Tag: Altaf hussain condem

  • الطاف حسین کی کارکنان کے قتل پر شدید مذمت

    الطاف حسین کی کارکنان کے قتل پر شدید مذمت

    لندن :متحدہ قومی موومنٹ کے قائد الطاف حسین نے مسلح دہشت گردوں کی فائرنگ سے ایم کیو ایم ناظم آباد گلبہار سیکٹر کے دو کارکنوں عبدالرحمان ولدعبد الرزاق اور محمد اشرف ولد محمد انوار کے بہیمانہ قتل کی شدید مذمت کی ہے۔

    الطاف حسین نے کہا کہ آج دن ہی میں ایم کیوایم کے ایک پختون ذمہ داراورصوبائی کمیٹی کے رکن اشرف اورکزئی کو شہید کیا گیا، ابھی اشرف اورکزئی شہید کی تدفین بھی نہیں ہوپائی تھی کہ رات کو گولیمار کے علاقے میں ایم کیوایم گلبہار سیکٹر یونٹ 189کے کارکنوں عبدالرحمان اور محمداشرف کو موٹرسائیکل سواردہشت گردوں نے فائرنگ کرکے شہید کردیا۔

    الطاف حسین نے اس خونی واقعہ کی شدید مذمت کرتے ہوئے کہا کہ گزشتہ پانچ روز کے دوران ایم کیوایم کے 10کارکنان شہید کئے جا چکے ہیں۔

    انھوں نے کہا کہ کراچی میں ایم کیوایم کے کارکنوں کو روزانہ چن چن کر مارا جارہا ہے اور ایسا لگتا ہے کہ کالعدم تنظیموں کے دہشت گردوں کوایم کیو ایم کے کارکنوں کوچن چن کر مارنے کا باقاعدہ ٹاسک دیا گیا ہے۔

    الطاف حسین نے کہا کہ ایم کیوایم کو طالبانائزیشن اور مذہبی انتہاپسندی کے خلاف آوازاٹھانے کی سزادی جارہی ہے۔

  • ملک بچانے کیلئے جماعت اسلامی پر پابندی لگائی جائے، الطاف حسین

    ملک بچانے کیلئے جماعت اسلامی پر پابندی لگائی جائے، الطاف حسین

    کراچی : ایم کیو ایم کے قائد الطاف حسین نے کہا ہے ملک بچانے کیلئے جماعت اسلامی پر پابندی لگائی جائے۔

    متحدہ قومی مومنٹ کے قائدالطاف حسین نے اپنے ایک بیان میں کہا ہے کہ گزشتہ ماہ پشاورکے آرمی پبلک اسکول میں ہونے والا اندوہناک سانحہ بھی قوم کو متحد نہ کرسکا ۔

    الطاف حسین کا کہنا تھا امریکی وزیر خارجہ جان کیری نے انڈیا کے دورے میں اربوں روپے کی امداد دی لیکن پاکستان کو صرف 25کروڑ ڈالردیے جو دہشت گردی کی جنگ میں پاکستان کے نقصانات کے سامنے اونٹ کے منہ میں زیرہ دینے کے مترادف ہے۔

    انہوں نے کہا کہ بھارت مستقل با رڈرز کی خلاف ورزی کرکے پاکستان کی سرحدوں کے اندر گولہ باری کر رہاہے ، لوگ شہید ہورہے ہیں لیکن اس پر امریکی وزیر خارجہ نے مذمت کا اظہار تک نہیں کیا۔

     الطاف حسین کا کہنا تھا طالبان اور داعش کے لوگ جماعت اسلامی کے رہنماوں کے گھروں سے گرفتار ہو رہے ہیں، ملک بچانے کیلئے جماعت اسلامی پر پابندی لگائی جائے۔

  • قائد الطاف حسین کی کارکن ندیم احمد کے بہیمانہ قتل کی شدید مذمت

    قائد الطاف حسین کی کارکن ندیم احمد کے بہیمانہ قتل کی شدید مذمت

    لندن :ایم کیوایم کے قائدالطاف حسین نے اورنگی ٹاؤن میں مسلح دہشت گردوں کی فائرنگ سے ایم کیوایم کے کارکن ندیم احمد کے بہیمانہ قتل کی شدید الفاظ میں مذمت کی ہے۔

    الطاف حسین نے کہا کہ ندیم احمدشہید نے بم دھماکے میں ملوث طالبان اورلشکرِ جھنگوی کے دہشت گردوں کو شناخت کیا تھا اور ان کے خلاف گواہی دی تھی، جس کے بعد سے انہیں دھمکیاں مل رہی تھیں۔

    الطاف حسین نے کہا کہ طالبان، لشکرِجھنگوی اور دیگرکالعدم تنظیموں کے دہشت گردوں کے ہاتھوں کراچی میں ایم کیوایم کے تین ارکان سندھ اسمبلی سید رضا حیدر، منظرامام ، ساجد قریشی سمیت کئی کارکنوں اور ذمہ داروں کو شہید کیا جاچکا ہے، ایم کیوایم کو طالبانائزیشن کے خلاف آواز اٹھانے کی سزا دی جا رہی ہے۔

    الطاف حسین نے آرمی چیف ،وزیرِاعظم ، وزیرِداخلہ و دیگر اعلٰی حکام سے مطالبہ کیا کہ ریاست کی رٹ چیلنج کرنے والے طالبان ، لشکرِ جھنگوی اور دیگر کالعدم تنظیموں کے دہشت گردوں کو سخت سزادی جائے۔

    الطاف حسین نے ندیم احمدشہید کے لواحقین سے دلی تعزیت اور ہمدردی کا اظہار کیا، انہوں نے دعا کی کہ اللہ تعالیٰ ندیم احمد شہید کو شہادت کا درجہ عطا کرکے انہیں جنت الفردوس میں جگہ دے اور لواحقین کو صبرجمیل عطا کرے۔

  • مولاناعبدالعزیزکو ایف آئی آر کی روشنی میں گرفتارکیا جائے، الطاف حسین

    مولاناعبدالعزیزکو ایف آئی آر کی روشنی میں گرفتارکیا جائے، الطاف حسین

    کراچی: ایم کیو ایم کے قائد الطاف حسین نے کہا ہے ہم اپنے اتحاد اور دہشت گردوں کے خلاف ہمت وجرات کا مظاہرہ کرکے ملک کومضبوط اورمستحکم بنا سکتے ہیں۔

    متحدہ قومی موومنٹ کے قائد الطاف حسین نے سیاسی وعسکری قیادت پر زور دیا ہے کہ ملکی و بین الاقوامی تناظر کی روشنی میں مذہبی منافرت اور فرقہ واریت کے خاتمہ کیلئے ہرقسم کی مصلحت کو بالائے طاق رکھ کرجرات مندانہ فیصلے کیے جائیں ۔

    الطاف حسین کا کہنا تھا پاکستان کو مضبوط ومستحکم بنانے کیلئے آسمان سےفرشتے نہیں اتریں گے ہمیں ہی اپنے اتحاد اور ہمت سے دہشت گردوں کو شکست دینی ہے،حکومت کا فرض ہے کہ ان مسلح حملہ آوروں کو فی الفور گرفتارکرکے ان کے مکمل کوائف کے ساتھ میڈیا کے سامنے پیش کیاجائے۔

    ایم کیوایم کے قائد نے اپنے بیان میں حکومت سے مطالبہ کیا کہ سلمان تاثیر کی برسی کے تقریب پرحملہ کرنے والوں کو گرفتار کرکے انھیں سزا دی جائے، لال مسجد کے خطیب کے خلاف ایف آئی آر کی روشنی میں انہیں فی الفورگرفتارکیا جائے، ذکی الرحمان لکھوی کے حوالہ سے ٹھوس لائحہ عمل تیارکیا جائے،  کالعدم تنظیموں کی نفرت انگیز تبلیغ اوران کے سربراہوں کی تقاریر پرفی الفور پابندی عائد کی جائے۔

    ان کا کہنا تھا کہ جوکالعدم جماعتیں مذہبی منافرت پھیلانے، فرقہ وارانہ فسادات کرانے اورفرقہ واریت کی بنیاد پر قتل کرنے کا حکم دینے میں ملوث ہیں ان خلاف فلفور کاروائی کی جائے۔

    دوسری جانب ذرائع کے مطابق حکومت نے لال مسجد کے خطیب مولانا عبد العزیز کے خلاف کاروائی نہ کر نے کا فیصلہ کیا ہے،حکومتی ذرائع کا کہنا ہے کہ مولانا عبد العزیز نے سانحہ پشاور بیان پر معذرت کر لی ہے اور وہ شامل تفتیش ہو نے کو تیار ہیں ذرائع نے بتایا کہ حکومت مولانا عبد العزیز سے متعلق کوئی نیامحاذ نہیں کھولنا چاہتی،

  • اکیسویں ترمیم،ملک بچانے کے مترادف اور خوش آئند ہے، الطاف حسین

    اکیسویں ترمیم،ملک بچانے کے مترادف اور خوش آئند ہے، الطاف حسین

    کراچی: ایم کیو ایم کے قائد الطاف حسین اکیسویں آئینی ترمیم کی منظوری کا خیر مقدم کرتے ہوئے اسے ملک بچانے کا مترادف اور خوش آئند قرار دیا ہے۔

     الطاف حسین کا کہنا تھا کہ تمام سیاسی جماعتوں نے دہشتگردوں سے ملک کو پاک کرنے کیلئے ایک صفحہ پر جمع ہو کر ملک میں مثبت روایت کی بنیاد رکھ دی ہے ، الطاف حسین کا کہنا تھا کہ اللہ تعالیٰ پاکستا ن کو دہشتگردی سے پاک کرنے کیلئے مسلح افواج ، سیاسی جماعتوں اور پوری قوم کو جرأت و ہمت عطا فرمائے۔

    واضح رہے کہ قومی اسمبلی کےآج کےاجلاس میں اکیسویں آئینی ترمیم کا ترمیم شدہ مسودہ منظوری کیلیےپیش کیا گیا جسےبحث کے بعد دو سو سینتالیس اراکین کی متفقہ رائےسےمنظورکر لیا گیا جبکہ مخالفت میں کوئی ووٹ نہیں پڑا۔

  • گلےکاٹنےوالےطالبان نہیں ظالمان ہیں، الطاف حسین

    گلےکاٹنےوالےطالبان نہیں ظالمان ہیں، الطاف حسین

    کراچی: الطاف حسین کہتے ہیں تحریک انصاف اورپیپلزپارٹی نے فوجی عدالتوں کی حمایت کی تھی لیکن اب انہوں نے مؤقف تبدیل کرلیا،یہی حالات رہے تو ملک میں مارشل لاکوآنے سے کوئی نہیں روک سکے گا۔

    علماو مشائخ سے خطاب میں ایم کیوایم کے قائد الطاف حسین کاکہناتھافوجی عدالتوں کی حمایت اس شرط پرکی تھی کہ کالعدم جماعتوں کیخلاف کارروائی کی جائے گی لیکن اب تحریک انصاف اور پیپلزپارٹی نے مؤقف تبدیل کرلیاہے، الطاف حسین نے کہا بچوں کوقتل اور مساجد کودھماکوں سے اڑنے والے طالبان انسانوں کے روپ میں حیوان ہیں مسلح افواج ان کیخلاف بھرپورکارروائی کررہی ہے۔الطاف حسین نے کہا کہ گلےکاٹنےوالےطالبان نہیں ظالمان ہیں۔

     قائد کے ایم کیوایم نے کہا کہ دہشت گردی کیخلاف جنگ کی نذر ہونے والے پاک فوج کے جوانوں کوشہید تصورنہ کرنے والوں کے سوشل بائیکاٹ کااعلان بھی کیا، الطاف حسین کاکہناتھا اب تک وزیراعلیٰ سندھ ٹمبرمارکیٹ کادورہ نہیں،انہوں نے ٹمبرمارکیٹ آتشزدگی کی تحقیقات کامطالبہ بھی کیا۔

    الطاف حسین نے کہا کہ ٹمبرمارکیٹ میں آگ لگنے کے واقعے کی تحقیقات کرائی جائے کہ آگ لگی یا لگائی گئی ہے؟۔ دیکھناچاہیےکہ انارکلی یا ٹمبرمارکیٹ میں کوئی کیمیکل تو استعمال نہیں ہوا، ایم کیوایم کے قائد نے کہا کہ اب تک وزیراعلیٰ سندھ نےٹمبرمارکیٹ کا دورہ نہیں کیا اور نہ ہی آصف زرداری کی جانب سے ٹمبرمارکیٹ متاثرین کیلیے افسوس کاپیغام آیا، جو انتہائی افسوس ناک ہے۔

  • الطاف حسین کا انارکلی بازار میں آتشزدگی سے ہلاکتوں پر اظہارافسوس

    الطاف حسین کا انارکلی بازار میں آتشزدگی سے ہلاکتوں پر اظہارافسوس

    کراچی: متحدہ قومی موومنٹ کے قائدالطاف حسین نے لاہورمیں انارکلی بازار میں ہولناک آتشزدگی سے متعددافرادکے جاں بحق ہونے پر دلی افسوس کا اظہار کیا ہے۔

    الطاف حسین نے کہاکہ ہولناک آتشزدگی کے واقعہ میں اس قدربڑی تعدادمیں شہریوں کی ہلاکتوں سے ہردل دکھی اور افسردہ ہے، الطاف حسین نے مطالبہ کیاکہ سانحہ کی تحقیقات کرائی جائے اور اس کےاسباب کاپتہ چلایاجائے اورمتاثرین کے نقصانات کا ازالہ کیا جائے، انہوں نے کہا کہ وہ اور ان کے تمام ساتھی سانحہ میں جاں بحق ہونےوالوں کےلواحقین کےغم میں برابرکےشریک ہیں۔

  • سندھ حکومت کو نااہلی ایوارڈ ملنا چاہئے، الطاف حسین

    سندھ حکومت کو نااہلی ایوارڈ ملنا چاہئے، الطاف حسین

    کراچی: ایم کیوایم کے قائدالطاف حسین کاکہناہے سانحہ ٹمبر مارکیٹ پرحکومت سندھ کونااہلی ایوارڈ ملناچاہئے۔

     سانحہ ٹمبر مارکیٹ پر وفاقی وزیرخزانہ اسحاق ڈار نے ایم کی ایم کے قائد الطاف حسین سے ٹیلی فونک رابطہ کیا ہے، الطاف حسین نے وفاقی وزیرخزانہ سے گفتگو میں کہاکہ سندھ حکومت متاثرین کی مدد کے بجائے وضاحتیں کررہی ہے، صوبائی حکومت اور شہری انتظامیہ مجرمانہ غفلت کامظاہرہ نہ کرتیں تو شہریوں کی املاک کو بچایاجاسکتا تھا۔

    الطاف حسین نے کہاکہ کراچی میں فائر بریگیڈ جدید گاڑیوں اور جدید آلات سے محروم ہے، اس سلسلے میں صوبائی حکومت کے ساتھ ساتھ وفاقی حکومت بھی خصوصی فنڈز فراہم کرے۔

    اسحاق ڈار نےالطاف حسین کو یقین دلایا کہ وفاقی حکومت متاثر ین کی ہرممکن مددکرے گی، انہوں نے بتایا گزشتہ سال سندھ حکومت کو این ایف سی ایوارڈ کی مدد میں سولہ فیصد اضافی فنڈز فراہم کیے گئے یہ سندھ حکومت کی ذمہ داری ہے کہ وہ ان فنڈز کو استعمال کرے ۔

  • راحیل شریف 2سال کیلئےملک کی کمان سنبھال لیں، الطاف حسین

    راحیل شریف 2سال کیلئےملک کی کمان سنبھال لیں، الطاف حسین

    کراچی : ایم کیو ایم کے قائد الطاف حسین نے کہا کہ  فوجی عدالتیں لگانی ہے تو اس سے بہتر مارشل لاء کا اعلان کردیا جائے، آرمی چیف جنرل راحیل شریف 2سال کے لیےملک کی کمان سنبھال لیں۔

     کراچی میں متحدہ قومی مومنٹ کے قائد الطاف حسین پریس کانفرنس کرتے ہوئے کہا کہ فوجی عدالتیں لگانی ہیں تو اس سے بہتر ہے کہ مارشل لاء کا اعلان کردیا جائے، الطاف حسین نے کہا کہ دنیا میں جتنے انقلاب آئے ہیں اس میں فوج کے افسران یا سپاہیوں کا ہاتھ رہا ہے ۔ کمال اتاترک ، فرانس اور امریکہ میں آزادی اور انقلاب لانے والے فوجی تھے،  کیوبا میں انقلاب لانے والے بھی فوجی تھے۔

    ایم کیو ایم کے قائد نے چیف آف آرمی اسٹاف جنرل راحیل شریف سے مطالبہ کرتے ہوئے کہا کہ آپ دو سال کے لئے ملک کی کمان سنبھال لیں،ایسا مارشل لاء لگائیں کہ چوری کرنے والے سے ایک ایک پیسہ وصول کیا جائے، جنرل راحیل شریف کے بھائی کو نشان حیدر ملا ہے ۔ راحیل شریف ایک بہادر فوجی ہیں۔

    الطاف حسین کا کہنا تھا کہ ایم کیو ایم کو بُری جماعت کہا جاتا ہے ، ہمارے اپنے ہی ملک میں شہدا کے جنازے نکالنے مشکل ہوگئے ہیں، اس کے باوجود بھی ہم نےپاکستان زندہ باد کے نعرے لگائے،  مہاجروں کی وفاداری مشکوک ہوجاتی ہے،کئی دفعہ سوچتےہیں کہ کیوں ہندوستان چھوڑا ،ہمیں آج بھی مہاجر کہا جاتا ہے، ہم نے خود کو سندھی کہنا نہیں چھوڑا،جب 2روٹیاں بانٹنےکاوقت آیاتوبھکاری کہہ کرہٹادیاگیا۔

    انہوں نے کہا کہ  اکیلے پاکستان کو دنیا کی کوئی فوج نہیں بچا سکتی، میرےاس بیان کوکہاجائےگاکہ میں مارشل لاء کی حمایت کررہاہوں، انہوں نے پریس کانفرنس میں موجود صحافیوں اور اکابرین سے سوال پوچھتے ہوئے کہا کہ مجھے بتائیں پاکستان میں کون کسی ایسی پارٹی ہے جس نے ملک کو نہ لوٹا ہو ۔

  • جامعہ حفصہ کی بچیاں بازیاب کرائی جائیں، الطاف حسین

    جامعہ حفصہ کی بچیاں بازیاب کرائی جائیں، الطاف حسین

    کراچی: متحدہ قومی موومنٹ کے قائد الطاف حسین نے ارباب اقتدار اور اختیار سے مطالبہ کیا ہے کہ مدرسہ حفصہ کی مظلوم بچیوں کو بازیاب کراکر ان کے والدین کے حوالہ کیاجائے۔

    ایم کیوایم کے قائد الطاف حسین نے کہا ہے موجودہ حالات میں ملک کے مدرسے خصوصاَ مدرسہ حفصہ میں پڑھنے والی بچیاں اور ان کے والدین پریشانی کا شکار ہیں،ان کا کہنا تھا موجودہ حالات کے سبب والدین نے مدرسہ حفصہ میں اپنی بچیوں سے ملنے کی درخواست کی تو مدرسہ کی پرنسپل ام حسان اور ملاعبدالعزیز نے والدین کو ان کی بچیوں سے ملاقات کی اجازت دینے سے صاف انکار کردیا۔

     الطاف حسین کا کہنا ہے مظلوم بچیوں نے متعدد بار اپنے والدین کو فون کرکے بتایا کہ وہ اپنے ماں باپ سے ملاقات کیلئے جب بھی مدرسے کے ذمہ دارلوگوں یا ذمہ دار خواتین سے بات کرتی ہیں تو انہیں ملاقات کی اجازت نہیں دی جاتی۔

     الطاف حسین نے وزیراعظم پاکستان محمد نوازشریف، وفاقی وزیرداخلہ چوہدری نثارعلی خان، چیف آف آرمی اسٹاف جنرل راحیل شریف اور آئی ایس آئی کے چیف جنرل رضوان اخترسے مطالبہ کیا کہ مظلوم بچیوں کو مدرسہ حفصہ سے فی الفور بازیاب کرواکر ان کے والدین کے حوالہ کیاجائے ۔

     الطاف حسین نے میڈیا ، انسانی حقوق اورسول سوسائیٹی کی انجمنوں سے بھی مدرسہ حفصہ کی بچیوں کی بازیابی کیلئے آواز بلند کرنے کی درخواست کی ۔