ARYNews.tv | Urdu – Har Lamha Bakhabar

Tag: Alert

  • ایران نے اسرائیل پر درجنوں میزائل داغ دیئے

    ایران نے اسرائیل پر درجنوں میزائل داغ دیئے

    تہران : ایران  نے اسرائیل پر جوابی حملہ کرتے ہوئے درجنوں میزائل داغ دیئے، حملوں میں اسرائیل کی اہم تنصیبات کو نشانہ بنایا جارہا ہے۔

    غیر ملکی خبر رساں ادارے کی رپورٹ کے مطابق ایرانی میزائل حملوں کے بعد اسرائیل بھر میں سائرن گونج اٹھے۔ ایرانی میزائلوں کو اردن میں روکا جارہا ہے۔

    ایرانی میڈیا رپورٹس کے مطابق ایران اسرائیلی حیفا بندرگاہ ،اشکلون اور اوروٹ پاور پلانٹس پر حملے کرے گا۔

    ایرانی سرکاری ٹی وی کی رپورٹ میں بتایا گیا ہے کہ اسرائیل میں فوجی اہداف کو نشانہ بنایا جارہا ہے، میزائل اور ڈرون حملوں میں اسرائیلی فوجی تنصیبات کو شدید نقصان پہنچا ہے۔

    رپورٹ کے مطابق ایران نے اسرائیل پر سیکڑوں میزائلوں اور ڈرونز سے حملہ کردیا، جس میں اب تک 14اسرائیلی زخمی ہونے کی اطلاعات ہیں جن میں سے ایک کی حالت تشویشناک بتائی جاتی ہے۔ ایرانی جوابی حملوں میں اہم اہداف کو ہٹ کیا گیا، ایران نے دعویٰ کیا ہے کہ اسرائیلی دفاعی نظام میزائلوں اور ڈرونز کو نہ روک سکا۔

    ایران کے سرکاری میڈیا نے بتایا ہے کہ تازہ حملے میں ایران نے اسرائیل پر 100 سے زائد میزائل داغ دیے، مختلف علاقوں میں میزائلوں کا ملبہ گرنے اور آگ لگنے کی اطلاعات ملی ہیں۔

    دوسری جانب پاسدارانِ انقلاب نے کہا ہے کہ آپریشن وعدہ صادق سوم کے دوسرے مرحلے میں ایرانی افواج نے اسرائیل پر میزائل اور ڈرونز داغے، یہ حملہ اسرائیل کے تازہ فضائی حملوں کے جواب اور ایران کے دفاع اور سلامتی کے تحفظ کیلئے کیا گیا ہے۔

    اسرائیلی فوج نے لوگوں کو محفوظ پناہ گاہوں میں جانے کا حکم دے دیا، ایران کے حملوں کے خطرے کے پیش نظر اسرائیلی حکومت نے شہریوں کیلیے الرٹ جاری کردیا ہے، اسرائیلی حکومت نے شہریوں کو محفوظ پناہ گاہوں کے قریب رہنے کی ہدایت دی ہے۔

    اسرائیلی فوج کا کہنا ہے کہ تمام شہری محفوظ مقامات کے قریب رہیں اور شہری اگلے نوٹس تک پناہ گاہوں سے دور نہ جائیں۔

    خبر رساں ادارے الجزیرہ کی جانب سے جاری تصدیق شدہ ویڈیو میں اسرائیل کے آسمانوں پر ایرانی میزائل آتے ہوئے دکھائی دے رہے ہیں۔

    یہ ویڈیو سوشل میڈیا پر پوسٹ کی گئی ہے جس میں شمالی اسرائیل کی فضا میں ایرانی کروز میزائلوں کو باآسانی دیکھا جا سکتا ہے۔

    دوسری جانب ایرانی فوج کا کہنا ہے کہ اس نے جارح صیہونی حکومت کے حملوں کے جواب میں کامیابی سے اسرائیلی اہداف کو نشانہ بنایا ہے۔ ایران کی مسلح افواج صیہونی دشمن کو بھاری ضربیں لگائیں گی۔

    مزید پڑھیں : ایران کا اسرائیل کے خلاف بہت جلد بڑی کارروائی کا فیصلہ

    اس سے قبل ایک بیان میں ایرانی حکومت کا کہنا تھا کہ اسرائیل نے ایران پر حملوں کی نئی لہرشروع کر دی ہے، اسرائیلی حملوں کے بعد ایران کے کئی شہروں میں ایئر ڈیفنس سسٹم متحرک کردیا گیا۔

    غیر ملکی خبرایجنسی کے مطابق ایرانی شہروں میں دھماکوں کی آوازیں سنی جارہی ہیں، تہران، بندرعباس ،تبریز، اصفہان، ہرمزگان، کرمانشاہ، مغربی آذربائیجان پر اسرائیلی فوج کی جانب سے حملے کیے گئے۔

  • سمندری طوفان : محکمہ موسمیات نے 11 واں الرٹ جاری کردیا

    سمندری طوفان : محکمہ موسمیات نے 11 واں الرٹ جاری کردیا

    بحیرہ عرب میں بائپر جوائے طوفان تیزی سے پاکستان کی جانب بڑھ رہا ہے محکمہ موسمیات نے 11 واں الرٹ جاری کردیا،جس میں موسلادھار بارشوں اور آندھی کی پیشگوئی کی گئی ہے۔

    تفصیلات کے مطابق محکمہ موسمیات نے طوفان بائپر جوائے کے حوالے سے 11 واں الرٹ جاری کردیا ہے، مشرقی وسطیٰ بحیرہ عرب میں انتہائی شدید سمندری طوفان مزید شدت اختیار کرگیا۔

    محکمہ موسمیات کے مطابق طوفان کا رخ گزشتہ 12 گھنٹے کے دوران مسلسل شمال کی جانب رہا، طوفان اس وقت کراچی کے جنوب میں 760کلومیٹر فاصلے پر موجود ہے۔

    موسم کی صورتحال بتانے والوں کا کہنا ہے طوفان کا ٹھٹھ سے فاصلہ 740جبکہ اورماڑہ سے فاصلہ 840کلومیٹر ہے، طوفان کے مرکز اور گرد 150 سے160 کلومیٹر فی گھنٹہ کی رفتار سے ہوائیں چل رہی ہیں۔

    طوفان کے ہمراہ موجود ہواؤں کی رفتار 180 کلومیٹر فی گھنٹہ تک تجاوز کررہی ہیں، لہروں کی انتہائی بلندی انتہائی غیرمعمولی طور پر 40 فٹ تک ریکارڈ ہورہی ہے۔

    لہروں کی بلندی انتہائی غیر معمولی طور پر 40 فٹ تک ریکارڈ ہو رہی ہیں۔ سازگار ماحولیاتی حالات اور 30 سے32 ڈگری درجہ حرارت اور عمودی اوپری سطح کی ہوائیں طوفان کی شدت کو برقرار رکھ سکتی ہیں۔

    مزید پڑھیں : سمندری طوفان کا خدشہ، کمشنر کراچی نے بڑا حکم نامہ جاری کر دیا

    واضح رہے کہ سمندری طوفان کے خدشے کے باعث کمشنر کراچی نے شہر سے بل بورڈز، سائن بورڈز سمیت اشتہاری مواد کو ہٹانے کا حکم جاری کر دیا ہے۔

    اے آر وائی نیوز کے مطابق بحیرہ عرب میں بننے والے طوفان بائپر جوائے جو اس وقت کراچی سے 770 کلومیٹر دور ہے تاہم تیزی سے آگے بڑھ رہا ہے۔ اس طوفان میں کی شدت وقت گزرنے کے ساتھ بڑھتی جا رہی ہے۔

     

  • بھارت : ہندو جتھوں سے تنگ مسلمان "مساجد” میں پناہ لینے پر مجبور

    بھارت : ہندو جتھوں سے تنگ مسلمان "مساجد” میں پناہ لینے پر مجبور

    نئی دہلی: جنونی ہندوؤں کے ہاتھوں پیدا کئے گئے فرقہ وارانہ فسادات نے بھارتی صوبہ مدھیہ پردیش کو ہلا کر رکھ دیا ہے اور نہتے مسلمان مساجد میں رہنے پر مجبور ہیں۔

    بھارتی میڈیا رپورٹ کے مطابق رام نومی کے موقع پر ہندوتوا نظریئے کے پیروکار جتھوں کے ہاتھوں کھرگون شہر تباہ وبرباد ہوگیا ہے، خوفزدہ ہزاروں مقامی مسلمان نقل مکانی پر مجبور ہیں کچھ لوگوں نے قریبی مساجد میں پناہ لے رکھی ہے۔

    مسلمانوں پر تشدد کی ویڈیو کو عالمی میڈیا نے اپنی خبروں کی زینت بنایا ہے، ویڈیو میں جان بچانے والے مسلمانوں کو مساجد میں لیٹا دکھایا گیا ہے جبکہ تشدد کے وقت جائے وقوع سے بھاگ کر اپنی جان بچانے والی ایک مسلم خاتون نے بتایا کہ فسادیوں نے اس کا گھر تک جلا دیا تھا، میرا پورا گھر جلا دیا گیا، میری تین بیٹیاں ہیں، اور اب ہم مسجد میں سونے کے لیے مجبور ہیں۔ Imageبھارتی میڈیا کے مطابق کھرگون تشدد کے نتیجے میں جان بچا کر علاقے سے بھاگ جانے والے مسلمانوں کی حتمی تعداد کا تعین نہیں کیا جاسکا تاہم دعویٰ کیا جارہا ہے کہ اب تک ہزار سے زائد مسلمان اپنا گھر بار چھوڑ کر جاچکے ہیں۔

    کھرگون واقعے پر کانگریس اور بی جے پی کے درمیان لفظی جنگ جاری ہے، مقامی کانگریس رہنما کا کہنا ہے کہ رام نومی جلوس میں حصہ لینے کے لیے کھرگون میں موجود مشرا کی اشتعال انگیز تقریر کے بعد فرقہ وارانہ کشیدگی بڑھی۔

    کانگریس کے سینئر لیڈر دگ وجے سنگھ کا کہنا تھا کہ مشرا جہاں بھی جاتے ہیں تشدد پیدا ہوتا ہے۔

    دوسری جانب مدھیہ پردیش پولیس، ایس ڈی ایم اور محکمہ محصولات نے بھی اس مذموم کارروائی میں اپنا حصہ ڈالا اور مسلمانوں کے گھروں کو بلڈوز کیا گیا، جس پر پولیس کا موقف تھا کہ صرف ان گھروں کو بلڈوزر سے گرایا گیا ہے جو سرکاری زمین پر تعمیر کیے گئے تھے۔

    واضح رہے کہ رام نومی ریلی کے دوران اس وقت جلوس پر پتھراؤ کیا گیا جب منتظمین کی جانب سے مسلمانوں کو نشانہ بنانے والے اور مسلم خواتین سے متعلق نازیبا اور قابل اعتراض گانے بجائے گئے۔

  • کراچی والے ہوشیار! شدید گرمی کا الرٹ جاری

    کراچی والے ہوشیار! شدید گرمی کا الرٹ جاری

    کراچی: صوبہ سندھ کے دارالحکومت کراچی میں کل سے شدید گرمی کا الرٹ جاری کردیا گیا، شدید گرمی کی نئی لہر یکم اپریل تک جاری رہے گی۔

    تفصیلات کے مطابق محکمہ موسمیات نے کل سے کراچی میں شدید گرمی کا الرٹ جاری کر دیا، کراچی میں کل درجہ حرارت 41 ڈگری سینٹی گریڈ تک جانے کا امکان ہے۔

    محکمہ موسمیات کا کہنا ہے کہ شدید گرمی کی نئی لہر یکم اپریل تک جاری رہے گی۔

    اس دوران دن کے اوقات میں سمندری ہوائیں بند رہیں گی، گرم اور خشک ہوا سے گرمی کی شدت زیادہ محسوس ہوگی۔

  • کراچی والے ہوشیار! گرمی کا الرٹ جاری

    کراچی والے ہوشیار! گرمی کا الرٹ جاری

    کراچی: صوبہ سندھ کے دارالحکومت کراچی میں گرمی کا الرٹ جاری کردیا گیا، شہر میں پارہ 38 ڈگری تک جانے کا امکان ہے۔

    تفصیلات کے مطابق محکمہ موسمیات نے کراچی میں گرمی کا الرٹ جاری کر دیا، شہر میں 25 سے 27 مارچ کے دوران شدید گرمی ہوگی۔

    محکمہ موسمیات کا کہنا ہے کہ کراچی میں پارہ 38 ڈگری تک جانے کا امکان ہے، تاہم گرم اور خشک ہوا کے باعث گرمی کی شدت 40 ڈگری تک محسوس ہوگی۔

    شہر قائد میں 27 مارچ کے بعد گرمی میں کمی کا امکان ہے۔

  • سمندری طوفان شاہین کے حوالے سے ایک اور الرٹ جاری

    سمندری طوفان شاہین کے حوالے سے ایک اور الرٹ جاری

    کراچی: محکمہ موسمیات نے طوفان شاہین کے حوالے سے نواں الرٹ جاری کردیا، طوفان شاہین گوادر سے 300 کلو میٹر کے فاصلے پر ہے جس کے اثرات سے گوادر، کیچ اور پنجگور میں آج بارشوں کا امکان ہے۔

    تفصیلات کے مطابق محکمہ موسمیات نے طوفان شاہین کے حوالے سے نواں الرٹ جاری کردیا، طوفان شاہین بحریہ عرب کے شمال مغرب اور خلیج عمان کے ملحقہ ایریاز پر موجود ہے، طوفان 10 کلو میٹر فی گھنٹہ کی رفتار سے گزشتہ 12 گھنٹوں میں مغرب کی جانب بڑھا۔

    سمندری طوفان کراچی سے 780 کلو میٹر اور اورماڑہ سے 530 کلو میٹر فاصلے پر ہے۔

    طوفان شاہین گوادر سے 300 کلو میٹر کے فاصلے پر ہے، سمندری طوفان کے اثرات سے گوادر، کیچ اور پنجگور میں آج بارشوں کا امکان ہے۔

    محکمہ موسمیات کا کہنا ہے کہ سمندری طغیانی کے باعث بلوچستان کے ماہی گیر سمندر میں جانے سے گریز کریں، سندھ کے ماہی گیر آج سے سمندر میں اپنی سرگرمیاں شروع کر سکتے ہیں۔

    محکمہ موسمیات کے مطابق کراچی کا موسم جزوی ابر آلود رہنے کا امکان ہے تاہم بارش کا کوئی امکان نہیں۔

  • کراچی والے ہوشیار! ہیٹ ویو آنے کو ہے

    کراچی والے ہوشیار! ہیٹ ویو آنے کو ہے

    کراچی: صوبہ سندھ کے دارالحکومت کراچی میں ایک بار پھر سورج قہر برسانے کو ہے، محکمہ موسمیات نے جلد شہر میں ہیٹ ویو کی پیشگوئی کردی۔

    تفصیلات کے مطابق محکمہ موسمیات کا کہنا ہے کہ یکم تا 3 مئی کراچی میں ہیٹ ویو ہونے کا امکان ہے، اس دوران درجہ حرارت 40 سے 42 ڈگری سینٹی گریڈ تک پہنچنے کا امکان ہوگا۔

    ہیٹ ویو کے دوران سمندری ہوائیں معطل رہیں گی، ہیٹ ویو سینٹر کے مطابق اس دوران شمالی اور شمال مغربی گرم و خشک ہوائیں چل سکتی ہے۔

    اس سے قبل 28 سے 30 اپریل تک پارہ 37 سے 39 ڈگری تک رہنے کا امکان ہے۔

    ماہرین کا کہنا ہے کہ لوگ بڑھتی ہوئی گرمی کے پیش نظر پانی کا زیادہ سے زیادہ استعمال کریں، دھوپ میں گھر یا دفاتر سے باہر نکلنے سے گریز کریں اور اگر بحالت مجبوری نکلنا بھی پڑے تو سر کو ڈھانپ کر نکلیں۔

    ماہرین کے مطابق ہیٹ ویو کے دوران شہریوں کو چاہیئے کہ دن 11 بجے سے دوپہر 3 بجے تک گھروں میں ہی رہیں اور ہلکے رنگ کے کپڑے استعمال کریں۔

    یاد رہے کہ شہر قائد مارچ کے اواخر سے ہی شدید گرمی کی لپیٹ میں ہے، اب ہیٹ ویو کی متوقع آمد اور رمضان المبارک کا ایک ساتھ آغاز روزہ داروں کو پریشانی میں مبتلا کرسکتا ہے۔

  • قیلولے اور کافی کا امتزاج سستی بھگانے کے لیے مؤثر

    قیلولے اور کافی کا امتزاج سستی بھگانے کے لیے مؤثر

    دن کے وسط میں اکثر افراد سستی اور غنودگی محسوس کرنے لگتے ہیں جسے بھگانے کے لیے کچھ لوگ قیلولہ کرتے ہیں تو کچھ کافی سے مدد لیتے ہیں۔

    لیکن کیا آپ کو معلوم ہے اگر آپ کافی پینے کے ساتھ قیلولہ کریں تو آپ کی مستعدی میں اضافہ ہوگا اور آپ خود کو زیادہ چاک و چوبند محسوس کریں گے؟

    ماہرین اسے ’نیپ۔چینو‘ کا نام دیتے ہیں۔ ان کا کہنا ہے کہ صرف قیلولہ کرنا یعنی کچھ دیر سونا یا صرف کافی پینا سستی و غنودگی بھگانے کے لیے کافی نہیں۔

    اگر آپ دونوں کو ایک ساتھ استعمال کریں گے تو آپ دگنا فائدہ حاصل کرسکتے ہیں۔ کافی پینے کے بعد 20 منٹ کا قیلولہ آپ کو پہلے سے زیادہ چاک و چوبند بنادے گا۔

    آئیں دیکھتے ہیں یہ امتزاج کیسے کام کرتا ہے۔

    ہمارے دماغ میں ایک کیمیکل ایڈنوسین پیدا ہوتا ہے جو اگر بہت ساری مقدار میں جمع ہوجائے تو ہم غنودگی محسوس کرنے لگتے ہیں۔

    جب ہم کافی پیتے ہیں تو کیفین دماغ کے ریسیپٹرز کو ایڈنوسین وصول کرنے سے روک دیتی ہے، تاہم کیفین کو خون میں شامل ہو کر اپنا کام دکھانے کے لیے 20 منٹ درکار ہیں۔

    ایسے وقت میں قیلولہ کام کرتا ہے۔ نیند قدرتی طور پر دماغ سے ایڈنوسین کو صاف کردیتی ہے۔

    اب جب آپ کافی پی کر قیلولہ کریں گے تو غنودگی ویسے ہی ختم ہوجائے گی، اس کے بعد ہمارے دماغ میں کیفین موجود ہوگی جو غنودگی کو دوبارہ پیدا ہونے سے روکے گی، یوں ہم پہلے سے زیادہ اور طویل وقت کے لیے مستعد اور چاک و چوبند رہ سکتے ہیں۔

    سنہ 2006 میں کی جانے والی ایک تحقیق میں دیکھا گیا کہ نائٹ شفٹ میں کام کرنے والوں نے جب ’نیپ۔چینو‘ کا وقفہ لیا تو وہ زیادہ الرٹ اور ہوشیار رہے۔

    لیکن اس ترکیب کو آزمانے سے پہلے کچھ چیزیں یاد رکھنی ضروری ہیں۔

    قیلولہ 20 منٹ سے زیادہ نہ ہو، اس سے زیادہ سونا آپ کو گہری نیند میں لے جائے گا جس سے جاگنے کے لیے آپ کو کافی وقت لگے گا۔

    اگر آپ نیند کے عارضے کا شکار ہیں تو اس سے پرہیز کریں۔ یہ طریقہ آپ کے لیے سونے کے مسائل میں مزید اضافہ کرسکتا ہے۔

    اگر آپ کو کافی نہیں پسند تو اس کی جگہ سبز چائے بھی استعمال کی جاسکتی ہے۔ اس کے اثرات بھی بالکل کافی جیسے ہی ہوں گے۔

  • دماغی چوٹ والے افراد کے لیے سگریٹ خطرناک قرار

    دماغی چوٹ والے افراد کے لیے سگریٹ خطرناک قرار

    کوپن ہیگن: ڈنمارک کے محقیقین نے متنبہ کیا ہے کہ سر پر لگنے والی چوٹ سے یاداشت کمزور اور دیگر بیماریاں لاحق ہوسکتی ہیں جس سے بچنے کے لیے سگریٹ و شراب نوشی کی عادت ترک کرنی ہوگی۔

    تفصیلات کے مطابق ڈنمارک کے ماہرین کی جانب سے  دماغی بیماریوں کے حوالے سے تحقیق کی گئی جس میں تیس لاکھ افراد کی میڈیکل ہسٹری کا مشاہدہ کرتے ہوئے اُن کی دماغی کیفیت اور بیماریوں کی تفصیلات جمع کی گئیں۔

    محقیقین نے ایسے افراد کو متنبہ کیا ہے کہ جنہیں ماضی میں کبھی سر پر کوئی اندرونی چوٹ لگی اور وہ ڈیمنیشیا جیسی بیماری سے بچنا چاہتے ہوں تو انہیں چاہیے کہ وہ فوری طور پر سگریٹ اور شراب نوشی سمیت دیگر بری عادت چھوڑ دیں بصورت دیگر وہ دماغی بیماری کا شکار ہوسکتے ہیں۔

    سرپر لگنے والی چوٹ کے اثرات کئی برس بعد بھی سامنے آسکتے ہیں، ماہرین

    طبی جریدے لانسٹ میں شائع ہونے والی رپورٹ کے مطابق کسی بھی شخص کو ڈیمینشیا کی بیماری کے خطرات اُس وقت بڑھ جاتے ہیں جب اُس کے سر پر کسی بھی قسم کی چوٹ لگتی ہے۔

    محقق ڈاکٹر جیس فین کا کہنا تھا کہ ’اگر کسی شخص کو دماغی چوٹ یا سرپر معمولی زخم بھی آتا ہے تو ضروری نہیں کہ اُس کے اثرات فوری طور پر سامنے آئیں بلکہ یہ کئی سالوں بعد بھی ظاہر ہوسکتے ہیں‘۔

    بچوں کو نظر کی کمزوری سے بچانے کا آسان طریقہ

    اُن کا مزید کہنا تھا کہ یہ بھی ضروری نہیں کہ جس شخص کے سر پر چوٹ لگی ہو وہ لازماً دماغی بیماری میں مبتلا ہو تاہم ایسے افراد کو احتیاطی تدابیر ضرور اختیار کرنی چاہیں تاکہ وہ خاص طور پر بھولنے کی بیماری سے محفوظ رہیں‘۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کراچی میں رواں ہفتے ہیٹ اسٹروک کا خطرہ، محکمہ موسمیات کی وارننگ

    کراچی میں رواں ہفتے ہیٹ اسٹروک کا خطرہ، محکمہ موسمیات کی وارننگ

    کراچی: محکمہ موسمیات نے شہریوں کو وارننگ دیتے ہوئے کہا ہے کہ رواں ہفتے کراچی میں شدید گرمی پڑے گی جبکہ گرم ہواؤں کے سبب ہیٹ اسٹروک کا بھی خدشہ ہے، جس کا پارہ 40 سینٹی گریڈ تک جانےکا امکان ہے۔

    تفصیلات کے مطابق محکمہ موسمیات کا کہنا ہے کہ رواں ہفتے پورے ملک میں موسم خشک اور گرم رہے گا، جبکہ پارہ معمول سے بڑھ کر ریکارڈ کیے جانے کا امکان ہے، جس کے بعد گرمی کا پارہ 44 ڈگری تک محسوس کی جائے گی۔

    محکمہ موسمیات کے مطابق شہر میں شدید گرمی بڑھنے کے سبب ہیٹ اسٹروک کا بھی خطرہ ہے جس کے لیے شہریوں کو احتیاطی تدابیر اپنانا ہوں گی۔

    ہیٹ اسٹروک سے جاں بحق ہونے والے 60 سے 65 فیصد افراد بھکاری، ہیروئنچی ہیں: ہیلتھ منسٹرسندھ

    دوسری جانب شہری حکومت کی جانب سے بھی ہیٹ اسٹروک سے بچنے کے لیے اقدامات کیے جارہے ہیں، کراچی میٹرو پولیٹن کارپوریشن (کے ایم سی) نے سرکاری اسپتال کو ہیٹ اسٹروک سے بچنے کے لیے ممکنہ اقدامات کرنے کی ہدایت کی ہے۔

    خیال رہے کہ شہر میں 2015 کی ہیٹ اسٹروک سے تقریباً 1400 افراد اپنی جانوں سے ہاتھ دھو بیٹھے تھے، جاں بحق ہونے والوں میں بچے، بوڑھے اور عورتیں بھی شامل تھیں۔

    کراچی سمیت صوبے بھر میں گرمی کی لہر، ہلاکتوں کی تعداد1400 سے تجاوز کرگئی

    یاد رہے کہ ماضی میں ہیٹ اسٹروک سے شہریوں کو بچانے کے لیے پاک افواج سمیت ملک کی مختلف سماجی تنظیموں نے بھی اپنا کردار بھرپور انداز میں ادا کیا، اس موقع پر مختلف تعلیمی اداروں کے طالب علم بھی متاثرہ افراد کو پانے پلانے اور انہیں بروقت سہولیات فراہم کرنے میں پیش پیش تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔