Tag: ali zaidi

کراچی : تحریک انصاف کے رہنما علی زیدی کا کہنا ہے کہ شہباز شریف اعتماد کھوچکے بتائیں استعفیٰ کب دیں گے، امپورٹڈ حکومت کے پاس فیصلے کرنے کی صلاحیت نہیں۔

تفصیلات کے مطابق تحریک انصاف کے رہنما علی زیدی نے پریس کانفرنس کرتے ہوئے کہا کہ قوم کوکل کےضمنی الیکشن پربہت بہت مبارک ہو، پاکستان کے سارے چورایک طرف تھے، فارن فنڈنگ امپورٹڈ حکومت رجیم چینج کے ذریعے آکر بیٹھ گئی اور 3 ماہ میں ہر قسم کی تباہی کردی۔

علی زیدی کا کہنا تھا کہ اوورسیزپاکستانیوں کے ووٹ کا حق واپس کردیا، اپنی کرپشن کے تمام کیسز ختم کروالیے، وفاقی حکومت کا کام پالیسی میکنگ ہے، ان کو تو یہ ہی نہیں پتا تھا کہ ایک یا 6 ماہ رکیں گے۔

رہنما پی ٹی آئی نے کہا کہ قوم کومبارک ہوعمران خان اورپی ٹی آئی نےبتادیا، قوم کوغلط راستے پر چلا کر بیوقوف بنایا گیا اب یہ قوم بیوقوف نہیں بنے گی۔

ان کا کہنا تھا کہ اب کراچی کی باری ہے،8سال بعدبلدیاتی الیکشن کافیزٹوہورہاہے، فیز ون میں انھوں نے ہزار امیدوار بلامقابلہ منتخب کرا لئےتھے، الیکشن کمیشن فارم لینے جائیں تووہ پوچھتے تھے کس جماعت سے ہیں،اگر آپ نے بتا دیا تو گھر پہنچنے سے پہلے پولیس پہنچ جاتی تھی۔

علی زیدی نے بتایا کہ کسی پر بکری چوری توکسی پرکچھ الزام لگاکراٹھالیا جاتاتھا، انھوں نے تو ہمیں دہشت گرد قرار دے دیا ، بابرغوری دہشت گرد نہیں ہے اور عمران ریاض کو دہشت گرد بنا دیا۔

تحریک انصاف کے رہنما نے کہا کہ 246میں سے 241 یو سی میں تحریک انصاف کا پینل ہے، پنجاب میں کامیابی کی وجہ تھی کہ سب ووٹ دینے نکلےتھے، ضمنی الیکشن میں کل تاریخی ٹرن آؤٹ رہا ہے۔

سندھ میں بلدیاتی الیکشن کے حوالے سے ان کا کہنا تھا کہ چاہے بارش ہو یا دھوپ 24جولائی کوشہریوں نے صبح جلدی نکلناہے، ہم آپ کو اس شہر کا نقشہ بدل کردیں گے، میری آپ سےدرخواست ہے24جولائی کوبڑی تعدادمیں نکلیں، جہاں بھی بلے کا امیدوار کھڑا ہو ، وہاں تو 100 فیصد کھڑے رہنا ہے۔

علی زیدی نے کہا کہ جماعت اسلامی بھی الیکشن لڑرہی ہے ان سےبھی درخواست ہے اپنے لوگوں کو کھڑا رکھیں، بلدیاتی الیکشن میں بے ایمانی نہ ہم کریں گے اور نہ ہی کرنےدیں گے۔

ایم کیو ایم پر تنقید کرتے ہوئے رہنما پی ٹی آئی کا کہنا تھا کہ اب آپ کی تیاری نہیں ہےآپ کواپنی شکست نظرآرہی ہے، انہیں امیدوارنہیں مل رہےتوایم کیوایم چاہتی ہے الیکشن مؤخر ہوجائیں۔

انھوں نے کہا کہ خدشہ ہے اب ان بڑے بڑے لیڈروں کی کمر درد اور انہیں کورونا ہوجائے گا۔ شہباز شریف اعتماد کھوچکے بتائیں استعفیٰ کب دیں گے، مپورٹڈ حکومت کے پاس فیصلے کرنے کی صلاحیت نہیں۔

پیپلز پارٹی کے حوالے سے علی زیدی کا کہنا تھا کہ آصف زرداری نے جو صوبے کے ساتھ کیا میں اسکے پیچھے آرہا ہوں، عمران خان سے سیکھا ہے ڈرتا نہیں ہوں۔

عمران خان کے دورہ سندھ کے حوالے سے تحریک انصاف کے رہنما نے بتایا کہ عمران خان کراچی آرہے ہیں، 21جولائی کو عمران خان کاحیدرآباد میں اور 22جولائی کو کراچی میں جلسہ ہوگا۔

ان کا کہنا تھا کہ امپورٹڈ حکومت کے پاس فیصلے کرنے کی صلاحیت نہیں ، یہ لوگ آج تک سندھ کا گورنر اور نیب کا چیئرمین نہیں لگا سکے، صرف آئی ایم ایف سےمعاہدےکیلئےمہنگائی سےلوگوں کی کمر توڑدی۔