لندن : ایم کیو ایم کے قائد الطاف حسین نے بی بی سی کی رپورٹ کوسازش قرار دیتے ہوئے مسترد کردیا، انکا کہنا ہے کہ دشمن تحریک کو ختم کرنے کے درپے ہیں لیکن جدوجہد جاری رہیگی، آزمائش کے وقت آپ میرا ساتھ چھوڑ سکتے ہیں۔
متحدہ قومی مومنٹ ایک بارپھرالزامات کی زد میں ہے، بی بی سی کی سنسنی خیز رپورٹ نے ایم کیو ایم کی صفوں میں ہلچل مچادی، الطاف حسین نے نائن زیرو پر کارکنان سے خطاب میں تمام الزامات کوسازش قرار دیکر مسترد کردیا۔
الطاف حسین نے کارکنان کو یقین دلایا کہ انھوں نے کبھی بھی لوٹ مارکی سیاست نہیں کی، اگروہ پیسے کماتے تو ملک کی امیرترین شخصیت ہوتے، متحدہ قائد کا کہنا تھا کہ انہوں نے ہردور میں امن و محبت کا پیغام دیا اور محروم لوگوں کے حقوق کی بات کی لیکن دشمن تحریک کوختم کرنےکےدرپے ہیں۔
الطاف حسین نے رابطہ کمیٹی سے مخاطب ہوتے ہوئے کہا کہ وہ چاہیں تو ساتھ چھوڑ سکتے ہیں۔
اس سے قبل رابطہ کمیٹی کا کہنا تھا کہ ماضی میں بھی ایم کیوایم پر جناح پور بنانے کی سازش سمیت متعدد الزامات لگائے گئے جو بعد میں جھوٹے ثابت ہوئے۔