گوجرانوالہ: معروف اسٹیج اداکاراکرم اداس کی گاڑی پر فائرنگ کا مقدمہ تھانہ کینٹ میں درج کرلیا گیا۔
تفصیلات کے مطابق گزشتہ روز معروف اسٹیج اداکار لاہور سے گوجرانوالہ جا رہے تھے کہ راستے میں موٹرسائیکل پرسوارملزمان نے ان کی گاڑی پرفائرنگ کی تھی۔
اسٹیج اداکاراکرم اداس کی گاڑی پرفائرنگ کا مقدمہ گوجرانہ کے تھانہ کینٹ میں درج کرلیا گیا ہے، مقدمے میں محفل تھیٹرلاہورکے پروڈیسراسحاق کو ملزم نامزد کیا گیا ہے۔
معروف اسٹیج اداکار اکرم اداس کے مطابق پروڈیوسرکے ساتھ کام نہ کرنے پردھمکی آمیزفون آیا تھا۔
پولیس حکام کا کہنا ہے کہ فائرنگ کا واقعہ گزشتہ رات منڈیالہ موڑکے قریب پیش آیا تھا، گاڑی پر6 گولیاں لگیں ،حملے میں اکرم اداس محفوظ رہے۔
لاہور: اسٹیج اداکاراکرم اداس کی گاڑی پر فائرنگ
خیال رہے کہ جمعے کو معروف اسٹیج اداکار لاہور سے گوجرانوالہ جا رہے تھے کہ راستے میں موٹرسائیکل پرسوار نامعلوم ملزمان نے ان کی گاڑی پرفائرنگ کی تھی۔
یاد رہے کہ 5 اگست کو فیصل آباد میں معروف اسٹیج اداکارہ ندا چوہدری کی گاڑی پرنامعلوم ملزمان نے فائرنگ کی تھی تاہم وہ حملے میں محفوظ رہی تھیں۔
اسٹیج اداکارہ ندا چوہدری کا کہنا تھا کہ میری کسی کے ساتھ کوئی دشمنی نہیں ہے۔
اداکارہ نور کو سابق شوہر نے گھر میں گھس کر قتل کردیا
واضح رہے کہ رواں سال 19 فروری کو ایبٹ آباد میں مقامی اسٹیج ڈانسر اور اداکارہ نور کو سابق شوہر شازی خان نے گھر میں گھس کر قتل کردیا تھا۔
