ARYNews.tv | Urdu – Har Lamha Bakhabar

Tag: Altaf Hussain

  • الطاف حسین نے کل کی ہڑتال کی کال ختم کرنے کا اعلان کردیا

    الطاف حسین نے کل کی ہڑتال کی کال ختم کرنے کا اعلان کردیا

    کراچی : ایم کیوایم کے قائد الطاف حسین نے کہا ہے کہ حکو مت سندھ قیام امن اور عوام کی حفاظت میں ناکام ہو چکی ہے، انہوں نے رابطہ کمیٹی سے کہا کہ وہ کل پیر کے روز دی گئی پہیہ جام ہڑتال کی کال واپس لے لیں۔

    انہوں نے کہا کہ عوام آج شام پانچ بجے کاروبار کھول لیں اور ٹرانسپورٹرز اپنی گاڑیاں سسڑکوں پر لےآئی

    ان خیالات کا اظہار انہوں نے اے آر وائی نیوز سے خصوصی گفتگو کرتے ہوئے کیا، الطاف حسین نے کہا کہ وزیراعلیٰ سندھ نے اس جج کیخلاف  ابھی تک کوئی کارروائی نہیں کی جس نے فراز عالم کے پرہنہ جسم پر انسانیت سوز مظالم دیکھ کر بھی مزید ریمانڈ دیدیا۔

    ان کا کہنا تھا کہ اب تک ان پولیس افسران و اہلکاروں کیخلاف بھی کوئی کارروائی نہیں کی گئی کہ جنہوں نے فراز عالم پر بے پناہ تشدد کیا۔

    انہوں نے کہا کہ میں عوام کو اللہ اور رسول کا واسطہ دے کر کہتا ہوں کہ اپنے علاقوں میں اپنی حفاظت کیلئے محلہ کمیٹیاں تشکیل دیں، اور بازاروں ، اسپتالوں ودیگر مقامات پر نظر رکھیں۔،

  • ایم کیو ایم نے کل بھی شٹرڈاؤن کا اعلان کردیا

    ایم کیو ایم نے کل بھی شٹرڈاؤن کا اعلان کردیا

    کراچی : متحدہ قومی موومنٹ کی رابطہ کمیٹی نے ماورائے عدالت قتل کیے گئے ایم کیوایم کے شہداء کے قاتلوں کی گرفتاری کیلئے سندھ حکومت کی جانب سے کسی قسم کی یقین دہانی نہ کرائے جانے پر کل بروز پیر کو بھی ملک بھرمیں یوم سوگ اور سندھ بھر میں شٹرڈاوٴن کا اعلان کیاہے ۔

    ایم کیوایم کے قائد الطاف حسین نے رابطہ کمیٹی کے فیصلے کی توثیق کردی ہے۔واضح رہے کہ ہفتہ کی شب ایم کیوایم کے شہداء کے لواحقین نے وزیراعلیٰ ہاوٴس سندھ کے سامنے احتجاجی دھرناشروع کیا تھا جو رات بھرجاری رہا۔

    شہداء کے لواحقین اپنے پیاروں کے جنازوں کے ہمراہ 8 گھنٹے تک وزیراعلیٰ ہاوٴس کے باہر احتجاج کرکے انصاف کی دہائیاں دیتے رہے لیکن وزیراعلیٰ سندھ اورسندھ کابینہ کے کسی بھی رکن نے شہداء کے لواحقین سے اظہاریکجہتی کرنے کی زحمت نہیں کی۔

    اتوار کی صبح ایم کیوایم کی رابطہ کمیٹی کی جانب سے وزیراعلیٰ سندھ سید قائم علی شاہ کو 15 منٹ کی ڈیڈلائن دی گئی جس کااعلان ایم کیوایم کے قائد الطاف حسین نے احتجاجی دھرنے کے شرکاء سے ٹیلی فون خطاب کے دوران کیا۔

    ایم کیوایم کی رابطہ کمیٹی کی جانب سے کہاگیا تھا کہ وزیراعلیٰ سندھ سید قائم علی شاہ 15 منٹ کے اندراندر وزیراعلیٰ ہاوٴس سندھ کے باہر موجود شہداء کے لواحقین سے اظہارہمدردی کریں اورشہداء کے قاتلوں کی گرفتاری کی یقین دہانی کریں لیکن وزیراعلیٰ سندھ کی جانب سے اس ڈیڈلائن کابھی کوئی نوٹس نہیں لیاگیا۔

    حکومت سندھ کی جانب سے مسلسل ہٹ دھرمی اورسردمہری کے رویے کے باعث ایم کیوایم نے ملک بھر میں یوم سوگ اور سندھ بھرمیں کاروبارزندگی بند رکھنے میں ایک دن کی توسیع کرنے کااعلان کردیا اوراب ایم کیوایم کے تحت ملک بھرمیں پرامن یوم سوگ اور سندھ بھرمیں شٹرڈاوٴن کا سلسلہ پیرکے روزتک جاری رہے گا۔

    ایم کیوایم کی رابطہ کمیٹی نے فیصلہ کیا ہے کہ اگر حکومت سندھ کی جانب سے پیرکے روزبھی ایم کیوایم کے پرامن احتجاج کا نوٹس نہ لیا گیا تو رابطہ کمیٹی اجلاس کرکے اپنے آئندہ کا لائحہ عمل کااعلان کرے گی۔

    رابطہ کمیٹی نے سندھ بھرکے تاجروں، صنعتکاروں،ٹرانسپورٹرز ،دکانداروں اور زندگی کے دیگر شعبوں سے تعلق رکھنے والے افراد سے اپیل کی کہ وہ پیرکے روزبھی اپنی تمام سرگرمیاں بند رکھ کراتحادویکجہتی کامظاہرہ کریں اور ایم کیوایم کے شہداء کے لواحقین کے غم میں شرکت کریں۔

    دریں اثناء ایم کیوایم کے شہداء کے لواحقین کی جانب سے وزیراعلیٰ ہاوٴس سندھ کے باہر احتجاجی دھرنا ختم کردیا گیا ،ایم کیوایم کے شہداء کی نماز جنازہ جناح گراوٴنڈ میں ادا کرنے کی تیاریاں شروع کردی گئی ہیں اور نمازجنازہ کی ادائیگی کے بعد شہداء کوسپردخاک کیاجائے گا۔

  • کراچی آپریشن کی آڑ میں ایم کیوایم کوریاستی تشدد کا نشانہ بنایا جا رہا ہے:الطاف حسین

    کراچی آپریشن کی آڑ میں ایم کیوایم کوریاستی تشدد کا نشانہ بنایا جا رہا ہے:الطاف حسین

    لندن:فراز عالم کے قتل کی مذمت کرتے ہوئے الطاف حسین نے کہا کہ فرازعالم کی ہلاکت کاواقعہ ماورائےعدالت قتل ہے
    جس کی جتنی بھی مذمت کی جائے کم ہے۔ان کا کہنا تھا فرازعالم کو اٹھائیس دسمبر کو کھوکھراپارسے پولیس نے گرفتارکیاتھا۔وہ پولیس کی حراست میں تھے۔دوران حراست فرازعالم کووحشیانہ تشددکانشانہ بنایا گیا ۔ان کے اہل خانہ سے تشددکم کرنے کیلئے پولیس کی جانب سے بھاری رقم مانگی کا بھی مطالبہ کیا گیا ۔ پولیس نے فرازعالم کے اہل خانہ کو ان کی موت کی خبردی اور اس کھلے قتل کو دل کے دورے کانتیجہ قراردیاگیا۔
    الطاف حسین کا مزید کہنا تھا کہ کراچی آپریشن کی آڑ میں ایم کیوایم کوریاستی تشدد کا نشانہ بنایا جا رہا ہے،کارکنان کوچن چن کر گرفتار کر کے ماورائے عدالت قتل کیا جا رہا ہے، جو سراسر ظلم ہے۔ الطاف حسین نے کہا کہ ایم کیوایم کارکنان کے ماورائے عدالت قتل پر خاموش نہیں رہے گی،قتل میں ملوث پولیس اور ایجنسیوں کے اہلکار اللہ کے عذاب کو دعوت نہ دیں۔الطاف حسین نے مطالبہ کیا کہ فرازعالم کےقتل میں ملوث افسران واہلکاروں کوگرفتارکیاجائے۔

    ایک بیان میں الطاف حسین نے کہاکہ گزشتہ روز کو ایم کیوایم کے چار گرفتارکارکنان کو حراست کے دوران بہیمانہ تشدد کا نشانہ بناکر شہید کردیا گیاجبکہ ایک اورکارکن کوگولیاں مارکرشہیدکردیاگیا۔الطاف حسین نے کہاکہ کراچی آپریشن کے نام پر ایم کیوایم کے کارکنان اور ہمدردوں کو ان کے والدین، رشتہ داروں اوراہل محلہ کے سامنے گرفتارکیا جاتا ہے،ان کے گھروالوں سے منہ مانگی رقم طلب کی جاتی ہے اورمطلوبہ رقم نہ ملنے پر پولیس اور دیگر قانون نافذ کرنے والے اداروں کے اہلکاروں کی جانب سے ایم کیوایم کے کارکنوں اورہمدردوں کو پولیس اسٹیشن یا قانون نافذ کرنے والے دیگر اداروں کے سیف ہاوٴسز میں اس قدرانسانیت سوز تشدد کانشانہ بنایا جاتا ہے کہ دوران حراست ان کی موت واقع ہوجاتی ہے۔

    انہوں نے مزید کہا کہ دوران حراست ایم کیوایم کے کارکنان پر پولیس اوردیگرقانون نافذکرنے والے اداروں کے بہیمانہ تشدد کودیکھنے کے باوجود مزیدریمانڈدینے والے ججزبھی ماورائے عدالت قتل میں شریک ہیں ۔الطاف حسین نے ان واقعات کی شدیدمذمت کرتے ہوئے کہاکہ پولیس اور قانون نافذ کرنے والے دیگر اداروں کے جو اہلکار اورجوججز ایم کیوایم کے کارکنوں کے ماورائے عدالت قتل میں بالواسطہ یا بلاواسطہ ملوث ہیں ، حکومت ایک ہفتہ کے اندراندران پر قتل کے مقدمات قائم کرکے فی الفورگرفتارکرے اور انہیں سخت سے سخت سزا دی جائے وگرنہ دوسری صورت میں ماورائے عدالت قتل کیے جانے والوں کے سوگوارلواحقین اور احباب کے ردعمل کی تمام تر ذمہ داری سندھ حکومت پرعائد ہوگی۔ الطاف حسین نے کہاکہ پولیس اور قانون نافذ کرنے والے دیگر اداروں کے اہلکار اور جوججز ایم کیوایم کے کارکنوں کے ماورائے عدالت قتل میں بالواسطہ یا بلاواسطہ شریک ہیں ان پر بہت جلد قہرخداوندی نازل ہوگا اور وہ اللہ تعالیٰ کی گرفت سے ہرگز نہیں بچ سکیں گے ۔ الطاف حسین نے ایم کیوایم کے تمام کارکنوں سے پرذور اپیل کی کہ وہ شہداء کی نمازجنازہ اورتدفین میں زیادہ سے زیادہ تعداد میں شرکت کریں اور صبروتحمل اورضبط وبرداشت کا دامن ہاتھ سے نہ چھوڑیں۔آخر میں الطاف حسین نے تمام شہید کارکنوں کے سوگوارلواحقین سے دلی تعزیت کااظہار کرتے ہوئے دعا کی کہ اللہ تعالیٰ شہداء کے درجات بلند فرمائے اور شہداء کے لواحقین کو یہ عظیم صدمہ برداشت کرنے کا حوصلہ عطا کرے ۔

  • راولپنڈی دھماکہ پر الطاف حسین کی شدید الفاظ میں مزمت

    راولپنڈی دھماکہ پر الطاف حسین کی شدید الفاظ میں مزمت

    کراچی: متحدہ قومی موومنٹ کے قائد الطاف حسین نے راولپنڈی کے علاقے چٹیاں ہٹیاں میں واقع امام بارگاہ میں بم دھماکے کی شدید الفاظ میں مذمت کی ہے اور بم دھماکے میں متعددافراد کے شہید وزخمی ہونے پرگہرے دکھ اور افسوس کااظہار کیا ہے ۔

    الطاف حسین نے کہاکہ محفل میلادالنبی کے دوران امام بارگاہ میں بم دھماکہ کرنے والے خوارج ہیں جو مذہب کا نام لیکر قتل وغارتگری کرکے اللہ تعالیٰ اور نبی کریم کی تعلیمات کی صریحاً نفی کررہے ہیں۔

    الطاف حسین نے کہاکہ مذہبی انتہاء پسند دہشت گرد عناصر بم دھماکے اور قتل وغارتگری کرکے شمالی وزیرستان سمیت ملک بھر میں انتہاء پسند دہشت گردوں کے خلاف مسلح افواج کے جاری آپریشن کو ناکام بنانے کی سازش کررہے ہیں لہٰذا وقت کا تقاضہ ہے کہ ایسے سفاک عناصر اور انکی سازشوں کو سختی سے کچل دیا جائے ۔

    الطاف حسین نے وزیراعظم میاں نوازشریف اوروفاقی وزیرداخلہ چوہدری نثارعلی خان سے مطالبہ کیا کہ راولپنڈی میں واقع امام بارگاہ میں بم دھماکے کا فوری نوٹس لیا جائے اور بم دھماکے میں ملوث عناصر اور ان کے سرپرستوں کو گرفتارکرکے قرارواقعی سزا دی جائے۔

  • مولاناعبدالعزیزکو ایف آئی آر کی روشنی میں گرفتارکیا جائے، الطاف حسین

    مولاناعبدالعزیزکو ایف آئی آر کی روشنی میں گرفتارکیا جائے، الطاف حسین

    کراچی: ایم کیو ایم کے قائد الطاف حسین نے کہا ہے ہم اپنے اتحاد اور دہشت گردوں کے خلاف ہمت وجرات کا مظاہرہ کرکے ملک کومضبوط اورمستحکم بنا سکتے ہیں۔

    متحدہ قومی موومنٹ کے قائد الطاف حسین نے سیاسی وعسکری قیادت پر زور دیا ہے کہ ملکی و بین الاقوامی تناظر کی روشنی میں مذہبی منافرت اور فرقہ واریت کے خاتمہ کیلئے ہرقسم کی مصلحت کو بالائے طاق رکھ کرجرات مندانہ فیصلے کیے جائیں ۔

    الطاف حسین کا کہنا تھا پاکستان کو مضبوط ومستحکم بنانے کیلئے آسمان سےفرشتے نہیں اتریں گے ہمیں ہی اپنے اتحاد اور ہمت سے دہشت گردوں کو شکست دینی ہے،حکومت کا فرض ہے کہ ان مسلح حملہ آوروں کو فی الفور گرفتارکرکے ان کے مکمل کوائف کے ساتھ میڈیا کے سامنے پیش کیاجائے۔

    ایم کیوایم کے قائد نے اپنے بیان میں حکومت سے مطالبہ کیا کہ سلمان تاثیر کی برسی کے تقریب پرحملہ کرنے والوں کو گرفتار کرکے انھیں سزا دی جائے، لال مسجد کے خطیب کے خلاف ایف آئی آر کی روشنی میں انہیں فی الفورگرفتارکیا جائے، ذکی الرحمان لکھوی کے حوالہ سے ٹھوس لائحہ عمل تیارکیا جائے،  کالعدم تنظیموں کی نفرت انگیز تبلیغ اوران کے سربراہوں کی تقاریر پرفی الفور پابندی عائد کی جائے۔

    ان کا کہنا تھا کہ جوکالعدم جماعتیں مذہبی منافرت پھیلانے، فرقہ وارانہ فسادات کرانے اورفرقہ واریت کی بنیاد پر قتل کرنے کا حکم دینے میں ملوث ہیں ان خلاف فلفور کاروائی کی جائے۔

    دوسری جانب ذرائع کے مطابق حکومت نے لال مسجد کے خطیب مولانا عبد العزیز کے خلاف کاروائی نہ کر نے کا فیصلہ کیا ہے،حکومتی ذرائع کا کہنا ہے کہ مولانا عبد العزیز نے سانحہ پشاور بیان پر معذرت کر لی ہے اور وہ شامل تفتیش ہو نے کو تیار ہیں ذرائع نے بتایا کہ حکومت مولانا عبد العزیز سے متعلق کوئی نیامحاذ نہیں کھولنا چاہتی،

  • اکیسویں ترمیم،ملک بچانے کے مترادف اور خوش آئند ہے، الطاف حسین

    اکیسویں ترمیم،ملک بچانے کے مترادف اور خوش آئند ہے، الطاف حسین

    کراچی: ایم کیو ایم کے قائد الطاف حسین اکیسویں آئینی ترمیم کی منظوری کا خیر مقدم کرتے ہوئے اسے ملک بچانے کا مترادف اور خوش آئند قرار دیا ہے۔

     الطاف حسین کا کہنا تھا کہ تمام سیاسی جماعتوں نے دہشتگردوں سے ملک کو پاک کرنے کیلئے ایک صفحہ پر جمع ہو کر ملک میں مثبت روایت کی بنیاد رکھ دی ہے ، الطاف حسین کا کہنا تھا کہ اللہ تعالیٰ پاکستا ن کو دہشتگردی سے پاک کرنے کیلئے مسلح افواج ، سیاسی جماعتوں اور پوری قوم کو جرأت و ہمت عطا فرمائے۔

    واضح رہے کہ قومی اسمبلی کےآج کےاجلاس میں اکیسویں آئینی ترمیم کا ترمیم شدہ مسودہ منظوری کیلیےپیش کیا گیا جسےبحث کے بعد دو سو سینتالیس اراکین کی متفقہ رائےسےمنظورکر لیا گیا جبکہ مخالفت میں کوئی ووٹ نہیں پڑا۔

  • الطاف حسین کی جانب سے متاثرین ٹمبرمارکیٹ کوعید میلاد النبی کی مبارکباد

    الطاف حسین کی جانب سے متاثرین ٹمبرمارکیٹ کوعید میلاد النبی کی مبارکباد

    لندن: جشن عید میلادالنبی کے موقع پرمتحدہ قومی مومنٹ کے قائد الطاف حسین نے ٹمبرمارکیٹ کے امدادی کیمپ کے شرکاءکو عید میلاد النبی کی مبارک باد دی۔

    لندن سےٹیلی فونک خطاب میں الطاف حسین نے کہا کہ انسانیت کی خدمت بلا امتیاز رنگ و نسل کرنی چاہئے ،مصیبت زدہ عوام کی خدمت اللہ کی مخلوق کی خدمت ہے۔

    انہوں نے افسوس کا اظہارکرتے ہوئے کہاکہ وزیر اعلیٰ سندھ سید قائم علی شاہ نے آج تک متاثرین ٹمبر مارکیٹ کے زخموں پر مرہم رکھنے کیلیےمتاثرہ مقام کا دورہ تک نہیں کیا۔

    متاثرین کی دلجوئی وزیر اعلیٰ کا فرض ، حکم الٰہی اور رسول اللہ کی تعلیمات کے درس و ہدایت کے مطابق ہے۔ایم کیو ایم کے قائد نے کہا کہ وہ دس سال سے ملک میں طالبان دہشت گردوں کی سر گرمیوں سے آگاہ کرتے رہےلیکن ان کامذاق اُڑایا جاتا رہا۔

    انہوں نے خبردارکیا کہ اگر اب بھی سیاسی و عسکری قائدین اور قوم نہ جاگی تو خدانخواستہ ملک کو ناقابل تلافی نقصان پہنچے گا۔خطاب کے وقت کیمپ میں حق پرست اراکین اسمبلی ، سیکٹر ز و یونٹس کے ذمہ داران، مرکزی شعبہ جات کے اراکین اور متاثرین موجودتھے۔

  • طالبان کو کسی صورت معاف نہں کیا جا سکتا ، رحمان ملک

    طالبان کو کسی صورت معاف نہں کیا جا سکتا ، رحمان ملک

    کراچی : الطاف حسین کہتےہیں کئی بر س سے کہہ رہا تھا طالبانائزیشن پاکستان کو تباہی کی طرف لے جارہی ہے، حقیقت اب سب کے سامنے عیاں ہوگئی رحمان ملک کہتے ہیں طالبان ظالمان ہیں ان کو کسی صورت معاف اور برداشت نہیں کیا جاسکتا،

    تفصلات کے مطابق سینیٹر رحمان ملک نے ایم کیو ایم کے قائد الطاف حسین سے ٹیلی فونک رابطہ کیا، رحمان ملک کا کہنا تھا کہ فروغ نسیم نے جس طرح الطاف حسین کا مؤقف پیش کیاا س پر ان کو خراج تحسین پیش کرتا ہوں ۔

     انہوں نے کہا کہ جب تک ایک ایک دہشت گرد کو ختم نہیں کیا جاتا چین سے نہیں بیٹھنا ہوگا،۔تمام جماعتوں کا اکٹھا ہونا ملک اور قوم کیلئے خوش آئند ہے۔

    الطاف حسین نے ر حمان ملک کاشکریہ اداکیا اور کہا کہ برسوں سے کہتا رہا کہ طالبانائزیشن پاکستان کو تباہی کی طرف لے جارہی ہے۔حقیقت اب سب کے سامنے عیاں ہوگئی ہے۔

  • منافقین پاکستان کومٹاناچاہتےہیں، الطاف حسین

    منافقین پاکستان کومٹاناچاہتےہیں، الطاف حسین

    لندن : ایم کیو ایم کے قائد الطاف حسین کا کہنا ہے کہ اپنےمنافقانہ عمل کےذریعےکچھ لوگ پاکستان کومٹاناچاہتےہیں۔ ان خیالات کا اظہار الطاف حسین نے آج  اےآر وائی سے خصوصی گفتگو کرتے ہوئے کیا۔

    انہوں نے کہا کہ پارلیمانی جماعتوں کے مشترکہ اجلاس میں فوجی عدالتوں کے قیام کے معاملے پر آرمی چیف کے سامنے تو سب نے ہاں ،ہاں کردی تھی اور کہا تھا کہ ہم نے کڑوا گھونٹ پی کر فوجی عدالتوں کے قیام کا فیصلہ قبول کیا۔

    لیکن ہال سے باہر نکلتے ہی سب اپنے بیان سے مکر گئے،یہ ملٹری کورٹس کی مخالفت نہیں بلکہ منافقت کاعمل ہے۔انہوں نے کہا کہ میری دعا کہ اللّہ تعالیٰ پاکستان کو منافقین سے محفوظ رکھے۔،

  • گلےکاٹنےوالےطالبان نہیں ظالمان ہیں، الطاف حسین

    گلےکاٹنےوالےطالبان نہیں ظالمان ہیں، الطاف حسین

    کراچی: الطاف حسین کہتے ہیں تحریک انصاف اورپیپلزپارٹی نے فوجی عدالتوں کی حمایت کی تھی لیکن اب انہوں نے مؤقف تبدیل کرلیا،یہی حالات رہے تو ملک میں مارشل لاکوآنے سے کوئی نہیں روک سکے گا۔

    علماو مشائخ سے خطاب میں ایم کیوایم کے قائد الطاف حسین کاکہناتھافوجی عدالتوں کی حمایت اس شرط پرکی تھی کہ کالعدم جماعتوں کیخلاف کارروائی کی جائے گی لیکن اب تحریک انصاف اور پیپلزپارٹی نے مؤقف تبدیل کرلیاہے، الطاف حسین نے کہا بچوں کوقتل اور مساجد کودھماکوں سے اڑنے والے طالبان انسانوں کے روپ میں حیوان ہیں مسلح افواج ان کیخلاف بھرپورکارروائی کررہی ہے۔الطاف حسین نے کہا کہ گلےکاٹنےوالےطالبان نہیں ظالمان ہیں۔

     قائد کے ایم کیوایم نے کہا کہ دہشت گردی کیخلاف جنگ کی نذر ہونے والے پاک فوج کے جوانوں کوشہید تصورنہ کرنے والوں کے سوشل بائیکاٹ کااعلان بھی کیا، الطاف حسین کاکہناتھا اب تک وزیراعلیٰ سندھ ٹمبرمارکیٹ کادورہ نہیں،انہوں نے ٹمبرمارکیٹ آتشزدگی کی تحقیقات کامطالبہ بھی کیا۔

    الطاف حسین نے کہا کہ ٹمبرمارکیٹ میں آگ لگنے کے واقعے کی تحقیقات کرائی جائے کہ آگ لگی یا لگائی گئی ہے؟۔ دیکھناچاہیےکہ انارکلی یا ٹمبرمارکیٹ میں کوئی کیمیکل تو استعمال نہیں ہوا، ایم کیوایم کے قائد نے کہا کہ اب تک وزیراعلیٰ سندھ نےٹمبرمارکیٹ کا دورہ نہیں کیا اور نہ ہی آصف زرداری کی جانب سے ٹمبرمارکیٹ متاثرین کیلیے افسوس کاپیغام آیا، جو انتہائی افسوس ناک ہے۔