کراچی: متحدہ قومی موومنٹ کے قائدالطاف حسین نے لاہورمیں انارکلی بازار میں ہولناک آتشزدگی سے متعددافرادکے جاں بحق ہونے پر دلی افسوس کا اظہار کیا ہے۔
الطاف حسین نے کہاکہ ہولناک آتشزدگی کے واقعہ میں اس قدربڑی تعدادمیں شہریوں کی ہلاکتوں سے ہردل دکھی اور افسردہ ہے، الطاف حسین نے مطالبہ کیاکہ سانحہ کی تحقیقات کرائی جائے اور اس کےاسباب کاپتہ چلایاجائے اورمتاثرین کے نقصانات کا ازالہ کیا جائے، انہوں نے کہا کہ وہ اور ان کے تمام ساتھی سانحہ میں جاں بحق ہونےوالوں کےلواحقین کےغم میں برابرکےشریک ہیں۔
کراچی: ایم کیوایم کے قائدالطاف حسین کاکہناہے سانحہ ٹمبر مارکیٹ پرحکومت سندھ کونااہلی ایوارڈ ملناچاہئے۔
سانحہ ٹمبر مارکیٹ پر وفاقی وزیرخزانہ اسحاق ڈار نے ایم کی ایم کے قائد الطاف حسین سے ٹیلی فونک رابطہ کیا ہے، الطاف حسین نے وفاقی وزیرخزانہ سے گفتگو میں کہاکہ سندھ حکومت متاثرین کی مدد کے بجائے وضاحتیں کررہی ہے، صوبائی حکومت اور شہری انتظامیہ مجرمانہ غفلت کامظاہرہ نہ کرتیں تو شہریوں کی املاک کو بچایاجاسکتا تھا۔
الطاف حسین نے کہاکہ کراچی میں فائر بریگیڈ جدید گاڑیوں اور جدید آلات سے محروم ہے، اس سلسلے میں صوبائی حکومت کے ساتھ ساتھ وفاقی حکومت بھی خصوصی فنڈز فراہم کرے۔
اسحاق ڈار نےالطاف حسین کو یقین دلایا کہ وفاقی حکومت متاثر ین کی ہرممکن مددکرے گی، انہوں نے بتایا گزشتہ سال سندھ حکومت کو این ایف سی ایوارڈ کی مدد میں سولہ فیصد اضافی فنڈز فراہم کیے گئے یہ سندھ حکومت کی ذمہ داری ہے کہ وہ ان فنڈز کو استعمال کرے ۔
لندن :متحدہ قومی موومنٹ کے قائدالطاف حسین نے گورنر سندھ ڈاکٹرعشرت العباد خان کوبطورگورنرسندھ کے12 سال مکمل ہونے پر دلی مبارکباد پیش کی ہے۔
ایک بیان میں الطاف حسین نے کہاکہ ڈاکٹرعشرت العباد ، پاکستان کے پہلے، براعظم ایشیا کے دوسرے اور دنیا بھر میں تیسرے گورنر ہیں جو طویل عرصہ سے گورنرکے منصب پرفائز ہیں۔
گورنر سندھ ڈاکٹرعشرت العباد نے مسلسل 12 سال تک گورنرکے منصب پر رہتے ہوئے سب سے زیادہ عوامی مسائل سنے اورانہیں حل کرنے کی حتی المقدور کوششیں کیں۔
الطاف حسین نے کہاکہ گورنر سندھ نے صوبے کے عوام کے درمیان بھائی چارے کے فروغ اور ملک کی ترقی وخوشحالی کیلئے محنت ولگن سے کام کرتے ہوئے بہتر کارکردگی کامظاہرہ کیا ہے جس پر میں انہیں دلی مبارکباد پیش کرتا ہوں ۔
الطاف حسین نے دعا کی کہ اللہ تعالیٰ گورنر سندھ ڈاکٹر عشرت العباد کو صحت وتندرستی عطا فرمائے اور انہیں اسی طرح اپنے فرائض منصبی دیانتداری سے ادا کرنے کی توفیق دے۔
لاہور: وفاقی وزیرِریلوے خواجہ سعد رفیق نے کہا ہے کہ فوجی عدالتوں کے قیام کا فیصلہ کسی ڈکٹیٹرکا نہیں بلکہ تمام سیاسی جماعتوں کا متفقہ ہے دہشت گردخارجی ہیں جنھیں معاف نہیں کیا جائے گا۔
لاہور میں ہزارہ ایکسپریس کے نئے روٹس کے افتتاح کے بعدمیڈیا سے گفتگو کرتے ہوئے خواجہ سعد رفیق نے کہا کہ ڈکٹیٹروں نے مخالفین سے انتقام لینے کے لیے ماضی میں فوجی عدالتیں بنائیں مگر اس بار یہ فیصلہ کسی ڈکٹیٹر نے نہیں بلکہ تمام سیاسی جماعتوں نے کیا ہے جسے اسپیڈی ٹرائل ،اسپیشل کورٹ یا فوجی عدالتوں میں سے جو نام دینا چاہیں دے دیں۔
انہوں نے کہا کہ قوم اس وقت حالت جنگ میں ہے اور قومیں ایسے مواقع پر سخت فیصلہ کرتی ہیں دہشت گرد خارجی ہیں جن کے خاتمے کے لیے حکومت سے جو کچھ بن پائے گا وہ کریں گے۔
خواجہ سعد رفیق کا کہنا تھا کہ الطاف حسین کی جانب سے مارشل لاء کی بات کرنا انتہائی غیر مناسب ہےدہشت گردی کے خلاف حکومت اپوزیشن اور فوج اکٹھی ہے تو کچھ لوگوں کے پیٹ میں درد ہورہا ہے
کراچی : ایم کیو ایم کے قائد الطاف حسین نے کہا کہ فوجی عدالتیں لگانی ہے تو اس سے بہتر مارشل لاء کا اعلان کردیا جائے، آرمی چیف جنرل راحیل شریف 2سال کے لیےملک کی کمان سنبھال لیں۔
کراچی میں متحدہ قومی مومنٹ کے قائد الطاف حسین پریس کانفرنس کرتے ہوئے کہا کہ فوجی عدالتیں لگانی ہیں تو اس سے بہتر ہے کہ مارشل لاء کا اعلان کردیا جائے، الطاف حسین نے کہا کہ دنیا میں جتنے انقلاب آئے ہیں اس میں فوج کے افسران یا سپاہیوں کا ہاتھ رہا ہے ۔ کمال اتاترک ، فرانس اور امریکہ میں آزادی اور انقلاب لانے والے فوجی تھے، کیوبا میں انقلاب لانے والے بھی فوجی تھے۔
ایم کیو ایم کے قائد نے چیف آف آرمی اسٹاف جنرل راحیل شریف سے مطالبہ کرتے ہوئے کہا کہ آپ دو سال کے لئے ملک کی کمان سنبھال لیں،ایسا مارشل لاء لگائیں کہ چوری کرنے والے سے ایک ایک پیسہ وصول کیا جائے، جنرل راحیل شریف کے بھائی کو نشان حیدر ملا ہے ۔ راحیل شریف ایک بہادر فوجی ہیں۔
الطاف حسین کا کہنا تھا کہ ایم کیو ایم کو بُری جماعت کہا جاتا ہے ، ہمارے اپنے ہی ملک میں شہدا کے جنازے نکالنے مشکل ہوگئے ہیں، اس کے باوجود بھی ہم نےپاکستان زندہ باد کے نعرے لگائے، مہاجروں کی وفاداری مشکوک ہوجاتی ہے،کئی دفعہ سوچتےہیں کہ کیوں ہندوستان چھوڑا ،ہمیں آج بھی مہاجر کہا جاتا ہے، ہم نے خود کو سندھی کہنا نہیں چھوڑا،جب 2روٹیاں بانٹنےکاوقت آیاتوبھکاری کہہ کرہٹادیاگیا۔
انہوں نے کہا کہ اکیلے پاکستان کو دنیا کی کوئی فوج نہیں بچا سکتی، میرےاس بیان کوکہاجائےگاکہ میں مارشل لاء کی حمایت کررہاہوں، انہوں نے پریس کانفرنس میں موجود صحافیوں اور اکابرین سے سوال پوچھتے ہوئے کہا کہ مجھے بتائیں پاکستان میں کون کسی ایسی پارٹی ہے جس نے ملک کو نہ لوٹا ہو ۔
لندن: ایم کیوایم کے قائد الطاف حسین آج سہ پہر ساڑھے تین بجے لال قلعہ گراؤنڈ عزیزآباد میں اہم ہنگامی پریس کانفرنس سے خطاب کریں گے۔
ایم کیوا یم اعلامیہ کے مطابق قائدِ تحریک الطاف حسین نے 19، دسمبر 2014ء کو سانحہء پشاور کے شہداء کے لواحقین سے اظہارِ یکجہتی کے لئے کراچی میں ایک بڑی قومی یکجہتی ریلی سے خطاب کیا تھا۔
جس میں انہوں نے مولانا عبدالعزیز کی گرفتاری ، لال مسجد کو ڈھانے یا جلانے اور مدرسہ حفصہ کو بند کرنے کا مطالبہ کیا تھا۔
اس مطالبے پر بعض سیاسی اور مذہبی رہنماؤں ، تجزیہ نگاروں، اینکر پرسنز نے شدید اعتراضات کئے ہیں، الطاف حسین ہنگامی پریس کانفرنس میں ان تمام اعتراضات کا جواب دیں گے۔
کراچی: متحدہ قومی موومنٹ کے قائد الطاف حسین نے ارباب اقتدار اور اختیار سے مطالبہ کیا ہے کہ مدرسہ حفصہ کی مظلوم بچیوں کو بازیاب کراکر ان کے والدین کے حوالہ کیاجائے۔
ایم کیوایم کے قائد الطاف حسین نے کہا ہے موجودہ حالات میں ملک کے مدرسے خصوصاَ مدرسہ حفصہ میں پڑھنے والی بچیاں اور ان کے والدین پریشانی کا شکار ہیں،ان کا کہنا تھا موجودہ حالات کے سبب والدین نے مدرسہ حفصہ میں اپنی بچیوں سے ملنے کی درخواست کی تو مدرسہ کی پرنسپل ام حسان اور ملاعبدالعزیز نے والدین کو ان کی بچیوں سے ملاقات کی اجازت دینے سے صاف انکار کردیا۔
الطاف حسین کا کہنا ہے مظلوم بچیوں نے متعدد بار اپنے والدین کو فون کرکے بتایا کہ وہ اپنے ماں باپ سے ملاقات کیلئے جب بھی مدرسے کے ذمہ دارلوگوں یا ذمہ دار خواتین سے بات کرتی ہیں تو انہیں ملاقات کی اجازت نہیں دی جاتی۔
الطاف حسین نے وزیراعظم پاکستان محمد نوازشریف، وفاقی وزیرداخلہ چوہدری نثارعلی خان، چیف آف آرمی اسٹاف جنرل راحیل شریف اور آئی ایس آئی کے چیف جنرل رضوان اخترسے مطالبہ کیا کہ مظلوم بچیوں کو مدرسہ حفصہ سے فی الفور بازیاب کرواکر ان کے والدین کے حوالہ کیاجائے ۔
الطاف حسین نے میڈیا ، انسانی حقوق اورسول سوسائیٹی کی انجمنوں سے بھی مدرسہ حفصہ کی بچیوں کی بازیابی کیلئے آواز بلند کرنے کی درخواست کی ۔
کراچی: حیدرعباس رضوی نے کہا کہ برقعہ پہن کر فرار ہونے والے اور بچوں کو جہاد کے نام پر دہشت گردی سیکھانے والوں پر دھمکیاں اچھی نہیں لگتی۔
کراچی پریس کلب پر احتجاجی مظاہرے کے دوران متحدہ قومی موومنٹ کے رہنما حیدر عباس رضوی کا کہنا تھا کہ ایم کیوایم واحدجماعت ہےجس نےشہدائےپشاورکیلئےعظیم الشان ریلی نکالی، جب قاتلوں کانام لینےکی باری آتی ہےتوزبان پرتالےلگ جاتےہیں۔
انہوں نے مولانا عبدالعزیز کو مخاطب کرتے ہوئے کہا کہ آپکےپاس چندہزارلوگ ہیں،قائدتحریک کےکروڑوں چاہنےوالےہیں، الطاف حسین کروڑوں لوگوں کی دھڑکن ہیں، جب بھی عوام کےدل کوٹھیس پہنچتی ہےیہاں جمع ہوتےہیں۔
حیدر عباس رضوی نے کہا کہ علماء شائستہ ہوتےہیں مگرعبدالعزیزنےبازاری زبان استعمال کی،مولاناعبدالعزیزنےقائد تحریک کوقتل کی دھمکی دی، جو زبان مولاناعبدالعزیزنےاستعمال کی وہ کسی کوزیب نہیں دیتی۔
ان کا کہنا تھا کہ پورےپاکستان کوکراچی چلاتاہےاورکراچی پاکستان کا معاشی حب ہے، ایساکوئی کام نہ کیاجائےجس سےکراچی کوچلانامشکل ہوجائے۔
کراچی: دہشت گردوں کی حمایت کرنے اور الطاف حسین کو ویڈیو بیان میں دھمکی دینے پر مولانا عبدالعزیز کے خلاف ایم کیو ایم نے کراچی سمیت ملک بھر میں احتجاجی مظاہرہ کیا۔
ایم کیو ایم نے لال مسجد کے خطیب مولانا عبدالعزیز کے بیان کو دھمکی آمیز اور شرمناک قرار جبکہ طالبان اور داعش کی حمایت کرنے اور الطاف حسین کو دھمکی دینے پر شدید مذمت کرتے ہوئے مسجد حفصہ کو بند اور مولانا عبدالعزیز کی گرفتاری کا مطالبہ کردیا۔
ایم کیو ایم کی جانب سے کراچی سمیت سکھر لاڑکانہ، نوابشاہ، حیدرآباد، لاہور، اسلام آباد سمیت ملک بھر میں احتجاجی مظاہرے کیے گئے۔
مظاہرے میں خواتین اور بچے بھی شامل تھے، جبکہ مظاہرین سے خطاب کرتے ہوئے رہنماوٴں کا کہنا ہے کہ لال مسجد کے خطیب مولانا عبدالعزیز اپنے نازیبا الفاظ واپس لیں، اور قائد تحریک الطاف حسین سے معافی مانگے۔
اس موقع پر خطاب کرتے ہوئے رابطہ کمیٹی کے رکن قمر منصور کا کہنا تھا کہ ہم چاہتے ہیں مولانا عبدالعزیز کو گرفتار کیا جائے، ایم کیو ایم امن پسند جماعت ہے، ہم نے قانونی طریقہ اختیار کیا، ایف آئی آر درج کرائی، طالبان کی حامی جماعتوں کو کیفر کردار تک پہنچایا جائے، مظاہروں کا سلسلہ جاری رکھیں گے۔
ایم کیو ایم کے رہنما فیصل سبزواری کا کہنا تھا کہ کراچی سے خیبر تک متحدہ طالبان اور ڈنڈا بردار شریعیت کے خلاف تھی اور رہے گی۔
بابرغوری نے کہا کہ کمیٹیوں سے مسئلہ حل ہونے والا نہیں،قوم پاک افواج کی جانب دیکھ رہی ہے۔
احتجاجی مظاہرے میں مولانا عبدالعزیز اوردہشت گردی، طالبان اور داعش کے لٹریچر کی تعلیم دینے والے مدرسوں کے خلاف کارروائی کرنےکے لیےچھ نکاتی قرار داد بھی پیش کی گئی۔
کراچی : متحدہ کے قائد الطاف حسین نے پشاور کے اسکول میں بدترین دہشت گردی کی حمایت کرنے پر مولانا عبدالعزیز کی گرفتاری اور جامعہ حفصہ بند کرنے کا مطالبہ کردیا۔
سانحہ پشاور کے شہداء اور پاک فوج سے اظہار یکجہتی کیلئے کراچی میں ایم کیو ایم کی جانب سے ریلی کا انعقاد کیا گیا، اس موقع پر عوام سے خطاب کرتے ہوئے الطاف حسین نے کہا کہ پشاور میں معصوم بچوں اور اساتذہ کا خون بہایا گیا، شہیدوں کو تمہیں خراج عقیدت پیش کرتا ہوں اور شہیدوں کے لواحقین سے دلی تعزیت کا اظہار کرتا ہوں۔
انہوں نے کہا کہ آج تمام قومیتوں کے لوگ ریلی میں موجود ہیں، آج کی ریلی ایم کیو ایم کی نہیں قومی یکجہتی پاکستان ریلی ہے، معصوم پھولوں کے خون نے پاکستان کو متحد کردیا، طالبان طالب کی جمع ہے جو علم حاصل کرتے ہیں، یہ کیساعلم ہے جو معصوم بچوں کی گردنیں کاٹتا ہے، پاکستان کو طالبان سے نجات دلانا ہوگی۔
الطاف حسین کا مزید کہنا ہے کہ علم کو مارنے والے دہشت گردوں کو ختم کریں گے، ہم مریں گے لیکن دہشت گردوں کا بھی خاتمہ کردینگے، آپریشن ضرب عضب کا دائرہ پورے ملک میں پھیلایا جائے، اسلام کے نام پر قتل کرنیوالے مسلمان نہیں۔
ایم کیو ایم کے قائد نے پشاور کے اسکول میں معصوم بچوں کو شہید کرنے والے دہشت گردوں کی حمایت کرنے پر مولانا عبدالعزیز کی گرفتاری، جامعہ حفصہ کو بند کرنے اور لال مسجد کو گرانے کا بھی مطالبہ کردیا، انہوں نے کہا کہ اسلام کے نام پر بچوں کو قتل کرنے والے مسلمان نہیں، یہ اللہ کے دین کے دشمن اور منافقین ہیں۔