Tag: alcohol

  • ریلوے اسٹیشن پر شراب فروخت کرنے والا معذور مسافر گرفتار

    ریلوے اسٹیشن پر شراب فروخت کرنے والا معذور مسافر گرفتار

    حیدر آباد: ریلوے پولیس نے شراب فروخت کرنے والے معذور مسافر کو دھر لیا، مسافر کی چیکنگ کے دوران شراب کی بوتلیں برآمد ہوئیں۔

    تفصیلات کے مطابق حیدر آباد ریلوے اسٹیشن پر ریلوے پولیس نے کارروائی کر کے شراب فروخت کرنے والے شخص کو پکڑ لیا۔

    پولیس کا کہنا ہے کہ ریلوے اسٹیشن حیدر آباد پر بیساکھیوں کی مدد سے چلنے والے مسافر کی چیکنگ کے دوران شراب برآمد ہوئی، معذور مسافر کے بیگ سے کپڑے اور خاکی لفافے میں سے 4 عدد شراب کی بوتلیں برآمد ہوئیں۔

    پولیس کے مطابق بیگ سے 6 عدد اسمارٹ موبائل فون بھی برآمد ہوئے۔

    ملزم نے خود کو موبائل ٹیکنیشن بتایا اور شراب فروخت کرنے کا جرم بھی تسلیم کر لیا، ملزم کے خلاف تھانہ ریلوے پولیس حیدر آباد میں مقدمہ درج کرلیا گیا۔

  • ہینڈ سینی ٹائزر پینے سے 7 افراد ہلاک، 2 کوما میں

    ہینڈ سینی ٹائزر پینے سے 7 افراد ہلاک، 2 کوما میں

    روس میں ایک پارٹی میں موجود 9 افراد نے الکوحل ختم ہونے پر ہینڈ سینی ٹائزر پی لیا جس سے 7 افراد کی موت واقع ہوگئی جبکہ بقیہ 2 کوما میں چلے گئے۔

    یہ واقعہ روس کے علاقے یاکٹویا میں پیش آیا جہاں 9 افراد ایک گھر میں جمع ہو کر پارٹی کر رہے تھے، مذکورہ افراد نے الکوحل ختم ہونے پر اس کی جگہ روس میں تیار کردہ اینٹی سیپٹک سینی ٹائزر پی لیا۔

    سینی ٹائزر پینے کے بعد تمام افراد کی حالت غیر ہوگئی، 7 افراد جلد دم توڑ گئے جبکہ بقیہ دو انتہائی نگہداشت کے یونٹ میں کوما میں ہیں۔

    فیڈرل پبلک ہیلتھ واچ ڈاگ کا کہنا ہے کہ ہینڈ سینی ٹائزر پوائزننگ کے 9 کیس رپورٹ کیے گئے جس میں سے 7 جان لیوا ثابت ہوئے۔

    مقامی پولیس کے مطابق مذکورہ افراد میں 41 سالہ خاتون سمیت 27 سے 70 سال کی عمر تک کے افراد شامل ہیں۔

    پولیس کے مطابق سینی ٹائزر میں 69 فیصد میتھانول شامل تھا اور یہ ہینڈ سینی ٹائزر کے معیار پر نہیں اترتا تھا۔ واقعے کی تفتیش کرمنل کیس کے تحت کی جارہی ہے۔

  • یواےای میں شراب نوشی پر سزا ہوگی، برطانوی حکام کی شہریوں کو تنبیہ

    یواےای میں شراب نوشی پر سزا ہوگی، برطانوی حکام کی شہریوں کو تنبیہ

    ابو ظہبی : برطانوی قونصل خانے نے برطانوی شہریوں کو خبردار کیا ہے کہ اماراتی شہروں میں شراب نوشی کرنے پر سیاحوں کو   پکڑا گیا تو انہیں سزا اور جرمانےکا سامنا کرنا پڑے گا۔

    تفصیلات کے مطابق سیاحت کی غرض سے متحدہ عرب امارات کا سفر اختیار کرنے والے برطانوی شہریوں کو حکومت نے خبردار کیا ہے کہ امارات کے سفر کے دوران شراب پینے والے سیاحوں کو  جیل جانا پڑسکتا ہے۔

    برطانوی حکام کی جانب سے کہا ہے کہ متحدہ عرب امارات کا سفر کرنے سیاحوں کو پہلے بھی بغیر لائسنس شراب نوشی کرنے پر اماراتی عدالتیں قید کی سزائیں دے چکی ہیں۔

    برطانوی قونصل خانے کی جانب سے جاری بیان میں کہا ہے کہ ’متحدہ عرب امارات میں شراب نوشی ممنوع ہے، برطانیہ کے شہریوں کو اماراتی رسم و رواج کی پاسداری کرنی چاہیے۔

    قونصل خانے نے برطانوی شہریوں  کو متبنہ کرتے ہوئے کہا ہے کہ اگر کوئی بھی سیاح بغیر لائسنس ممنوع اشیاء لے جاتے یا نوش کرتے ہوئے پکڑا گیا یا ان کے میڈیکل چیک اپ کے دوران خون میں شراب شامل ہوئی تو انہیں بھاری جرمانے یا سزا کا سامنا کرنا پڑے گا۔

    یاد رہے کہ 31 اگست کو دبئی کی عدالت نے برطانوی سیاح کو شراب پینے، دو پولیس افسران پر تشدد کرنے اور پبلک پراپرٹی کو نقصان پہنچانے کے جرم میں سزا سناتے ہوئے ٹرائل پر جیل بھیج دیا۔

    عدالت نے برطانوی شخص پر الزام ثابت ہونے پر بغیر لائسنس کے شراب پینے، خاتون پولیس افسر پر تشدد کرنے اور پولیس کار کو نقصان پہنچانے کے جرم میں سزا سناتے ہوئے ٹرائل پر جیل بھیجنے کا حکم دے دیا۔

    غیر ملکی خبر رساں ادارے کا کہنا تھا کہ مذکورہ شخص کو رواں برس 6 فروری کو گرفتار کیا گیا تھا۔

  • بوتلوں میں شراب نہیں شہد اور زیتون کا تیل تھا، ناصر حسین شاہ

    بوتلوں میں شراب نہیں شہد اور زیتون کا تیل تھا، ناصر حسین شاہ

    کراچی : پیپلز پارٹی کے رہنما ناصر حسین شاہ کا کہنا ہے کہ شرجیل میمن کے کمرے سے برآمد ہونے والی بوتلوں میں شراب نہیں شہداورزیتون کاتیل تھا، چیف جسٹس خودشرجیل کا میڈیکل چیک اپ کرالیں۔

    تفصیلات کے مطابق اسپتال میں شرجیل میمن کے کمرے سے شراب کی بوتلوں کی برآمدگی پر پی پی رہنما ناصر حسین شاہ نے میڈیا سے گفتگو کرتے ہوئے کہا کہ بوتلوں میں شراب نہیں شہداورزیتون کاتیل تھا، چیف جسٹس کیلئے ہمارے دل میں بڑا احترام ہیں، چیف جسٹس خود شرجیل کا میڈیکل چیک اپ کرالیں۔

    ناصرحسین شاہ کا کہنا تھا کہ اسپتال کے کچن سے ملنے والی بوتلوں کا بھی ٹیسٹ کرالیا جائے، شرجیل میمن کی سرجری ہوئی ہے، انھیں اب بھی دو سے تین ہفتے ڈریسنگ کی ضرورت ہے۔

    انھوں نے مزید کہا کہ سرجری ریکارڈ کا حصہ ہے، بے شک انکوائری کرالی جائے، شرجیل میمن کے ڈرائیور اور ملازمین کی بلاجواز گرفتاری کی گئی۔

    یاد رہے الصبح چیف جسٹس نے ضیاء الدین اسپتال کا مختصر دورہ کیا اور وہاں زیرعلاج شرجیل میمن کے کمرے میں گئے، جہاں پیپلزپارٹی کے رہنما کے کمرے سے شراب کی بوتلیں برآمد ہوئیں تھیں۔

    مزید پڑھیں : چیف جسٹس کا ضیاء الدین اسپتال کا دورہ‘ شرجیل میمن کےکمرے سےشراب کی بوتلیں برآمد

    بعد ازاں چیف جسٹس نے سپریم کورٹ کراچی رجسٹری میں کیسز کی سماعت کے دوران کہا کہ شرجیل میمن کے کمرے سے شراب کی 3بوتلیں ملیں، اٹارنی جنرل کہاں ہیں؟ جائیں دیکھیں۔

    انہوں نے اٹارنی جنرل کو مخاطب کرتے ہوئے کہا تھا کہ انورمنصور خان صاحب! ذرا اس طرف بھی توجہ دیں، آپ نے بہت اچھے کام کیے مگر یہ دیکھیں۔

    چیف جسٹس آف پاکستان کا کہنا تھا کہ جب شرجیل میمن سے شراب کی بوتلوں سے متعلق پوچھا تو کہا کہ میری نہیں ہے۔

  • امریکی صدارتی امیدوارملالہ کے ساتھ ’شراب نوشی‘ کے خواہش مند

    امریکی صدارتی امیدوارملالہ کے ساتھ ’شراب نوشی‘ کے خواہش مند

    فلوریڈا: امریکی صدارتی امیدوارنے عالمی شہرت یافتہ مسلم سماجی رہنما ملالہ یوسف زئی کے ہمراہ بیئر پینے کی خواہش کا اظہارکردیا۔

    امریکی صدارتی امیدوارنے اپنی اس انوکھی خواہش کا اظہارنیوہیمشائرمیں واقع سینٹ اینسلم کالج میں ایک سوال کے جواب میں کیا، جب ان سے پوچھا گیا کہ وہ کونسی غیر سیاسی شخصیت ہیں جس کے ساتھ وہ شراب نوشی پسند کریں گے۔

    سوال کے جواب میں امریکی صدارتی امیدوار نے اس عجیب خواہش کا اظہارکیا جبکہ وہ جانتے ہیں کہ ملالہ تاحال ایک ٹین ایجرہیں اوراسلامی قانون انہیں شراب نوشی کی اجازت نہیں دیتا۔

    ملالہ یوسف زئی اکتوبر 2012 میں طالبان کے قاتلانہ حملے میں شدید زخمی ہوگئی تھیں جس کے بعد وہ علاج کی غرض سے برطانیہ چلی گئیں تھیں جہاں وہ اپنے خاندان کے ساتھ تاحال رہائش پذیرہیں۔

    پاکستانیوں کی ایک تعداد ایسی بھی ہے جو کہ ملالہ کو اس بنا پرپسند نہیں کرتی کہ وہ سمجھتے ہیں کہ ملک کے مسائل کو بین الاقوامی سطح پرنشرکرنا درست نہیں ہے۔

    ملالہ کو گزشتہ سال بھارتی سماجی رہنما کیلاش ستیارتھی کے ہمراہ بچوں کی تعلیم کے فروغ کے لئے مشترکہ طور پر نوبیل انعام سے نوازا گیا تھا اوروہ پرامید ہیں کہ ایک دن وہ پاکستان کی وزیراعظم کے عہدے پر فائز ہوں گی۔