Tag: al qassam brigades

  • حماس: القسام بریگیڈ نے مائن فیلڈ تباہ کردیا، متعدد اسرائیلی فوجی ہلاک

    حماس: القسام بریگیڈ نے مائن فیلڈ تباہ کردیا، متعدد اسرائیلی فوجی ہلاک

    فلسطین تحریکِ مزاحمت ‘حماس’ کے عسکری وِنگ ‘عزالدین القسام بریگیڈ’ کی جانب سے اعلان کیا گیا ہے کہ غزّہ کی پٹّی کے جنوبی شہر خان یونس کے مائن فیلڈ کو اُڑادیا گیا ہے، حملے میں متعدد اسرائیلی فوجی ہلاک اور زخمی بھی ہوئے ہیں۔

    بین الاقوامی خبر رساں ادارے کی رپورٹ کے مطابق القسام بریگیڈ کا اپنے بیان میں کہنا ہے کہ خان یونس کے مشرقی علاقے ‘الفخاری’ میں پہلے سے تیار شدہ باردوی سرنگ فیلڈ کو تباہ کردیا گیا ہے، جس کے باعث بڑی تعداد میں اسرائیلی فوجی ہلاک اور زخمی ہوئے ہیں۔

    حماس’ کے عسکری وِنگ القسام بریگیڈ کے مطابق اسرائیلی فوج کی دو عسکری ٹرانسپورٹ گاڑیوں، ایک ‘میرکاوا ‘ٹینک اور 2 عدد ‘ڈی9’ فوجی بلڈوزروں کو علاقے میں داخل ہوتے دیکھا گیا ہے۔

    واضح رہے کہ اسرائیل، 7 اکتوبر سے غزّہ پر جاری حملوں میں 17 ہزار بچوں اور 11 ہزار 378 عورتوں سمیت کُل 41 ہزار 615 فلسطینیوں کو موت کی نیند سلا چکا ہے، جبکہ اسرائیلی حملوں میں زخمی ہونے والے فلسطینیوں کی تعداد 96 ہزار 359 ہے۔

    دوسری جانب گزشتہ رات ایران کی جانب سے اسرائیل پر کئے گئے میزائل حملے کے بعد ایرانی وزیر خارجہ عباس عراغچی کا کہنا ہے کہ اسرائیل نے مزید جوابی کارروائی کی تو بھر جواب دیا جائے گا، اسرائیل پر ایران کا حملہ مکمل ہوگیا ہے۔

    ایرانی وزیر خارجہ عباس عراغچی کا سماجی رابطوں کی ویب سائٹ ایکس پر اپنے ایک بیان میں کہنا تھا کہ ایران نے اسرائیل کے خلاف اپنے دفاع کا استعمال کیا۔

    اسرائیل پر میزائلوں کی بارش، نیتن یاہو کا رد عمل سامنے آگیا

    اُن کا کہنا تھا کہ ہم نے اپنا جوابی حملہ کرنے سے قبل دو ماہ تک انتظار کیا کہ شاید غزہ میں جنگ بندی ہو جائے۔

    ایرانی وزیر خارجہ نے کہا کہ ایران کی کارروائی ختم ہو چکی ہے تاہم اگر اسرائیل مزید جوابی کارروائی کرتا ہے تو اس کا جواب بھرپور اور اس سے بھی زیادہ طاقت سے دیا جائے گا۔

    انہوں نے کہا کہ ایران نے اپنے دفاع کا حق استعمال کرتے ہوئے حملہ کیا، ایرانی حملے میں غزہ اور لبنان پر حملوں کیلئے استعمال ہونے والے اڈوں اور عسکری تنصیبات کو نشانہ بنایا گیا۔

  • القسام بریگیڈ کا حملہ، متعدد اسرائیلی فوجی مارے گئے

    القسام بریگیڈ کا حملہ، متعدد اسرائیلی فوجی مارے گئے

    رمضان المبارک کے بابرکت مہینے میں بھی غزہ میں اسرائیلی فوج کی جانب سے نہتے فلسطینیوں پر ظلم و ستم کا سلسلہ جاری ہے، ایسے میں القسام بریگیڈ نے بھرپور ردعمل دیتے ہوئے متعدد اسرائیلی فوجیوں کو واصل جہنم کردیا۔

    بین الاقوامی خبر رساں ادارے کی رپورٹ کے مطابق غزہ میں القسام بریگیڈ کا کہنا ہے کہ خان یونس میں اسرائیلی فوج کے دو یونٹس پر کامیاب حملہ کیا گیا۔ حملے میں متعدد اسرائیلی فوجی ہلاک اور زخمی ہوئے ہیں۔

    دوسری جانب اسرائیلی وزیراعظم نے عالمی دباؤ کو مسترد کرتے ہوئے رفح آپریشن کو آگے بڑھانے کا اعلان کیا ہے۔

    کئی ممالک سمیت بین الاقوامی اداروں اور انسانی حقوق کی تنظیموں نے اسرائیل سے مطالبہ کیا ہے کہ وہ رفح میں داخل نہ ہو جہاں 15 لاکھ فلسطینیوں نے پناہ حاصل کی ہے۔

    نیتن یاہو نے واشنگٹن ڈی سی میں اسرائیل نواز اے آئی پی اے سی تنظیم کی ایک کانفرنس سے ویڈیو خطاب میں کہا کہ ہم شہری آبادی کو نقصان کے راستے سے نکلنے کے قابل بناتے ہوئے رفح میں کام ختم کر دیں گے۔

    نیتن یاہو کے تبصرے ایسے وقت میں سامنے آئے ہیں جب یورپی یونین کے رہنما اسرائیل پر زور دینے کا ارادہ رکھتے ہیں کہ وہ رفح میں زمینی کارروائی شروع نہ کرے۔

    یو اے ای: غزہ متاثرین کیلیے امدادی سامان لے کر تیسرا بحری جہاز روانہ

    خبررساں ادارے کے مطابق یورپی سربراہی اجلاس کے مسودہ متن میں یورپی کونسل نے اسرائیلی حکومت پر زور دیا ہے کہ وہ رفح میں زمینی کارروائی سے باز رہے جہاں اس وقت دس لاکھ سے زائد فلسطینی لڑائی سے تحفظ اور انسانی امداد تک رسائی کے خواہاں ہیں۔

  • القسام بریگیڈ کا 15 اسرائیلی فوجیوں کو ہلاک کرنے کا دعویٰ

    القسام بریگیڈ کا 15 اسرائیلی فوجیوں کو ہلاک کرنے کا دعویٰ

    حماس کی جانب سے چند روز کے دوران 15 اسرائیلی فوجیوں کو مارنے کا دعویٰ سامنے آیا ہے۔

    غیر ملکی ذرائع ابلاغ کے مطابق ترجمان القسام بریگیڈ کا اس حوالے سے کہنا ہے کہ حملے میں اسرائیل کی 43 فوجی گاڑیاں تباہ کردی ہیں۔

    رپورٹس میں بتایا گیا ہے کہ حملے میں اسرائیل کے 4 فوجی ڈرون قبضے میں لیے گئے جبکہ تل ابیب پر بھی راکٹوں سے متعدد حملے کئے گئے۔

    دوسری جانب اسرائیلی فوج نے غزہ کی پٹی کے علاقے رفح کے سیف زون پر بھی حملے شروع کر دیے ہیں، رات بھر گولہ باری اور مکانات پر بمباری سے 130 فلسطینی شہید ہو گئے۔

    غیر ملکی میڈیا رپورٹس کے مطابق گزشتہ ہفتے اسرائیلی وزیر کی جانب سے رفح کے سیف زون کو نشانہ بنانے کے حوالے سے بیان کے بعد گزشتہ روز صہیونی فورسز نے بربریت کا مظاہرہ کرتے ہوئے رفح میں شدید بمباری کی، گزشتہ چوبیس گھنٹوں میں اسرائیلی حملوں میں ایک سو تیس فلسطینی شہید ہو گئے ہیں۔

    فلسطینی خبر رساں ادارے وفا نے بتایا کہ جنوبی غزہ کے علاقے رفح میں کنڈرگارٹن اسکول پر بھی اسرائیلی حملے میں کم از کم 2 بچے شہید ہو گئے ہیں، صہیونی فورسز نے خان یونس میں ہلال احمر کے یورپی ہیڈ کوارٹر پر بھی اسموک بم پھینکے۔

    کینیڈا کی بھی اسرائیلی آبادکاروں پر پابندی لگانے کی تیار

    اسرائیلی فوج نے چھاپا مار کارروائیوں میں مغربی کنارے سے 12 فلسطینیوں کو بھی گرفتار کیا۔ جنوبی غزہ میں اسرائیلی فوجی بھی ہلاک ہوا، جس سے زمینی کارروائی کے دوران ہلاک اسرائیلی فوجیوں کی تعداد 225 ہو گئی ہے۔

  • القسام بریگیڈ نے اسرائیلی ٹینکوں کو تباہ کرنے کی نئی ویڈیو جاری کر دی

    القسام بریگیڈ نے اسرائیلی ٹینکوں کو تباہ کرنے کی نئی ویڈیو جاری کر دی

    القسام بریگیڈ نے اسرائیلی ٹینکوں کو تباہ کرنے کی نئی ویڈیو جاری کر دی ہے۔

    تفصیلات کے مطابق حماس کی غزہ سٹی میں اسرائیل فوج کے ساتھ دوبدو جھڑپیں جاری ہیں، القسام بریگیڈ کی جانب سے جاری نئی ویڈیو میں دیکھا جا سکتا ہے کہ جنگجو اسرائیلی ٹینک کو راکٹ سے کس طرح نشانہ بناتا ہے۔

    ایک موقع پر بریگیڈ کے ایک جاں باز نے بے مثال دلیری کا مظاہرہ کرتے ہوئے ٹینک کے قریب جا کر اس میں دھماکا خیز مواد رکھا اور اس طرح ٹینک کو اڑا دیا۔

    واضح رہے کہ آج اسرائیلی کی غزہ پر بمباری کا 45 واں دن ہے، الشفا اسپتال کو تباہ کرنے کے بعد صہیونی فورسز نے انڈونیشیا اسپتال کا بھی گھیراؤ شروع کر دیا ہے، جہاں براہ راست گولہ باری سے ایک ڈاکٹر زخمی ہو گیا ہے۔

    اسرائیلی ٹینکوں نے العودہ اسپتال پر بھی حملہ کیا، جس سے اسپتال کے اطراف میں آگ بھڑک اٹھی، نصریات پناہ گزین کیمپ پر اسرائیلی بمباری میں مزید 25 فلسطینی شہید ہو گئے ہیں، اور 7 اکتوبر سے غزہ پر اسرائیلی یلغار میں ساڑے پانچ ہزار بچے اور ساڑے تین ہزار خواتین سمیت 14 ہزار چار سو فلسطینی شہید ہو چکے ہیں، جب کہ الشفا اسپتال کے ڈھائی سو زخمیوں کی کوئی خبر نہیں ہے۔