لاہور: سینئر وزیر پنجاب عبدالعلیم خان کا کہنا ہے کہ وزیراعظم کی بہتر منصوبہ بندی سے پاکستان کوروناپرعالمی انڈیکس میں ترقی یافتہ ممالک سے بھی آگے نکل گیا۔
تفصیلات کے مطابق سینئر وزیر پنجاب عبدالعلیم خان نے پاکستان سےمتعلق اکانومسٹ سروے پر اپنے ٹوئٹ میں کہا وزیراعظم کی بہتر منصوبہ بندی سے عالمی سطح پر رینکنگ بہتر ہوئی، کوروناپرعالمی انڈیکس میں ترقی یافتہ ممالک سےبھی آگے نکل گیا، وزیر اعظم ویژن کے تحت پاکستان نےکورونا پربہتر اقدامات کئے، کوروناکےدوران مثبت پالیسیوں کو عالمی سطح پر سراہا گیا ہے۔
عبدالعلیم خان کا کہنا تھا کہ اکانومسٹ کاگلوبل انڈیکس میں پاکستان کو84.4گریڈدینالائق تحسین ہے، الحمد اللہ کورونا کی تینوں لہروں کا احسن انداز میں سامنا کیا ہے، امید ہے مستقبل میں بھی کورونا کے چیلنجز سے بخوبی نمٹا جائے گا۔
Due to PMIK’s policies & ingenious strategies during COVID, Pak is 3rd country globally as reported by The Economist’s Normalcy Index with 84.4 in global index levels leaving behind most progressed & advanced countries. This is the difference Naya Pakistan has made in world.
— Abdul Aleem Khan (@aleemkhan_pti) July 5, 2021
انھوں نے مزید کہا کہ پاکستان کا ہانگ کانگ ،نیوزی لینڈ کے بعد تیسرے نمبر پر آنا خوش آئندہے، المی جریدےبھی وزیراعظم کی کامیاب حکمت عملی کے معترف ہیں۔
سینئر وزیر پنجاب کا کہنا تھا کہ کوروناکی شرح تسلی بخش ہےپھربھی شہریوں کو احتیاط یقینی بنانا ہوگی، شہری حفاظتی اقدامات کو یقینی بنا کر وزیر اعظم عمران خان کا ساتھ دیں۔
