کراچی : ٹک ٹاکر عفان ملک نے پاکستانی ٹک ٹاکرز کی دنیا کی کوئین جنت مرزا کی بہن ٹک ٹاکر علشبہ انجم سے منگنی توڑ دی جس کی تصدیق انہوں نے انسٹاگرام پر کردی۔
دونوں ٹک ٹاکر اسٹارز علشبہ انجم اور عفان ملک کی منگنی کی پروقار تقریب گزشتہ سال ستمبر میں منعقد ہوئی تھی جس کی متعدد خوبصورت تصاویر کئی دنوں تک سوشل میڈیا پر وائرل ہوئی تھیں۔
View this post on Instagram
علشبہ اور عفان کی منگنی ٹوٹنے سے متعلق گزشتہ کئی روز سے افواہیں زیرِ گردش تھیں تاہم اب عفان ملک نے اس کی باقاعدہ تصدیق کر دی ہے۔
عفان ملک نے علشبہ انجم کے ساتھ اپنی منگنی کے ٹوٹنے سے متعلق مداحوں کو آگاہ کیا ہے جبکہ علشبہ انجم اپنی منگنی سے متعلق سوشل میڈیا پر پوچھے جانے والے سوالات کا جواب نہیں دے رہی ہیں۔
عفان ملک نے حال ہی میں اپنے انسٹاگرام پر ایک نئی تصویر شیئر کی ہے جس پر ایک صارف کا پوچھنا تھا کہ”کیا آپ کی منگنی ختم ہو گئی ہے؟”اس سوال کا جواب دیتے ہوئے ٹک ٹاکر نے لکھا کہ "ہاں۔”
یاد رہے کہ ٹک ٹاکر و یوٹیوبر علشبہ انجم اور عفان ملک دونوں نے اپنے پروفائلز سے ایک دوسرے کی تصاویر بھی ڈیلیٹ کر دی ہیں، جنت مرزا کی بہن علشبہ انجم اور عفان ملک کی منگنی ٹوٹنے پر شائقین ملے جلے ردِعمل کا اظہار کر رہے ہیں۔