ARYNews.tv | Urdu – Har Lamha Bakhabar

Tag: ALLAH

  • عازمین حج کی خدمت کے لیے ہر ممکن کوشش کریں گے، جنرل القحطانی

    عازمین حج کی خدمت کے لیے ہر ممکن کوشش کریں گے، جنرل القحطانی

    ریاض : جنرل سعید القحطانی نے کہا ہے کہ سیکیورٹی فورسز نے مدینہ منورہ، مکۃ المکرمہ اور دیگر مقامات مقدسہ سمیت حج سے متعلق علاقوں میں سیکیورٹی کا آغاز کردیا ہے اور حجاج کرام کی حفاظت کے لیے تمام وسائل کو برائے کار لائیں گے۔

    تفصیلات کے مطابق سعودی عرب میں حج مناسک کی ادائیگی کے لیے آنے والے عازمین کی سیکیورٹی اور مقامات مقدسہ کی حفاظت کے لیے بنائی گئی ایمرجنسی سیکیورٹی فورس کی صلاحیتوں کا گذشتہ روز عملی مظاہرہ کیا گیا جس میں مملکت کے وزیر داخلہ و سپریم حج کمیٹی کے سربراہ شہزادہ عبد العزیز بن سعود نے خصوصی شرکت کی۔

    غیر ملکی خبر رساں ادارے کا کہنا تھا کہ سعودی عرب کے وزیر داخلہ شہزادہ عبدالعزیز بن سعود سیکیورٹی فورسز کی تیارتی کا جائزہ لینے ایمرجنسی سیکیورٹی فورس کے مرکز پہنچے تو مکہ المکرمہ کے نائب گورنر شہزادہ عبداللہ بن بندر سمیت دیگر حکام نے وزیر داخلہ کا استقبال کیا۔

    غیر ملکی میڈیا سے گفتگو کرتے ہوئے حج سیکیورٹی کونسل کے سربراہ جنرل سعید القحطانی کا کہنا تھا کہ سیکیورٹی فورسز نے مدینہ منورہ اور مکہ مکرمہ اور دیگر مقامات سمیت حج مناسک سے متعلق تمام راستوں اور علاقوں میں حفاظتی سرگرمیوں کا آغاز کردیا ہے۔

    جنرل سعید القحطانی کا کہنا تھا کہ سعودی عرب کی عوام اور حکام شاہ سلمان بن عبدالعزیز کی سربراہی میں اللہ کے مہمانوں کی راحت و آرام کےلیے تمام اشیاء کی فراہمی کے لیے کوشاں ہے۔

    غیر ملکی خبر رساں ادارے کا کہنا تھا کہ  حج سیکیورٹی کمیٹی کے سربراہ کا مؤقف تھا کہ حج کی ادائیگی کے سعودیہ آنے والے حجاج کرام کی حفاظت و سلامتی کےلیے تمام تر وسائل کو برائے کار لایا جائے گا۔

    غیر  ملکی خبر رساں ادارے کا کہنا تھا کہ سعودی وزیر داخلہ شہزدہ عبدالعزیز بن سعود کی ایمرجنسی فورس کے مرکز پہنچنے کے بعد سیکیورٹی فورسز کے اہلکاروں، عسکری گاڑیوں اور طیاروں نے کسی بھی ہنگامی صورتحال سے نمٹنے کے لیے اپنی پیشہ ورانہ صلاحتیوں کا عملی مظاہرہ کیا۔

  • اللہ تعالیٰ کے 99 نام، خوبصورت انداز میں، ویڈیو دیکھیں

    اللہ تعالیٰ کے 99 نام، خوبصورت انداز میں، ویڈیو دیکھیں

    اللہ رب العزت کے 99 ناموں کو اسماء الحسنیٰ کہا جاتا ہے، یہ نام دراصل خدائے رب ذوالجلال کی صفات کو بیان کرتے ہیں۔

    ہم میں سے اکثر لوگ بچپن میں ٹیلی ویژن پر آنے والے اللہ تعالیٰ کے 99 نام سنتا تھا جنہیں بہت خوبصورت انداز میں پڑھا جاتا تھا، انہیں خوبصورت انداز میں کون پڑھنے کی سعادت حاصل کرتا ہے اس کی ویڈیو سامنے آگئی۔

     

  • امریکا: ٹیچر نے’اللہ’ کا نام لینے پر معذور طالب علم پولیس کے حوالے کردیا

    امریکا: ٹیچر نے’اللہ’ کا نام لینے پر معذور طالب علم پولیس کے حوالے کردیا

    ہوسٹن: امریکی ریاست ٹیکساس میں اسکول ٹیچر نے معذور طالب علم کو لفظ ’اللہ‘ ادا کرنے پر دہشت گرد قرار دیتے ہوئے پولیس کے حوالے کردیا۔

    امریکی میڈیا کی رپورٹ کے مطابق ٹیکساس کے علاقے ہوسٹن میں واقع اسکول میں ٹیچر نے لفظ ’اللہ‘ ادا کرنے پر دہشت گرد قرار دیتے ہوئے 6 سالہ معذور طالب علم محمد سلمان کو پولیس کے حوالے کیا۔

    مذکورہ طالب علم کے والد کا کہنا ہے کہ میرے بیٹا پیدائشی طور پر نفسیاتی مرض ’سینڈروم‘ میں مبتلا ہے اس لیے وہ بول نہیں سکتا مگر ٹیچر کی جانب سے بچے کو دہشت گرد قرار دینا بہت بڑی بیوقوفی ہے‘۔

    محمد سلمان ذہنی معذوری کی وجہ سے بول نہیں سکتا، والد

    اُن کا کہنا تھا کہ ’ایلمنٹری اسکول کے ٹیچر کی غیر موجودگی میں دوسرے استاد نے بیٹے پر الزام عائد کر کے اُسے ٹیکساس پولیس کے حوالے کیا جبکہ ذہنی معذوری کی وجہ سے وہ بولنے سے ہی قاصر ہے‘۔

    اسکول ٹیچر کے مطابق محمد سلمان نے کلاس میں تمام طالب علموں کے سامنے دھمکی آمیز کلمات کے ساتھ لفظ اللہ ادا کیا، جس کی وجہ سے اُسے تفتیش کے لیے پولیس کے حوالے کیا گیا۔

    مسلمان طلبہ کے والدین کی جانب سے شدید احتجاج کے بعد بچوں کے تحفظ کے ادارے نے معاملے کا نوٹس لیتے ہوئے تحقیقاتی کمیٹی تشکیل دے دی۔

    پولیس کے مطابق مذکورہ بچے کے خلاف کی جانے والی تحقیقات میں ایسی کوئی بات سامنے نہیں آئی جس کی بنیاد پر اُسے دہشت قرار دیا جاسکے، طالب علم کو تفتیش مکمل ہونے کے بعد رہا کردیا گیا۔

     اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • قربانی کرنے سے پہلے یاد رکھنے والی باتیں

    قربانی کرنے سے پہلے یاد رکھنے والی باتیں

    کراچی: اسلامی کلینڈرکے آخری مہینے ذی الحج کی میں فرزندانِ توحید اسلام کا سب سے بڑارکن حج ادا کرتےہیں اور اس کے بعد حضرت ابراہیم علیہ السلام کی لازوال قربانی کی یاد میں حلال جانوروں کی قربانی کرتے ہیں۔

    قربانی بھی اسلام کا ایک اہم رکن ہے جو کہ صاحبانِ نصاب پرفرض کیا گیا ہے پاکسانی معاشرے میں بھی قربانی کوانتہائی اہمیت حاصل ہےاوراس کے لئے ہرسال باقاعدہ اہتمام کیا جاتا ہے۔

    قربانی کیونکہ بیک وقت مذہبی اورمعاشرتی فریضہ ہے لہذا چند نکات ایسے ہیں کہ جنہیں قربانی سے قبل جان لینا ضروری ہے۔

    قربانی کےلئے حلال جانور کا انتخاب کیا جائے اورحلال مال سے ہی قربانی کے لئے جانورخریدا جائے۔

    ذبح کرنے سے پہلے جانور کو وافر مقدار میں کھانا اورپانی فراہم کیا جائے اوراس وقت تک کھانے دیا جائے کہ جب تک جانورسیر ہوکرخود منہ نہ ہٹالے۔

    ذبح کرتے ہوئے انتہائی تیزدھارچھری استعمال کی جائے اورچھری جانور کی مناسبت سے ہونہ زیادہ بڑٰی اورنہ ہی چھوٹی۔

    قربانی کا گوشت تین حصوں میں تقسیم کیا جاتا ہے ایک حصہ صاحبِ خانہ کا، دوسراحصہ رشتے داروں کا اورتیسرا حصہ غرباء مساکین کے لئے مختص ہے اوراسی صورت میں گوشت کی تقسیم ہونی چاہیے۔

    قربانی کا مقصد اول تو اللہ کی راہ میں ایثار کا مظاہرہ کرنا ہے تو دوسری جانب معاشرے کے ان لوگوں کا خیال ہے کہ جوغربت کی زندگی گزارنے پر مجبور ہیں لہذا قربانی میں نام ونمود کے بجائے خالصتاً اللہ کی رضااورغرباء کی مدد کا جذبہ مدِںظررہنا چاہیے۔

  • مسلم جوڑے کو انڈے کے چھلکے پر’اللہ‘ لکھا ملا

    مسلم جوڑے کو انڈے کے چھلکے پر’اللہ‘ لکھا ملا

    آئس لینڈ: ایک مسلمان جوڑا خود کو خوش قسمت سمجھنے لگا جب انہوں نے انڈوں کا ایک پیکٹ خریدا تو اس میں سے ایک انڈے کے چھلکے پر ’’اللہ‘‘ لکھا ہوا نکلا۔

    انیسا جساب نامی 36 سالہ خاتون نے ایک مقامی سپر مارکیٹ سے انڈوں کا ایک پیکٹ خریدا اور جب وہ ان سے کیک بنانے لگیں تو انہوںنے محسوس کیا کہ ایک انڈے کا چھلکا ابھرا ہوا تھا۔

    خاتون نے جب غور سے دیکھا تو انہوں نے محسوس کیا کہ انڈے کے چھلکے پر’اللہُ‘لکھاہوا ہے۔

    انیسا کا ماننا ہے کہ انہیں اللہ کی طرف سے رحمت سے نوازا گیا ہے کیونکہ یہ ایک ایسی چیز ہے جوکہ کوئی بھی انڈے پر نہیں لکھ سکتا۔ اس سے قبل ہم نے ایسی چیزیں محض درختوں پر اور آسمان پر ہی لکھی دیکھی ہیں۔

    وہ کہتی ہیں کہ ان کے خیال میں یہ ایک اشارہ ہے کہ تمام مسلمان ایک دوسرے کو معاف کریں اور اپنے دل ایک دوسرے سے صاف رکھیں۔

    انہوں نے جب یہ انڈہ مقامی مسجد امام البخاری کے امام کو دکھایا تو انہوں نے مشورہ دیا کہ اس انڈے کو محفوظ رکھنے کے لئے اس کےاندر کا مواد باہر نکال لیا جائے۔

    اس سے قبل مارچ 2011 میں عاصم تاج نامی شخص کے پاس خریداری کے انڈوں میں سے ایک انڈے پر ’اللہ ‘ لکھا ہوا تھا جسے دیکھنے کے لئے مسلمان 100 میل کا سفر کرکے نوٹنگھم گئے تھے۔

  • قربانی کرنے سے پہلے یاد رکھنے والی باتیں

    قربانی کرنے سے پہلے یاد رکھنے والی باتیں

    کراچی (ویب ڈیسک) – اسلامی کلینڈرکے آخری مہینے ذی الحج کی میں فرزندانِ توحید اسلام کا سب سے بڑارکن حج ادا کرتےہیں اور اس کے بعد حضرت ابراہیم علیہ السلام کی لازوال قربانی کی یاد میں حلال جانوروں کی قربانی کرتے ہیں۔

    قربانی بھی اسلام کا ایک اہم رکن ہے جو کہ صاحبانِ نصاب پرفرض کیا گیا ہے پاکسانی معاشرے میں بھی قربانی کوانتہائی اہمیت حاصل ہےاوراس کے لئے ہرسال باقاعدہ اہتمام کیا جاتا ہے۔

    قربانی کیونکہ بیک وقت مذہبی اورمعاشرتی فریضہ ہے لہذا چند نکات ایسے ہیں کہ جنہیں قربانی سے قبل جان لینا ضروری ہے۔

    قربانی کےلئے حلال جانور کا انتخاب کیا جائے اورحلال مال سے ہی قربانی کے لئے جانورخریدا جائے۔

    ذبح کرنے سے پہلے جانور کو وافر مقدار میں کھانا اورپانی فراہم کیا جائے اوراس وقت تک کھانے دیا جائے کہ جب تک جانورسیر ہوکرخود منہ نہ ہٹالے۔

    ذبح کرتے ہوئے انتہائی تیزدھارچھری استعمال کی جائے اورچھری جانور کی مناسبت سے ہونہ زیادہ بڑٰی اورنہ ہی چھوٹی۔

    قربانی کا گوشت تین حصوں میں تقسیم کیا جاتا ہے ایک حصہ صاحبِ خانہ کا، دوسراحصہ رشتے داروں کا اورتیسرا حصہ غرباء مساکین کے لئے مختص ہے اوراسی صورت میں گوشت کی تقسیم ہونی چاہیے۔

    قربانی کا مقصد اول تو اللہ کی راہ میں ایثار کا مظاہرہ کرنا ہے تو دوسری جانب معاشرے کے ان لوگوں کا خیال ہے کہ جوغربت کی زندگی گزارنے پر مجبور ہیں لہذا قربانی میں نام ونمود کے بجائے خالصتاً اللہ کی رضااورغرباء کی مدد کا جذبہ مدِںظررہنا چاہیے۔

    dua