Tag: Altaf hussian condem

عوام جانوں کے تحفظ کیلئے گاڑیوں سے گیس سلنڈر نکال لیں،الطاف حسین

لندن :ایم کیو ایم کے قائد الطاف حسین نے اپیل کی ہے کہ عوام اپنی جانوں کے تحفظ کیلئے اپنی گاڑیوں سے گیس سلنڈر نکال کرانہیں دوبارہ پیٹرول یا ڈیزل پر منتقل کردیں۔

متحدہ قومی موومنٹ کے قائد الطاف حسین نے نوری آباد جامشورو میں سپرہائی وے پر مسافر وین میں سلنڈر پھٹنے کے نتیجے ہونے والے جانی نقصان پر دلی افسوس اورگہرے رنج وغم کا اظہار کرتے ہوئے عوام سے اپیل کی ہے کہ وہ اپنی جانوں کے تحفظ کیلئے اپنی گاڑیوں سے گیس سلنڈر نکال کرانہیں دوبارہ پیٹرول یاڈیزل پر منتقل کردیں۔

انہوں نے کہا کہ ناقص گیس سلنڈر اور ان کی تنصیب کے ناقص نظام کے باعث اس قسم کے اندوہناک حادثات میں مسلسل اضافہ ہورہا ہے۔

نوری آباد وین حادثے میں قیمتی جانوں کے نقصان پر ایم کیو ایم کے قائد الطاف حسین نے دلی افسوس کا اظہار کرتے ہوئے حادثے کے ذمہ داروں کو کڑی سزا دینے کا مطالبہ کیا۔

فروری 23, 2015
ایم کیوایم کا سانحہ بلدیہ رپورٹ پرعدالت جانےکا اعلان

کراچی: ایم کیوایم نےسانحہ بلدیہ ٹاؤن کی جےآئی ٹی رپورٹ کےخلاف عدالت جانےکااعلان کردیا، رابطہ کمیٹی نے پریس کانفرنس میں کہا کہ ایم کیوایم کےخلاف ریاستی آپریشن کی تیاری کی جارہی ہے۔

ایم کیوایم کے مرکزنائن زیرو پر پریس کانفرنس کرتے ہوئے ایم کیوایم رہنما خالد مقبول صدیقی کہنا تھا کہ ایم کیوایم کیخلاف شب خون مارنے کی تیاری کی جارہی ہے۔

اس موقع پر حیدرعباس رضوی نے کہا کہ ایک بار پھر ایم کیو ایم کیخلاف سازشیں شروع کر دیں گئیں ، سترہ برس سے ایم کیوایم کیخلاف میڈیاٹرائل جاری ہے،انہوں نے کہا کہ اس سے پہلے بھی ایم کیو ایم کیخلاف کئی جے آئی ٹی رپورٹس بنائی گئیں، جناح پور کی سازش کا الزام ایم کیو ایم پر لگا مگر کئی سال گزرنے کے بعد بھی یہ الزام ثابت نہیں کیا جا سکا مگر اس بنیاد پر ہمارے ہزاروں کارکن شہید ہوئے اور ہمیں ملک دشمن قرار دیدیا گیا۔

انہوں نے کہاکہ ماضی میں کسی چوردروازے سے رعایت حاصل نہیں کی عدالتوں میں مقدمات کاسامناکیا اوربری ہوئے۔ انہوں نے کہاکہ آئینی اورقانونی ماہرین صورتحال کودیکھ رہے ہیں ہوسکتاہے ہم خود عدالت سے رجوع کریں۔

حیدر عباس رضوی کا کہنا تھا کہ ایم کیو ایم پر میجر کلیم کیس کا جھوٹا الزام لگایا گیا جب کہ حکیم سعید قتل کیس میں عدالتوں میں جو کچھ ہوا وہ بھی سب جانتے ہیں، آج ہمارے خلاف بیانات طالبان سے تعلق والی جماعت اسلامی بیانات دے رہی ہے جس سے تعلق رکھنے والے وحید برادران ڈرون حملے میں مارے گئے جب کہ القاعدہ کا اہم ترین دہشت گرد خالد شیخ محمد جماعت اسلامی راولپنڈی کی نائب ناظمہ کے گھر سے ملا۔

انہوں نے کہا کہ تحریک انصاف کے چیرمین عمران خان اور شیریں مزاری کے بیانات پر بھی حیرانی ہوئی حالانکہ ان کے بیانات رکارڈ پر ہیں اور اسلام آباد دھرنے میں جو کچھ ہوتا رہا اس پر بھی بات کی جاسکتی ہے تاہم ہمارے قانونی اور آئینی ماہرین تمام صورتحال کاباریک بینی سے جائزہ لے رہے ہیں اور ہوسکتا ہے کہ ہم خود معاملے پر عدالت سے رجوع کریں۔

ایم کیوایم رہنما فاروق ستار نے کہا سیاسی مخالفین ایم کیوایم کودبانے کیلئے بے بنیاد جی آئی ٹی پیش کررہے ہیں، سنی سنائی بات کو جے آئی ٹی رپورٹ کا حصہ بنایا گیا جس کی قانون میں کوئی حیثیت نہیں۔

رہنماؤں کا کہنا تھا کہ ایم کیوایم اس بے بنیاد اور من گھڑت رپورٹ کو عدالت میں چیلنج کریگی۔

فروری 8, 2015
ایم کیوایم نے سانحہ بلدیہ کےملزم سےاظہار لاتعلقی کا اظہار کردیا

کراچی : متحدہ قومی موومنٹ کی رابطہ کمیٹی نے کہاہے کہ سانحہ بلدیہ ٹاوٴن میں ملوث سفاک درندہ صفت شخص کا ایم کیوایم سے کوئی تعلق نہیں ہے ۔

اپنے ایک بیان میں رابطہ کمیٹی نے اس بات کی سختی سے تردید کرتے ہوئے کہاکہ رضوان قریشی نامی فرد جس کے بار ے میں میڈیا میں یہ اطلاع آرہی ہے کہ مذکورہ فرد بلدیہ ٹاوٴن کی فیکٹری میں آگ لگانے میں ملوث ہے جبکہ اس شخص سے ایم کیوایم کا دوردور سے بھی کوئی تعلق نہیں ہے ۔

رابطہ کمیٹی نے کہاکہ پہلی بات تو یہ ہے کہ ایم کیوایم کے کارکنان کی تعداد لاکھوں میں ہے ، اس کی صفوں میں کوئی بھی داخل ہوکر اپنے آپ کو کارکن ظاہر کرسکتا ہے لیکن دوسری جانب ایم کیوایم میں دہشت گرد، بھتہ خوراور جرائم پیشہ عناصرکیلئے ”زیروٹولیرنس “ ہے۔

رابطہ کمیٹی نے میڈیا کے نمائندگان سے اپیل کی کہ وہ ایم کیوایم کی اس واضح تردید کے بعد ایسے ظالم ، سفاک اور جرائم پیشہ شخص کو نہ تو ایم کیوایم کا کارکن لکھا جائے اور نہ ہی بولا جائے، رابطہ کمیٹی نے حکومت سے مطالبہ کیا کہ سانحہ بلدیہ ٹاوٴن میں ملوث درندہ صفت ظالم شخص کو آئین اور قانون کے مطابق بلدیہ ٹاوٴن کے چوک پرپھانسی دی جائے ۔

فروری 7, 2015
تعلیم دشمن عناصر ملک کا مستقبل تاریک کرنا چاہتے ہیں، الطاف حسین

لندن: ایم کیو ایم کے قائد الطاف حسین نے کراچی میں اسکولوں پر کریکر حملے کی مذمت کرتے ہوئے کہا ہے کہ تعلیم دشمن عناصر ملک کا مستقبل تاریک کرنا چاہتے ہیں۔

قائدالطاف حسین نے کراچی میں گلشن اقبال بلاک 7 میں واقع اسکولوں بیکن ہائی اسکول اوربیکن لائٹ اسکول پر دہشت گردوں کی جانب سے دستی بموں کے حملوں کی شدید مذمت کی ہے، الطاف حسین نے کہا کہ پشاورمیں آرمی پبلک اسکول پر طالبان دہشت گردوں کے سفاکانہ حملے اورمعصوم بچوں کے قتلِ عام کے بعد دہشت گردوں کی جانب سے کراچی میں بھی اسکولوں پر دہشت گردوں کے حملوں کا خطرہ تھا لیکن اس کے باوجود بھی صوبائی حکومت کی جانب سے کراچی کے اسکولوں کے تحفظ اور کراچی کے اسکولوں کے معصوم بچوں کو دہشت گردوں کے حملوں سے محفوظ رکھنے کیلئے مناسب اقدامات نہیں کئے گئے اور آج درندہ صفت دہشت گردوں نے گلشن اقبال بلاک 7میں اسکولوں پر دستی بم پھینکے اور باآسانی فرار ہوگئے۔

الطاف حسین نے اسکولوں پر ان حملوں کی شدید مذمت کرتے ہوئے کہا کہ جو سفاک دہشت گرد اسلام کے نام پر اسکولوں کے معصوم بچوں کو اپنی دہشت گردی کانشانہ بنارہے ہیں وہ نہ اسلام کے دوست ہیں اورنہ ہی مسلمانوں کے بلکہ یہ سفاک عناصر انسانیت کے کھلے دشمن ہیں اوریہ عناصر کسی بھی قسم کی رعایت کے مستحق نہیں ہیں۔

الطاف حسین نے کہا کہ میڈیا پر آنے والی اطلاعات کے مطابق دہشت گردوں نے وہاں داعش کے ہینڈ بل بھی پھینکے ہیں، جوچیخ چیخ کر کراچی میں داعش کی موجودگی کاپتہ دے رہے ہیں لیکن ہمارے حکمران اب بھی حالتِ انکار میں ہیں۔

انہوں نے کہا کہ اگر خدانخواستہ کراچی کے کسی بھی اسکول پر آرمی پبلک اسکول حملے جیسا کوئی واقعہ ہوا تو حکمراں اس کے ذمہ دارہوں گے، الطاف حسین نے ایک بار پھر حکومت اور تمام قانون نافذ کرنے والے اداروں سے مطالبہ کیا کہ کراچی میں اسکولوں کے تحفظ کیلئے فی الفوراقدامات کئے جائیں، اسکولوں کے اساتذہ کو فی الفوراسلحہ کے لائسنس دیئے جائیں اور ریاستی وسائل کو بروئے کار لاکر ان دہشت گردوں کا قلع قمع کیاجائے۔

الطاف حسین نے بیکن ہائی اسکول اوربیکن لائٹ اسکول اوردیگرقریبی اسکولوں میں زیرتعلیم بچوں ، ان کے والدین اوران اسکولوں کی انتظامیہ سے ہمدردی کا اظہارکرتے ہوئے کہا کہ وہ اپنے آپ کو تنہا نہ سمجھیں، میں اور میرے ساتھی ان کے ساتھ ہیں۔

دوسری جانب ایم کیو ایم رابطہ کمیٹی کی جانب سے جاری بیان میں کہا گیا ہےکہ دہشتگردوں کی جانب سے اسکولوں پر حملے نے کراچی کے شہریوں کو شدید تشویش میں مبتلا کر دیا ہے۔

رابطہ کمیٹی نے وزیرِاعظم نواز شریف اور وفاقی وزیرِ داخلہ چوہدری نثار سے مطالبہ کیا کہ وہ اسکولوں پر کریکر حملے کا سنجیدگی سے نوٹس لیں اور کراچی سمیت ملک بھر میں اسکولوں، کالجوں ، یونیورسٹیوں اور دیگر تعلیمی اداروں کے طلبہ کی جان و مال کا تحفظ یقینی بنائیں۔

فروری 3, 2015
ایم کیوایم نےسندھ حکومت کاجوڈیشل کمیشن مسترد کردیا

کراچی:متحدہ قومی مومنٹ نےکارکنوں کےقتل پرسندھ حکومت کا بنایا گیا جوڈیشل کمیشن مسترد کردیا۔

متحدہ قومی مومنٹ کے رہنماء قمر منصور نے پریس کانفرنس کرتے ہوئے کہا ہے کہ کارکنان کی ہلاکت پر حکومت سندھ کی جانب سے ریٹائرڈ جج کی سربراہی میں جوڈیشل کمیشن مناسب نہیں۔

ان کا کہنا تھا کہ جوڈیشل کمیشن بنانا ہے تو حاضر سروس جج کی سربراہی میں بنانا ہو گا۔

اس موقع پر ایم کیو ایم کے رہنماء فاروق ستار نے کہا ہے کہ رینجرز 25 سال سے کراچی میں ہے یہ جزوی مارشل لا ہے، ٹارگٹڈ آپریشن سے کہیں بہتری آئی بھی تو باقی جگہوں پر صورتحال ابتر ہو گئی۔

واضح رہے گزشتہ روز کراچی میں ایم کیو ایم کے کارکن سہیل احمد اور فراز عالم کے قتل کی تحقیقات کے لئے وزیر اعلیٰ سندھ نے عدالتی کمیشن تشکیل دیا تھا اور جسٹس ریٹائرڈ غلام سرور کو عدالتی کمیشن کا مقررہ کیا گیا تھا۔

فاروق ستار نے کہا کہ صرف دو کارکنان کے قتل پر ہی جوڈیشل کمیشن کا قیام نہیں بلکہ بیس کارکنان لاپتہ اور چھتیس ماورائے عدالت قتل ہیں،اسکی بھی انکوائری ہونی چاہیے ، متحدہ نے حکومت اور آرمی چیف سے مطالبہ کیا کہ قتال فی سبیل للہ کا درس دینے والوں،طالبان سے مذاکرات اور انکو بھائی کہنے والوں کے خلاف بھر پور کارروائی کرنا ہوگی۔

جنوری 31, 2015
الطاف حسین ایم کیوایم سےعلیحدہ ہونے کے فیصلے پرقائم

کراچی: ایم کیوایم کے قائد الطاف حسین نے کہا ہے کہ کچھ لوگ کہتے ہیں ایم کیوایم اچھی ہے ، لیکن مائنس الطاف حسین کے ساتھ ، آصف زرداری پر بری وقت آیا تو میں نے ساتھ دیا ۔

نائن زیروپرکارکنوں سے ٹیلی فونک خطاب میں الطاف حسین کاکہنا تھاکل حیدرآباد یونیورسٹی کےافتتاح کے بعد علیحدہ ہوجاؤں گا۔ الطاف حسین کاکہناتھا کہ آصف زرداری پر جب برا وقت آیا تو پیپلزپارٹی کی قیادت چھپ گئی ، برے وقت میں صرف میں نے ان کا ساتھ دیا جس کاصلہ امن کمیٹی بناکر دیاگیا۔

انہوں نے کہاکہ ذوالفقارمرزا نے امن کمیٹی کو اپنے بچے قرار دیا، مہاجروں کو بسوں سے اتار کر لیاری لے جایاگیااور ان پر تشدد کیاگیا۔

الطاف حسین کا کہنا تھا کہ ذوالفقار بھٹو کے دور میں 10 سال کے لیے نافذ ہونے والا کوٹہ سسٹم آج تک جاری ہے لیکن ہم نے پیپلزپارٹی کے خلاف کوئی مہم نہیں چلائی جب کہ پی پی والوں نے ہمارے کارکنوں پر شدید تشدد کرکے انہیں قتل کیا، سندھ میں مہاجروں پر ہر جگہ تعلیم اور ملازمت کے لیے دروازے بند کردیئے گئے۔

انہوں نے کہا کہ جب میں نے کراچی میں طالبانائزیشن کی بات تو میری مخالفت کی گئی، وزیراعلیٰ سندھ اور ان کے وزرا نے میری باتوں کو رد کردیا۔

انہوں نے کہاکہ کراچی میں آپریشن کے نام پر کارکنوں کو ماورائے عدالت قتل کیا جا رہا ہے۔ متحدہ کے قائد نے سابقہ ادوار میں پیش آنے والے واقعات کا ذکر کرتے ہوئے کہاکہ ماضی میں مجھے خریدنے کی کوشش کی گئی ، مگر میں نے انکار کر دیا۔

الطاف حسین نے کہا کہ کارکنوں کو ہمیشہ حب الوطنی کا درس دیا لیکن اگر اسی طرح لاشیں گرتی رہیں تو کارکنوں کا دماغ بھی گھوم سکتا ہے، ایم کیوایم کے قائد نے کہا کہ کراچی آپریشن میں ماورائے عدالت قتل ہو رہے ہیں، جن پر الزام ہے انہیں پکڑیں لیکن مارنے کی اجازت نہیں دی جا سکتی۔

الطاف حسین نے کہا سہیل احمد قتل ہو گیا، شہدا قبرستان بن گیا لیکن ایم کیو ایم کو ختم نہیں کیا جا سکا۔ ٹرائیکا بنا ہوا ہے کہ مال بناؤ اور متحدہ کے کارکنوں کو ٹھکانہ لگاؤ، الطاف حسین نے کہا کہ ان کی جدوجہد وڈیروں اور جاگیرداروں کے خلاف ہے۔

جنوری 29, 2015
ایم کیوایم کے کارکن کا قتل ، وفاقی حکومت کا ایم کیو ایم سے رابطہ

کراچی: ایم کیوایم کے کارکن سہیل احمد کے قتل پر ایم کیوایم نے یوم سوگ اور ہڑتال کا اعلان کیا تو وفاق اور سندھ کے حکمران حرکت میں آگئے ۔

وفاقی وزیر داخلہ چوہدری نثار نے گورنر سندھ ڈاکٹر عشرت العباد کو فون کرکے ایم کیوایم کے کارکن کے قتل پر افسوس کا اظہار کیا ، وزیر داخلہ نے گورنر سندھ کو ذمہ داروں کے خلاف کارروائی کی یقین دھانی کروائی ۔

چوہدری نثار نے ڈی جی رینجرز اور آئی جی سندھ سے بھی واقعے کی تفصیلات طلب کرلیں ہیں ۔

دوسری جانب وفاقی وزیر خزانہ اسحاق ڈار نے بھی ایم کیوایم کے رہنما بابر غوری سے فون پر رابطہ کرکے کارکن سہیل کے قتل پر افسوس کا اظہار کیا ۔

اسحاق ڈارکا بابر غوری سے کہنا تھا وزیر اعظم نے ایم کیوایم کے کارکن کا قتل نوٹس لے لیا ہے، ذمہ داروں کے خلاف کارروائی کی جائے گی ۔

وزیر اعظم کے معاون خصوصی امتیاز شیخ نے بھی بابر غوری کو فون کرکے ایم کیوایم کے کارکن کے قتل پر افسوس کا اظہارکیا۔

جنوری 28, 2015
سانحہ پشاور پرکسی مذہبی جماعت نے احتجاج نہ کیا، الطاف حسین

کراچی: ایم کیو ایم کےقائدالطاف حسین نےکہاہےکہ سرکار دوعالم ﷺکو اللہ نے جو درجہ دے دیا کسی کے بے حرمتی کرنے سےاس میں کمی نہیں آسکتی، یہ کس حدیث میں لکھا ہے کہ چارلی میگزین کے خلاف مظاہرے کرکے ایک دوسرےکا قتل کیاجائے۔

ایم کیوایم کےزیراہتمام بدلتی صورتحال اوراتفاق بین المذاہب کےعنوان سےمکالمے میں الطاف حسین کاکہناتھاکہ ہر مذہب میں کوئی نہ کوئی بزرگ ہوتا ہے اسی طرح ہمارے مذہب میں سرکار دوعالم ﷺہیں۔

الطا ف حسین نے کہا کہ اگر پاکستان میں کسی نےتوہین رسالت مذمت کی تو سب سے پہلے ہم نے کی ، لیکن کوئی گاڑی نہیں جلوائی کوئی گولی نہیں چلوائی۔

ان کا کہنا تھا کہ کراچی لاہور کوئٹہ پشاور یا چاروں صوبوں میں ہم کریں تو کیا کریں کیسے سمجھائیں کہ ایک دوسرے کی جان اور مال کا تحفظ کرو،ایم کیو ایم قائدنے کہا کہ اللہ تعالیٰ قیامت کے روز مسلمان اورغیرمسلم کےحوالےسےفیصلہ کردےگا ۔

انہوں نے کہا کہ اللہ تعالی فرماتاہےجو لوگ ملک میں فساد کرتے پھریں انکی سزا ہےکہ انہیں سولی پر چڑھا دیا جائے۔

الطاف حسین نےکا کہنا تھا کہ ہمیں موجودہ حالات میں اتفاق سےرہناچاہیے، دہشتگردوں نے مساجد ، امام بارگاہوں، گرجوں، بازاروں اور پشاور کے معصوم بچوں پر حملے کئے جو افسوسناک ہے، دہشتگردی ایک لعنت ہے جسے جڑ سے اکھاڑ پھینکنے کے لئے سب کو متحد ہونا ہوگا۔

جنوری 17, 2015
توہین آمیزخاکوں کی دوبارہ اشاعت قابل افسوس ہے، الطاف حسین

کراچی: ایم کیوایم کے قائد الطاف حسین نے توہین آمیز خاکوں کی شدیدالفاظ میں مذمت کی ہے۔

متحدہ قومی مومنٹ کے قائد الطاف حسین نے توہین آمیزخاکوں کی دوبارہ اشاعت کو قابل افسوس قراردیا ہے۔

اے آروائی نیوز سے خصوصی گفتگو کرتے ہوئے الطاف حسین نے کہا کہ توہین رسالت کےہرواقعےپرہمارا جذبہ ایمانی بیدارہوجاتا ہے،لیکں جذباتی ردعمل کے بجائے ٹھوس بات کرنی چاہیے۔

الطاف حسین نےکہا کئی ممالک کےجرائدتوہین رسالت کےمرتکب ہوچکےہیں، ان کا کہنا تھا کہ او آئی سی کہاں ہے اور کس لاک اپ میں بند ہے وہ آواز کیوں نہیں اٹھاتی، الطاف حسین کا کہنا تھا کہ ہم نام نہاد مسلمان نہیں، قرآن اوررسول پریقین رکھتے ہیں۔

دوسری جانب ایم کیوایم کے قائد الطاف حسین نے گورنر ہاؤس کے قریب ایک اور سرکاری اسکول وائی ایم سی اے کے قبضے پرشدید مذمت کا اظہارکرتے ہوئے واقعہ کا نوٹس لےلیا، متحدہ کے قائدنے کہااسکول سے فوری طور پر لینڈ مافیاکاقبضہ واگزار کرایا جائے۔

انہوں نے کہا کہ بچوں کو تعلیم سے محروم رکھنے کی ساز ش میں ملوث عناصر کسی بھی قسم کی رعایت کے مستحق نہیں، الطاف حسین نے مطالبہ کیاقبضہ مافیاکے خلاف بلاامتیاز سخت ترین کارروائی کی جائے۔

جنوری 15, 2015
ملک بچانے کیلئے جماعت اسلامی پر پابندی لگائی جائے، الطاف حسین

کراچی : ایم کیو ایم کے قائد الطاف حسین نے کہا ہے ملک بچانے کیلئے جماعت اسلامی پر پابندی لگائی جائے۔

متحدہ قومی مومنٹ کے قائدالطاف حسین نے اپنے ایک بیان میں کہا ہے کہ گزشتہ ماہ پشاورکے آرمی پبلک اسکول میں ہونے والا اندوہناک سانحہ بھی قوم کو متحد نہ کرسکا ۔

الطاف حسین کا کہنا تھا امریکی وزیر خارجہ جان کیری نے انڈیا کے دورے میں اربوں روپے کی امداد دی لیکن پاکستان کو صرف 25کروڑ ڈالردیے جو دہشت گردی کی جنگ میں پاکستان کے نقصانات کے سامنے اونٹ کے منہ میں زیرہ دینے کے مترادف ہے۔

انہوں نے کہا کہ بھارت مستقل با رڈرز کی خلاف ورزی کرکے پاکستان کی سرحدوں کے اندر گولہ باری کر رہاہے ، لوگ شہید ہورہے ہیں لیکن اس پر امریکی وزیر خارجہ نے مذمت کا اظہار تک نہیں کیا۔

الطاف حسین کا کہنا تھا طالبان اور داعش کے لوگ جماعت اسلامی کے رہنماوں کے گھروں سے گرفتار ہو رہے ہیں، ملک بچانے کیلئے جماعت اسلامی پر پابندی لگائی جائے۔

جنوری 13, 2015