ARYNews.tv | Urdu – Har Lamha Bakhabar

Tag: akshay kumar

  • اکشے کمار نے اپنے متعلق شائع خبر کو جھوٹ قرار دے دیا

    اکشے کمار نے اپنے متعلق شائع خبر کو جھوٹ قرار دے دیا

    ممبئی: بھارتی میڈیا نے دعویٰ کیا ہے کہ اکشے کمار 260 کروڑ روپے مالیت کے ایک پرائیویٹ جیٹ کے مالک ہیں، تاہم اکشے کمار نے ان خبروں کی تردید کر دی ہے۔

    تفصیلات کے مطابق بھارتی میڈیا کی جانب سے دعویٰ کیا گیا ہے کہ اکشے کمار ایک نجی طیارے کے مالک ہیں جس کی مالیت 260 کروڑ بھارتی روپے ہے، دوسری طرف اداکار نے ٹوئٹ کر کے اس خبر کی تردید کی ہے۔

    اکشے کمار نے ٹوئٹ میں اسکرین شاٹ لے کر لکھا کہ کچھ لوگ ابھی تک خود کو بڑا نہیں کر سکے، میرے متعلق شائع ہونے والی یہ خبر بالکل جھوٹ ہے۔

    اکشے کمار کے اس ٹوئٹ کو ان کے مداحوں نے ری ٹوئٹ کیا، جس میں ایک صارف نے لکھا کہ ’ارے سر ایسے کون بے نقاب کرتا ہے، طویل عرصے بعد آپ کا جارحانہ مزاج دیکھ کر اچھا لگا۔‘

    جب کہ ایک اور ٹوئٹر صارف نے ہیرا پھیری فلم کا ایک مشہور میم شیئر کیا، اور لکھا ’جلی نا… تیری جلی نا‘۔

    واضح رہے کہ اکشے کمار اپنی نئی فلم رام سیتو کی ریلیز کا انتظار کر رہے ہیں، جس میں جیکولین فرنینڈس، نصرت بھروچا، ناصر اور ستیہ دیو کنچرانہ شامل ہیں، ان کی یہ فلم دیوالی کے موقع پر ریلیز کی جائے گی۔ 2022 میں ان کی فلمیں سمراٹ پرتھوی راج، بچن پانڈے، کٹھ پتلی، اور رکشا بندھن ریلیز ہو چکی ہیں، اور ان میں سے کوئی بھی باکس آفس پر دھوم مچانے کے قابل نہیں رہی۔

  • فلم "سمراٹ پرتھوی راج” کی ناکامی کے ذمہ دار اکشے کمار قرار

    فلم "سمراٹ پرتھوی راج” کی ناکامی کے ذمہ دار اکشے کمار قرار

    ممبئی : بالی ووڈ کے معروف اداکار اکشے کمار کی فلم "سمراٹ پرتھوی راج” کو باکس آفس پر بری طرح ناکامی کا سامنا کرنا پڑا ہے، جس کا ذمہ دار اکشے کمار کو قرار دیا گیا ہے۔

    بھارتی میڈیا رپورٹ کے مطابق مذکورہ فلم تقریباً 300 کروڑ روپے کی لاگت سے بنائی گئی تھی لیکن اب تک صرف 80 کروڑ روپے ہی کما پائی ہے۔

    Akshay Kumar's Pan Masala Endorsement Costed Him Samrat Prithviraj’s Box Office Debacle? – Deets Inside

    اس حوالے سے ڈائریکٹر چندر پرکاش دویدی کا کہنا ہے کہ اس فلم کی ناکامی اکشے کمار کے سر ہے کیونکہ انہوں ایک پان مسالہ کے متنازع ٹی وی اشتہار میں کام کیا جس پر لوگوں نے انہپیں کڑی تنقید کا نشانہ بنایا۔

    سمراٹ پرتھوی راج

    اکشے کمار تاریخی کردار پر مبنی فلم سمراٹ پرتھوی راج میں بڑے پردے پر نظر آئے، چندر پرکاش دویدی کی ہدایت کاری میں بننے والی یہ فلم 3 جون کو سینما گھروں کی زینت بنی لیکن جلد ہی باکس آفس پر ناکامی سے دوچار ہوئی۔

    ریلیز کے فوراً بعد ہی اس فلم کو فلاپ قرار دے دیا گیا۔ اس فلم میں مانوشی چھلر، سونو سود اور سنجے دت سمیت کئی دیگر اداکاروں نے بھی کام کیا۔

    اکشے کمار

    بھارت کے ایک میگزین کو انٹرویو دیتے ہوئے چندر پرکاش دویدی نے کہا کہ اکشے کے ماضی کے رویے اور پان مسالہ سے متعلق لوگوں کی تنقید نے فلمی شائقین کو کافی حد تک خلاف کردیا ہے۔

    یہاں یہ بات بھی قابل ذکر ہے کہ اس سے قبل اپنے ایک بیان میں ہدایت کار دویدی نے مرکزی کردار ادا کرنے کے لیے اپنی پہلی پسند کا انکشاف کرتے ہوئے بتایا تھا کہ 18 سال قبل”سمراٹ پرتھوی راج کی کہانی مرکزی کردار سنی دیول کے بارے میں سوچتے ہوئے لکھی گئی تھی۔

  • عمان اور کویت میں اکشے کی نئی فلم پر پابندی عائد

    عمان اور کویت میں اکشے کی نئی فلم پر پابندی عائد

    نئی دہلی: عمان اور کویت میں اکشے کمار کی نئی فلم پر پابندی عائد کر دی گئی۔

    تفصیلات کے مطابق ہندوستانی بادشاہ پرتھوی راج چوہان کی زندگی پر بننے والی فلم ’سمراٹ پرتھوی راج‘ کی ریلیز پر عمان اور کویت میں پابندی عائد کر دی گئی ہے۔

    بھارتی میڈیا کا کہنا ہے کہ بالی ووڈ سپر اسٹار اکشے کمار اور اداکارہ مانوشی چھلر کی نئی آنے والی تاریخی فلم سمراٹ پرتھوی راج عمان اور کویت میں ریلیز نہیں کی جائے گی۔

    عمان اور کویت میں اس فلم کی ریلیز پر پابندی کی واضح وجہ معلوم نہیں ہو سکی ہے، نہ ہی فلم کی ٹیم کی جانب سے اب تک اس کی تصدیق کی گئی ہے۔

    ڈاکٹر چندر پرکاش دویدی کی تحریر کردہ اور ان کی ہدایت کاری میں بننے والی اس فلم سے اداکارہ مس ورلڈ کا ٹائٹل جیتنے والی مانوشی چھلر بالی ووڈ میں ڈیبیو کر رہی ہیں۔

    اس فلم کا نام پہلے پرتھوی راج رکھا گیا تھا لیکن ٹیم نے 27 مئی کو ٹائٹل تبدیل کر کے اس کا نام سمراٹ پرتھوی راج رکھا، فلم کے نام کی تبدیلی کا فیصلہ شری راجپوت کرنی سینا نامی تنظیم کی درخواست کے بعد کیا گیا، درخواست میں راجپوت برادری کے جذبات کو ٹھیس پہنچانے کا الزام لگایا گیا تھا۔

    فلم ’سمراٹ پرتھوی راج‘ آج ریلیز کی جا رہی ہے، اس فلم میں اکشے کمار اور مانوشی کے علاوہ سنجے دت اور سونو سود بھی اداکاری کرتے نظر آئیں گے۔

  • ریلیز سے چند دن قبل اکشے کمار کی فلم کا نام تبدیل

    ریلیز سے چند دن قبل اکشے کمار کی فلم کا نام تبدیل

    نئی دہلی: معروف بالی ووڈ اداکار اکشے کمار کی نئی فلم پرتھوی راج کا نام تبدیل کردیا گیا، فلم کے نام پر راجپوت برادری نے اعتراضات اٹھائے تھے۔

    بین الاقوامی میڈیا کے مطابق بالی ووڈ کے معروف اداکار اکشے کمار کی 3 جون کو ریلیز ہونے والی فلم پرتھوی راج کا نام تبدیل کر کے سمراٹ پرتھوی راج رکھ دیا گیا۔

    یش راج فلمز کی انتظامیہ نے فلم کے نام کی تبدیلی کا فیصلہ شری راجپوت کرنی سینا نامی تنظیم کی مفاد عامہ کی درخواست (پی آئی ایل) کے بعد کیا ہے۔

    کمپنی نے اس حوالے سے آفیشل لیٹر بھی جاری کردیا جس میں تنظیم کے صدر کو اکشے کمار کی نئی فلم کا ٹائٹل نام سمراٹ پرتھوی راج رکھے جانے سے آگاہ کیا گیا ہے۔

    میڈیا رپورٹ کے مطابق شری راجپوت کرنی سینا نے اپنے وکیل کے ذریعے پی آئی ایل دائر کی جس میں راجپوت برادری کے جذبات کو ٹھیس پہنچانے کا الزام لگایا۔

    اس کے بعد فلمساز کمپنی اور وکیل کے درمیان متعدد ملاقاتیں ہوئیں، 27 مئی کو راجپوت برادری کے جذبات کا احساس کرتے ہوئے یش راج فلمز نے نام سمراٹ پرتھوی راج کرنے پر رضا مندی ظاہر کردی۔

    یش راج فلمز نے شری راجپوت کرنی سینا کے صدر کے نام اپنے خط میں کمپنی کی روایت، تخلیقی فلم سازی اور بھارتی سینما سے متعلق خدمات کا تذکرہ کیا، اس خط میں کہا گیا کہ ہم فلم کے ٹائٹل نام کے سلسلے میں آپ کی شکایت سے آگاہ ہوئے، اس حوالے سے آپ کی کوششیں قابل تعریف ہیں۔

    انہوں نے اپنے خط میں یہ بھی کہا کہ ہم آپ کو یقین دلاتے ہیں پرتھوی راج چوہان سے متعلق کسی فرد کے جذبات کو ٹھیس پہنچانے کا ہمارا کوئی ارادہ نہیں تھا۔

    خط میں کہا گیا کہ پرتھوی راج چوہان کی زندگی پر مبنی فلم دراصل ان کی بہادری، کامیابیوں اور قومی تاریخ اجاگر کرنے کے جذبے کے تحت بنائی گئی ہے۔ فلم ساز کمپنی نے خط میں باہمی سمجھوتے کی تعریف کی اور اپنی طرف سے فلم کا نام بدلنے کی یقین دہانی کروائی۔

    واضح رہے کہ اداکار اکشے کمار کی یہ فلم 3 جون کو ریلیز ہورہی ہے جو کہ ہندی، تامل اور تلگو زبانوں میں ریلیز کی جائے گی اور اس فلم میں مانشی چلر، سنجے دت اور سونو سود بھی اہم کردار نبھارہے ہیں۔

  • جامعہ ملیہ کے طلبہ پر وحشیانہ تشدد، ویڈیو لائک کرنے پر بالی ووڈ‌ اداکار پر تنقید

    جامعہ ملیہ کے طلبہ پر وحشیانہ تشدد، ویڈیو لائک کرنے پر بالی ووڈ‌ اداکار پر تنقید

    نئی دہلی : نامور بالی ووڈ اداکار اکشے کمار نے جامعہ ملیہ اسلامیہ کے طلبہ پر وحشیانہ تشدد کی ویڈیو لائک کرکے سوشل میڈیا پر تنقید کی زد میں آگئے۔

    تفصیلات کے مطاق اکشے کمار مسلمانوں کے خلاف اپنے متنازع بیانات اور سوشل میڈیا پوسٹوں کے باعث اکثر ہی اپنے مداحوں کی جانب سے تنقید کا نشانہ بنتے رہتے ہیں لیکن اس مرتبہ انہوں نے جامعہ ملیہ اسلامیہ کے طلبہ پر وحشیانہ تشدد کی ویڈیو لائک کرکے خود کو مشکل میں ڈال دیا۔

    سوشل میڈیا پر تنقید شروع ہوتے ہی اکشے کمار نے کچھ دیر بعد ہی ویڈیو ’اَن لائک‘ کردی۔

    اکشے نے ٹوئٹر پر جاری بیان میں کہا کہ جامعہ ملیہ اسلامیہ کے طلبہ پروحشیانہ تشدد کرنے کی ویڈیو کو میں نے غلطی سے ’لائک‘ کیا تھا۔

    بالی ووڈ اداکار نے وضاحت کی کہ در اصل دوسری ٹوئٹس کو دیکھتے ہوئے مجھ سے لائک ہوگیا تھا تاہم تھوڑی ہی دیر بعد جب مجھے احساس ہوا تو فوراً ہی اسے ’اَن لائک‘ کردیا تھا کیونکہ میں اس طرح کسی بھی تشدد کا حامی نہیں۔

    اداکار کے اس بیان کے بعد ٹوئٹر پر’بائیکاٹ کینیڈیئن کمار‘ ٹرینڈ شروع ہوگیا جبکہ صارفین نے بھی تنقید کے نشتر کا رخ اکشے کمار کی جانب کردیا۔

    ایک صارف نے اکشے کمار کو بزدل قرار دیا جبکہ ایک اور صارف نے اداکار کو بزدل قرار دیتے ہوئے کہا کہ یہ صرف فلموں میں ہیرو بنتا ہے جامعہ ملیہ اسلامیہ کے طالب علم حقیقت میں ہیرو ہیں۔

    دوسری جانب کتنے ہی صارفین نے بالی ووڈ کے خطروں کے کھلاڑی کو جھوٹا قرار دیا اور کہا کہ یہ لائک انہوں نے غلطی سے نہیں بلکہ جان بوجھ کرکیا۔

    واضح رہے کہ بھارت بھر میں مسلمانوں کے خلاف مذہبی امتیازی سلوک پر مبنی قانون کی منظوری کے خلاف احتجاج جاری ہے۔

  • رجنی کانت اور اکشے کمار کا ٹکراؤ، 2.0 کا دھماکا خیز آغاز

    رجنی کانت اور اکشے کمار کا ٹکراؤ، 2.0 کا دھماکا خیز آغاز

    ممبئی: ہندوستانی تاریخ کی سب سے بڑی فلم 2.0 ریلیز ہوگئی، رجنی کانت اور اکشے کمار کے ٹکراؤ نے مداحوں کو دیوانہ بنا دیا.

    تفصیلات کے مطابق ساڑھے پانچ سو کروڑ کی لاگت سے تیار ہونے والی ہدایت کار شنکر کی میگا بجٹ فلم  2.0  آج ریلیز ہوگئی.

    بیش تر فلمی پنڈتوں کی جانب سے رجنی کانت اور اکشے کمار کی اس سائنس فکشن فلم کو سراہا جارہا ہے، مداحوں‌ کا ردعمل بھی مثبت ہے۔  فلم ہندی، تامل، تیلگو زبانوں میں ریلیز کی گئی ہے. پہلے تین دن کے تمام شوز ہاؤس فل ہیں.

    فلم کے دھماکا خیز آغاز کے پیش نظر توقع کی جارہی ہے کہ ابتدائی دنوں میں فلم کھڑکی توڑ بزنس کرے گی. چند تجزیہ کاروں‌ کے مطابق فلم کا بزنس ’’باہوبلی ٹو‘‘ کے قریب پہنچ سکتا ہے.

    یاد رہے کہ باہوبلی ٹو ہندوستان تاریخی کی سب سے زیادہ بزنس کرنے والی فلم ہے۔ یہ اکلوتی فلم ہے، جو پانچ سو کروڑ اور ایک ہزار کروڑ کلب کا حصہ ہے۔

    ساڑھے پانچ ارب کی لاگت سے بننے والی بھارت کی مہنگی ترین فلم کا ٹیزرریلیز

    واضح رہے کہ فلم میں ہندوستان کے میگا اسٹار رجنی کانت مرکزی کردار ادا کر رہے ہیں، جن کے مداحوں‌ کی تعداد کروڑوں‌ میں ہے.

    فلم میں اکشے کمار کی موجودگی کے باعث خیال کیا جارہا ہے کہ فلم ممبئی بیلٹ میں بھی خوب بزنس کرے گی.

  • پراسرار مخلوق کی تباہی سے شہری خوفزدہ۔۔ ویڈیو دیکھیں

    پراسرار مخلوق کی تباہی سے شہری خوفزدہ۔۔ ویڈیو دیکھیں

    ممبئی: بھارت میں پراسرار مخلوق کی آمد نے تباہی مچا دی جس کے باعث شہری خوفزدہ ہیں، دراصل ہم بات کررہے ہیں بھارت کی نئی آنے والی مہنگی ترین فلم 2.0 کی جس کا ٹریلر جاری کردیا گیا۔

    تفصیلات کے مطابق فلم کا ٹریلر جاری کرنے کی تقریب چنائی میں منعقد ہوئی جس میں رجنی کانت، اکشے کمار معروف میوزک کمپوزر اے آر رحمان سمیت دیگر نامور شخصیات نے شرکت کی۔

    بھارت کی پہلی تھری ڈی فلم کا ٹریلر 2 منٹ 2 سیکنڈ پر محیط ہے جس کے ابتدا میں دکھایا گیا ہے کہ موبائل فون ایک دم فضا میں اڑنے لگے اور پھر لوگوں کو کسی نے دھمکی دی۔

    2.0 trailer rajinikanth akshay kumar

    ایکشن سے بھرپور اس روبوٹک فلم میں اکشے کمار سپر ولن کا کردار ادا کررہے ہیں جن کو ٹریلر پراسرار مخلوق سے ٹکراتے ہوئے دکھایا گیا ہے۔

    اکشے کمار دراصل ایسا کردار ادا کررہے ہیں جو دنیا کو نقصان پہنچانے کی کوشش میں لوگوں کو بے وقوف بنا رہے ہیں جبکہ رجنی کانت (ڈاکٹر وسی کرن) کا کردار ادا کررہے ہیں جو دنیا کو ربوٹک تباہی سے نجات دلانے کی کاوشوں میں مصروف ہیں۔

    رجنی کانت اس ٹریلر میں بھرپور ایکشن میں نظر آئے جو ’چٹی‘ کی مدد سے ایمی جیکن (اکشے کمار) کو زیر کررہے ہیں۔ قبل ازیں 14 ستمبر کو فلم 2.0 کا ٹیزر جاری کیا گیا تھا جس پر شائقین نے ملا جھلا ردعمل دیا تھا۔

    فلم کا بجٹ543 (لگ بھگ ساڑھے پانچ ارب) کروڑ ہے اسی وجہ سے اسے بھارت کی مہنگی ترین فلم کرار دیا گیا، یہ وہ واحد فلم ہے جسے بیک وقت کئی زبانوں میں ریلیز کیا جائے گا۔

    مزید پڑھیں: ساڑھے پانچ ارب کی لاگت سے بننے والی بھارت کی مہنگی ترین فلم کا ٹیزرریلیز

    68 سالہ رجنی کانت 2.0 میں کلیدی کردار ادا کر رہے ہیں، یاد رہے کہ فلم 2.0 رجنی کانت ہی کی 2011 میں ریلیز ہونے والی سپرہٹ فلم روبوٹ کا سیکوئل ہے، ایس شنکر ہی اس کے ہدایت کار ہیں جنہوں نے روبوٹ میں بھی ہدایت کاری کے امور انجام دیے تھے۔

    بالی وڈ کے اسٹار اکشے کمار ولن کا کردار  ادا کرتے نظر آئیں گے ، اس فلم کی شوٹنگ میں 3 سال سے زیادہ کا عرصہ لگا۔

    واضح رہے کہ رجنی کانت کا شمار بھارت کے میگا اسٹارز میں‌ ہوتا ہے یہی وجہ ہے کہ اُن کی مداحوں میں اثرپذیری اور دیوانگی خانز سے بہت زیادہ ہے۔

    تمل زبان میں‌ شوٹ ہونے والی یہ فلم 29 نومبر کو 13 زبانوں میں دنیا بھر میں ریلیز کی جائے گی۔

  • جنسی ہراسانی کے الزامات، ساجد خان نے بطور ہدایت کار استعفیٰ دے دیا

    جنسی ہراسانی کے الزامات، ساجد خان نے بطور ہدایت کار استعفیٰ دے دیا

    ممبئی: جنسی ہراسانی کے الزامات عائد ہونے کے بعد ساجد خان نے بطور ہدایت کار فلم ’ہاؤس فل 4‘ سے علیحدگی اختیار کرنے کا اعلان کردیا۔

    سماجی رابطے کی ویب سائٹ ٹویٹر پر ساجد خان نے جنسی ہراسانی کے الزامات پر اپنا مؤقف اختیار کرتے ہوئے کہا کہ موجودہ صورتحال کے بعد اخلاقی طور پر میں ہاؤس فل 4 کی ہدایت کاری سے علیحدگی اختیار کررہا ہوں۔

    اُن کا کہنا تھا کہ مجھ پر جو الزامات عائد ہوئے اُس کے بعد نہ صرف مجھے بلکہ اہل خانہ کو اور ہاؤس فل 4 کے پروڈیوسر و دیگر ٹیم کو بھی شدید دباؤ کا سامنا ہے جس کو مدنظر رکھتے ہوئے میں اپنے عہدے سے مستعفیٰ ہورہا ہوں۔

    ساجد خان نےاپنے اوپر عائد ہونے والے الزامات کو من گھڑت قرار دیتے ہوئے کہا کہ میں جلد حقیقت سب کے سامنے لاؤں گا، میری میڈیا کے دوستوں سے درخواست ہے کہ وہ کوئی بھی فیصلہ دینے سے پہلے حقیقت کو مدنظر رکھیں۔

    مزید پڑھیں: بالی ووڈ اداکارہ تنوشری دتہ نے نانا پاٹیکر کے خلاف ایف آئی آر درج کرادی

    دوسری جانب بالی ووڈ ہدایت کار کی بہن فرح خان نے اپنے بھائی سے اظہار یکجہتی کرتے ہوئے کہا  کہ ’یہ ہمارے اہل خانہ کے لیے بہت مشکل اور کٹھن وقت ہے، ہم نے ایک ساتھ مختلف مسائل کا سامنا کیا، اگر میرا بھائی قصور وار ہے تو اُس کو سزا دی جائے۔ انہوں نے یہ بھی کہا کہ جس لڑکی سے جنسی ہراسانی کا الزام عائد کیا اگر وہ سچ ہے تو میری تمام تر ہمدردیاں اُس کے ساتھ ہیں۔

    فلم ہاؤس فل 4 میں مرکزی کردار ادا کرنے والے بالی ووڈ اداکار اکشے کمار نے مشورہ دیا کہ شوٹنگ کو اُس وقت تک روک دیا جائے جب تک معاملے کی سچائی سامنے نہیں آجاتی۔

    اکشے کمار نے متاثرہ خاتون سے مطالبہ کیا کہ جو الزام انہوں نے ساجد پر عائد کیا اُس کے ثبوت بھی پیش کریں تاکہ انصاف دیا جاسکے، جس بھی اس حرکت میں ملوث ہے اُس کے خلاف سخت ایکشن لینا چاہیے۔

    واضح رہے کہ ہاؤس فل 4 میں مرکزی کردار ادا کرنے والے نانا پاٹیکر پر پہلے ہی اداکارہ تنوشری دتہ جنسی حراسانی کا الزام عائد کرچکی ہیں، اس ضمن میں انہوں نے مقدمہ بھی درج کرادیا۔

    قبل ازیں عامر خان ہدایت کار پر الزام عائد ہونے کے بعد خود کو فلم کی کاسٹ سے الگ کرچکے ہیں، اُن کا کہنا تھا کہ ’میں کسی بھی ایسے شخص کے ساتھ کام کر کے اپنی ساکھ متاثر نہیں کرسکتا‘۔

    یاد رہے کہ ہدایت کار پر اسسٹنٹ ڈائریکٹر سالونی چوپڑا اور بھارتی خاتون صحافی نے جنسی ہراسانی کا الزام عائد کیا تھا جس کے بعد انڈسٹری میں بھونچال آگیا تھا کیونکہ ساجد خان کی فلم ’ہاؤس فل 4‘ کی شوٹنگ کا آغاز ہوگیا اور اسے اگلے برس دیوالی پر ریلیز ہونا تھا۔

  • سوئی میں‌ دھاگا ڈالنے کا دلچسپ چیلنج، بالی ووڈ کی معروف شخصیات ناکام

    سوئی میں‌ دھاگا ڈالنے کا دلچسپ چیلنج، بالی ووڈ کی معروف شخصیات ناکام

    ممبئی: بالی ووڈ انڈسٹری کی معروف شخصیات نے سوئی میں دھاگا ڈالنے کا چیلنج قبول تو کرلیا مگر  وہ  اس مشکل کام کو کرنے سے قاصر ہیں۔

    تفصیلات کے مطابق انوشکا شرما اور ورون دھون نے اپنی نئی آنے والی فلم ’سوئی دھاگا‘ کی انوکھی پروموشن کرتے ہوئے دیگر اداکاروں کو چیلنج کیا کہ وہ سوئی میں دھاگا ڈال کردکھائیں۔

    انوشکا شرما نے پہلا چیلنج کنگ خان کو دیا جنہوں نے اسے تسلیم کیا مگر ساتھ میں کمال ہوشیاری سے کام لیا، شاہ رخ خان نے ویڈیو شیئر کی جس میں انہوں نے بڑی سی سوئی میں آسانی کے ساتھ دھاگا ڈالا اور اپنی فتح کا خود ہی اعلان کردیا۔

    اکشے کمار نے بھی ویڈیو شیئر کی جس میں اُن کا کہنا تھا کہ انہیں ورون دھون نے 10 سیکنڈ کے اندر سوئی میں دھاگا ڈالنے کا چیلنج دیا۔ اداکار نے بہت کوشش کی مگر وہ ناکام رہے، انہوں نے کہا کہ اس سے بہتر کسی بلند و بالا عمارت سے چھلانگ لگانے کا کام دے دیا جاتا تو وہ میرے لیے اس سے زیادہ آسان تھا۔

    مزید پڑھیں: انوشکا نے ورن دھون کو اچھا شوہر قرار دے دیا

    عالیہ بھٹ چیلنج پورا کرنے میں کامیاب رہیں جبکہ ادیتیا رائے کپور اس میں ناکام رہے اسی طرح رنبیر کپور  نے بھی سب کو حیران کیا مگر ہدایت کار کرن جوہر ناکام رہے۔

    تمام اداکاروں نے انوشکا اور ورون کی فلم کے لیے نیک خواہشات کا اظہار کرتے ہوئے دیگر ساتھی اداکاروں کو بھی سوئی میں دھاگا ڈالنے کا چیلنج دیا۔

    واضح رہے کہ مہاتما گاندھی کو خراج تحسین پیش کرنے کے لیے ہدایت کار یش راج نے سوئی دھاگہ بنانے کا اعلان کیا تھا، اس فلم میں انوشکا اور ورون دھون پہلی بار ایک ساتھ مرکزی کردار ادا کررہے ہیں۔ سوئی دھاگہ 28 ستمبر 2018 کو سینما گھروں میں نمائش کے لیے پیش کی جائے گی۔

    دونوں اداکاروں نے اپنی نئی آنے والی فلم کی پروموشن کے سلسلے میں مصروف ہیں اور  اب وہ آرٹ کی تربیت و اہمیت سے متعلق مختلف تقاریب میں شرکت کررہے۔

  • اکشے اور سلمان ایک سال میں سب سے زیادہ کمانے والے اداکار

    اکشے اور سلمان ایک سال میں سب سے زیادہ کمانے والے اداکار

    واشنگٹن: امریکا کے نامور جریدے فوبز نے ایک سال کے دوران سب سے زیادہ کمانے والے اداکاروں کی فہرست جاری کردی جس کے ابتدائی 10 افراد میں اکشے کمار اور سلمان خان بھی جگہ بنانے میں کامیاب رہے۔

    تفصیلات کے مطابق امریکی جریدے فوبز نے گزشتہ برس جون 2017 سے جون 2018 تک سب سے زیادہ معاوضہ لینے والے اداکاروں کی فہرست جاری کی جس میں ہالی ووڈ کے  58 سالہ آسکر ایوارڈ یافتہ اداکار و ہدایت کار جارج کلونی 2 کروڑ 39 لاکھ لے کر سرفہرست رہے۔

    فوربز میگزین کی جانب سے شائع ہونے والی فہرست کے مطابق سابق ریسلر اور نامور ہالی ووڈ اداکار راک ایک سال میں 1 کروڑ چوبیس لاکھ ڈالرز معاوضہ لے کر دوسرے اسی طرح رابرٹ ڈوئنی 81 لاکھ روپے کے ساتھے تیسرے جبکہ چینی اداکار جیکی چن نے ایک سال میں 45 لاکھ پچاس ہزار ڈالرز کما کر پانچویں نمبر پر آئے۔

    مزید پڑھیں: سلمان خان اور دپیکا سب سے زیادہ کمانے والے بھارتی اداکار

    امریکی جریدے کی جانب سے شائع کردہ فہرست کے مطابق بالی ووڈ اداکار اکشے کمار نے سلمان خان کو پیچھے چھوڑ دیا اور وہ 40 لاکھ پچاس ہزار ڈالرز (بھارتی کرنسی کے حساب سے 284 کروڑ روپے) کے ساتھ ساتویں پوزیشن حاصل کرسکے۔

    بالی ووڈ کے دبنگ خان نے ایک سال میں 38 لاکھ پچاس ہزار ڈالرز (270 کروڑ روپے) کے ساتھ نویں نمبر پر رہے۔

    واضح رہے کہ امریکی جریدہ فوربز ہر سال دنیا بھر میں سب سے زیادہ معاوضہ لینے والے اداکاروں کی فہرست جاری کرتا ہے، جس میں فلموں کا باکس آفس پر کاروبار اور اداکار کی فیس کو مدنظر رکھا جاتا ہے۔

    یہ بھی پڑھیں: دنیا میں سب سے زیادہ معاوضہ کمانے والے 100 افراد کی فہرست جاری

    خیال رہے کہ گزشتہ برس جاری ہونے والی فوربز میگزین کی فہرست میں شاہ رخ خان آٹھویں سب سے زیادہ کمانے والے اداکار تھے تاہم امسال وہ جگہ بنانے میں ناکام رہے جبکہ اکشے کمار نے اوپر کی پوزیشن حاصل کی۔