کراچی: ایم کیو ایم کے قائدالطاف حسین نے کارکنوں کے اصرار پر پارٹی قیادت سے علیحدگی کا فیصلہ واپس لے لیا ،ان کا کہناہے اب اگر ایک بھی کارکن شہید ہوا تو اگلے دن پہیا جام ہوگا۔
کارکنوں کا اصرارپر الطاف حسین نےپارٹی سے علیحدگی فیصلہ واپس لے لیا ایم کیو ایم کے قائد نے کہا کہ سب خوش ہو جائیں آپ کے ساتھ چلوں گا، آئندہ ایک کارکن بھی شہید ہوا،اگلے دن پہیہ جام ہوگا۔
الطاف حسین نے کہا کہ آپریشن کی نگرانی کیلئے کمیٹی نہیں بن رہی ، وزیراعظم اور وزیرداخلہ کراچی کس لئے آرہے ہیں۔
پارٹی ورکرز سے خطاب کرتے ہوئے الطاف حسین کا کہنا تھا کہ میں نے کارکنوں کو ہمیشہ حب الوطنی کا درس دیا لیکن اگر اسی طرح لاشیں گرتی رہیں تو کارکنوں کا دماغ بھی گھوم سکتا ہے۔ یونہی لاشیں گرتی رہیں تو ردعمل بھی آ سکتا ہے۔ انہوں نے متنبہ کیا کہ اگر اب کسی بھی کارکن کا قتل ہوا تو دوسرے دن ہی پہیہ جام ہوگا۔
ایم کیو ایم کے قائد نے کہا کہ کراچی آپریشن میں ماورائے عدالت قتل ہو رہے ہیں۔ جن پر الزام ہے انہیں پکڑیں لیکن مارنے کی اجازت نہیں دی جا سکتی۔ الطاف حسین کا کہنا تھا کہ سہیل احمد قتل ہوگیا، شہداء قبرستان بن گیا لیکن ایم کیو ایم کو ختم نہیں کیا جا سکا۔ ٹرائیکا بنا ہوا ہے کہ مال بناؤ اور متحدہ کے کارکنوں کو ٹھکانے لگاؤ۔ الطاف حسین نے کہا کہ ان کی جدوجہد وڈیروں اور جاگیرداروں کے خلاف ہے۔
