان بکھرا پڑا تھا۔
پولیس کی ابتدائی تحقیق مین یہ بات سامنے آئی ہے کہ تقریباً 30 تولے چاندی کے سکے، 4 بڑے چاندی کے چراغ، ایک جوڑا بڑی چاندی کی جیبیں، 4 جوڑے چاندی کی چھوٹی جیبیں اور2 چاندی کے بڑے سکے چوری ہوئے تھے۔
گھر کے سربراہ کپل ماتھر نے مزید بتایا کہ الماری سے زنجیر کا لاکٹ، چاندی کے 2 پاؤں کے کنگن، 4 عدد سادہ بریسلیٹ، 6-7 جوڑے جالیوں کے، 6 نگر چاندی کے شیشے، چاندی کا چوپاڑا، 2 چاندی کے کچھوے کے لیمپ، ٹائٹن گھڑی اور چاندی کی چھڑی اور 35ہزار روپے غائب ہیں۔
پولیس نے واردات کا مقدمہ درج کرکے تفتیش شروع کر دی ہے تاہم تاحال کسی ملزم کی گرفتاری عمل میں نہیں آئی ہے۔
