ARYNews.tv | Urdu – Har Lamha Bakhabar

Tag: ali zaidi

  • کرپشن، اسمگلنگ کے خاتمے کے لیے خصوصی نظام لارہے ہیں‘ علی زیدی

    کرپشن، اسمگلنگ کے خاتمے کے لیے خصوصی نظام لارہے ہیں‘ علی زیدی

    واشنگٹن: وفاقی وزیر برائے بحری امور علی زیدی کا کہنا ہے کہ کراچی سے روز5500 ملین ٹن کیمیکل سمندرمیں گرایا جا رہا ہے۔

    تفصیلات کے مطابق واشنگٹن میں وفاقی وزیر برائے بحری امور علی زیدی نے پاکستانی میڈیا کو بریفنگ کے دوران بتایا کہ لاس اینجلس ودیگرپورٹس سمیت سلیکون ویلی کا دورہ کیا۔

    انہوں نے کہا کہ ہیوسٹن اورکراچی پورٹ کوسسٹرسٹی کا درجہ دیا جائے گا، ہیوسٹن، کراچی میں جلد معاہدے پر دستخط ہوں گے۔

    علی زیدی نے کہا کہ اس وزارت کو ماضی میں کبھی سمجھاہی نہیں گیا، محکمے میں بڑے پیمانے پر تبدیلیاں لائی جا رہی ہیں۔

    وفاقی وزیر برائے بحری امور نے کہا کہ کرپشن،اسمگلنگ کے خاتمے کے لیے خصوصی نظام لا رہے ہیں۔

    انہوں نے کہا کہ کراچی سے روز5500 ملین ٹن کیمیکل سمندرمیں گرایا جا رہا ہے، کئی ٹن سالڈ ویسٹ سمندرمیں روزانہ پھینکا جاتا ہے، مسائل پرجدید ٹیکنالوجی سے قابو پانا چاہتے ہیں۔

    پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے‘ علی زیدی

    یاد رہے کہ گزشتہ ہفتے وفاقی وزیر برائے بحری امور علی زیدی کا کہنا تھا کہ پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے، ملک میں کاروباری ماحول سازگار بنا رہے ہیں۔

    علی زیدی کا کہنا تھا کہ پاکستانی برادری کو سرمایہ کاری کے لیے آمادہ کر کے زرمبادلہ لائیں گے۔

  • غیرملکی سرمایہ کارملک میں سرمایہ کاری کا سوچ رہے ہیں: علی زیدی

    غیرملکی سرمایہ کارملک میں سرمایہ کاری کا سوچ رہے ہیں: علی زیدی

    ہیوسٹن: وفاقی وزیربرائے شپنگ سید علی حیدر زیدی کا کہنا ہے کہ غیر ملکی سرمایہ کار نئے پاکستان میں سرمایہ کاری میں دلچسپی کا اظہار کر رہے ہیں۔

    تفصیلات کے مطابق ہیوسٹن کے پاکستانی قونصلیٹ میں اے آر وائی نیوز سے خصوصی گفتگو کرتے ہوئے علی زیدی کا کہنا تھا کہ اوورسیز پاکستانیز کو بھی پاکستان کی ترقی میں آگے بڑھ کر اپنا کردار ادا کرنا ہوگا۔

    انہوں نے کہا کہ ملک ترقی کی جانب گامزن ہے، پاکستانی معیشت کی مضبوطی کے لیے حکومت ہرممکن اقدامات کررہی ہے۔

    علی زیدی نے ہیوسٹن میں پاکستانی قونصلیٹ اور پاکستانی کمیونٹی کی جانب سے منعقدہ تقریب سے خطاب بھی کیا، اس موقع پر بھی انہوں نے موجودہ حکومت کی کارکردگی سے آگاہ کیا۔

    خیال ر ہے کہ گذشتہ دنوں وفاقی وزیر برائے بحری امور علی زیدی کا کہنا تھا کہ پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے، ملک میں کاروباری ماحول سازگار بنا رہے ہیں۔

    پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے: علی زیدی

    انہوں نے یہ بھی کہا تھا کہ پاکستانی برادری کو سرمایہ کاری کے لیے آمادہ کر کے زرمبادلہ لائیں گے، پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔

  • پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے: علی زیدی

    پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے: علی زیدی

    اسلام آباد: وفاقی وزیر برائے بحری امور علی زیدی کا کہنا ہے کہ پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے، ملک میں کاروباری ماحول سازگار بنا رہے ہیں۔

    تفصیلات کے مطابق وفاقی وزیر بحری امور علی زیدی سیرا کانفرنس کے موقع پر امریکا پہنچ گئے۔ وفاقی وزیر اس موقع پر دنیا بھر کے سرمایہ کاروں سے پاکستان میں سرمایہ کاری سے متعلق ملاقاتیں کریں گے۔

    کانفرنس کے شرکا سے توانائی کے شعبے میں بھی سرمایہ کاری متوقع ہے۔ وفاقی وزیر علی زیدی کے پروگرام میں ہیوسٹن اور لاس اینجلس بندرگاہوں کا دورہ بھی شامل ہے۔

    دورے کے دوران علی زیدی کی اہم امریکی شخصیات سے ملاقاتیں بھی ہوں گی جبکہ امریکا میں مقیم پاکستانی برادری سے ملاقاتیں بھی متوقع ہیں۔ ملاقاتوں میں مسئلہ کشمیر کو امریکی قانون ساز اسمبلیوں میں اٹھانے کی حکمت عملی پر گفتگو ہوگی۔

    اس موقع پر علی زیدی کا کہنا تھا کہ پاکستانی بندرگاہوں کو لاس اینجلس اور ہیوسٹن کی طرز پر ترقی دیں گے، ملک میں کاروباری ماحول سازگار بنا رہے ہیں۔ پاکستان میں سرمایہ کاری کا یہ موزوں ترین وقت ہے۔

    علی زیدی نے مزید کہا کہ پاکستانی برادری کو سرمایہ کاری کے لیے آمادہ کر کے زرمبادلہ لائیں گے۔

    اس سے قبل علی زیدی نے کہا تھا کہ پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔

  • پاکستان سیکیورٹی زون نہیں بلکہ اب اکنامک زون بن چکا ہے، علی زیدی

    پاکستان سیکیورٹی زون نہیں بلکہ اب اکنامک زون بن چکا ہے، علی زیدی

    کراچی : وفاقی وزیر پورٹ اینڈ شپنگ علی زیدی نے کہا ہے کہ پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔ یہ بات انہوں نے کراچی میں میڈیا سے گفتگو کرتے ہوئے کہی۔

    وفاقی وزیر کا کہنا تھا کہ پاکستان اپنے قدموں پر کھڑا ہوچکا ہے، پاکستان پہلے سیکیورٹی زون تصور کیا جاتا تھا، اب اکنامک زون بن چکا ہے۔

    ایک سوال کے جواب میں علی زیدی نے کہا کہ اب پاکستان میں انٹرنیشنل کرکٹ بحال ہوجانی چاہیے، وزیر اعظم کی توجہ کرکٹ پر بھی ہے، اس سلسلے میں انہوں نے وزراء کو کام کرنے کی ہدایت بھی کی ہے۔

    مزید پڑھیں: سی پیک کے تحت اسپیشل اکنامک زونز بنائے جا رہے ہیں‘ اسد عمر

    پی ایس ایل سے متعلق گفتگو کرتے ہوئے انہوں نے کہا کہ میری پسندیدہ ٹیم وہی ہے جس میں کراچی کے کھلاڑی سب سے زیادہ ہیں۔

  • جب غریب کا پیسہ کھایا جا رہا تھا اس وقت زرداری کا دل کیوں نہیں دکھا؟ علی زیدی

    جب غریب کا پیسہ کھایا جا رہا تھا اس وقت زرداری کا دل کیوں نہیں دکھا؟ علی زیدی

    اسلام آباد: وفاقی وزیر برائے بحری امور علی زیدی کا کہنا ہے کہ آصف زرداری آپ کہتے ہیں غریب کا حق مارا جاتا ہے تو مجھے دکھ ہوتا ہے، جب غریب کا پیسہ کھایا جا رہا تھا اس وقت دل کیوں نہیں دکھا؟

    تفصیلات کے مطابق وزیر برائے بحری امور علی زیدی کا کہنا ہے کہ خرم شیر زمان نے آصف زرداری کے خلاف ریفرنس دائر کیا، 2004 سے آج تک جتنی جائیدادیں فروخت ہوئیں ان کی تفصیل موجود ہے۔

    انہوں نے کہا کہ اپارٹمنٹ آصف زرداری کے نام پر ہے وہ پھنس گئے ہیں، ایک دور میں سیب کا مربہ گھوڑوں کو کھلایا جاتا تھا۔ ’حد تو یہ ہے کہ کتوں کا کھانا بھی کمپنی کے کھاتے میں ڈالا گیا‘۔

    علی زیدی نے کہا کہ سندھ بینک سے جتنا قرضہ لیا گیا اتنا تو اس کے پاس پیڈ اپ کیپٹل نہیں۔ اومنی اور زرداری گروپ کے تمام اثاثے ضبط کرنے کی ہدایت کی گئی ہے۔ ’میری درخواست ہے کہ اثاثے ان کے ہاتھ سے لیے جائیں لیکن چلائے جائیں، سپریم کورٹ سے اپیل ہے شوگر ملوں میں جانے والے کسانوں کا خیال کیا جائے‘۔

    وفاقی وزیر کا کہنا تھا کہ دو سال سے سندھ میں 3 جے آئی ٹیز پر دھکے کھا رہے ہیں۔ یہ بہت اہم ہے کہ ان جے آئی ٹیز کی رپورٹ میں کیا لکھا ہے۔ عذیر بلوچ، نثار مورائی اور سانحہ بلدیہ کی رپورٹ عام کرنے کا مطالبہ کیا۔

    انہوں نے کہا کہ 2 سال سے ہائیکورٹ میں 3 جے آئی ٹیز پبلک کرنے پر سماعت ہو رہی ہے۔ چیف جسٹس از خود نوٹس لیں کن لوگوں نے کن کے ناموں پر قتل کیے۔ آصف زرداری آپ کہتے ہیں غریب کا حق مارا جاتا ہے تو مجھے دکھ ہوتا ہے، ذرا پوچھیں اپنے پارٹنر حسین لوائی اور عبد المجید سے، غریب کا پیسہ کھایا جا رہا تھا اس وقت دل کیوں نہیں دکھا‘؟

    علی زیدی نے نواز شریف کے بارے میں کہا کہ ان کا یوٹرن راؤنڈ اباؤٹ ہے، خواجہ سعد رفیق کو اب آصف زرداری پر ترس آرہا ہے۔

    انہوں نے کہا کہ آج بھی سندھ کے بہت سے ایم پی ایز مجھ سے رابطے میں ہیں، ایم پی ایز سے کہتا ہوں ڈریں نہیں، زرداری کے خوف سے نکلیں۔

  • آصف زرداری کوجاننا ہوگاکیاحلال ہے اور کیا حرام ، وفاقی وزیر علی زیدی

    آصف زرداری کوجاننا ہوگاکیاحلال ہے اور کیا حرام ، وفاقی وزیر علی زیدی

    کراچی : وفاقی وزیر بحری امورعلی زیدی کا کہنا ہے کہ آصف زرداری نے حد میں رہ کرنہیں کھایابلکہ پوراملک کھاگئے ، انھوں نے جو کیا ان کوڈاکو والی سزا ہوگی، آصف زرداری کوجانناہوگاکیاحلال ہے اور کیاحرام ہے۔

    تفصیلات کے مطابق وفاقی وزیربحری امورعلی زیدی نے پی این ایس سی کادورہ کیا اور لائبریری کاافتتاح کیا، اس موقع پر علی زیدی نے کہا ہمارے پاس 9جہاز رہ گئے، شپ بریکنگ بڑا بزنس تھا ،اب نہ ہونے کے برابر ہے۔

    وفاقی وزیربحری امور کا کہنا تھا کہ کے پی ٹی کی زمین پر اب تجاوزات نہیں بن رہیں، پاکستان ہر سال 4.2 ارب ڈالر فریٹ پرخر چ کرتاہے ، فریٹ کم کرنے کے لیے مزید نئے بحری جہازلائیں گے، اقدام سے روز گار کے نئے موقع پیدا ہوں گے۔

    [bs-quote quote=”آصف زرداری نے حد میں رہ کرنہیں کھایا بلکہ پورا ملک کھاگئے” style=”style-6″ align=”left” author_name=”علی زیدی "][/bs-quote]

    انھوں نے کہا پی این ایس ایس سی 2جہاز لایا ہے ، سمندرمیں تیل کےرساؤ پرخود سے تحقیقات کرائی ، ایک جہاز تھا جو گڈانی شپ بریکنگ کے لیے آیا تھا ، اس جہاز کے کپتان نے  تیل سمندر میں پھنک دیا ، جہاز کےکپتان اور جہازکے خریدار کے خلاف کارروائی ہوگی تحقیقات مکمل ہونے کے بعد ذمےدارافرادکو نہیں چھوڑا جائے گا۔

    آصف زرداری کے بیان پر ردعمل دیتے ہوئے علی زیدی کا کہنا تھا کہ آصف زرداری نے اپنی حد میں رہ کر نہیں کھایا، ان کو کہتا ہوں تم مغرور ہوں ، انھوں نے جو کیا ان کوڈاکو والی سزا ہوگی۔

    وفاقی وزیر نے کہا چورڈاکوقاتل کی کوئی عزت نہیں ہوتی، آصف زرداری بچ نہیں سکتے، پتہ نہیں کس کس کی نام پر جعلی اکاؤنٹ کھولے گئے ، سوچ رہا ہوں بلاول ہاؤس میں اپنا شناختی کارڈ پھینک دوں ، یہ سوچنا ہوگا کہ ہم اپنے بچوں کا کیا کھلا رہے ہیں۔

    [bs-quote quote=”شہبازشریف کے چیئرمین پی اے سی بننے سے منفی پیغام جائے گا” style=”style-6″ align=”left” author_name=”علی زیدی "][/bs-quote]

    ان کا مزید کہنا تھا کہ آصف زرداری کوجانناہوگا کیا حلال ہےاور کیاحرام ہے، اسحاق ڈار ملک سے باہر ہیں مفرورہیں۔

    علی زیدی نے بھی شہبازشریف کےچیئرمین پی اے سی بنانے پر اعتراض کرتے ہوئے کہا جمہوریت کے لئے کڑوا گھونٹ پی رہے ہیں، چیئرمین پی اے سی کے لئے شہباز شریف کے نام پراتفاق ہواہے، شہبازشریف کے چیئرمین پی اے سی بننے سے منفی پیغام جائے گا، ان کے خلاف نیب میں کیسز ہیں۔

  • یو اے ای کے پراپرٹی ٹائیکون کا پاکستان میں سرمایہ کاری کے لئے دلچسپی کا اظہار

    یو اے ای کے پراپرٹی ٹائیکون کا پاکستان میں سرمایہ کاری کے لئے دلچسپی کا اظہار

    دبئی : امریکا اور چین کے بعد یواےای سے بھی سرمایہ کاری پاکستان آنے کا امکان ہے ، ایمار گروپ کے چیئر مین محمدالابار نے پاکستان میں سرمایہ کاری کے لئے دلچسپی کا اظہار کردیا ہے، دنیا کا سب سے بڑا ٹاور برج الخلیفہ بھی ایمار گروپ کی ملکیت ہے

    تفصیلات کے مطابق دبئی میں وفاقی وزیرعلی زیدی کی کےپراپرٹی ٹائیکون سے ملاقات ہوئی ، ملاقات میں چیئرمین سرمایہ کاری بورڈہارون شریف موجود تھے.

    ایمارگروپ کے چیئرمین محمدالابار نے پاکستان میں سرمایہ کاری میں دلچسپی کا اظہار کرتے ہوئے پاکستان میں طویل المدتی سرمایہ کاری کی پیشکش کی.

    چیئرمین ایمارگروپ کوپاکستان میں سرمایہ کاری کےلئےفریم ورک پربریفنگ دی گئی ، وفاقی وزیرعلی زیدی کا کہنا تھا کہ محمدالابارسےملاقات بہت اچھی رہی، جلد خوشخبری ملے گی۔

    خیال رہے دنیا کا سب سے بڑا ٹاور برج الخلیفہ بھی ایمار گروپ کی ملکیت ہے۔

    اس سے قبل چینی پاور کمپنی نے وزیراعظم عمران خان کو پاکستان میں سرمایہ کاری کی بڑی  پیشکش کی، عمران خان نے چینی کمپنی کی سرمایہ کاری کی پیشکش کا خیرمقدم کیا۔

    دنیا کی سب سے بڑی آئل کمپنی ایگزون نے بھی ستائیس سال بعد پاکستان میں دفتر کھول لئے ہیں جبکہ سوزوکی موٹرزنے پاکستان میں مزید پینتالیس کروڑڈالرسرمایہ کاری کی پیشکش کی ہے۔

    یاد رہے 18 نومبر کو وزیراعظم عمران خان ایک روزہ دورے پر متحدہ عرب امارات پہنچے تھے، جہاں انھوں نے ولی عہدشیخ محمدبن زیدبن سلطان النہیان سے صدارتی محل میں ملاقات کی ،ملاقات میں باہمی امور اور خطے کی صورتحال پر تفصیلی تبادلہ خیال اور دو طرفہ تجارت سمیت معیشت کی بہتری کے معاملات پر بات چیت ہوئی۔

    مزید پڑھیں : دورۂ متحدہ عرب امارات، وائٹ کالر کرائم اور منی لانڈرنگ کی روک تھام پر اتفاق

    بعد ازاں وزیراعظم عمران خان اور آرمی چیف جنرل قمر جاوید باجوہ نے زبیل محل کا دورہ کیا جہاں اُن کا استقبال شیخ راشد بن محمد المکتوم نے کیا، دونوں رہنماؤں کی ملاقات میں دو طرفہ باہمی تعلقات پر تفصیلی تبادلہ خیال کیا گیا۔

    اعلامیے کے مطابق دونوں ممالک نے طویل المدتی تعلقات پر اطمینان کا اظہار کرتے ہوئے انہیں اقتصادی شراکت داری میں تبدیل کرنے پراتفاق کیا اور تاریخی تعلقات کے لیے فوری اقدامات شروع کرنے کا فیصلہ بھی کیا۔

    اعلامیے میں کہا گیا تھادونوں مملک نے دہشت گردی کے خلاف مشترکہ لائحہ عمل اپنانے کا فیصلہ کرتے ہوئے اسے جڑ سے اکھاڑ پھینکنے کے ہنگامی اقدامات شروع کرنے پر بھی اتفاق کیا جبکہ دونوں ممالک کے درمیان وائٹ کالرکرائم پرقابوپانےکابھی معاہدہ طے پایا علاوہ ازیں ڈرگ،انسانی سمگلنگ،منی لانڈرنگ کی روک تھام کیلئےہنگامی اقدامات پر اتفاق کیا گیا۔

  • اپنی وزارت سے متعلق معلومات اکھٹی کر کے پریس کانفرنس کروں گا، وفاقی وزیر پورٹ اینڈ شپنگ

    اپنی وزارت سے متعلق معلومات اکھٹی کر کے پریس کانفرنس کروں گا، وفاقی وزیر پورٹ اینڈ شپنگ

    لاہور: وفاقی وزیر پورٹ اینڈ شپنگ علی زیدی نے کہا ہے کہ وہ اپنی وزارت سے متعلق معلومات اکٹھی کر رہے ہیں، جس کے بعد وہ پریس کانفرنس کریں گے۔

    تفصیلات کے مطابق اے آر وائی نیوز کے پروگرام آف دی ریکارڈ میں گفتگو کرتے ہوئے وفاقی وزیر نے کہا کہ میں پریس کانفرنس کروں گا تو فائلیں لے کر بیٹھوں گا۔

    [bs-quote quote=”کسی نے این آر او مانگا ہوگا اسی وجہ سے وزیرِ اعظم نے خطاب میں ذکر کیا: علی زیدی” style=”style-7″ align=”left” color=”#dd3333″][/bs-quote]

    علی زیدی کا کہنا تھا کہ وہ بحری امور کی وزارت میں ہونے والے گھپلوں پر بحث نہیں کریں گے بلکہ فائلیں ایف آئی اے اور نیب کے حوالے کر دیں گے۔

    وفاقی وزیر نے مزید کہا کہ ہم این آر او مشرف سے ڈیل کرنے والی بات پر نہیں کہہ رہے ہیں بلکہ پیپلز پارٹی اور ن لیگ کے مقدمات پر مُک مُکے والے این آر او کی بات کر رہے ہیں۔

    اپوزیشن کے اس اعتراض پر کہ وزیرِ اعظم سے این آر او کس نے مانگا، علی زیدی کا کہنا تھا کہ وزیرِ اعظم سے کسی نے براہِ راست این آر او کا نہیں کہا ہوگا مگر پیغامات تو آتے ہیں، کسی نے این آر او مانگا ہوگا اسی وجہ سے وزیرِ اعظم نے خطاب میں ذکر کیا۔

    وفاقی وزیر نے کہا کہ 50 سے 60 لوگ شور کر رہے ہیں اس سے حکومت کو فرق نہیں پڑ رہا لیکن پنجاب اسمبلی میں توڑ پھوڑ اور ہنگامہ آرائی کر کے ایوان نہیں چلنے دیا جا رہا۔

    یہ بھی پڑھیں:  پورٹ قاسم کی زمینوں کی الاٹمنٹ، وفاقی وزیرعلی زیدی نے تمام ریکارڈ طلب کرلیا

    علی زیدی کا کہنا تھا کہ آپ کو اگر کوئی پیسے دے رہا ہے تو اپوزیشن اس پر بھی سوال اٹھا رہی ہے، ہمیں اُن کی فکر ہے جن کے پیسے ان لوگوں نے کھائے ہیں، یہ لوگ جو پیسا ادھار لے کر آئے وہ بھی کھا گئے ہیں۔

    انھوں نے بجلی قیمتوں کے بارے میں کہا کہ نیپرا نے 3.82 پیسے فی یونٹ مہنگی کرنے کی سفارش کی تھی لیکن بجلی کی قیمتیں اتنی نہیں بڑھائی گئیں جتنی سفارش آئی تھی، زرعی ٹیوب ویل صارفین کے لیے ہم نے بجلی کی قیمتوں میں کمی کی۔

  • پورٹ قاسم کی زمینوں کی الاٹمنٹ، وفاقی وزیرعلی زیدی نے تمام ریکارڈ طلب کرلیا

    پورٹ قاسم کی زمینوں کی الاٹمنٹ، وفاقی وزیرعلی زیدی نے تمام ریکارڈ طلب کرلیا

    کراچی : پورٹ قاسم کی زمینوں کے الاٹمنٹ کے معاملہ پر ایکشن لیتے ہوئے وفاقی وزیر علی زیدی نے ماضی میں فروخت زمینوں کا ریکارڈ مانگ لیا۔

    اس حوالے سے ذرائع کا کہنا ہے کہ پورٹ قاسم اتھارٹی میں سیکڑوں ایکڑ قیمتی اراضی کی الاٹمنٹ کی گئی، اتھارٹی اراضی صرف پورٹ سے وابستہ صنعتوں کو فروخت کی مجاز تھی۔

    ذرائع کے مطابق ماضی کی حکومتوں میں پورٹ قاسم کی زمینوں کی الاٹمنٹ کی گئی، وفاقی وزیر علی زیدی نے پورٹ انتظامیہ کو زمینوں کی الاٹمنٹ کی تفصیلات مہیا کرنے کی ہدایت جاری کی ہے۔

    ذرائع کا کہنا ہے کہ زمینوں کی غیر قانونی الاٹمنٹ سے حکومتی خزانے کو اربوں روپے سے محروم کیا گیا ہے، ماضی کی حکومت نے من پسند افراد کو پورٹ قاسم کی اراضی فروخت کی،4سے5کروڑ روپے فی ایکڑ اراضی صرف50لاکھ سے ایک کروڑ تک فروخت کی گئی۔

  • پی پی کارکنان نے بدترین مثال قائم کی: علی زیدی، پی ٹی آئی واقعے کی ذمہ دار ہے: سعید غنی

    پی پی کارکنان نے بدترین مثال قائم کی: علی زیدی، پی ٹی آئی واقعے کی ذمہ دار ہے: سعید غنی

    کراچی: گلشن اقبال حکیم سعید گراؤنڈ میں پی ٹی آئی اور پی پی کارکنان کے درمیان خونریز تصادم کے نتیجے میں متعدد افراد زخمی ہوگئے، جس کے بعد دنوں جماعتوں کے مرکزی رہنماؤں نے واقعے کا ذمہ دار ایک دوسرے کو ٹھہرایا ہے۔

    پاکستان تحریک انصاف کراچی کے رہنما علی زیدی نے اے آر وائی نیوز سے خصوصی گفتگو کرتے ہوئے کہا کہ پی پی کارکنان نے آج کراچی میں بدترین مثال قائم کی، سعید غنی جھوٹ بول رہے ہیں، پتھراؤ پیپلزپارٹی کے کارکنوں کی جانب سے کیا گیا، ان کی جانب سے فائرنگ بھی کی گئی، علاوہ ازیں انہوں نے ہمارا کیمپ بھی اکھاڑ دیا۔

    ان کا کہنا تھا کہ پیپلز پارٹی کے کارکنوں کی نعرے بازی پر ہمارے کارکن پیچھے ہٹ گئے تھے، سعید غنی کو ایم کیو ایم فوبیا ہوگیا ہے، سعید غنی نے پولیس کی نگرانی میں کھڑے ہوکر حملہ کروایا، عزیز بھٹی تھانے میں مقدمہ درج کرانے آیا ہوں، پولیس کی موجودگی میں ہم پر تشدد اور پتھراؤ کیا گیا۔

    کراچی، پی ٹی آئی اور پی پی کارکنان میں تصادم، تین گاڑیاں نذرآتش، پتھراؤ

    رہنما پی ٹی آئی کا مزید کہنا تھا کہ ہماری موٹر سائیکلیں، گاڑیاں جلائی گئیں، پولیس کی موجودگی میں ہم پر تشدد اور پتھراؤ کیا گیا، سعید غنی گینگ وار کے لوگوں کو ساتھ لے کر کھڑے تھے اور لوگوں کو اشتعال دلانے کی کوشش کر رہے تھے، پیپلز پارٹی رہنماؤں پر دہشتگردی اور اقدام قتل کا مقدمہ ہونا چاہیے۔

    پیپلز پارٹی کے مرکزی رہنما سعید غنی نے واقعے کے ردعمل میں کہا کہ تحریک انصاف اس واقعے کی ذمہ دار ہے، پی ٹی آئی کے کچھ کارکنوں نے ہمارے کیمپ پر پتھراؤ کیا، تحریک انصاف کے کچھ لوگ اشتعال انگیزی پھیلانا چاہتے ہیں، پی ٹی آئی کارکنوں کی جانب سے پی پی کارکنوں کو مشتعل کیا گیا۔

    ان کا مزید کہنا تھا کہ پی ٹی آئی والوں نے زبردستی کیمپ لگا رکھا تھا، یہ جماعت کراچی میں ایم کیوایم کے ایجنڈے پر کام کررہی ہے، تحریک انصاف والوں نے دادا گیری جیسا انداز اپنا رکھا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔