ARYNews.tv | Urdu – Har Lamha Bakhabar

Tag: Alice Wells

  • ایلس ویلز کی افغان امن عمل میں تعاون پر پاکستان کے کردار کی تعریف

    ایلس ویلز کی افغان امن عمل میں تعاون پر پاکستان کے کردار کی تعریف

    واشنگٹن : امریکی نائب وزیرخارجہ جنوبی ایشیا ایلس ویلز نےافغان امن عمل میں تعاون پر پاکستان کے کردار کی تعریف کرتے ہوئے کہا کہ پاکستان خطےکےامن وسلامتی کے لئے پرعزم ہے۔

    تفصیلات کے مطابق امریکی نائب وزیرخارجہ جنوبی ایشیا ایلس ویلز نے اپنے پیغام میں کہا ہے کہ پاکستان،امریکاکے تعلقات میں بہتری آئی ہے، پاکستان خطےکےامن وسلامتی کے لئے پرعزم ہے۔

    ایلس ویلز نے افغان امن عمل میں تعاون پر پاکستان کے کردار کی تعریف کرتے ہوئے کہا طالبان کومذاکرات کی میزپرلانےکیلئےزلمے خلیل زاد کو پاکستان کا بھرپورتعاون ملا ۔

    آن لائن میڈیا بریفنگ میں گفتگو کرتے ہوئے انہوں نے اس بات پر زور دیا کہ امریکا اور پاکستان کی مضبوط شراکت داری کی بنیاد ہماری ایک دوسرے کے ساتھ مل کر امن کے لیے تعمیری کام کرنے پر محیط ہے‘۔

    امریکی نائب وزیرخارجہ جنوبی ایشیا نے کہا جہاں ہم نے پاکستان کی جانب سے افغان امن عمل کے لیے طالبان کی حوصلہ افزائی کے تعمیری اقدامات دیکھے وہیں پاکستان نےخطےمیں عدم استحکام کرنیوالی تنظیموں کیخلاف مؤثر اقدامات کئے۔

    انھوں نے کہا کہ امن عمل میں بین الافغان سیاسی مذاکرات کی پیش رفت مشکل ہے، یہ طالبان کی ذمہ داری ہے کہ پر تشدد کارروائیاں کم کریں۔

    ایلس ویلز نے افغان حکومت اور طالبان پر کورونا وائرس اور داعش سے متحد ہو کر لڑنے پر روز دیتے ہوئے کہا افغانستان میں جاری پر تشدد کارروائیاں ایک ’ناقابل برداشت سطح‘ کی ہے۔

    خیال رہے کہ امریکی اسٹیٹ ڈپارٹمنٹ میں بیورو برائے جنوبی اور وسطی ایشیائی امور کی پرنسپل ڈپٹی سیکریٹری ایلس ویلز رواں ماہ ریٹائر ہورہی ہیں اور یہ ان کی آخری سرکاری میڈیا بریفنگ تھی۔

  • امریکا اور پاکستان کے درمیان تجارت بڑھانے پر غور

    امریکا اور پاکستان کے درمیان تجارت بڑھانے پر غور

    اسلام آباد: امریکی نائب معاون وزیر خارجہ ایلس ویلز اور مشیر تجارت رزاق داؤد کے درمیان ملاقات میں دونوں ممالک کی باہمی تجارت کو فروغ دینے میں دلچسپی کا اظہار کیا گیا۔

    تفصیلات کے مطابق امریکی نائب معاون وزیر خارجہ ایلس ویلز اور مشیر تجارت عبدالرزاق داؤد سے ملاقات ہوئی۔ ملاقات میں پاکستان اور امریکا کے درمیان باہمی تجارت کو فروغ و استحکام دینے میں دلچسپی کاا ظہار کیا گیا۔

    امریکی وزیر کا کہنا تھا کہ زرعی شعبے میں باہمی تجارت کو مزید فروغ اور استحکام دیا جا سکتا ہے، زرعی شعبے میں فوری اضافے کی واضح صلاحیت موجود ہے۔

    ایلس ویلز نے کہا کہ معروف امریکی کمپنیاں پاکستان میں طویل عرصے سے کام کر رہی ہیں، مزید امریکی کمپنیاں پاکستان میں سرمایہ کاری کی خواہشمند ہیں۔

    مشیر تجارت رزاق داؤد نے کہا کہ اقتصادی و تجارتی تعلقات کو مزید فروغ دینے کی گنجائش ہے، امریکی انتظامیہ کے ساتھ تجارتی فروغ کے لیے بات چیت ہوگی۔

    انہوں نے کہا کہ امریکی انتظامیہ کے ساتھ ترجیحی تجارت کے لیے جلد بات چیت ہوگی۔

    خیال رہے کہ امریکی نائب وزیر خارجہ ایلس ویلز 4 روزہ دورے پر گزشتہ روز پاکستان پہنچیں، ایلس ویلز دارالحکومت اسلام آباد میں پاکستانی حکام سے اہم ملاقاتیں کریں گی۔

    ملاقاتوں میں دو طرفہ تعلقات اورعلاقائی صورتحال پر گفتگو کی جائے گی۔ ایلس ویلز کی پاکستان میں سول سوسائٹی اور دیگر سیاسی رہنماؤں سے بھی ملاقاتیں ہوں گی۔

    امریکی نائب وزیر خارجہ 13 جنوری سے سہ ملکی دورے پر ہیں، سب سے پہلے انہوں نے سری لنکن دارالحکومت کولمبو کا دورہ کیا، اس کے بعد وہ بھارت گئیں اب اپنے دورے کے آخری مرحلے میں وہ پاکستان آئی ہیں، ان کا یہ دورہ 22 جنوری تک جاری رہے گا۔

  • امریکی نائب وزیر خارجہ ایلس ویلز پاکستان پہنچ گئیں

    امریکی نائب وزیر خارجہ ایلس ویلز پاکستان پہنچ گئیں

    اسلام آباد: وزیر خارجہ شاہ محمود قریشی کے دورہ واشنگٹن کے بعد امریکی نائب وزیر خارجہ ایلس ویلز چار روزہ سرکاری دورے پر پاکستان پہنچ گئیں۔

    تفصیلات کے مطابق امریکا کی نائب وزیرخارجہ ایلس ویلز پاکستان پہنچ گئیں، ایلس ویلز دارالحکومت اسلام آباد میں پاکستانی حکام سے اہم ملاقاتیں کریں گی۔ ملاقاتوں میں دو طرفہ تعلقات اورعلاقائی صورتحال پر گفتگو کی جائے گی۔

    ایلس ویلز کی پاکستان میں سول سوسائٹی اور دیگر سیاسی رہنماؤں سے بھی ملاقاتیں ہوں گی۔

    امریکی نائب وزیر خارجہ 13 جنوری سے سہ ملکی دورے پر ہیں، سب سے پہلے انہوں نے سری لنکن دارالحکومت کولمبو کا دورہ کیا، اس کے بعد وہ بھارت گئیں اب اپنے دورے کے آخری مرحلے میں وہ پاکستان آئی ہیں، ان کا یہ دورہ 22 جنوری تک جاری رہے گا۔

    کچھ عرصہ قبل اے آر وائی نیوز سے خصوصی گفتگو میں ایلس ویلز نے کہا تھا کہ امریکا، پاکستان اور بھارت میں کشیدگی نہیں دیکھنا چاہتا۔ بھارت سے گرفتار کشمیریوں کی رہائی کا معاملہ اٹھایا گیا ہے، خطے میں امن کیلئے پاکستان اور بھارت کو اعتماد سازی کی فضا بحال کرنا ہوگی۔

    انہوں نے کہا تھا کہ پاک امریکا تعلقات میں بھی بہتری آرہی ہے، امید ہے پاکستان افغان حکومت اور طالبان کو مذاکرات کی میز پر لے آئے گا، پاکستان اور امریکا نے مل کر افغانستان کے سیاسی حل کی کوشش کی، امید ہے پاکستان یہ تعاون جاری رکھے گا۔

  • ایلس ویلز 13 جنوری سے پاکستان سمیت جنوبی ایشیا کا دورہ کریں گی

    ایلس ویلز 13 جنوری سے پاکستان سمیت جنوبی ایشیا کا دورہ کریں گی

    واشنگٹن: امریکی نائب وزیر خارجہ ایلس ویلز 13 جنوری سے جنوبی ایشیا کا دورہ کریں گی، پاکستان بھی آئیں گی۔

    تفصیلات کے مطابق ایلس ویلز 13 جنوری سے جنوبی ایشیا کے دورے پر نکلیں گی، اور سب سے پہلے کولمبو کا دورہ کریں گی، سری لنکا کے بعد ایلس ویلز بھارت کا 4 روزہ دورہ کریں گی۔

    اے آر وائی نیوز کے مطابق ایلس ویلز 19 جنوری کو پاکستان پہنچیں گی، دورے کے دوران امریکی نائب وزیر خارجہ پاکستان کی سیاسی و عسکری قیادت سے ملاقاتیں کریں گی، سفارتی ذرایع کا کہنا ہے کہ ملاقاتوں میں خطے کی سیکورٹی صورت حال پر بات چیت کی جائے گی۔

    امریکا، پاکستان اور بھارت میں کشیدگی نہیں دیکھنا چاہتا: ایلس ویلز کی اے آر وائی نیوز سے گفتگو

    ایلس ویلز کی پاکستان میں سول سوسائٹی اور سیاسی رہنماؤں سے بھی ملاقاتیں ہوں گی۔

    یاد رہے کہ گزشتہ نومبر میں اے آر وائی نیوز سے خصوصی گفتگو میں ایلس ویلز نے کہا تھا کہ امریکا، پاکستان اور بھارت میں کشیدگی نہیں دیکھنا چاہتا، بھارت سے گرفتار کشمیریوں کی رہائی کا معاملہ اٹھایا گیا ہے، پاکستان اور بھارت کو اعتماد سازی کی فضا بحال کرنا ہوگی۔

    انھوں نے کہا تھا کہ پاک امریکا تعلقات میں بھی بہتری آرہی ہے، امید ہے پاکستان افغان حکومت اور طالبان کو مذاکرات کی میز پر لے آئے گا، پاکستان اور امریکا نے مل کر افغانستان کے سیاسی حل کی کوشش کی، امید ہے پاکستان یہ تعاون جاری رکھے گا۔

  • دنیا کے بہترین ادارے پاکستانی معیشت کی بحالی کا اعتراف کررہے ہیں،فیصل جاوید

    دنیا کے بہترین ادارے پاکستانی معیشت کی بحالی کا اعتراف کررہے ہیں،فیصل جاوید

    اسلام آباد : سینیٹر فیصل جاوید کا کہنا ہے کہ پاکستانی معیشت کی بحالی کا اعتراف پہلے ورلڈ بینک ، پھر آئی ایم ایف ، اے ڈی بی اور اب اسٹیٹ ڈیپارٹمنٹ نے کیا، عمران خان کی قیادت میں پاکستانی معیشت2020میں پروان چڑھے گی۔

    تفصیلات کے مطابق سینیٹر فیصل جاوید نے سماجی رابطے کی ویب سائٹ ٹوئٹر پر امریکی نائب معاون وزیرخارجہ ایلس ویلز کی جانب سے معاشی میدان میں حکومتی اصلاحات کی تعریف پر ردعمل کا اظہار کرتے ہوئے کہا پاکستانی معیشت کی بحالی کا اعتراف دنیا کے بہترین ادارے کررہے ہیں، پہلے ورلڈ بینک ، پھر آئی ایم ایف ، اے ڈی بی اور اب اسٹیٹ ڈیپارٹمنٹ نے کیا، عمران خان کی قیادت میں پاکستانی معیشت 2020میں پروان چڑھے گی۔

    یاد رہے معاشی اصلاحات کے باعث موڈیزکی جانب سے پاکستان کی درجہ بندی میں بہتری پر امریکی نائب معاون وزیرخارجہ ایلس ویلز نےپاکستانی حکومت کی معاشی میدان میں اصلاحات کی تعریف کرتے ہوئے کہا تھا کہ موڈیز نے پاکستان کے کریڈٹ آؤٹ لک میں نظرثانی کی، پاکستان کے کریڈٹ آؤٹ لک کے منفی سے مستحکم ہونے پر خوشی ہے، وزارت خارجہ کی کوششوں اورآئی ایم ایف پروگرام سے یہ ممکن ہوا۔

    مزید پڑھیں : امریکی نائب وزیر خارجہ ایلس ویلز کی پاکستان کی معاشی اصلاحات کی تعریف

    واضح رہے دسمبر کو معیشتوں کی درجہ بندی کرنے والے عالمی ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا تھا ، موڈیز نے پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا۔

    عالمی ریٹنگ ادارے کا کہنا تھا کہ اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

  • امریکی نائب وزیر خارجہ ایلس ویلز کی پاکستان کی معاشی اصلاحات کی تعریف

    امریکی نائب وزیر خارجہ ایلس ویلز کی پاکستان کی معاشی اصلاحات کی تعریف

    واشنگٹن : امریکی نائب معاون وزیرخارجہ ایلس ویلز معاشی میدان میں حکومتی اصلاحات کی تعریف کرتے ہوئے کہا ہے کہ وزارت خارجہ کی کوششوں اورآئی ایم ایف پروگرام سے یہ ممکن ہوا۔

    تفصیلات کے مطابق معاشی اصلاحات کے باعث موڈیزکی جانب سے پاکستان کی درجہ بندی میں بہتری پر امریکی نائب معاون وزیرخارجہ ایلس ویلز نے سماجی رابطے کی ویب سائٹ ٹوئٹر پر پاکستانی حکومت کی معاشی میدان میں اصلاحات کی تعریف کرتے ہوئے کہا موڈیز نے پاکستان کے کریڈٹ آؤٹ لک میں نظرثانی کی، پاکستان کے کریڈٹ آؤٹ لک کے منفی سے مستحکم ہونے پر خوشی ہے، وزارت خارجہ کی کوششوں اورآئی ایم ایف پروگرام سے یہ ممکن ہوا۔

    ایلس ویلز کا کہنا تھا کہ جرأت مندانہ معاشی اصلاحات سے پاکستان پیداوار اور برآمدات بڑھا سکتا ہے جبکہ اصلاحات کے نتیجے میں پاکستان سرمایہ کاری کو بھی راغب کرسکتا ہے۔

    مزید پڑھیں : موڈیز نے پاکستان کا آؤٹ لک منفی سے مستحکم کردیا

    یاد رہے 2 دسمبر کو معیشتوں کی درجہ بندی کرنے والے عالمی ادارے موڈیز نے پاکستان کی کریڈٹ ریٹنگ بہتر کرتے ہوئے آؤٹ لُک کو منفی سے مستحکم کر دیا تھا ، موڈیز نے پاکستان کی ریٹنگ بی تھری پر برقرار رکھی ہے تاہم پہلے مستقبل یعنی آؤٹ لُک منفی تھا۔

    عالمی ریٹنگ ادارے کا کہنا تھا کہ اگرچہ زرمبادلہ کے ذخائر اب بھی کم ہیں اور انہیں بہتر ہونے میں وقت لگے گا مگر پالیسی ایڈجسٹمنٹ اور آزادانہ شرح مبادلہ سے ادائیگیوں کے توازن کی بہتری میں مدد ملے گی۔

  • امریکی نائب معاون وزیرخارجہ ایلس ویلز آج پاکستان پہنچیں گی

    امریکی نائب معاون وزیرخارجہ ایلس ویلز آج پاکستان پہنچیں گی

    اسلام آباد: امریکی نائب وزیرخارجہ ایلس ویلز پانچ روزہ دورے پر آج پاکستان پہنچیں گی، وہ پاکستانی حکام سے اہم ملاقاتیں کریں گی۔

    تفصیلات کے مطابق امریکی نائب معاون وزیرخارجہ ایلس ویلز اعلیٰ سطح امریکی وفد کے ہمراہ آج پاکستان پہنچیں گی۔ ایلس ویلز پاکستان میں سیاسی و عسکری قیادت سے ملاقاتیں کریں گی۔

    ذرائع کے مطابق ایلس ویلز، وزارت خارجہ میں وفود کی سطح پر مذاکرات میں حصہ لیں گی، افغان مفاہمتی عمل پر پیشرفت پر کلیدی گفتگو ہوگی، علاقائی امن وسلامتی کے امور زیر غور آئیں گے۔

    ذرائع کا کہنا ہے کہ امریکی نائب وزیرخارجہ ایلس ویلز کے دورے کا مقصد پاک، امریکا تعلقات کو مستحکم کرنا ہے۔

    امریکی نمائندہ خصوصی زلمے خلیل زاد کا دورہ پاکستان، اعلامیہ جاری

    خیال رہے کہ یکم اگست کو امریکی نمائندہ خصوصی زلمے خلیل زاد نے وزیراعظم عمران خان، وزیر خارجہ شاہ محمود قریشی اور آرمی چیف قمر جاوید باجوہ سے بھی ملاقات کی تھی۔

    زلمے خلیل زاد نے افغان مفاہمتی عمل میں مثبت پیش رفت سے آگاہ کیا تھا، انہوں نے افغان امن عمل کے لیے آئندہ کی حکمت عملی پر بھی بات کی تھی۔

    ملاقات میں پاکستان کے تعاون، آئندہ کے مثبت اقدامات پر بھی توجہ مرکوز رہی، زلمے خلیل زاد نے کہا تھا کہ پاکستان، افغانستان اپنی سرزمین ایک دوسرے کے خلاف استعمال نہ ہونے دیں۔

  • امریکی نمائندہ خصوصی زلمے خلیل زاد آج پاکستان پہنچیں گے

    امریکی نمائندہ خصوصی زلمے خلیل زاد آج پاکستان پہنچیں گے

    اسلام آباد: امریکی نمائندہ خصوصی برائے افغان مفاہمتی عمل زلمے خلیل زاد اور امریکی نائب وزیرِ خارجہ ایلس ویلز دورے پر آج پاکستان آئیں گے۔

    تفصیلات کے مطابق ترجمان دفتر خارجہ ڈاکٹرمحمد فیصل کا کہنا ہے کہ امریکی نمائندہ خصوصی زلمے خلیل زاد اور امریکی نائب وزیرِ خارجہ ایلس ویلز آج پاکستان پہنچیں گے۔

    ترجمان کے مطابق امریکی وفد دونوں ممالک کے درمیان جاری مشاوری عمل کے ضمن میں پاکستان پہنچ رہا ہے۔ دونوں ممالک کے درمیان آج دفتر خارجہ میں دو طرفہ تعلقات اور افغان مفاہمتی عمل پر بات چیت ہوگی۔

    زلمے خلیل زاد رواں ماہ کے آغاز میں بھی پاکستان کا دورہ کرچکے ہیں، جس کے دوران انہوں نے پاکستانی حکام کو افغان مفاہمتی عمل میں ہونے والی پیش رفت سے آگاہ کیا تھا۔

    امریکی صدر ڈونلڈ ٹرمپ کی جانب سے پاکستان کو مذاکرات میں کردار ادا کرنے کی درخواست کے بعد افغانستان میں امن کے قیام کے لیے کوششیں ہو رہی ہیں، اسی سلسلے میں امریکی نمائندہ خصوصی افغانستان، پاکستان، یواے ای اور قطر سمیت دیگر ممالک کے کئی دورے کرچکے ہیں۔

    افغان حکومت اورطالبان کےدرمیان مذاکرات آخری لمحات میں منسوخ

    یاد رہے کہ رواں ماہ 19 اپریل کو افغان طالبان اور افغان حکومت کے درمیان قطر میں ہونے والے مذاکرات آخری لمحات میں منسوخ کردیے گئے تھے۔

    افغان حکومت کی مذاکرات کے لیے تیار کی گئی فہرست پرطالبان نے تنقید کرتے ہوئے کہا تھا کہ یہ شادی یا کسی اور مناسب سے دعوت اور مہمان نوازی کی تقریب نہیں کہ کابل انتظامیہ نے کانفرنس میں شرکت کے لیے 250 افراد کی فہرست جاری کی۔

  • امریکی نائب وزیرِ خارجہ ایلس ویلز کی دفترِ خارجہ آمد، وفود کی سطح پر مذاکرات

    امریکی نائب وزیرِ خارجہ ایلس ویلز کی دفترِ خارجہ آمد، وفود کی سطح پر مذاکرات

    اسلام آباد: امریکی نائب وزیرِ خاجہ ایلس ویلز نے دفترِ خارجہ کا دورہ کیا، دورے کا مقصد ایلس ویلز کی وزارتِ خارجہ کے اعلیٰ حکام سے وفود کی سطح پر مذاکرات تھے۔

    تفصیلات کے مطابق وزارتِ خارجہ کے اعلیٰ حکام سے مذاکرات کے لیے امریکی نائب وزیرِ خارجہ نے وفد کے ہم راہ دفترِ خارجہ کا دورہ کیا، پاکستانی وفد کی قیادت ایڈیشنل سیکرٹری فارن آفس آفتاب کھوکھر کر رہے تھے۔

    [bs-quote quote=”پاکستان نے تعلقات کے فروغ کے لیے اقتصادی و تجارتی تعاون پر زور دیا” style=”style-7″ align=”left” color=”#dd3333″][/bs-quote]

    پاکستانی وفد میں وزارتِ داخلہ اور وزارتِ دفاع کے اعلیٰ افسران بھی شامل تھے، یہ ملاقات وزیرِ خارجہ شاہ محمود اور مائیک پومپیو کے درمیان گزشتہ دنوں ہونے والی بات چیت کے نتیجے میں ہوئی۔

    وفود کی سطح پر ہونے والی ملاقات میں باہمی اعتماد اور احترام پر مبنی دو طرفہ تعلقات کے فروغ سے متعلق تبادلۂ خیال کیا گیا، پاکستان نے تعلقات کے فروغ کے لیے اقتصادی و تجارتی تعاون پر زور دیا۔

    ملاقات میں پاکستان کی جانب سے عوام کی سطح پر روابط کو بڑھانے پر بھی زور دیا گیا، افغانستان میں امن کی صورتِ حال اور علاقائی سلامتی کا موضوع بھی زیرِ بحث آیا۔

    یہ بھی پڑھیں:  پاک چین تعلقات نئی بلندیوں کوچھو رہے ہیں‘ ترجمان دفترخارجہ

    دوسری طرف امریکی وفد نے بھی پاکستان کے ساتھ تعلقات کے فروغ کی ضرورت پر زور دیا، دونوں ممالک کے وفود کے مابین دو طرفہ تعلقات میں بہتری اور علاقائی امن سمیت مشترکہ مقاصد کے حصول کے لیے کوششوں پر اتفاق کیا گیا۔

  • امریکی نائب وزیرخارجہ ایلس ویلز پاکستان پہنچ گئیں

    امریکی نائب وزیرخارجہ ایلس ویلز پاکستان پہنچ گئیں

    اسلام آباد: امریکی نائب وزیرخارجہ برائے جنوبی ایشیا ایلس ویلز ایک روزہ دورے پر پاکستان پہنچ گئیں، وہ پاکستانی حکام سے اہم ملاقاتیں کریں گی۔

    تفصیلات کے مطابق امریکی نائب وزیر خارجہ ایلس ویلزغیرملکی ایئرلائن کی پرواز سے دوحا کے راستے آج صبح اسلام آباد پہنچیں۔

    ایلس ویلز ایک روزہ دورے کے دوران وزیرخارجہ شاہ محمود قریشی اور وزیرخزانہ اسد عمر سے ملاقاتیں کریں گی، اس کے علاوہ وزیراعظم عمران خان سے بھی ان کی ملاقات متوقع ہے۔

    یاد رہے کہ گزشتہ روز ترجمان دفترخارجہ کا کہنا تھا کہ ایلس ویلز پاکستانی حکام کے ساتھ ایک روزہ دورے کے دوران ملاقاتیں کریں گی جو وزیرخارجہ شاہ محمود قریشی اور سیکرٹری خارجہ مائیک پومیپو کے درمیان ہونے والی ملاقات کی ہی کڑی ہے۔

    ڈاکٹرمحمد فیصل کا کہنا تھا کہ امریکی نائب وزیرخارجہ کے اس دورے کا مقصد دو طرفہ تعلقات کو مزید مستحکم بنانا ہے۔

    واضح رہے کہ ایلس ویلز نے رواں سال جولائی میں بھی پاکستان کا دورہ کیا تھا اور اس دورے کے دوران انہوں نے پاک فوج کے سربراہ جنرل قمرجاوید باجوہ سے بھی ملاقات کی تھی۔