پاکستان شوبز انڈسٹری کی معروف داکارہ صبور علی اور ان کے شوہر اداکار علی انصاری کے ہاں بیٹی کی پیدائش ہوئی ہے جس کی تصاویر سوشل میڈیا پر جاری کردی۔
صبور علی اور علی انصاری پاکستانی شوبز انڈسٹری کے سب سے زیادہ پیارے نوجوان جوڑوں میں سے ایک ہیں، جوڑے کے ہاں شادی کے 3 سال بعد پہلی ادولاد کی پیدائش ہوئی ہے۔
View this post on Instagram
اداکارہ صبور علی اور اداکار علی انصاری نے فوٹو اینڈ شیئرنگ ایپ انسٹاگرام پر مشترکہ پوسٹ کے ذریعے اپنے ہاں پیدا ہونے والی ننھی پری کا اعلان کیا ہے۔
انسٹاگرام پر جاری تصاویر میں جوڑے کو ننھی پری کیساتھ اسپتال میں پوز دیتے دیکھا جاسکتا ہے، کیپشن میں جوڑے نے بتایا کہ ان کے ہاں بیٹی کی پیدائش 18 مارچ کو ہوئی ہے۔
اداکارہ نے تصاویر شیئر کرتے ہوئے کیپشن میں لکھا کہ ہمارا چھوٹا سا معجزہ، ہماری سب سے بڑی نعمت، آپ کے ننھے ننھے ہاتھوں کا سب سے گہرا اثر چھوڑ جانا واقعی ناقابل یقین ہے۔
جوڑے نے مشترکہ پوسٹ کے کیپشن میں مزید لکھا کہ ‘سرینا علی دنیا میں خوش آمدید، جادوئی سفر تمہارا انتظار کر رہا ہے۔
دوسری جانب سوشل میڈیا صارفین سمیت شوبز شخصیات کی جانب سے صبور اور علی انصاری کو ڈھیروں مبارکباد دینے کا سلسلہ جاری ہوگیا ہے اور ساتھ ہی انکی ننھی پری کیلئے بھی دعاؤں کا سلسلہ جاری ہے۔
