کراچی : ایم کیوایم کے قائد الطاف حسین نے کارکنوں کے اصرار پر پارٹی سے علحیدگی کا فیصلہ واپس لے لیا ہے۔
متحدہ قومی موومنٹ کے قائد الطاف حسین نے پارٹی قیادت سے علحیدگی کا فیصلہ ایک بار پھر واپس لے لیا، الطاف حسین نے دوبارہ قیادت سنبھالے کا فیصلہ کارکنوں کے بے حد اصرا پر کیا۔
اس سے قبل رات گئے متحدہ کے قائد نے نائن زیرو پر پارٹی زمہ داران کا ہنگامی اجلاس میں پارٹی زمہ داران کو قیادت چھوڑنے کا فیصلہ سنایا تھا، الطاف حسین کا کہنا تھا کہ اب وہ قیادت کا بوجھ نہیں اٹھا سکتے، ذمہ داران کو آج ہی نئی قیادت کا انتخاب کرنا ہوگا اور فاروق ستارکی جانب اشارہ کرتے ہوئے کہا کہ وہ سنیئر ارکان میں سے ہین۔
الطاف حسین اس سے پہلے بھی کئی بار پارٹی قیادت سےعلحیدگی کا اعلان کرکے کارکنوں کے بے حد اصرار پر فیصلہ واپس لے چکے ہیں۔
الطاف حسین کے قیادت چھوڑنے کے اعلان پر ایم کیو ایم کے ارکان اسمبلی نے بھی استعفیٰ دینے کا اعلان کردیا تھا۔
الطاف حسین نے کہا کہ قیادت سے دستبرداری کے بعد کوئی گالی بھی دے تو افسوس نہیں رہے گا، انکا کہنا تھا کہ انہوں نے آخری بار خطاب کی زحمت دی ہے، مجھ پرعمران فاروق اورعظیم طارق کے قتل کا الزام لگایا گیا۔
نائن زیرو پر خطاب کرتے ہو ئے ایم کیو ایم کے قائد الطاف حسین نےعمران خان کو شدید تنقید کا نشانہ بنایا۔
الطاف حسین کا کہنا تھا کہ این اے دو سوچھیالیس کا نتیجہ تبدیل کیا گیا تو پاکستان کے اختتام کے دن شروع ہو جائیں گے، عمران خان کے لگائے گئے تمام الزامات غلط ہیں۔
انکا کہنا تھا کہ عمران خان نے الزام لگایا کہ الطاف حسین ولی خان بابر کا قاتل ہے جب کہ وہ ولی بابر کو جانتے تک نہیں تھے۔
ایم کیو ایم کے قائد نے کہا کہ کارکنان کی خاطر25 سال سے جلاوطنی کاٹ رہا ہوں لیکن عمران خان مجھے کہتے ہیں کہ بزدل رہنماء ڈر کر لندن بیٹھا ہے، عمران خان نے دھرنے میں کہا تھا کہ تبدیلی آنے تک گھرنہیں جاؤں گا لیکن شادی کے بعد ان کا انقلاب اور کنٹینر دونوں غائب ہوگئے۔
انھوں نے کہا کہ عمران خان کو اُن کی دو گھنٹے تقریر کرنے پر اعتراض ہے، وہ بتائیں کہ میڈیا نے دھرنوں کی اتنی زیادہ کوریج کیوں کی۔
الطاف حسین نے کہا کہ بنی گالہ کے پاس عمران خان نے پی ٹی آئی کے کارکنوں کو پولیس پر تشدد کرکے چھڑالیا تھا کیونکہ شریف برادران کے بقول عمران خان کے پیچھے فوج کا ہاتھ ہے۔
الطاف حسین نے یمن کی صورتحال پر وزیرِاعظم سے آل پارٹیز کانفرنس بلانے کا مطالبہ کیا اور کہا کہ پاکستان نے پانچ جنگیں لڑیں لیکن کسی نے پاکستان کی مدد نہیں کی۔
