Tag: ali amin gandapur

اسلام آباد : وفاقی وزیر امورکشمیر وگلگت بلتستان علی امین گنڈاپور نے کہا بھارت مقبوضہ کشمیرمیں فلسطین طرز پر ہندو آبادیاں قائم کرنے کا ارادہ رکھتا ہے، عالمی برادری مقبوضہ کشمیر میں بھارتی جنگی جرائم کا نوٹس لے۔

تفصیلات کے مطابق وفاقی وزیر امورکشمیر وگلگت بلتستان علی امین گنڈاپور سے بیرسٹرسلطان محمود کی ملاقات ہوئی ، ملاقات میں مقبوضہ کشمیرمیں بھارتی مظالم،آزادکشمیر کی سیاسی وترقیاتی صورتحال سےمتعلق گفتگو ہوئی ، سلطان محمود نے مقبوضہ کشمیرمیں جاری بھارتی کرفیو اور مظالم کی مذمت کی۔

علی امین گنڈاپور نے کہا بھارتی مظالم،کرفیو سےکشمیریوں کی زندگی اجیرن بن چکی ہے، بھارت نےمقبوضہ کشمیر کو دنیا کی سب سے بڑی جیل بنا رکھا ہے ، ہزاروں کشمیری نوجوانوں کواغواکر کےنامعلوم مقامات پر منتقل کیا گیا اور آزادی تحریک کچلنےکیلئے کشمیری خواتین کی عصمت دری کی جارہی ہے۔

وفاقی وزیر کا کہنا تھا کہ بھارت مقبوضہ کشمیرمیں فلسطین طرز پر ہندو آبادیاں قائم کرنے کا ارادہ رکھتا ہے، عالمی دنیامقبوضہ کشمیر میں بھارتی جنگی جرائم کا نوٹس لے، خطےمیں بھارتی رویے سےعلاقائی،عالمی امن کوشدیدخطرات ہیں۔

صدرپی ٹی آئی آزاد کشمیر بیرسٹر سلطان محمود نے کہا کشمیری عوام بہادر اور پر عزم ہیں اور آخری سانس تک حق خوداردیت کیلئےڈٹ کرمقابلہ کریں گے ، بھارتی مظالم کشمیریوں کے عزم کو شکست نہیں دے سکتے۔

وفاقی وزیر نے بیرسٹر سلطان محمود کو آزاد کشمیر ضمنی انتخاب میں کامیابی پرمبارکباد دیتے ہوئے کہا بیرسٹرسلطان محمودکی کامیابی کشمیریوں کاپی ٹی آئی پراعتمادکااظہارہے۔

بیرسٹر سلطان محمود نے کہا کشمیری عوام وزیراعظم عمران خان سے خصوصی لگاو رکھتے ہیں ، آئندہ الیکشن میں پی ٹی آئی آزاد کشمیر میں کامیابی حاصل کرے گی۔

اسلام آباد: وفاقی وزیرامور کشمیرعلی امین گنڈاپور کا کہنا ہے کہ امن ترجیح ہے، کسی قسم کی بھارتی جارحیت کا منہ توڑ جواب دیں گے۔

تفصیلات کے مطابق وفاقی وزیرعلی امین گنڈاپور نے کہا کہ نام نہاد سیکولر بھارت کا چہرہ بے نقاب ہو چکا ہے، انتہا پسندوں نے بھارت میں اقلیتوں پر زندگی تنگ کر دی ہے۔

وفاقی وزیر نے کہا کہ فاشسٹ ایجنڈا کسی صورت کامیاب نہیں ہونے دیں گے، امن ترجیح ہے، کسی قسم کی بھارتی جارحیت کا منہ توڑ جواب دیں گے۔

علی امین گنڈاپور نے کہا کہ مقبوضہ وادی میں خوراک اور ادویات کی شدید کمی ہوچکی ہے، عالمی دنیا مقبوضہ کشمیر کی صورت حال کا فوری نوٹس لے۔

انہوں نے کہا کہ تہیہ کرلیا، مسئلہ کشمیرکے حل کے لیے آخری حد تک جائیں گے، مسئلہ کشمیر پراپنے مؤقف سے ایک انچ بھی پیچھے نہیں ہٹیں گے۔

واضح رہے کہ بھارتی حکومت کی جانب سے آرٹیکل 370 اے ختم کرنے کے بعد مقبوضہ کشمیر میں گیارویں روز بھی کرفیو جاری ہے، مقبوضہ وادی کا بیرونی دنیا سے رابطہ بدستور منقطع ہے۔

مقبوضہ کشمیر میں موبائل فون، انٹرنیٹ سروس بند اور ٹی وی نشریات معطل ہیں۔ مقبوضہ وادی میں کھانے پینے کی اشیا اور دواؤں کی قلت ہے، جامع مسجد کے اطراف رکاوٹیں لگائی گئی ہیں۔

اسلام آباد: وفاقی وزیرامورکشمیرعلی امین گنڈاپور نے کہا کہ کشمیریوں کے خون سے ہاتھ رنگ کے بھارت کا یوم جمہوریہ منانا شرمناک ہے۔

تفصیلات کے مطابق وفاقی وزیرامورکشمیرعلی امین گنڈاپورکا کہنا ہے کہ بھارت نے اقوام متحدہ کی قرادادوں کی کھلی نفی کی، بھارت کس منہ سے یوم جمہوریت منا رہا ہے۔

علی امین گنڈاپور نے کہا کہ خون سے ہاتھ رنگ کے بھارت کا یوم جمہوریہ منانا شرمناک ہے،بھارت نے مقبوضہ کشمیر کوفوجی چھاؤنی میں تبدیل کر رکھا ہے۔

وفاقی وزیرامورکشمیر نے مزید کہا کہ بھارت مقبوضہ کشمیر میں نہتے کشمیریوں کی نسل کشی کر رہا ہے، مقبوضہ کشمیرمیں کشمیریوں کا ماورائے عدالت قتل ہورہا ہے۔

علی امین گنڈاپور نے کہا کہ مقبوضہ کشمیرکی آبادی تبدیل کرنے کی مذموم کوشش ہورہی ہے۔

بھارت کا 70 واں یوم جمہوریہ : کشمیری آج دنیا بھر میں یوم سیاہ منا رہے ہیں

بھارت کے 70ویں یوم جمہوریہ کو دنیا بھر میں آباد کشمیری آج یوم سیاہ کے طور پر منارہے ہیں، حریت رہنماؤں کی اپیل پر مقبوضہ کشمیرمیں آج مکمل ہڑتال ہے۔

یوم سیاہ کے موقع پر بھارت مخالف مظاہرے اور ریلیاں نکالی جائیں گے۔ مقبوضہ کشمیر کی کٹھ پتلی انتظامیہ نے یوم جمہوریہ سے پہلے ہی وادی بھر میں بھارتی فوج اور پولیس کی بھاری نفری تعینات کر رکھی ہے۔

کشمیریوں کا احتجاج روکنے کے لیے سری نگر میں جگہ جگہ رکاوٹیں اور پولیس چیک پوسٹیں بھی قائم کردی گئی ہیں۔