ARYNews.tv | Urdu – Har Lamha Bakhabar

Tag: altaf hussian address today

  • کراچی: الطاف حسین کارکنوں سے آج ٹیلی فونک خطاب کرینگے

    کراچی: الطاف حسین کارکنوں سے آج ٹیلی فونک خطاب کرینگے

    کراچی :متحدہ قومی موومنٹ کی رابطہ کمیٹی کے ترجمان قمر منصور نے کہا ہے کہ ایم کیوایم کے قائد الطاف حسین آج اہم اور فکر انگیز ٹیلی فونک خطاب کریں گے۔

    ایم کیو ایم کی رابطہ کمیٹی کے مطابق جناح گراؤنڈ میں الطاف حسین کے خطاب کے سلسلے میں انتظامات اور تیاریاں شروع کردی گئی ہیں ۔

    الطاف حسین کا خطاب ایم کیوایم کی رابطہ کمیٹی ، حق پرست سینیٹرز ، اراکین قومی وصوبائی اسمبلی ، ایم کیوایم کے مختلف ونگز و شعبہ جات کے اراکین اور سیکٹر و یونٹوں کے ذمہ داران وکارکنان سماعت کریں گے ۔

    اس موقع پر جناح گراؤنڈ میں فنکار ایم کیوایم کے تحریکی اور تنظیمی ترانے بھی گائیں گے۔

    دوسری جانب متحدہ قومی موومنٹ کے زیرِ اہتمام کراچی بھر میں جلد بارش کے لئے آج سہ پہر تین بجے نیوکراچی میں نماز استسقاء ادا کی جائے گی۔

    کراچی میں بارش کے نہ ہونے اور پانی کی شدید قلت کے خاتمے کے لئے نماز استسقاء کا اہتما م کیا جارہا ہے، اس اجتماع کا انقعاد متحدہ قومی موومنٹ کےارکان قومی و صوبائی اسمبلی کی جانب سے کیا گیا ہے۔

    نماز استسقاء کے اجتماع میں ایم کیو ایم کے ذمہ داران و کارکنان ، حق پرست ارکان اسمبلی ، عمائدین علاقہ اور حق پرست عوام بڑی تعداد میں شرکت کریں گے۔

  • داعش کاخطرہ پاکستان میں داخل ہوگیا، الطاف حسین

    داعش کاخطرہ پاکستان میں داخل ہوگیا، الطاف حسین

       کراچی: ایم کیوایم کے قائد الطاف حسین نے کہا کہ جنگجنو گروہ داعش پاکستان میں داخل ہو چکا ہے، صادق آباد سے اسلام آباد تک داعش کے بے پناہ جھنڈے ہیں۔

    ٹیلی فونک پریس کانفرنس کرتےہوئےالطاف حسین کاکہناتھاکہ داعش القاعدہ اور طالبان سے بھی زیادہ خطرناک ہے، طالبان بڑی تعداد میں داعش میں شمولیت اختیار کر رہے ہیں، صرف فوج ہی پاکستان کو نہیں بچا سکتی سب کو مل کر اپنا کردار ادا کرنا چاہیے۔

    متحدہ قائد کا کہنا تھا کہ 10 سال سے طالبانائزیشن کیخلاف آواز اٹھا رہا ہوں،انہوں نے آرمی چیف، آئی ایس آئی اور آئی بی چیف سے درخواست کر دی کہ تحقیقاتی اداروں کو فعل کیا جائے اور داعش کی کارروائیوں پر نظر رکھی جائے ۔۔

    الطاف حسین نے طاہر القادی اور عمران خان کو مخاطب کرتے ہوئے کہا کہ ملک اور عوام رہے گی تو سیاست بھی زندہ رہے گی، عمران خان اور طاہر القادری کی سیاست میں آنے سے قبل ہی جاگیر دارانہ نظام کیخلاف جدوجہد کر رہا ہوں۔

  • قائد الطاف حسین نائن زیرو پر ہنگامی پریس کانفرنس سے خطاب کریں گے

    قائد الطاف حسین نائن زیرو پر ہنگامی پریس کانفرنس سے خطاب کریں گے

    لندن:ایم کیو ایم قائد الطاف حسین آج  ہنگامی پریس کانفرنس سے خطاب کریں گے۔

    متحدہ قومی موومنٹ کے قائد الطاف حسین آج شام ساڑھے چار بجے نائن زیر و پر ایک ہنگامی پریس کانفرنس سے خطاب کریں گے ۔ایم کیوایم شعبۂ اطلاعات برطانیہ کے انچارج سید مصطفی عزیز آبادی کے مطابق الطاف حسین کی ہنگامی پریس کانفرنس کیلئے حیدرآباد زون میں بھی صحافیوں کے بیھٹنے اور رپورٹنگ کرنے کے انتظامات کئے گئے ہیں ۔

    مصطفی عزیز آباد ی نے تمام پرنٹ و الیکٹرونک میڈیا کے مدیران سے پر زور اپیل کی ہے کہ وہ قائد تحریک الطاف حسین کی ہنگامی پریس کانفرنس کی کوریج کیلئے اپنے فوٹو گرافر ،رپوٹرز ،نمائندگان اور کیمرہ مین کو مطلع کرکے شکریہ کا موقع دیں ۔