ARYNews.tv | Urdu – Har Lamha Bakhabar

Tag: akshay kumar

  • اکشے کمار اور ارشد وارثی عدالت طلب!

    اکشے کمار اور ارشد وارثی عدالت طلب!

    ممبئی (21 اگست 2025): بھارتی عدالت نے آئندہ ہفتے بالی وڈ سُپر اسٹارز اکشے کمار اور ارشد وارثی کو ذاتی حیثیت میں طلب کر لیا۔

    انڈین میڈیا کے مطابق اکشے کمار اور ارشد وارثی کی کامیڈی سے بھرپور فلم ’جولی ایل ایل بی 3‘ 19 سمبر 2025 کو ریلیز ہونے والی ہے اور سول جج کی عدالت نے اداکاروں کو اسی سلسلے میں 28 اگست کو طلب کیا ہے۔

    وکلا واجد خان اور گنیش مہاسکے نے سول جج کی عدالت میں درخواست دائر کی اور الزام عائد کیا کہ فلم ’جولی ایل ایل بی 3‘ میں وکلا اور ججوں کے بارے میں نازیبا اور طنزیہ لطیفے کیے گئے ہیں لہٰذا اس کی ریلیز پر پابندی عائد کی جائے۔

    یہ بھی پڑھیں: جولی ایل ایل بی 3 کا پہلا ٹیزر جاری

    درخواست گزاروں نے فلم میں ججوں کیلیے لفظ ’مامو‘ کا حوالہ دیا اور اس کے استعمال پر سخت اعتراض کیا۔ انہوں نے دعویٰ کیا کہ اس طرح کے الفاظ عدلیہ کے وقار کی توہین کے مترادف ہے۔

    فلم کے ٹیزر پر اعتراض کرتے ہوئے وکلا نے کہا کہ ڈیجیٹل میڈیا پر اس طرح کے پروموشنل ہتھکنڈے وکلا اور عدلیہ کی توہین کرتے ہیں۔

    انہوں نے کہا کہ فلم کا ٹیزر جاری کر دیا گیا ہے جس میں اکشے کمار اور ارشد وارثی نے وکلا کے بینڈ پہن کر اس کی تشہیر کی، اس وجہ سے الیکٹرانک میڈیا کے ذریعے وکلا کی شبیہ کو داغدار کیا گیا اور فلم میں قانونی پیشہ کی توہین کی گئی ہے۔

    درخواست گزاروں نے مزید کہا کہ جج جے جی پوار نے فلم کے پروڈیوسروں اور اداکاروں کو 28 اگست کو عدالت میں پیش ہونے کیلیے طلب کیا ہے۔

    فلم کی کاسٹ میں سوربھ شکلا، امریتا راؤ، ہما قریشی اور انو کپور بھی ہیں۔ اسے سبھاش کپور نے ڈائریکٹ کیا ہے اور یہ جولی ایل ایل بی فرنچائز کا حصہ ہے۔

  • ہیرا پھیری 3 کے مداحوں کیلئے خوشخبری

    ہیرا پھیری 3 کے مداحوں کیلئے خوشخبری

    مشہور بھارتی کامیڈی فلم سیریز ’ہیرا پھیری‘  3 کی پرانے کرداروں کے ساتھ شوٹنگ کا باضابطہ آغاز ہو گیا ہے۔

    ہندوستان ٹائمز کی ایک رپورٹ کے مطابق ہیرا پھیری 3 کی شوٹنگ کا باضابطہ آغاز ہو گیا ہے، فلم کا پہلا منظر حال ہی میں شوٹ کیا گیا تھا جس میں اصل کاسٹ اکشے کمار، پاریش راول اور سنیل شیٹی ایک مرتبہ اپنے مشہور کرداروں میں نظر آئیں۔

    بھارتی اخبار نے ذرائع کا حوالہ دیتے ہوئے بتایا کہ ’جی ہاں، یہ بالکل سچ ہے اکشے، سنیل اور پاریش نے کل اپنے پہلے سین کی شوٹنگ کی، جہاں وہ ایک بار پھر اپنے مشہور کرداروں میں نظر آئیں گے۔‘

    ہدایتکار پریا درشن نے فلم کے چیلنجز پر بات کرتے ہوئے کہا کہ ’یہ فلم بنانا آسان نہیں ہوگا، کیونکہ فلم کے سیکوئل سے لوگوں کی بہت زیادہ توقعات وابستہ ہیں، کردار بھی اب بڑے ہو چکے ہیں اور اس کے مطابق کہانی میں حقیقت پسندی ضروری ہوگی۔ یہ ایک بڑا چیلنج ہے، دیکھتے ہیں کہ کیسا چلتا ہے۔‘

    یاد رہے کہ ہیرا پھیری کے مداح کافی عرصے سے اس فلم کے سیکویل کی اپڈیٹ کا انتظار کر رہے تھے جب رواں سال اکشے کمار نے تصدیق کی کہ ہدایتکار پریا درشن اس فرنچائز کی واپسی کرنے جا رہے ہیں، تو مداحوں میں جوش و خروش مزید بڑھ گیا۔

    بھارتی میڈیا کا کہنا ہے کہ فلم کی شوٹنگ کی اعلان کے بعد مداحوں نے خوشی اور جوش و خروش کا اظہار کیا ہے ساتھ ہی مداحوں میں جوش و خروش مزید بڑھ گیا۔

     

    View this post on Instagram

     

    A post shared by prime video IN (@primevideoin)

  • اکشے کمار نے 2 کروڑ کا اپارٹمنٹ کتنے میں فروخت کردیا؟

    اکشے کمار نے 2 کروڑ کا اپارٹمنٹ کتنے میں فروخت کردیا؟

    بھارتی فلم انڈسٹری کے معروف اداکار اکشے کمار نے ممبئی کے علاقے بوری ولی میں اپنا ایک اپارٹمنٹ سیل کردیا، انہوں نے فلیٹ کیوں فروخت کیا اس کی وجہ سامنے نہ آسکی۔

    بھارتی میڈیا رپورٹس کے مطابق جائیداد کی خرید و فروخت کے نگراں ادارے کا کہنا ہے کہ مذکورہ اپارٹمنٹ کی فروخت کی لین دین رواں ماہ ہی ہوئی ہے۔

    رپورٹس کے مطابق اکشے کمار نے مشرقی ممبئی کے اس علاقے میں واقع اپارٹمنٹ کو 4 کروڑ 35 لاکھ بھارتی روپے میں فروخت کیا۔

    بھارتی میڈیا رپورٹ کے مطابق اکشے کے اس اپارٹمٹ کا حجم ایک ہزار مربع فٹ سے زائد ہے، جبکہ اسکے لیے دو کاروں کی پارکنگ کیلئے جگہ بھی مختص ہے۔

    رپورٹس کے مطابق بھارتی اداکار نے اپنا یہ اپارٹمنٹ نومبر 2017 میں سوا دو کروڑ سے زائد میں خریدا تھا۔ تاہم اداکار کی جانب سے اس اپارٹمنٹ کو فروخت کرنے کی وجہ سامنے نہیں آسکی۔

    دوسری جانب پاکستانی نژاد امریکی ریپر اور گلوکار بوہیمیا نے حال ہی میں نجی ٹی وی کے مزاحیہ شو میں شرکت کی اور اس دوران میزبان کی جانب سے پوچھے گئے مختلف سوالات کے جوابات دیے۔

    بوہیمیا پاکستان سمیت دنیا بھر کے فنکاروں کے آئیڈیل ہیں۔گلوکار نے پاکستان اور بھارت دونوں ممالک میں لاتعداد بڑے ناموں کے ساتھ کام کیا ہے اور ہر کوئی ان کی پرفارمنس کو سراہتا ہے۔

    بوہیمیا نے پروگرام میں نصیحت کا حوالہ دیا جو انہیں اکشے کے علاوہ کسی اور نے نہیں دی تھی۔

    انہوں نے انکشاف کیا کہ جب وہ اکشے کے ساتھ کام کرتے تھے تو وہ ان کے ساتھ بیٹھتے تھے، یہ تب تھا جب اکشے نے کہا کہ بوہیمیا اگر آپ سڑک پر گاڑی چلاتے ہوئے آوارہ کتوں کو دیکھتے ہیں تو وہ بھونکتے ہیں اور چمکدار رمز والی گاڑیوں کے پیچھے بھاگتے ہیں اور سوچتے ہیں کہ یہ رمز ان کے لیے ہیں۔

    یزویندرا چہل کی آرجے مہوش کے ساتھ تصویر، دھناشری ورما کی معنی خیز پوسٹ وائرل

    بوہیمیا کے مطابق اکشے نے کہا کہ اسی طرح کچھ لوگ آپ کے پیچھے پڑ جائیں گے تو آپ کو اس سے کبھی پریشان نہیں ہونا ہے۔

  • اکشے کمار کی فلم استری 3 میں انٹری؟ حقیقت کیا ہے

    اکشے کمار کی فلم استری 3 میں انٹری؟ حقیقت کیا ہے

    بالی ووڈ کے کامیڈی کنگ اداکار اکشے کمار نے ’استری‘ کی تیسری فلم میں اپنی ممکنہ شرکت سے متعلق دلچسپ تبصرہ کیا ہے۔

    بھارتی میڈیا کی رپورٹس کے مطابق اداکار اکشے کمار فلم استری 3 میں انٹری کیلئے تیار ہیں جس سے متعلق انہوں نے میڈیا سے گفتگو میں ذکر بھی کیا ہے۔

    بھارتی میڈیا کے مطابق گزشتہ روز اداکار اکشے اور سارہ خان کی فلم ’اسکائی فورس‘ کا ٹریلر لانچ ایونٹ کا انعقاد کیا گیا جس میں اداکار نے بھی شرکت کی اس دوران مذاق میں اکشے نے کہا کہ میرا اور استری کے پروڈیوسر دنیش وجن کا تعلق اشتراک پر مبنی ہے۔

    شردھا کپور نے ’استری 3‘ کا اشارہ دے دیا

    جب اکشے کمار سے استری 3 میں ان کی شرکت سے متعلق سوال کیا گیا تو اداکار نے ہنستے ہوئے کہا کہ ’میں اس بارے میں کیا کہوں؟ یہ فیصلہ تو دنیش اور جیوتی کا ہے، جنہیں اس فلم میں سرمایہ کاری کرنی ہے‘۔

    بھارتی میڈیا کا کہنا ہے کہ اکشے کمار کی استری 3 میں انٹری سے متعلق بیان کو استری کے پروڈیوسر دنیش وجن نے تردید یا تصدیق نہیں کی ہے۔

    واضح رہے کہ میڈاک فلمز نے حال ہی میں اعلان کیا کہ ’استری 3‘ 13 اگست 2027 کو سینما گھروں کی زینت بنے گی۔

    یاد رہے کہ 2018 کی بلاک بسٹر فلم ’استری‘ اور 2024 کی ’استری 2‘ میں راجکمار راؤ اور شردھا کپور نے مرکزی کردار ادا کیے تھے، اس فلم نے باکس آفس پر ریکارڈ بزنس کیا تھا۔

  • اکشے کمار نئی فلم کی ریلیز سے قبل حاجی علی کی درگاہ پہنچ گئے

    اکشے کمار نئی فلم کی ریلیز سے قبل حاجی علی کی درگاہ پہنچ گئے

    ووڈ کے نامور اداکار اکشے کمار متعدد فلم فلاپ ہونے کے بعد اپنی اگلی فلم کی ریلیز سے قبل ممبئی کی حاجی علی کی درگاہ پہنچ گئے۔

    بھارتی میڈیا کے مطابق بالی ووڈ اداکار اکشے کمار اپنی کامیڈی فلم ’کھیل کھیل میں ‘ کی کامیابی کیلئے ممبئی میں حاجی علی کی درگاہ پہنچے اور چادر بھی چڑھائی۔

    درگاہ کے منیجنگ ٹرسٹی سہیل کھنڈوانی نے اپنے انسٹاگرام پروفائل پر ایک ویڈیو شیئر کی جس میں اکشے کمار کو حاجی علی درگاہ کی تزئین و آرائش کے لیے 1.21 کروڑ بھارتی روپے عطیہ کرنے کا اعلان کیا ہے۔

    ویڈیو میں اکشے کمار کو درگاہ کا دورہ، عقیدت مندوں کے ساتھ بات چیت اور مقدس مقام کی سیر کرتے ہوئے دکھایا گیا ہے، اداکار نے اس سے قبل اپنی رہائش گاہ پر ایک چھوٹے سے لنگر کا بھی اہتمام کیا تھا جس میں اداکار نے خود ضرورت مندوں میں کھانا تقسیم کیا۔

    یاد رہے کہ  کی آخری فلم ’سرپھرا‘ بری طرح فلاپ ہوئی اور وہ باکس آفس پر صرف 25 لاکھ روپے کمانے میں کامیاب رہی، اس سال اداکار کی ریلیز ہونے والی پہلی فلم ’ چھوٹے میاں بڑے میاں‘ تھی۔

    واضح رہے کہ اکشے کمار کی اس سال کی تیسری فلم ’کھیل کھیل میں ‘ 15 اگست کو ریلیز کی جائے گی جس میں تاپسی پنوں، وانی کپوراور  فردین خان بھی شامل ہیں۔

  • اکشے کمار کا اصل نام کیا؟ اداکار کا حیران کن انکشاف

    اکشے کمار کا اصل نام کیا؟ اداکار کا حیران کن انکشاف

    بالی ووڈ کے معروف اداکار اکشے کمار کی فلموں کے لیے اپنا نام تبدیل کرنے کے پیچھے کی دلچسپ وجہ سامنے آگئی۔

    کیا آپ جانتے ہیں کہ نامور اداکار اکشے کمار کا اصل نام راجیو اوم بھاٹیا ہے لیکن انہیں پوری دنیا ’’اکشے کمار‘‘ کے نام سے جانتی ہے۔ ویسے تو شوبز انڈسٹری میں نام بدل کر فلموں میں کام کرنا کوئی حیران کن بات نہیں لیکن اکشے کمار کے نام بدلنے کے پیچھے کافی دلچسپ وجہ ہے۔

    بھارتی میڈیا کے مطابق اکشے کمار نے اپنے حالیہ انٹرویو میں بتایا کہ میں نے مہیش بھٹ کی ہدایتکاری میں بننے والی فلم ‘آج’ سے بالی ووڈ میں اپنے کیریئر کا آغاز کیا تھا، اس فلم سے پہلے تک میرا نام ‘اکشے کمار’ نہیں بلکہ راجیو بھاٹیہ تھا لیکن میں نے فلم کے ہیرو کے نام سے متاثر ہوکر اپنا نام تبدیل کرلیا تھا۔

    اکشے کمار نے کہا کہ میں نے فلم کی شوٹنگ کے دوران ہیرو کمار گورو سے اُن کا فلمی نام پوچھا تھا جس پر اداکار نے بتایا کہ فلم میں اُن کا نام اکشے ہے، پھر میں نے انہیں بتایا  کہ میں اپنا نام اکشے ہی رکھنا چاہتا ہوں۔

    اداکار نے کہا کہ اس طرح مجھے اپنی پہلی فلم سے اپنا نام اکشے ملا اور میرا خیال ہے کہ بہت کم لوگ ہی یہ جانتے ہوں گے کہ میرا اصل نام راجیو ہے، راجیو ایک اچھا نام ہے اور مجھے لگتا ہے کہ شاید میرا نام راجیو گاندھی کے نام پر رکھا گیا تھا لیکن میں نے یہ نام تبدیل کردیا۔

  • اکشے کمار تیسری بار کورونا وائرس کا شکار ہوگئے

    اکشے کمار تیسری بار کورونا وائرس کا شکار ہوگئے

    بالی ووڈ کے معروف اداکار اکشے کمار تیسرے بار کورونا وائرس کا شکار ہوگئے۔

    بھارتی میڈیا رپورٹس کے مطابق اکشے کمار اپنی نئی فلم سرفیرا کی تشہیر میں مصروف تھے اسی دوران ان کی طبعیت خراب ہوئی، جس پر انہوں نے اپنا کورونا ٹیسٹ کروایا۔

    بھارتی میڈیا کے مطابق اکشے کمار کا کورونا ٹیسٹ مثبت آیا ہے، ٹیسٹ کی رپورٹ آنے کے بعد اداکار نے خود کو آئسولیٹ کر لیا ہے اور ڈاکٹرز کی ہدایات اور احتیاط پر سختی سے عمل کر رہے ہیں۔

     

    View this post on Instagram

     

    A post shared by Viral Bhayani (@viralbhayani)

    دوسری جانب بھارتی میڈیا کا کہنا ہے کہ اکشے کمار بیماری کے باعث آج اننت امبانی اور رادھیکا مرچنٹ کی شادی میں شرکت بھی نہیں کریں گے۔

    میڈیا رپورٹس کے مطابق اداکار آننت امبانی اور رادھیکا مرچنٹ کی شادی میں شرکت نہ کرنے کے ساتھ ساتھ آج ریلیز ہونے والی اپنی فلم ’سر پھرا‘ کی تشہیری مہم میں بھی حصہ نہیں لے سکیں گے۔

    واضح رہے کہ یہ پہلا موقع نہیں ہے جب اداکار کورونا وائرس کا شکار ہوئے ہیں بلکہ اس سے قبل عالمی وبا کے ابتدائی دنوں میں اور پھر 2022 میں بھی وہ اس مرض میں مبتلا ہوچکے ہیں۔

  • اکشے کمار کی نئی فلم ”سر پھرا“ کا ٹریلر ریلیز

    اکشے کمار کی نئی فلم ”سر پھرا“ کا ٹریلر ریلیز

    اکشے کمار کی نئی فلم ”سر پھرا“ کا ٹریلر ریلیز کردیا گیا، یہ فلم 2021 کی نیشنل ایوارڈ یافتہ تامل فلم سورارائی پوترو کا ہندی ریمیک ہے، جس میں سوریا نے مرکزی کردار ادا کیا ہے۔

    سدھا کونگارا کی ہدایت کاری میں بننے والی یہ فلم دکن کے بانی جی آر گوپی ناتھ کی زندگی پر مبنی تھی۔ ”سر پھرا“ کے ٹریلر میں ویر کی کہانی دکھائی گئی ہے، جس کا کردار اکشے کمار نے ادا کیا ہے۔

    جس کے پاس ایک ”آئیڈیا” ہے، جو ہندوستان کی پہلی کم لاگت والی ایئر لائن شروع کرنے کا منصوبہ رکھتا ہے۔ وہ ہوا بازی کے سفر کو ہر ایک کے لیے سستا بنانے کا خواب دیکھتا ہے۔

    وہ اپنی مدد کے لیے پریش راول سے رابطہ کرتا ہے، جو ایک بڑے بزنس ٹائیکون کا کردار ادا کررہے ہیں۔

    سوشل میڈیا پر ٹریلر شیئر کرتے ہوئے اکشے کمار نے لکھا، ”سپنے وہ نہیں جو آپ سوتے ہوئے دیکھتے ہیں، سپنے وہ ہوتے ہیں جو آپ کو سونے ہی نہیں دیتے۔

    ایک ایسے ہی سپنے کی کہانی ہے فلم ”سر پھرا“ ہے، اکشے کمار کی فلم سرپھرا 12جولائی کو سینما گھروں کی زینت بنے گی۔

  • مودی کی تقریب حلف برداری میں شاہ رخ اور اکشے بغل گیر، تصویر وائرل

    مودی کی تقریب حلف برداری میں شاہ رخ اور اکشے بغل گیر، تصویر وائرل

    بھارتی وزیر اعظم نریندر مودی کی بطور وزیر اعظم حلف برداری کی تقریب میں اداکار اکشے کمار اور شاہ رخ خان کی تصویر وائرل ہوگئی۔

    گزشتہ روز نریندر مودی نے تیسری مرتبہ بھارتی وزیراعظم کے عہدے کا حلف لیا، نئی دلی کے راشتراپتی بھون میں ہونے والی اس تقریب میں بالی ووڈ اداکاروں ستاروں نے بھی شرکت کی۔

    مودی کی حلف برداری کی تقریب میں اداکار شاہ رخ خان، اکشے کمار، کنگنا رناوت، انوپم کھیر، رجنی کانت، وکرانت میسی اور فلمساز راجکمار ہیرانی بھارتی ایوان صدر میں نظر آئے۔

    بھارتی میڈیا کی جانب سے شیئر کی گئی تصویر میں شاہ رخ اور اکشے ایک دوسرے کے پاس پہنچ کر گرمجوشی سے ایک دوسرے کو گلے لگاتے ہوئے نظر آئے۔

     

    View this post on Instagram

     

    A post shared by RAKA (@iamraka_05)

    تصویر میں اداکارہ شاہ رخ خان کو بلیک رنگ کا لباس پہنے دیکھا جاسکتا ہے جبکہ اکشے کمار نے پینٹ کے ساتھ جامنی رنگ کی شرٹ پہن رکھی ہے۔

    اس تصویر کو شیئر کرتے ہوئے نیوز پورٹل نے لکھا کہ اداکار شاہ رخ خان اور اکشے کمار جب نامزد وزیر اعظم نریندر مودی کی راشتراپتی بھون میں حلف برداری کی تقریب میں پہنچے تو ایک دوسرے کو مبارکباد دی۔

    اس موقع پر اداکار ایک دوسرے سے ملتے اور آپس میں نیک خواہشات کا اظہار کرتے رہے۔ شاہ رخ خان تقریب میں مکیش امبانی اور انکے بیٹے اننت امبانی کے ہمراہ پہنچے۔

  • اکشے کمار کے شادی سے قبل کتنے بریک اپ ہوئے؟

    اکشے کمار کے شادی سے قبل کتنے بریک اپ ہوئے؟

    بھارتی اداکار اکشے کمار نے اداکارہ ٹوئنکل کھنہ سے شادی سے قبل متعدد مرتبہ بریک اپ ہونے کا انکشاف کردیا۔

    بالی ووڈ اداکار اکشے کمار نے حال ہی میں رنویر شو پوڈ کاسٹ میں شرکت کی جہاں انہوں نے ٹوئنکل سے تعلق اور شادی سے قبل اپنے دو تین ناکام عشق کا انکشاف کیا۔

     میزبان نے اداکار سے بریک اپس کے بارے میں نوجوان نسل کو مشورہ دینے کو کہا کہ کس طرح ٹوٹے دل کو سنبھالا جائے، جس پر اکشے کمار نے کہا کہ جب میرا بریک اپ ہوا تو (دو تین بار ہوا) تو میں اور زیادہ ایکسرسائز کرتا تھا۔

    انہوں نے کہا کہ اس طرح میں اس دکھ کو چینلائز کرتا تھا، اسکی وجہ یہ ہے کہ جب بریک اپ ہوتا ہے تو بہت غصہ ہوتا ہے تو اسے چینلائز کرنا ہوتا ہے۔

    واضح رہے کہ اکشے کمار نے 2001 میں ساتھی اداکارہ ٹوئنکل کھنہ سے شادی کرلی تھی، دونوں کے ہاں دو بچے بیٹا آراو اور بیٹی نیتارا ہے۔